湯加 (淘大商場2期)

營業中

休息中

豬軟骨撈公仔麵 配薯條多春魚$45已經好耐無食過餸咁多的麵，豬軟骨份量很多，足有半碗，平時好多時食50幾都只有三件左右😆而且味道很好，是日式豬軟骨那種軟糯的質感，黑醋骨的酸甜度剛好，是我喜歡的味道。😍公仔麵沒有煮壞，所以味道不錯。然後還配了一份薯條和兩條多春魚和飲品，這份量不算多但也有在餐廳加配小食的份量～而且味道都很不錯，吃下去我不會覺得太油，而且也很脆。要說缺點的話就是店小且舊，但也沒有髒之類，就是殘舊而已。整體來說就是cp值非常抵，份量足，味道好的一頓下午茶餐～

落單黑色衫帶口音既女人態度極差。落餐時個女人啲語氣態度係極度令人反感。個餐嚟錯仲要帶有諷刺性去質疑。結果當然係佢地廚房出錯啦，同佢講無餐具，佢居然叫我自己過隔離檯自己攞，埋單叫我自己攪。阿姐你地食飯唔係大哂，個場好似街市咁，啲雜物放哂係樓面，衛生又差，又無冷氣，啲經理樓面當係公園咁個個大大聲講鄉下話，大佬呀比啲服務態度，服務精神啦。啲樓面見到有熟人經過就出去同人傾計，個餐係咪等你傾完先出？總之奉勸大家唔好去。

今朝亞女話想出去食早餐，於是就近近地落樓下湯加食個快早餐然後去返學，阿女叫左佢嘅至愛沙茶牛肉煎焗流心蛋公仔麵配熱奶茶。牛肉有啲鞋口，絕對配唔上嫩滑呢個形容詞，流心蛋真係流心😂合格，公仔麵軟硬適中，抵讚👍👍不過個湯就冇咩味，再加埋杯奶茶一啲熱氣都冇而且茶味唔夠，整體上只係稱得上緊緊合格，應該冇下次。

經過淘大花園剛巧是下午茶時間，見這間餐廳下午茶都幾多選擇，可配各種餸的米線，選擇超過30款，有魚腐、貢丸、肉燕餃，連鮮牛肉、豬潤都有，其他下午茶餐也有雞髀、薯條、三文治等等豬軟骨菜飯🎉豬軟骨大大嚿煮得非常入味，多汁，撈飯很好，而且又可以選菜飯魚蛋魚腐米線🎊魚腐是這間餐廳的招牌菜，果然好味，豆味很香，魚蛋亦十分彈牙。我最欣賞的是個湯底，清得來有魚湯味，不會好味精的感覺，而且湯底加了芽菜，米線好多

由坐低到成功落單需時20分鐘？掃完code坐低員工冇行過埋嚟落單，叫係收銀機前面入緊單既嗰位姨姨幫我落單，佢叫我等佢落埋張單先，一等等左十五分鐘。之後呢位姨姨係廢紙桶到拎張舊單過黎幫我落單手寫。寫第二個字就停左，要拎餐牌望住寫？好喇經歷完一輪重重複複話比呢位啊姨知我要食乜，佢終於寫好拎入廚房，然後話一陣間再幫我入機。 過左一陣，個姨姨又話唔見左張手寫單，佢又行左入廚房，出嚟之後又冇話同我寫過又返左收銀機，出聲問先知佢又要再手寫過然後另外一個員工行過嚟問有咩幫到我，我同呢位姨姨講你同事幫我得喇唔該你。結果幫我既呢位員工拎左部落單既電話黎，我講左一次食乜，用時不到一分鐘就完成左。 足足二十分鐘！然後再等十分鐘，我叫既野食終於到。但又錯左，我叫魚腐佢比鯪魚滑我，我又搵返啊姨姨問，因為佢哋係標明自家製魚腐，我又未食過，所以我問下佢哋係咁佢哋啲魚腐就係鯪魚滑咁，因為餐牌上又的的確確有鯪魚滑揀。結果啊姨姨話「我唔知喎，我又未食過，佢淨係知啲鯪魚滑係扁既。魚腐係三角形既。」咁我真係唔知我碗入面呢舊咩黎。我咬左一啖，哇，係鯪魚滑黎。都算喇，都九點四十五分，唔想同佢嘈，已經得十五分鐘食嘢。過左幾分鐘，呢

今晚行過淘大湯加門口，就打算買個外賣番屋企食。由門口餐牌眼見都有唔少選擇：我揀左個清燉陳皮鴨腳湯飯，外賣由落order到可以拎就等左10分鐘。我呢個外賣仲加左飯，店員仲比多左個飯比我，夠哂食。呢個外賣$48，加$1外賣盒，仲送冬瓜茶。大家見到呢個湯飯除左鴨腿仲有菇、冬瓜、陳皮。比較要改善就係菇有個咬唔到既菇頭，另外冬瓜皮有去掉就更加好，呢款食物其他方面都ok。以下係佢地放在門口可以拎既餐紙，可以睇下有咩食。😉

好鐘意食湯加其中之一個原因，因為佢個湯真係好好味😋✨✨唔會油膩又健康，可以配紅米飯。Order咗窩蛋鮮茄豬潤牛肉，^ - ^材料係勁健康養生✨✨👍🏻，個蕃茄湯底勁好味✨✨👍🏻(⁎⁍̴̛ᴗ⁍̴̛⁎)同埋叫咗個豬肉+魚肚湯，有瓜有菜，好健康✨👍🏻個魚湯好鮮味！✨✨

