源品車仔麵茶餐廳

營業中

休息中

呢間可以話係我中學回憶，係附近返過學既我中午最鍾意同同學食呢間因為選擇多食極都唔悶，仲要好有特色🙆🏻‍♀️個人黎講最推介係佢既撈腸粉，但去既時候賣哂🥹唯有轉個公仔麵，但都好食。一定要加腩汁先夠滋味👅推薦：煎午餐肉，真係即煎既。同埋茶類野飲，茶底清仲要好濃🩷最後加左個奶醬多，粗粒花生醬，烘到剛好脆，下次想叫佢咖央多試下兩個人埋單 $120 價錢黎講都好正常親民，依舊都係有人情味，值呀😘😍美味指數：⭐️⭐️⭐️⭐️⭐️/5️⃣

呢間小店仔，隨隨便便就行到，嚟到未夠兩秒，我已經被香噴噴嘅腸粉味給吸引住。店內擺放得好有機動性，等客人可以自由啲走動。夾埋爐仔腸粉啊，每一啖咬落去，那個醬汁啊，哇塞，香得來唔膩口👅，腸粉滑得嚟Q得，嗌正！再試吓車仔麵，跟場面好有默契，每啖粗麵爽口得嚟唔捨得停口，就算食到流晒汗💦，我都係甘願！而家提提你啦，個辣椒醬勁到喊，辣得哂口都係繼續食，真係「辣到掂」！望望四周，幾個食客笑咪咪咁掟住筷子，我知佢哋心情同我一樣，覺得今次食得開心！整體嚟講，呢間店啲食物真材實料，服務又友善。想嚟個平民化嘅腸粉車仔麵享受？呢度，正！🥢

自細鍾意食車仔面，呢間係至愛之一。三餸面餐連飲品只係$49，11點前再減$3，面可免費轉腸粉，凍飲唔駛加錢，夠晒人情味🥰🥰餸同面嘅份量較坊間一般車仔面店大，如揀撈面記得叫落咖喱汁，味道超正👍🏻👍🏻👍🏻每次嚟都必叫腸粉，餸另上加咖喱汁-腸粉新鮮滑溜唔會黐埋一舊，大大支甜醬，花生醬同芝麻任你落，醬料濃度同甜度適中，撈出嚟嘅甜醬腸粉超級好味😋😋😋😋-餸就必揀咖喱魷魚鬚，爽口又醃得非常入味，咖喱汁非常出色😋😋😋凍檸茶係此店名物之一，古法人手冲制，茶味香濃，勝過坊間好多乜乜茶皇👍🏻👍🏻👍🏻👍🏻散叫咖吔多只係$12，大大塊厚多士搽滿咖吔醬，香口得嚟唔會太甜😋😋😋食物好味得嚟只收街坊價，性價比極高!

食完大坑「名物」X記，個肚仲好空虛，周圍睇吓有咩好食，見到有螺即刻入去，2位呀唔該無諗過車仔面會有腸粉㨂，即管試吓，其實我哋已經食咗個面，係半飽嘅情況吓都諗住應該唔會特別覺得好食！但又出乎預料喎 一嚟啲餸份量都好足，紅腸都算厚，冬菇有 7-8粒，齋有6-7舊，今時今日食車仔麵算足料啦！ 而且唔係樣樣同一隻味，另外啲腸粉唔會又淋又湖，最重要係麻醬甜醬任落！！！！！其實任落唔會落得幾多，但可以配合到自己口味好重要！我哋意外發現，撈麵加麻醬好好味呀！！！！！！對比起「名物」，我覺得哩間更實際 

好好味，有時出街食下味精唔錯有得揀東風螺，其實唔知咩螺，有少少辣，唔錯豬紅夠滑，豬皮整得唔錯，尋回以前車仔麵的味道河粉夠滑堂食$49三餸包飲品，幸好餸的份量唔細學生只收$38，我多麽想做學生因為太多學生食，我只能與同事買回公司食

自小住大坑，已經－直食開店主爸爸媽媽煮嘅車仔麵，之不過後來佢班仔女爭個大排檔牌照，呢邊就分咗出嚟，另外改名入咗舖頭。雖然係分出嚟，反而先至係以前細個食開嘅味道。車仔麵餸菜方面好多選擇，出邊好多已經冇做東風螺，佢哋都仲有。而且記得加甜醬同特製咖喱汁，真係冇得輸。屋企人就最鍾意食佢嘅腸粉話好滑，外面都唔一定食到。加埋甜醬、麻將同芝麻仲有特製咖喱汁就超正。大排檔出身嘅老闆，一直都係用傳統方法做茶底，所以佢嘅檸茶同奶茶都絕不欺埸。檸茶絕對係我嘅至愛。老實講，只要呢間餐廳一日仲喺度，我都一直會幫襯，因為食到龍龍嘅人情味，同埋嗰啲代替唔到嘅咖喱汁味。😋

