湘川滬 (粉嶺中心)

營業中

休息中

新年期間去拜年兼食晚飯，今年好多地方都訂座滿額，終於訂到粉嶺中心呢間川菜上海菜，一行十幾人訂咗7點半，最後等到8點幾先入到座。鮑汁花膠元蹄元蹄炆得好入味，唔會好油膩，肉質鬆軟。花雕醉雞+重慶口水雞花雕酒味好香，酒味唔重，調味合適。口水雞都幾辣，唔食得辣搞唔掂。雞係凍食肉質實淨有雞味。北京填鴨我地叫咗兩隻，份量好足，鴨皮有油香好飽滿，皮脆肉嫩。招牌松鼠鱸魚魚肉嫩滑，醬汁酸酸甜甜。酸菜魚魚肉正常，唔會好酸，唔太辣，薯粉好滑溜。紅燒獅子頭又係叫咗兩份，味道唔錯，可惜裏面有類似豬毛嘅嘢，夾一角都有幾條，我個人唔係好接受到，幾好食都無用。除咗獅子頭，其他餸菜都認真唔錯。Ps:高力豆沙賣晒無得食。

今日又過來食上海菜, 比安排坐卡位, 今次叫左一個砂鍋雲吞雞🐔, 一個蒜茸🧄炒福花菜, 一個三鮮炒拉麵, 叫左一壺人參烏龍🍵, 等左一陣, 蒜茸🧄炒福花菜先到, 好香蒜茸味🧄, d菜食落都好甜, 但忘記叫少油😅, 份量一般, 個碟就似乎太多油了😱, 再之後送來三鮮炒拉麵, 入面有雞肉🐔蝦🦐同花膠, 也是忘記少油😆都係比較多油🫣, 麵份量也唔少,味道都ok, 有d芽菜, 不過食落蝦🦐同雞肉🐔一d味道都無, 再之後送來一個砂鍋雲吞雞🐔, 雲吞有幾粒, 食落味道也ok, 有d旺菜🥬, d湯飲落都有味, 都唔算太肥, 雞🐔比半只, 味道還可以, 不過要去皮好d, 塊皮好厚🤣, 但飲完d湯都有d口渴, 之後店員送上兩碗陳皮紅豆沙🫘, 食到陳皮香味, 有d蓮子, 食落唔算好甜, 反而依個係最好😜, 整體味道都係屬於一般, 亦覺得款式選擇比較少😅, 不過叫做坐得舒服😊

好耐無來依度吃上海菜😋許多選擇, 有d心多😜, 叫左雞絲粉皮🐔, 小籠包😍, 火腿津白🐽🥬同嫩雞🐔煨麵🍜, 等左一陣送來雞絲🐔粉皮, 嘩, 好少見敢大碟😁, 上面有d青瓜絲🥒, 亦唔係用日式芝麻醬😄, 汁都好多😗可以完全包住d雞絲🐔同粉皮😜, 幾好食😗, 之後來火腿🐽津白, 都好大碟😛不過d金華火腿🐽勁咸, 係咸得過份誇張, 食左一件都唔敢再食😆😂, 之後再送來小籠包, 雖然凍左, 不過入面都食到好多湯汁👍味道唔錯, 再之後送來嫩雞🐔煨麵, 又係好大碗😀味道也不錯, 麵都好滑, 入面除左🐔雞絲, 另外有d冬菇同小棠菜粒😉, 原來最後埋單先知星期一至五有85折🤪唔怪之得坐滿人客啦😅😂

