源記餐廳

營業中

休息中

大大話話食咗呢間嘢十幾年，從來都接受香港茶餐廳係冇服務粗聲粗氣，但最近呢間嘢有個新嚟嘅著住侍應衫但好似呢度老細咁嘅亞叔對住啲客講嘢一定高出五十分貝，係客都鬧，但對住啲侍應大媽同事就溫柔似水打情罵俏，我哋叫佢追一追碗河粉佢要溝完女先過嚟大大聲問乜事，叫碗河粉等左十五分鐘先追第一次我真係唔知算唔算合理，睇完我張單仲要大大聲講：「得一個人做咋，整緊啦！」我真係好懷疑佢係老闆，如果唔係點會有老細可以容忍咁嘅員工，幫襯咗咁耐都冇辦法，可以做到嘅唯有係以後唔去。

#源記餐廳hmmmm, i can say this ok.rice okmeat are squishy and without texture. better to add hand chop meat and mix with machine grinded.milk tea exceptional good.milk strong tea smell good.portion is ok big.full for my adult man overall 60/100, will come back if i run out of time.thanks!!

2人入座，下午茶點了豉椒排骨飯及干炒牛河（每間餐廳必試應該唔會失手） 。嘩😳很快的速度上餐，大約兩分鐘，快過快餐店，咁應該係整定的，唔緊要，起筷⋯⋯乾到呢😨（唔緊要），開始尋寶，因為找不到牛肉😨，明白的下午茶會少啲，找到了一舊完整的及零碎的，啲蔥已經黑晒，老公話尖沙咀係咁架喇遊客區，唔係好肚餓算啦，okay okay, 開餐了🥶🥶🥶凍㗎喎⋯⋯呢個真係頂唔順🤮凍的干炒牛河，我真係接受唔到囉？叫侍應叮番熱，佢話冇微波爐🤔，幫你炒番熱佢（我食過喎），真係超有趣的一間餐廳☠️☠️。搵野讚吓個飯就食到落口的，排骨又肥又多根，侍應們非常友愛，大家互相問候娘親，又怕同事或者食客聽力有問題🤔不會細細聲問候。😅

本人早上八點半是去另外一間餐廳，但是初五先開工，之後我去咗源記（因為我印象中十年前味道幾好），入到去已經知道有伏味，店內九成都是遊客，不過我都叫左個牛肚河另外一杯熱咖啡。單據給我沒有寫價錢店員也沒有說熱咖啡（假期是沒有套餐價加六元）竟然要23元一杯。牛肚超級難咬，河粉超級碎，熱咖啡超級難飲。（完全5值$64）另外店員全部未訓醒咁。其中一個內地客人話要魚片河，之後佢地冇得魚旦，另外一個店員話（唔洗同佢講冇魚片，佢都5識聽。雖然我是本地香港人，但係都想講內地人都是客人，你哋班員工態度太差了。

一樣係同朋友趕住去做嘢，所以諗住唔坐低食直接叫外賣，因為響尖東噴水池附近，所以諗住快手啲就叫快餐算數，地鐵站行過去尖東噴水池都唔算遠，都可以接受嘅。今次一心諗住可以快手啲就直接叫常餐，我朋友就想要沙嗲牛肉通粉，我就想要蕃茄牛肉通粉，時間大約係下午五點左右，但係竟然兩款常餐都冇！結果我哋兩個都係求其叫咗叉燒通粉就算數，多士我就轉咗做奶油豬，分量同味道都還算可以嘅，最主要失望都係最基本嘅沙嗲牛肉同埋蕃茄牛肉都可以冇，呢樣就真係有啲奇怪，希望下次唔會再發生啦。

黎到源記通常都係食燒味飯，今次朝早經過，一於試下佢個早餐。鮮茄牛肉湯米粉 ($38)第一次見茶記嘅番茄湯有蛋絲，勁似番茄炒蛋飯啲餸😂 份量都幾足，大大舊番茄+牛肉片跟餐配火腿，煎蛋，牛油多士，飲品呢個價錢，仲要尖沙咀區，絕對超值！西式早餐 - 焗豆炒蛋炸魚柳牛油多士 + 飲品 ($42)相比起黎，呢個早餐就性價比低啲，魚柳好細塊，其他普普通通。呢度嘅多士算幾驚喜，用丹麥麵包，塗上厚厚牛油，烘到脆身。奶茶亦都幾香濃。

餐廳態度惡劣，尤其收銀；事緣本人在試過數次致電落單外賣，但每一次前25分鐘前致電，到店都一定要再等15-20分鐘才有外賣，後來才得之是收銀員只工，沒有下單，都一直沒有出聲，心想可能是怕客人走單，收不到錢，所以每次都算數。但怎料，前幾天，用網上外賣平台外賣自取，心想一早落單而且平台已收費，心想今次應該會下單，不會令到因等外賣而令返工遲到，怎料，到達餐廳，還已過了取餐時間，向收銀員提供網上外賣平台取單no.,但才 斯斯然，在我面前下單，我即詢問她：是否現在才下單？ 佢還要大聲兇我，見唔見到前面好多人好多單，我同她說但是我係一早落order ,佢再大趕夾兇向我就，咁你現在要唔要，要等15分鐘，唔要就算數，接取消，態度衰到不得了！ 我亦忍唔住話番了佢幾句，太惡劣

