湯加 (湖北街)

營業中

休息中

今日晨早去到香港仔見客, 見左三個幾鐘, 山長水又遠, 係無好好做功課的情況下, 加上肚又餓, 又求求其其搵間餐廳食下野。老實講, 湯加D野唔係好吸引我, 因為D gam 「清」既野, 其實自己都煮到。唔洗特登出街食。不過自己一條友, 粗茶淡飯又一餐, 又算啦。今日叫左貴果款DIY 2+1 飯, 無餐飲, 要另外加錢; 所謂2, 是可以算2款肉 (包括牛, 雞, 魚, 蝦, 竹笙), 有貴有平, 任君選擇; 菜黎黎去去都係果幾款, 生菜、介菜、或者瓜果D, 加多一款就加多9蚊, 。而湯又有幾款你揀, 魚湯, 蕃茄湯等等, 飯就有白飯紅米飯等等。最尾我揀左介菜魚腩竹笙, 配魚湯紅米飯,簡簡單單又一餐。不過老實講, 我覺得唔抵食。因為餐飯無米氣無鑊氣, 自己煮真係煮得到。勉強ok

叫左俾餐牌3次都冇人理 直頭聽到應都冇應我地最後直接問隔離枱借算😑真係令人有啲嬲食物素質呢個價錢算係吾錯但衛生就真係比較遜色 地下好多食物殘骸紙巾同積水都冇人清潔

好耐冇喺香港仔食嘢，最近見到有幾間新嘅食肆都未去過，所以約咗友人去食午飯。我哋選擇咗一間新嘅小店，名為。睇外面的廣告牌都有好多食物選擇，而且好似好健康咁，於是就入咗去，原來佢都有幾間分行遍佈香港。燉陳皮鴨腿湯飯 （$49-）我哋選擇咗富有高纖維，高維生素同埋高蛋白質嘅藜麥飯。飯係另外上，蒸出來一粒粒，一啲都唔諗，好有口感。鴨腿湯係用另外一個大碗裝上，內有五六嚿大冬瓜，兩粒冬菇，當然還有一隻鴨髀啦。湯底都幾清甜、但飲落唔似係味精味，亦冇其他連鎖店的鴨腿湯飯咁鹹，亦唔算好肥膩。鴨腿唔算大隻，而且有啲鞋口！整體可以接受。2餸1菜准山麵 （$41）淮山係對人體好有益嘅食物，能夠降血壓同血脂等功用，相信係用鮮淮山磨成粉嚟做麵條的，感覺非常健康。但食落有啲似上海麵。我們選擇了2餸（牛肉片和魚滑）和1菜（蘿蔔），但原來本身都有幾條芹菜。湯方面可以揀番茄湯底，清湯底或魚湯底，我們則選了魚湯底。面和餸係分開上的，餸嘅份量好多，舖滿成個湯底，牛肉好淋身，魚滑夠新鮮，蘿蔔清甜，湯好有魚香味，亦都唔似有味精潻加，成個湯麵清清甜甜，都幾好食。

湯飯，很多地方名泡飯，湯飯的歷史在中國淵源流長；曾有人考證泡飯最早出現於五代，古時稱為「水飯」，至宋代於吳自牧的《夢粱錄》和周密的《武林舊事》都曾出現「泡飯」兩字，名字沿用至今。 香港湯飯常見有冬瓜粒湯飯、鴨腿湯飯等，米飯加上湯，消暑最啱。香港夏天天氣悶熱，流汗較多，容易口乾舌燥及食慾不振，食湯飯可消暑解熱。 「湯加」的成立就是希望全面發揮湯飯的優點，成為湯飯的專家。就是這樣香港便有了一家湯飯專門店 -「湯加」。為甚麼是「湯加」？去過「湯加」的就知道，在「湯加」可以有很多不同的配搭選擇。 「清燉陳皮鴨腿湯飯」$49，靈魂是鴨肉和陳皮，炸過的鴨皮經上湯一燉，吸收了湯的精華，若湯頭放入最好的陳皮，便有錦上添花之妙。湯加的清燉陳皮鴨腿湯飯做的有板有眼。 「紅酒牛尾湯飯」$60 可說是創意之作。紅酒牛尾一般都是西方菜色，現在加上上湯使其成為湯飯；牛尾香濃送飯一流。 「冬蔭功海鮮湯飯」$56，最適合喜歡泰菜的人。冬蔭功湯香料味重，香、辣、酸味都齊。海鮮用料十足，鮮蝦、魷魚、青口等，拌飯很開胃。 「酸菜酸辣深海魚柳湯飯」$59，湯底酸辣刺激，魚柳鮮美嫩滑；食上一口便停不下來，直至一粒飯都