一朝早經過淘大，都好多間餐廳選擇食早餐，呢間我見唔太多人入去試吓佢個早餐叫咗一個奶醬厚多士，一杯奶茶，再加個麥皮佢個蛋白麥皮好滑，幾好食呢個奶醬厚多士，用我最鍾意嘅粗粒花生醬，少少煉奶，正佢杯奶茶都唔錯㗎，呢度價錢大眾化，選擇都好多，下次可以試吓佢啲麵餐，原來呢間有淮山麵添⋯⋯所以唔使一定去嗰啲連鎖店餐廳，有時都要試吓呢啲小店

今日有點女性週期性不適所以想食清淡啲同補下血，收工就自己行左去淘大呢間湯加 (以前屋企同公司附近都有，成日食但試過食完肚痾就無再幫襯)去到五點半仲有下午茶，叫左個豬潤牛肉芥菜魚湯淮山麵少麵～雖然話係下午茶，但啲餸同麵既份量比起正常時段係無少過😅鮮牛肉幾滑幾好食👍 豬潤就唔爽兼有啲粉👎芥菜都爽口唔會太淋，淮山麵都ok唔會煮到太淋一pat野～但係食之前已經見到個托盆有魚骨 (下面右邊)兼飯粒(上面中間)，呢兩樣野絕對同我點既野拉不上關係，見到都唔開胃，衛生非常差🤦🤦湯加我都食過起碼三四間分店，間間既衛生都好一般，請員工注意改善🤦🤦

湯加啲湯底真心正！好味，叫外賣送到過來都唔會難食，不過注意一點就係夏天食真係會出汗。下午茶入店食超抵食，飯可以添，店內環境仲好靜，一個人唔知食咩？是湯加慢慢食都無人話你

好唔掂呀, 7點到落單, 個肉餅8點幾先到, 7點9問佢先知原來漏單, 個餸嚟到真喺嚇親, 成碟都係水, 個餸叫做土魷馬蹄蒸肉餅, 完全無馬蹄, 得幾條指甲咁多嘅土魷, 達幾片南瓜以為做遮醜布就得？屋企個姐姐都煮得好過佢, 真喺一肚氣呀！

點了陳皮鴨腿湯飯，蕃茄蛋牛肉豬潤湯飯加雞鎚。本應係一個鐘後送到的外賣，拖到個半鐘先到，讚嘅係湯重熱！其他就一般般。蕃茄蛋牛肉豬潤湯，湯底力加有芹菜，味道有啲怪，蕃茄完全唔稔，牛肉滑，但應該落咗好多梳打粉。豬潤都OK啦，至於隻蛋，就唔係蛋花，係原隻雞蛋，有少許蛋心蛋效果。陳皮鴨腿，腿大，湯略唯多油，冬菇末稔。至於最不滿係藜麥飯，藜麥數量超少，其次係雞膇，四件小雞膇成為$32，超呃錢. 雖然味道可以，但都係唔值呢個價錢。整體經驗係可一不可再。

今日和同事去淘大吃飯，本來打算去一間新開的食店，但原來未開張，故同事建議去這裡吃湯飯，因為湯飯都是我的至愛，所以我一口答應。店舖不是太大但簡潔，座位都得舒適。我們坐下後就看餐牌，看見有一個姬松茸竹絲雞湯飯，一聽個名已經好吸引，價錢又不貴，所以就選它，而我同事就要了一個黃酒薑絲煮牛肉湯飯。我的姬松茸竹絲雞湯飯到了，湯和飯分開上，湯份量好多，入面還有差不多四分一隻竹絲雞，姬松茸都有好多條，還有一些肉排，湯味好濃郁清甜，肉排很腍，食得出他們好用心煲出來的靚湯，加埋飯放入湯入面吃，真想叫多碗飯呀！😋而我同事的黃酒薑絲牛肉湯飯，牛肉好多，用黃酒和薑絲淆製的湯好濃味，加上滑滑牛肉，同事都話食到耳仔郁呀！😋👍價錢又唔貴，質素又好，同事真的沒有介紹錯！👍

開左好耐都無機會試，今晚晚餐無著落，一於試新嘢啦。豬軟骨+鮮蝦滑+南瓜+有機藜麥飯(魚湯底)$52 自取外賣。豬軟骨 : 味道偏甜，有少少似豬腳薑嘅味道。，比較多肥膏，無咩軟骨咬。鮮蝦滑 : 肉質好梅。。好鹹，食左2啖已放棄。南瓜 : 不過不失有機藜麥飯 :勁少藜麥魚湯底 :係我最期待嘅嘢亦都最失望，好鹹，無魚湯底嘅鮮味。

之前午餐食開魚米，然後知道同一個集團開左間湯加，諗住試下。佢好簡單，午餐可以好似車仔麵咁叫幾個餸嘅配搭，然後揀個湯底，當然特別湯底，例如胡椒味菜湯呢啲就要加3蚊，最後就揀個飯。但有好多個選擇，有燕麥飯、三色飯、普通白飯等等，任添唔嬲。埋單連飲品七、八十蚊左右。我叫左豬軟骨、腐竹、配三色飯，配味菜湯，連咖啡味道略咸，食完要飲好多水，而且碗大料少，食完都只係用飯黎塞飽自己，同一價錢在淘大會有更多好選擇。