湘川滬真係一間好正嘅中菜館呀！😍🥢首先講價錢，真係平到你笑！💰😄 對於想食好嘢又唔想大出血嘅食客嚟講，呢度簡直係天堂！我個人推薦必食嘅有酸菜魚、水煮牛肉同埋小籠包。🐟🥩🥟 呢啲菜式嘅味道真係正宗到爆！👨‍🍳👌酸菜魚酸香開胃，啲魚新鮮又夠嫩滑，配埋香噴噴嘅酸菜，簡直係絕配！😋🐠水煮牛肉辣得過癮，啲牛肉嫩滑多汁，辣中帶香，真係食完都想再嗌多份！🌶️🤤至於小籠包，一啖咬落去湯汁四溢，皮薄餡靚，真係冇得輸！🥟💯講到環境，真係坐得幾舒服㗎！🏮🪑 裝修雖然唔係特別豪華，但係乾淨整潔，氣氛都幾好。侍應嘅服務都幾唔錯，態度親切又有禮貌，落單嘅時候仲會細心介紹，等你食得更加盡興。😊👍我可以話佢係我喺粉嶺最鍾意嘅川菜館啦！🏆🌶️ 每次去完都覺得超值，而且啲嘢食真係好好味！不過呢，因為佢位處火車站隔離，所以成日都好多客！🚉👥 尤其係晚飯時間，真係會坐都坐唔到㗎！所以我建議大家最好提前訂位啦，咁先可以保證有位食到。📞✅總之如果你想食正宗又抵食嘅川菜，又啱啱喺粉嶺呢邊，一定要去湘川滬試吓啦！😉👍 相信你一定會同我一樣愛上呢間小店㗎！❤️🍽️下次約朋友食飯，不如就去湘川滬啦！但記住要早啲book位呀！🕰️📅 我敢保證，你哋

平日lunch行經粉嶺，見到呢間酒樓有多種類食物，主打湘川菜，但餐牌同一般酒樓差吾多，有點心蝦餃燒賣，炒粉麵飯，午市有套餐幾吸引😆⭐️黃金蝦仁炒飯黃金即係咸蛋黃，蝦仁很少，好在有雞蛋同咸蛋黃一齊炒，無咩料😅😅好少餸，但叫做炒得正常，無咩油⭐️蝦餃蝦餃好大隻，賣相令，蝦彈牙爽口😆👍⭐️香煎蘿蔔糕十分普通，無咩蘿蔔絲，太多粉無料，要點醬料食😅⭐️生煎包無咩特別😅吾係脆皮底，只係普通一個包煎一煎個底。。不要有期望😅😅

今晚同同事食飯，大家都揀咗粉火隔離嘅湘川滬🤭除咗相入邊嗰兩度餸之外，我哋仲嗌咗香醋豬軟骨煲、火腿津白，上海回鍋肉粗炒、京蔥爆牛肉同高力豆沙。由於其他餸菜冇影相，我就係用文字描述一下啦🤭香醋豬軟骨煲真係必叫之選！佢原鍋直上，上菜時香噴噴；豬肉煮得好淋，軟骨亦都好好咬，送飯一流🤤🤤火腿津白啲菜煮得好入味👍🏿上海回鍋肉粗炒，粗炒出色好味。驚蔥爆牛肉啲牛肉都煮得好入味，亦都係送飯嘅一個好選擇。高力豆沙作為飯後甜品亦都不過不失，配埋佢嘅糖粉連埋豆沙一齊食，係好滿足嘅一餐。

好耐冇食過上海嘢，所以就約咗屋企人一齊去吓呢間上海嘢食啦，雖然唔係第一次食啦。我哋都係叫啲傳統嘅上海菜，例如炸銀絲卷，水晶肴肉，小籠包，嫩雞煨麵等等😀小籠包都算多汁。炸銀絲卷一貫嘅外脆內軟，幾好食。水晶肴肉，就鹹咗少少不過都好好味呀。嫩雞煨麵就清清地作為主食，幾好。我其實都好中意食上海野，由區內缺乏食上海嘢餐廳，所以呢間店經常都勁多人，人流多同埋比較短時間可以用膳。餐廳裏面嘅裝修都算可以，如果四個人就可以坐到卡位

有日，同朋友去粉嶺行完山，之後晩餐去了這間酒樓食晚飯！聽個名字還以為是食川菜！但我就覺得佢哋唔係主力做川菜！其實是做粵菜！或者是我誤會了！食物質素一般般，不過不失！但見侍應對街坊食客，公公婆婆幾有禮貌！

