影片
港鐵屯門站 A 出口, 步行約6分鐘
繼續閱讀
電話號碼
55016088
營業時間
今日營業
11:00 - 20:00
星期一至日
11:00 - 20:00
以上資料只供參考, 請與餐廳確認詳情
鍾意搵食嘅小弟途經澤豐花園諗住尋幽探秘搵啲小店靜靜地食野入左一個基本上執左七成嘅商場搵食就撞上呢間臥虎藏龍嘅餃子湯品店試左餃子+湯套餐本來只係想搵少少嘢頂下胃可能期望唔過，而且個場人煙稀少心諗只要唔太差就算‼️‼️‼️點知‼️‼️‼️湯濃郁而且好明顯係自家湯水餃子亦非常juicy有後勁食左一隻會繼續駁住下一隻黎食好快就食完左好想再食多轉但因為夜啲要同食晚飯🥣唯有下次再試埋另外嗰幾款 絕對估唔到一個完全冇人嘅商場有一間咁出色嘅小店佢唔只係餃子🥟仲有好多唔同款式嘅家常小菜同麵食住附近嘅話真係要黎拜訪一下
繼續閱讀
今日去屯門做野，朋友介紹附近有間餃子湯品店，聽講主打湯品，但朋友話餃子都好出色😬平時好鐘意食餃子嘅我當然要去試一試☺️位置就唔係特別好搵，喺商場地下一層，要花少少時間行去。🥢粟米鮮肉餃餃子一份9隻，份量同size都啱啱好，唔會唔夠食或太飽。而且非常足料😋皮薄餡靚，餃子皮比出面餐廳賣嘅更加煙韌唔易爛，食得出粟米十分清甜好好味💓鐘意食餃子嘅話一定唔會失望👍🏻🥢南瓜蟲草花栗子桃膠貴妃骨湯平時好少喺出面飲湯，但套餐會跟埋所以都試下。個湯真係好surprise😻好濃好香南瓜味，唔會好似一般南瓜湯咁稀。食到南瓜肉、蟲草花、瘦肉，而且好特別加咗桃膠!!!🤓另外好surprise係湯入面嘅栗子好大粒，feel到真係落足料煲，係比較創新嘅口味，鐘意偏甜口味嘅話都好值得一試🤤👍🏻
繼續閱讀
因為屋企唔煮飯，呢間舖頭喺屋企附近，價錢又抵食，所以成日都幫襯都食過湯后好多次，出品都好出色👍🏻啲湯飲得出真材實料，正個人推介玉子豆腐玉燥飯同埋鮮奶椰子桃膠湯飲品方面，就比較中意桂圓桃膠圓玉茶～推薦！
繼續閱讀
個地址雖然係叫商場，但去到門口個名叫街市，入面基本上係集運拎貨用。老闆娘好好人，一去到就好推介食乜，本身想食涼瓜排骨飯，不過冇做啦。老闆娘仲wts左最新menu俾我睇，我睇完就揀左茄子肉燥飯，價錢黎講都好平，只係$37，另外仲加左湯同洛神花茶。啲湯好抵飲，$50有500ml可以揀用湯包裝返屋企，我最後用左碗裝，飲得岀無味精味，又多料，我買之前有係湯后社交平台睇定今日有咩湯，因為湯每日都唔同。茄子飯雖然睇落去好油，但好好好食，但有啲可惜係茄子好入味，相反肉燥有少少鹽。而洛神花茶跟餐就只係加$10，飲落去唔酸反而甜甜地。
繼續閱讀