源記餐廳 (已結業)

成日出上環地鐵站一出就會經過，今日終於黎食個下午茶，地方都幾大卡位唔算寬敞，有點迫住好耐無食星洲炒米$44都幾大碟同足料，有2隻蝦火腿、雞蛋、洋蔥……咖哩味都幾香口，勝在唔會太咸，米粉乾身唔會痴成一舊舊乾炒牛河$44 比較油，牛肉好有咬口，加左小小蔥同芝麻增加香味同口感咖哩鴛鴦扒$65  飯量都算多，男仔食就好夠飽，牛扒薄左d，豬扒大塊小小補番，咖哩非常香濃唔太辣撈飯食一流👍🏻每份餐仲送熱飲， good!

平時一個人lunch都會落下來食，貪佢上菜夠快，價錢同食物質素比，當然係貴啦，但貴得來，有位坐都算係咁。呢間茶餐廳，一點人情味都無，叫野食既時候，員工黑口黑面，唔應人，我初初以為佢龍，好cool架！但都唔緊要，最正係佢唔會落錯單麻！諗住年初五喺度食開年飯，誰知收銀阿姐，找錢既時候，黑住面咁掟返d錢比我，嘩！真係火都來！新年流流，當我乞丐咩！！平時都無所謂，但而家走左都返轉頭幫佢開年，唔知係唔係老細派緊利是，佢笑住咁聽我教訓，真係無得彈！唔返來幫襯都唔得啦！

今日返工好多野做，做做下不知不覺已經過左晚餐時間，落到公司樓下先發現好多舖都已經收左舖。又落雨又凍又大風，但實在好肚餓，於是只好同同事行遠小小，過到上環區，見到間光光猛猛的茶餐廳，就用咗人生最快gei速度衝入去搵野食了。一坐低睇餐牌真係見到好多選擇，真係足足揀左5分鐘然後揀左最經典又或者叫做最穩陣gei忌廉汁粟米魚柳飯，就係貪佢中伏機會低而且一定食得飽。碟飯一來到熱辣辣而且好大碟，忌廉粟米汁夠多撈飯食一流，而且魚柳有香煎過又大塊，啱晒我呢d中意一啖飯一啖肉gei人。就係咁停咁食，食完又再返公司趕工了 so sad...

出到中上環做野,工作完都少少夜,唔需要望錶都知道晏啦點解會知?問個肚就知啦,行左成日又餓又累真係唔好克薄自己搵少少野食下醫醫個肚都好重要一條友仔就是旦搵間餐記食下算啦平平地不過在中環既平平地都講緊50幾蚊行過上環搵一搵見到有一間連埋野飲都係40蚊咁就唔好講咁多野入左去先講入到黎望下先\今日就叫左個金牌牛什河金牌牛什河--湯底唔算太濃味,而D牛什都冇話有陣味,有D如果整得唔好既就會有一陣味既佢食落都算幾好食,牛肚又唔會太硬..個粉都算OK唔會整得太淋

員工服務態度極差，就算忙都唔可以差到咁，D火記鬧人，比錯order又唔換早餐煎蛋隻蛋細到見唔到，重要又唔係平價！！！下次必定唔會再幫襯，請問咁差嘅餐廳點解可以再來

星期二，我和同事去到這間茶餐廳食中午，在中環番工都差不多一個月了，去過一些餐廳食中午，大部分中午餐的價錢都在五，六十蚊之間，想不到這間竟然四十幾蚊就可以食得很飽，而且味道可以，算是可以的一餐。我點的是常餐，如果說蛋撻奶茶是香港地道特色小食，那麼常餐便是香港最地道平凡的珍味，常餐，亦是香港茶餐廳特色之一，全天候供應，不論您在何時去到茶餐廳都可以點選， 而且配搭眾多，豐富飽肚，簡單得來味道又有一定保證，絕對符合了經濟實惠和價廉物美的原則。今次我點的常餐是沙爹牛肉公仔麵，配西多，腸仔炒蛋，熱飲是熱檸水。沙爹牛肉公仔麵唔辣，相反帶點甜味，有沙爹味，公仔麵唔會太稔身，味道一般，西多夠脆但又唔會太硬或者太乾身，腸仔和炒蛋可以，炒蛋唔會太散或過熟。餐飲方面，熱檸水夠熱，而且很大杯。整體而言，這間的常餐味道可以，又夠飽肚，以中環地區而言是抵食之選。