平日有時都會去食佢D湯飯 ， 點知今日中午去叫左個湯飯食， 一黎到見到一點黑色既野，拎起左黎望一望，望真D原來係蟲黎，換都吾想換就走左，真係以後都吾會去食！！仲要初初食左幾啖依家諗起都感覺嘔心！！救命！！

快食晚餐！揀左食湯加！牛尾湯飯 $60一嚟到。成碗牛尾湯都係骨😂忍唔住要同啲職員講！佢地都願意換過比我地！牛尾湯好濃味。牛尾好淋！唔錯！胡椒豬肚湯 $49好大碗。好夠胡椒味。但唔係好咸。我岩架。但屋企人略斷嫌唔夠味！兩送一菜湯飯 $41秀珍菇。鮮冬菇。娃娃菜。蕃菇湯 蕃菇湯底夠蕃菇味。而且啲料都幾多。啲菇同菜都索哂蕃菇湯味！Nice湯同飯分開。唔怕啲飯會淋哂！而且堂食可以添飯。唔駛怕唔夠飽！可配白飯/三色飯/藜麥飯。仲有米線。米粉。公仔麵。蔥油餅。烏冬就要加$4

諗過起身出街食個下午茶，見佢門口下午茶有炸魚，雪菜肉絲米，仲有pancake添，集脆口，飽肚，香甜於一餐，岩曬我呢啲貪心鬼入到去，光線充足又醒神，可惜啲位迫左小小。坐低叫完等食。最後食到一肚氣

夏天食湯飯係好好嘅選擇, 撞啱工人放假一個月, 我哋就一個星期嚟三四晚.第一晚食芥菜肉片湯飯, 可能夜晚八點幾成九點, 餸嘅份量都幾大, 啱哂我大胃王;之後試過另外幾款, 味道可以架, 份量對我嚟講偏小, 於是都係返轉頭食芥菜肉片湯飯,更加印證咗第一晚份量足係因為臨收工, 幸好堂食的話飯可以免費添加, 所以絕對食得飽.幾十蚊個湯飯, 我唔會太要求有乜嘢服務, 後生仔女侍應傾偈笑得燦爛轉頭對客黑起塊面我都預咗, 但求其有人應我, 有嘢食我就收貨.  始終一分錢一分貨.呢間鋪唔大, 枱幾逼, 六點半左右就要喺門口攞籌, 嗰晚等完枱坐低後叫個紥馬尾濃眉大眼有幾分似胡定欣嘅女仔落柯打, 等...等...等....等到右邊張枱食完.....再坐第二個客落嚟, 嘢食都到, 我哋張枱仲係吉嘅, 其間有中年短髮女士侍應路過望到我哋嗰張 KEEP 住好乾淨嘅枱面, 不過佢一於你睇我唔到你睇我唔到, 想叫佢時佢開 TURBO 仲行快兩步; 終於叫得停個似陳智燊嘅男侍應, 叫佢幫我哋追下單, 佢問我哋張單喺邊.  我哋叫佢問返胡定欣, 原來平時做侍應嘅胡定欣去咗做收銀, 可能做唔慣啩, 收到一頭煙, 陳智燊

 因為本身都幾中意湯飯,,香港仔開左湯加咁耐..終於有機會一試..Menu都幾多選擇..有set好0既,又有自選0既..令我呢個有選擇困難症0既人諗左陣先決定到..湯或有清湯,魚湯,蕃茄湯加$4 可以轉冬陰公飯有白飯,三色飯都係唔駛加錢唔想食飯可以食米線,米粉,公仔麵仲有得加$4 轉蔥油餅, 刀削烏冬,有機三色藜麥飯本身都好想試冬陰公..但之前去完曼谷飲得多..返到0黎都係清返少少啦..今日揀左自選兩送加一菜…$45我叫左竹笙,魚滑,西蘭花, 蕃茄湯,三色飯.一上枱都幾好樣..有個木盤上面分開湯同飯兩碗蕃茄湯望落都知夠濃..飲落得確ok,係咸左少少..不過撈飯都ok0既..至於竹笙,魚滑,西蘭花普通..無咩特別好講飯呢…我自己覺得唔錯0既..但朋友覺得太硬..送上朋友叫0既:雞亦,蝦滑,白菜仔, 蕃茄湯豬膶,滑牛,生菜,蕃茄湯米線..唔知點解個蕃茄湯淡左勁多=.=魚蛋,豬肉片, 西蘭花 清湯飯清湯同魚湯其實幾似xd