和家人去完和合石掃墓，中午諗住近近地返粉嶺揾嘢食，見到要間酒樓，終於揀咗這間湘川滬。中午時段原本打算飲茶，不過餐牌見到有些小菜就即管叫嚟試下，可惜實在未如理想。蒜泥白肉：最另人失望的一碟，肉只得幾塊放在上面，下面全是粉皮。肉又唔入味又韌，蒜又得少少，真心唔得。其實下面個粉皮幾好食，可惜我叫嘅係蒜泥白肉，唔係粉皮...雪菜肉絲炒年榚：淡淡地，唔算難食，不過肉絲少得過份，而且年榚太厚，好難咬。順德鯪魚球：這個值得一讚，雖然質感爭少少，但鯪魚球配上胡椒粉，實在不錯。至於其他，不過不失：

平時都會響粉嶺中心行吓，喺地下試過幾間餐廳後，今日想食下中菜就嚟到呢間湘川滬。一行四人有老有少，嗌咗幾樣嘢，滿心歡喜，因為好耐冇食過糖醋魚，見到又有松子加鱸魚嘅糖醋魚就點咗嚟食，可惜，麵粉包住鱸魚比較厚，唔適合老人家，因為好韌，雖然不嬲呢種係返炸嘅菜式，但太硬嘅話老人家會好難咬。小籠包及生煎包內裏嘅肉一樣，兩份小食味道都唔錯。回鍋肉嘅話，就好似上海菜一樣比較鹹及有少少辣。但係對擔擔面比較失望，原本擔擔麵嘅花生醬及花生不存在，反而係麻辣味較重，並非我哋一般食嘅上海擔擔麵，比較似川菜形式，老人家又唔可以食。上湯菜心，味道唔錯，值得一試。高力豆沙，媽媽話豆沙餡少咗啲，不過仍然有高力豆沙嘅味道

家人食生日飯，想食中菜，揀左一間好耐之前幫襯過一次，印象唔錯既一間餐廳。是日平日 大約7點多walk in，人客唔算多，可立即入座。有茶水招呼，家人很快點了幾道小菜。干燒明蝦球蝦球幾大粒 份量幾足4人食 味道可口 蝦肉爽脆肉碎炒干扁四季豆好大碟 幾惹味 送飯一流香煎菜肉包略嫌包底煎得不夠香脆 餡肉如果可以多汁啲會更好小籠包皮薄多汁 好食😋片皮鴨侍應會先把原隻燒鴨拎俾你睇 然後再切有位侍應在我地食緊其他小菜時 同我地講食飽左食片皮鴨無咁好食 但偏偏呢道菜卻最遲上😅（唔通攤凍已上左既餸唔食咩🙂）青瓜條切得幼身啲會更好 整道菜味道正常發揮 沒有什麼驚喜值得一提既係坐我地左右兩邊既客人見到我地既片皮鴨 都想order 但已沒有了 可能平日關係 所以店家沒有預備太多 所以想食最好提早訂（其實我地都無預訂 只係好彩叫到😛）椒鹽炒鴨件味道淡 沒有椒鹽應有既惹味 紅糖糍粑外脆內軟既糍粑配上紅糖也唔會太甜 但在另一間餐廳食過更好食的🙊整體來說都滿意既 值得一讚既係 過程中侍應見我地既枱有啲水/有餸汁整污糟左 會即刻幫手清理👍👍加分

