湯.Come

營業中

休息中

雞脾雞奕好入味，唔似平時街邊食果d一味得個(咸)字，食完唔口口喝既仲有最欣賞就係果到煲既湯，唔係味精湯之餘，好有住家feel因爲香港人生活繁忙！又小湯水，如果成日唔得閒煲湯既人就最岩不過好飲過鴻福堂/健康工坊果d多多聲平時自己都會有飲鴻福堂既湯，因為始終係地鐵站方便，但愈黎愈唔好飲，集團式而且唔夠小店咁足料同有heart而且店主亦好有善，主動向我介紹食品，等候食品其間亦不少附近鄰居幫襯，好似好熟！有傾有講，自己本人就比較喜歡光顧這種親切小店！支持🙌🏻

去土瓜灣探朋友，揸車經過呢度，肚餓又未到食飯時間，見到呢間小食店，都幾光猛，就入去睇吓。睇餐牌，點左燒賣同撈麵，加埋都只係＄14 ，價廉物美，食完同老闆吹左陣水，原來佢哋都係新開張，開咗先兩個幾月，主力都係做自家製老火湯，湯包有送貨服務，可惜我自己唔太鍾意飲湯，但係老闆都推介左飲佢哋嘅薏米檸檬水，試咗都真係唔錯，唔太甜又好清潤，可能同老闆幾好傾，佢仲整左啲蝦多士出嚟請我食，個哈多士非常正，金黃色，鬆硊得來一啲都唔油，都好多年冇食過哈多士，可能因為整下多士比較麻煩，而家都好少餐廳有做，估唔到喺土瓜灣都可以食到咁好食嘅蝦多士，絕對誠意推介！