今日又到大坑尋找地道美食，目標就是要試試源品的車仔腸粉。我們大約11時15分入座，樓面乾淨企理，早餐時段剛過但又未到午市，所以有很多位置。我們分別都點了4餸車仔麵，咖啡，奶茶及後上的占醬多。我點了蘿蔔，辣魚蛋，齋卜，雞翼，腸粉配咖哩汁。上枱時發覺餸菜色水淡，賣相未算吸引。但每一樣餸其實非常入味，味道亦不單一。蘿蔔清甜，齋卜配上咖哩汁很惹味，辣魚蛋辣勁十足，唯一是雞翼煮得過熟。朋友點了大腸，齋卜，咖哩魷魚，魚皮餃配幼麵，特別一讚咖哩魷魚彈牙惹味，但大腸臊味較重，不太推介。雖然店舖主打車仔麵，但我哋一致認為最好味的是占醬多，大家記得留肚食😊

係維園游完水之後，時間已經係2:30，中午都未食，真係覺得好肚餓，🤤朋友話差唔多10年冇去過大坑，想睇下大坑有冇變到，離開維園游泳池後我地沿銅鑼灣道一路行入去，中途經過浣沙街，再慢慢行入啲內街，見到一間茶記個名叫做源品，係食車仔麵既。🤔一開頭入去既時候係冇咩人既，之後慢慢越黎越多人，一入去餐廳老細都好殷勤咁招待我地，落完單仲同我地講唔該哂，我去過咁多間餐廳冇一間係會咁有禮貌，所以呢間餐廳既職員既服務態度真係要一讚。服務態度好，食野都食得開心啲。環境方面，佢係一般車仔麵既格局，地下大致都乾淨既，無咩垃圾，不過間餐廳比較細，坐位比較迫，如果大返小小會坐得舒服啲。至於食物方面，友人叫佐車仔麵套餐 ($46)，先講啖湯先，飲第一啖覺得有少少辣味又有少少甜味，一碗麵有三餸，朋人叫佐豬紅，魷魚同埋蘿蔔。魷魚食落好新鮮，亦有濃濃既咖哩味。至於蘿蔔呢就好鮮甜，豬紅有好多舊，食完一定好夠飽。至於我呢，我就叫佐奶油多士（$18），上碟時佢係切開佐4塊，件多士整得好脆，配上濃濃既煉奶，食完真係好想整多一碟。我地兩個都叫佐凍檸茶，杯凍檸檬茶既味道係岩岩好既，唔會話太甜太酸。我覺得同出面既質素差唔多。

一入去「源品」即見到牆上鋪面都有唔少歲月嘅痕跡。簡單枱、摺凳，車仔麵只會做到下午4點左右，夜晚會變左做雞煲火鍋。入面店員都幾友善熱情，幫你落單。魷魚、蘿蔔、雞翼撈油麵(咖哩汁) $46★★★☆☆咖哩汁唔算好香濃，較為稀身，唔知係咪因為個油麵冇整乾哂水份，如果食撈要叫佢多汁。油麵質感正常唔會太淋或者發脹哂。餸方面每款份量算多但食落係普通野，冇特別出色。雞翼有三隻，睇顏色都睇得出唔係好入味，食落雞肉唔滑身偏鞋。魷魚夠爽脆，加埋咖哩汁都可以但唔入味。蘿蔔夠淋，但係偏老，好幾舊都有渣，唔算好清甜。正常、冇得更普通嘅一個車仔麵。豬紅、豬皮、魚皮餃清湯河粉 $46★★☆☆☆豬皮少少爽得黎帶D稠密口感，如果配個濃嘅咖哩汁應該正！豬紅有底味而且唔腥，食落仲有少少口感，兩樣份量都幾多。魚皮餃同街市一盒盒個啲冇分別。但碗河粉真心搞唔掂，湯底清湯係味精咸咸地，預料之中，河粉先係出事位！河粉煮得太耐好淋身，筷子一夾都斷開哂，完全冇口感可言，成程都要用匙羹黎食。🌟總括：食完先見到大多數客人都係叫腸粉，車仔腸粉真係比較特別，同埋聽講個花生醬好香，下次會俾多次機會再試。餸黎講真心幾普通下，冇一個特別有記憶點，3餸1

大坑係一個好寧靜既社區，完全係純宅舍區既地方，吸引咗唔少外國人係度居住🏘令到呢區變成香港一個難得慢活的空間，當中有唔少小店係度紮根，光譜之廣超乎想像，今天來遊玩先食一個地道早餐。.源品車仔麵茶餐廳聽落好似好普通，但背後其實係由係大坑立足超過60年的順興茶檔演變而成🛖由腸粉檔起家，再賣埋車仔麵並將兩者結合埋成為招牌既車仔腸粉。而原本既順興就變成以滑蛋馳名港島，唔少人週末黎排隊品味🍳🍝三餸腸粉 $46叫咗魚蛋、牛腩同咖哩魷魚，再加配咖哩汁，落單後唔使5分鐘就已經上菜，茶餐廳風味十足。牛腩滷得夠腍🐂入口滋味唔錯，咖哩魷魚唔算太入味，魷魚偏軟身唔夠彈牙🦑咖哩汁有微辣，不過唔太夠味。🥪雙拼三文治 $34揀咗雙拼雞蛋同咸牛肉仲加埋烘底，第一次食呢種夾心形式既三文治，入面既麵包仲係軟身，蛋牛煎得火喉尚可，不過我都係鍾意脆d🙊