做Asm辛苦，寫下食評治癒下：雲吞雞（半隻）啤酒藍妹（大支裝）鎮江肴肉切到長長方方 一舊都冇食 唔知味道如何😶松鼠鱸魚炸得幾唔錯 蕃茄🍅酸味✓京蔥爆牛肉小籠包（四隻×2）自從之前食完老北京（詳見之前食評）到而家都冇食過小籠包，個皮好薄✨👍🏼小心倒到啲湯出嚟！好怕D小籠包太辣 辣親嘴辣親條脷冇曬食嘅興致，好彩今次都唔會瑤柱蛋白炒飯麻麻北京填鴨（跟）薄餅16片推薦呀 屋企人都有好評👍🏼薄餅真係夠曬薄🤍兩片亦都唔會太黏 夾嘅時候唔會爛曬再配上條條青瓜 解濟✓炸銀絲卷唔啱我紅燒元蹄 食咗一個鐘，到最後先至加味咁heavy嘅餸💥要食下啲小白菜解濟😶😶最後再加個高力豆沙🟫🟨⬜姑姐心心念，非常鍾意食共12個餸😊

甚少於粉嶺搵食，家人突然想食小籠包就到這裡來，今次我才第二定唔知第三次幫襯。平日既8點晚飯時間，商場一流並不算多，這間餐廳的顧客也沒有很多，正好我比較喜歡清靜的環境。我跟家人進店並沒有人招呼，我地就隨意選了卡座，然而坐了幾分鐘旁邊的服務生都好似見我地唔到，我出聲說要餐牌，幾個店員才好像發現我地，亦隨即立刻馬上給了餐具餐牌同茶水。是晚點了五個菜。幾分鐘後就上了頭盤。1.花雕醉雞 $78份量大約¹／4隻雞，並不太入味，肉有點薄，有一點點肥，底層有汁醃住的就較入味，作為頭盤都幾開胃，這個我覺得合格，但仲有好大進步空間。2.松鼠鱸魚 $138賣相滿分，食慾大增，可惜魚應該炸定，不熱不脆，但整體還算合格，酸甜味道幾醒胃。3.四川擔擔麵 $53份量頗少，大約兩個碗仔就裝晒，它們的碗都幾大隻既，但份量好似偏少，一個人食可以，味道還好，不太咸，麻辣做底不太重，幾惹味，擔擔麵質感好食，似食拉麵有爽口彈牙既口感，味道上還算幾高分，只係同樣好似不夠熱，但我接受這個溫度，太熱食唔到，但大眾都應該期望是熱騰騰的。4.小籠包 $48還好，不過不失，但是醋多數都會配薑絲提味及劈走d雪藏肥豬肉味，同埋可以有解膩既作用

見到下午2點下午茶，38分先慢慢拎飛仔。點知大概45分有位丫姐衝出黎問”我係咪3位” 我答左係。跟住就叫我地入黎坐, 張枱同凳都仲有上手飯菜痴住，又污糟。坐低見時間差15分鐘，未到下午茶都問聲 “我地係想下午茶喎”。第一次問就話叫我地等到2點叫。跟住，第二位又話唔得，要入座計。我就覺得好嬲，相差10分鐘到，原本我都係出面等，係你地同事邀請我地入去坐先。有無講聲話入座計。完全想呃人快d入去，等你無得用下午茶價錢。最後，仲要趕左我出門口，叫我再慢慢排過。即刻無心情食，過左隔離鋪飲茶。起碼唔洗受氣。

話說今日突然興起想食小籠包，於是就行咗去呢度。入到去睇完個menu 以為係飲茶，原來後面嗰頁係有上海嘢食小籠包：出色！皮薄餡多汁，都好大隻回鍋肉炒雜菜：冇咩特別，少少偏咸酸辣湯一般般蒜泥白肉上海麵：麵比張較煙韌，有少少似讚岐烏冬配熱豆漿係免費，凍飲/其他要加$阿姐話冇熱豆漿，不過有凍㗎堝！即係要加$，其實係咪即係冇免費嘅嘢飲？😂識嘢過程， D阿姐一個企東、一個企西，全程好大聲喺度傾買唔買六合彩/琴晚食咩埋單問阿姐有冇雲閃付，佢又答我有，行到埋櫃檯又話冇！唔知阿姐係唔知咩叫雲閃付定係是但答輪到廚房，咁啱今日跑馬，大叫到成個廳面都聽到：「上」「上」「5號」呢個經歷真係不得了