滙泉居

營業中

休息中

呢間位於鰂魚涌嘅上海菜小店我經常黎食🤭因為佢哋嘅食物水準保持得好好，每次黎食都ok，而且多選擇，可以有唔同配搭。今次3個人食比較肚餓，所以叫左四個餸😆可以揀例湯、酸辣湯同豆漿，我平時飲例湯，因為每次唔同款，好正🤤而小菜方面，我個人每次必叫黑醋小排骨😋真係好好食㗎，酸酸甜甜，送飯一流👍🏻

鰂魚涌上海菜小館推介！水準穩定❤️岩哂幾位朋友share小菜🫶🏻中午單人套餐只需$68，包括：➡️小菜x1➡️飯/菜飯（+$3）x1➡️老火湯或豆漿x1是日菜單：- 麻婆豆腐：4/5分（撈飯一流，可encore⭐️）- 咕嚕肉：3/5分- 炒四季豆：4/5分（豆好爽口，有驚喜啊）- 酸菜魚：3.5/5分（湯底正，魚比較少）- 老火湯：章魚蓮藕湯食完飯可以去埋糖街聖誕市集～今年既市集比較多元化可以行個圈架。

正宗山東菜，每個星期都必食，最愛他的大包，完全好有實在感，餃子同大包都是時師傅親手包，新鮮墨魚，爽甜，仲有豬什忘記影相因為太好食，高力豆沙，最後技術就係呢一個高力豆沙，一啲都唔油，仲好有實在感

聽講呢間北方菜館唔錯路過見價錢又好合理所以比一次機會 😂 叫咗兩個客飯套餐湯可以揀中湯或者酸辣湯！如果飲品可以揀豆漿當日中湯係粉葛湯！同事話啱晒經常開夜嘅佢 😂 粉葛湯有好多湯料、豬肉份量都唔少而且好夠味！應該煲咗幾耐下酸辣湯夠酸夠辣！而且裏面材料好多、有木耳絲、荀絲、紅蘿蔔絲、豆腐同瘦肉絲！飲完一碗都飽咗一半 🤣小菜揀咗黑醋小排骨、黑醋酸味夠晒濃郁！排骨食落佢唔乾身唔會硬骨骨、可能半肥瘦嘅關係？份量都幾大碟另外一個小菜叫咗水煮牛肉！裏面有木耳、娃娃菜、薯粉、芽菜、主角牛肉！牛肉份量都幾多、不過建議唔食得辣嘅朋友記住同餐廳講要小辣！因為呢個辣嘅程度係連平時鍾意食辣嘅我都覺得辣 😅套餐包白飯一碗、菜飯要加$3就不了 😅白飯份量都大碗

中午放工時間的鰂魚涌，餐廳到处都要排位等。好彩这家餐廳來過幾次，每次都不用等位。是難吃吗？No！味道还不賴，環境也不是污糟的，性价比超高。最划算的是$65客飯套餐，1湯＋1小菜＋1飯。湯每日都不同，可以向店員詢問，家常味道，很健康。飯一定要＋3蚊點菜飯！有很多菜粒，我一個不愛吃饭的人都能干一碗。小菜有很多款可以揀，是京菜＋沪菜＋川菜的fusion，有辣有不辣。今日同2位朋友嗌左：🌟🌟🌟🌟咸魚鸡粒炒飯、黑醋小排骨、蒜蓉菠菜

喺鰂魚涌食嘢仍然係靠朋友介紹今次試咗呢一間餐廳嘅二人套餐餐廳裝潢特別 係古色古香嘅味道👉🏻二人套餐包括：前菜，主菜兩個，飯兩碗，飲品或者燉湯兩碗 大約$220🐣前菜：醉雞夠味既 而雞肉亦都夠滑份量唔係想像中細細碟嘅前菜喎 🐷主菜：糖醋排骨♥️♥️好好味 入口仍然感受到啱啱炸嘅溫度🐠主菜：酸菜魚湯底有娃娃菜同酸菜浸住魚亦都係滑既食完飯仲可以飲多幾啖當係湯🍵燉湯唔會太油膩喺飲品同湯入面揀 可以揀燉湯性價比比較高👉🏻菜飯要加$6因為想試多啲款所以今次食咗二人套餐下次都會再嚟試埋其他款但如果想經濟啲 可以叫一日客飯如果套餐有埋少少甜品就更完美🎈

傳統北方菜，已經幫襯了六年多，雖然地方隱蔽， 但食物質素非常好！傳統的公雞碗及茶杯及裝修格局，展現出當地人的文化。建議有興趣的食客，請細心品嚐食物，不要催三催四，因為手工食物是非常需要時間做！推介食物有素鵝、 南瓜大蝦、 鹵豆腐、烤羊、甜品高力豆沙，素鵝係最出色嘅食物之一，外面酒樓通常都是炸， 而這個素鵝並不是油炸，口感非常清新，點特製嘅醬汁，更能提升另一個層次，作為前菜簡直一絕！南瓜大蝦，大蝦爽、南瓜甜又嫩，芡汁配上蛋白炒非常之嫩滑。大家食過又多汁又唔騷嘅烤羊未？ 在這裏你可以嚐到。 外皮薄脆，內裏鮮嫩多汁;香料味不太重， 但又唔騷。至於鹵豆腐和高力豆沙，我都費事講，有興趣自己去親身試下， 感受下滋味啦！