收工在尖東，想求其食碗麵回家，所以來了這𥚃一入去餐牌都未睇，侍應已經好似好趕時間咁問：「食咩呀？」所有侍應都係黑口黑面的，不過我一早已知這裡的服務態度是出左名👎果然跟傳說中的一樣我叫了一碗麵、一杯熱飲、一碟菜，當野食到時正準備食，突然隔離枱客尖叫，我一望過去見到有隻米奇在枱上，相信從上面掉下來的，跟著很快亂竄，所有客人都立即起身走人並大叫，我也走了，相信以後都不會再來⋯⋯衞生情況那麽差，服務態度又差，價錢又不算平，我估都捱唔得耐

是日早餐：附近無太多餐廳選擇，所以求其去一間，茄牛通都OK喎，好似羅宋湯底咁，牛肉都幾大片，炒蛋火腿多士就正常質素啦！服務就…… 茶記我都無乜好要求，但求快手唔好等咁耐就可以！

早餐時間，搭枱無問題，但面對面，中間連一塊做樣的隔板都無，疫情真的完全過去了？一坐低，便催你點餐。大佬呀！餐牌都未睇，選擇困難症！食物質素差勁，又唔係特別平啲，份早餐吃了小許，急急腳走人！永不幫襯！

因為金巴利道嗰間執咗,所以過去新文華買外賣，貪源記外賣有分湯，打電話去落單，行過去拎，點知一打開分湯變浸湯，個侍應阿姐，將上層嘅麵放到陷左落啲湯度，個麵浸到淋哂，我有特別要求，想要紅醋，佢重好大聲應我，無問題，好！打開個醋變成燒鵝醬，你贏啦⋯⋯咁求其嘅態度，真心過分左

呢間態度極差，入到去就對我哋呼呼喝喝，之後點餐，我個friend話要米線，我就要咗個雙拼麵。上菜嘅時候，米線變成咗公仔麵，雙拼麵就變咗單拼麵。好聲好氣叫佢換， 換嚟嘅係勁冇禮貌嘅話你冇講清楚我點知。

_____好味指數：🌟🌟抵食指數：🤑🤑尖沙咀有幾熱鬧大家都知啦，不過只要你肯行多幾步路去尖東個環境就會好唔一樣。嗰邊有個市政局百周年紀念花園，我哋成日聽嘅尖沙咀噴泉就喺嗰度。嗰邊環境清幽同有好多食肆酒吧。有啲餐廳仲提供室外座位，等你一邊食飯一邊吹吹風chill吓✅滑蛋牛肉飯呢間就係其中一間有提供室外座位嘅餐廳，環境OK，但係可能因為食得其他茶餐廳多，以為滑蛋係炒滑蛋嗰種，所以上到嚟係比較中式勾芡嗰種滑蛋就有啲唔係好食得慣，同埋佢啲牛有少少韌，或者下次叫其他嘢食會好啲

星期四晚7點左右入, 冇咩客可以坐卡位埋到去梳化位有幾滴水 侍應姐姐見到都好主動幫我拎紙巾清潔 仲講唔好意思～落單個哥哥都正常唔係冇禮貌既左 青咖哩豬扒炒河 (約$70)右 雙重芝士咖哩焗雞扒公仔麵 (約$70)炒河都幾特別， 朋友話炒公仔麵有小小乾唔夠汁我覺得兩款味道都唔錯凍飲+3蚊 凍奶茶都普通冇咩特別原本都貪佢唔算多人可以坐耐d~點知食完想傾計時見到有米奇BB出來say hi~~我比侍應們早見到米奇Bb就立即起身埋單走~~到侍應哥哥見到時都捉唔切了~ 趕左去另一枱枱底 嚇到張相個Miss驚驚 食到一半都即刻走人😂😂😂😂

源記成日都幫襯，因為同附近茶記比相對抵食，例如早餐一個麵餐係HKD29,疫情下外賣仲有85折，買返我平時食開嘅早餐由29蚊平咗3蚊只需26。第一次買外賣先知原來個外賣杯咁靚🤣, 有小店風，真係估佢唔倒，雖然杯係咖啡杯，不過其實我係order奶茶，源記嘅奶茶係幾好飲☕，茶底幾靚，唔會好奶味，又夠熱，所以我同同事都好鍾意😚。如果唔係疫情外賣有特價，其實坐低食係幾好，天氣靚坐outdoor好正，有噴水池景，可望下白鴿晒太陽，好寫意㗎🌴🕊🐦