🤑 車仔麵套餐 一麵三餸 $46———————————————🌟 車仔麵套餐 一麵三餸 $46 🌟大坑嘅舖頭出名早收舖，我地未到3點去到，去好多間收左。唯獨是呢間車仔麵好多人排隊，大家都食佢地道嘅感覺😚 我地叫左兩個餐，加埋有6個餸：🐮牛腩：滿滿嘅腩汁，加上炆到好冧好入味，正👍🏻🦑咖哩魷魚：完全唔煙靭，非常爽口🐖豬皮：爽口，有咬口🐷午餐肉：香煎午餐肉，非常香口🙈🐟魚皮餃：中規中矩🍥辣魚蛋：有一定辣度，食得辣嘅朋友可以試下🤣———————————————評分🔖 (5⭐️為滿分)味道：⭐️⭐️⭐️⭐️環境：⭐️⭐️⭐️服務：⭐️⭐️⭐️衛生：⭐️⭐️⭐️抵食：⭐️⭐️⭐️⭐️回購？會😋✅———————————————🚶🏻‍♀️ #youngcfood_hongkong🚶🏻‍♀️ #youngcfood_taihang🕵🏻‍♀️ #youngcfood_hongkongstyle———————————————📍源品車仔麵茶餐廳 📍大坑京街18號地下👣 港鐵天后站 A2 出口, 步行約10分鐘 ...#hkfoodblogger #hkig #discoverhongkong #hkfoodie #instafollow #foods

好久沒到過大坑！原先想食另一間，雖然話收3:30PM！但大約2:45pm,已經截龍見尼間食車仔麵，可以唔選麵改腸粉！$46一麵三餸+餐飲牛腩～一般，唔太諗猪腸～，唔入味咖哩魷魚～，夠爽午餐肉～OK冬菇值得一讚係杯凍檸茶特別要求濃啲真係有做到不過可能趕住收工！不斷收我哋張枱嘅嘢原先想食雞翼！入門時職員都無特別提醒

鹹牛肉蛋治 $21即叫即整夠新鮮 餡料熱烘烘好香鹹牛肉比蛋還要多 個蛋係蛋碎而唔係滑蛋鹹牛肉超多 有炒過所以特別香濃薄多士烘得夠哂脆身咁的價錢咁的質素係超值！好食過炳記又唔使排隊🤭You should all know by now corned beef egg sandwich is my ultimate comfort food. Always craving for it. When everyone queuing for Bing Kee in Tai Hang, there’s this hidden gem just a few blocks away where they serve even better sandwiches and noodles! Their corned beef egg sandwich is freshly made to order, crispy toast with abundant corned beef filling (so much more than egg 😂).

呢間舖頭成日都比附近嘅茶餐廳搶咗風頭，不過其實佢嘅撈車仔麵都幾好味。本人推介撈腸粉，因為其他舖頭未必搬入腸粉，腸粉要即日賣晒如果唔係就唔新鮮。$46可以配凍飲或者熱飲， +3種車仔麵嘅食物。我比較鍾意食煎午餐肉，咖喱魷魚，牛腩，同埋雞翼都幾入味。之前叫過豬大腸就一般，有一浸豬臭味。整體每樣餸嘅份量都幾大！你亦都可以配醬汁，我試過配牛腩汁或者係咖喱汁。本人覺得牛腩汁冇乜味，咖喱汁配上腸粉就一流。嚟到之後你仲可以自己加甜醬花生醬等等，順帶一提入面嘅阿姐服務態度都好好，佢亦都唔會推介你食邊樣小食。最後之前試過食佢湯嘅車仔麵，我就覺得佢湯底比較淡，推介撈麵-撈腸粉。

粗粒花生奶醬多 $13超厚超滿花生醬勁足料❗️呢個價錢來說好抵食 大大塊厚多士烘得幾脆再沾滿粗粒花生醬同煉奶 份量多到滴哂出黎食落有粒粒花生勁香之餘又有煉奶的香甜味絕對係最愛下午茶之選 好滿足🥰車仔麵就食得多 車仔腸粉就第一次😆好似車仔麵一樣揀餸 但麵底就改為腸粉店員好貼心地將餸同腸粉分開上可以盡情添加麻醬甜醬 腸粉幾滑唔錯其實腸粉都係配角 海量的醬才是主角😂不過餸無左湯底或撈麵的汁就味道欠奉紅腸有炸過好香脆好食但牛腩豬皮就無味 豬皮煮得太腍欠爽彈咖哩魷魚亦冇乜咖哩味 麻麻地車仔餸黎講就唔合格🚫餸的份量亦偏少熱奶茶幾厚滑香濃 唔錯唔錯呢間比較啱下午茶黎食個腸粉奶醬多