朝早係上環食早餐選擇都幾多，見呢間平時都幾滿座，咁就一於試下啦。行入餐廳揾個位坐，都未坐低晒，侍應哥哥就扒咗落張枱問我食咩，仲催速我快D, 結果我係3秒之內亂點了這個蕃茄牛肉通。唔夠一分鐘就上菜，好杰的羅宋湯底，正呀， 蕃茄味很濃，有少少辣味， 不過牛肉變了豬軟骨，無所謂啦，豬軟骨仲正，豬軟骨很入味，不過煲得未算好諗，軟骨比較爽脆，食完仲可以飲埋個羅宋湯底， Yammy !!

食完菠蘿包，慶幸無針筒，點知在奶茶杯底見到上手留低的意粉在杯㡳，伙記若無其事，只是話比個一杯。真係不要👊雖然支持食肆多元化，但餐廳本身應做好衞生及食品質素🙏永不回頭❌❌❌❌

因為中環返工關係，話說今次係第二次光顧上環源記。第一次幫襯的時候同事叫左肉醬焗雞飯 ，佢就黎焗白汁海鮮。同事就唔介意照食無問題。今日到我叫焗肉醬雞飯，佢又同我黎焗海鮮白汁。咁我同個伙記講黎錯，佢唔換不特止仲大大聲話我叫錯。我今日係食左成淡氣落肚，不得不開個帳號黎俾劣評。

食物質素一般款式種類也多，食物偏咸，一間茶餐杯咖啡及奶茶好飲是重要的！，這間的咖啡不好飲奶茶尚算可以，最重的是經常落錯單或漏單  ，「大部份」伙記態度惡劣，難為了客人😖

落左單成20分鐘淨係黎得杯野飲...對面個大叔遲過我都黎左食緊...叫佢追同無追過無分別...淨係叫人等等...但就顧住同人落單離曬普...仲要一句唔好意思都無...無下次!!!

印象中這店是在尖沙咀開始的，但未有試過，剛巧在上環區碰上，就來試個早餐，吉列魚柳跟焗豆加餐肉太陽蛋飲鴛鴦走，太陽蛋雖然表面有靈魂，但入口竟然是有點冰涼，嫩滑但無蛋香，餐肉煎得有點過火，略韌但就也算香口，焗豆相信是原罐倒出後，絕沒有加工，完全不暖，吉列魚柳夠大件，表面炸得香脆，但魚肉竟帶有半點腥味，若是急凍魚柳應不會有腥味，大家就自己思考一下吧，寫得太清楚的話，可能又被這裏的編輯以"在食評中發放不實﹑捏造事實﹑惡意 猜測或含誤導成份的內容"的理由禁止發表了，幸好那杯鴛鴦走還算茶啡味都不太淡。

我見佢個牌寫有蒜香豬扒撈公仔面配XO醬$40配野飲，咁就試下啦。等左7分鐘(佢平時堂食好快上菜)，返到公司一打開....得塊普通炸豬扒，一pat淋的麵同一patXO醬，重hea過7仔indo麵... 真係好失望。重要唔好食，衰過自己屋企整.....pat醬本身係一pat o係角落.......唉..........

在 8月頭，經過上環德輔道中，見到位於恆生銀行附近而屹立多年的新釗記茶餐廳已結業！ 相信是加租而被迫結業吧！結業後，隨即圍板裝修， 期待將會有什麼餐廳進駐！ 最近星期二經過，剛剛開了一間新茶餐廳 <源記餐廳>！ 店名有點印象，原來是尖沙咀這間茶餐廳！七彩的招牌零舍奪目！ 況且，開張當日擺滿花籃！這裡簡潔光猛！有卡位及圓枱，還有電視播放！一於星期六來食早餐吧！早餐：由 $22 ~ $32 不等。蜜汁叉燒通粉 $26份量也不少！湯底清而似是味精湯！ 通粉用上無坑紋那種，軟硬適中！叉燒有好幾片，帶有焦香的叉燒，浸湯後質感變得濕潤鬆軟！熱杏仁霜既大杯又熱燙！ 散發濃郁獨特的杏仁香，就算沒有加糖，本身帶微甜！算是順喉飲得過！有茶餐廳水準！