第一次嚟呢間菜館食，但實在令人大失所望🤯🤯🤯本身訂咗位，但去到都要等15分鐘先有枱，唔知訂位有咩用🤣跟住就點餸啦，但係等咗好耐都未嚟，又不停嚟錯餸，隔離枱遲過我哋嚟都已經上晒菜🤷🏻‍♀️追咗幾次終於嚟到，不過碗飯係凍嘅🌚我叫咗魚香茄子，味道同出面食嘅好唔同，用四川辣豆瓣醬煮好難食🤪而我嘅同事食食吓，仲發現佢碟餸有發泡膠粒😵雖然呢餐唔貴，平均每人$65，但體驗實在太差，以後都唔會嚟食👋🏻👋🏻👋🏻

位於太古坊的京菜館【匯泉居】附近環境寂靜，不容易才發現。餐廳佈局好像五十年不變。點了幾款京菜必吃的菜式【小籠包 $38】 這是正宗的京川小籠包的大小及皮厚厚的。籠包內充滿肉餡和湯汁味道包裹住，多汁又肉厚。【北京片皮鴨 】這個片皮鴨賣相平實沒有花巧。片皮鴨切得件件公整，肉比較厚， 但鴨皮不太。片皮鴨外皮不夠脆口，但叫做肉質不嚡口。 餅皮不太薄身因此包起鴨皮配料時比較安全方便。【風沙洋腿 $188】 皮鬆化、內裡多汁，肥瘦比例剛剛好。味道惹味，送酒一流。這個風沙洋腿是當晚菜式中最好的。【炸銀絲卷】外皮香脆，裡面鬆軟，沾上甜甜煉奶特別好吃

又到母親節，今年母親大人話想要食間經濟版的京菜館，揾左好耐終於有間沒有大名氣位於太古坊的京菜館，名叫【匯泉居】。周末的太古坊特別寂靜，幸好路邊有個易拉架寫着【匯泉居】，按指示轉入小巷，終於見到木牌匾匾，門口又坐了兩枱客人。甫入餐廳映，木造圓桌、紅色座椅、菊花錦鋰畫……好像到了中國開放不久的餐廳。【前菜 $20/份，茶芥$10/位】【爽脆海蜇頭 $98】海蜇頭吸收了醋的香氣，與青瓜一起涼拌，吃起爽口開胃。不過海蜇頭切得太薄少了份口感。這個小食不過份量不太多，已$98來說太過貴。【五香燻魚 $83】 五香燻魚色澤金黃， 咬下去不夠脆口。勝在外掛的醬汁酸酸甜甜幾惹味。【小籠包 $38】 這裏的小籠包皮不薄，而且尺寸較台灣小籠包平時的大。這是正宗的京川小籠包尺而且皮有一定厚度。這樣才可令小籠包內的肉餡和湯汁包裹住，有咬口之餘湯汁豐富【香煎韮菜盒子 $32】店員推介這個韮菜盒子，筆者初次認識這個京菜。 韮菜盒子大大個，外型有些似新年時候必備的「角仔」。咬下去韮菜盒子外皮比較厚，饀料飽滿，有大量韮菜外還有其他素料。第一次食不能作比較，但味道不是筆者杯茶。【乾扁四季豆 $78】 這個乾扁四季豆味道平

如果大家有嚟過 #太古坊 呢頭，都會發現好多 #小店 匿埋喺 #後巷，唔係 #老街坊 真係未必會發現到👀 呢日突然好想食 #中菜，就夾埋幾個同事嚟到「匯泉居」叫幾個 #小炒、加啲 #菜飯 做 #午餐🥢之前試過四個人叫個「四人餐」，最後當然就食都食唔哂啦！呢日就試吓叫少啲，盡量唔想浪費🤪 一份「二人餐」、再加一份「一人餐」已經有三個 #小菜、三個 #菜飯 (+$6@)、一個 #小食 同 兩碗 #酸辣湯 + 一杯 #豆漿 ($6@)。唔好以為小食份量只得少少，碟 #淆肉 每人都起碼分到兩舊，而且做得手功同味道都唔錯，之後仲叫咗 #魚香茄子🍆、#黑醋排骨、#酸甜雞柳，幾款咁啱都以 #濃醬 + #酸料 烹調為主，味道似乎相差唔大，不過就好送飯囉🍚不過「匯泉居」有兩度最唔好，電話訊號幾乎收唔到，free WiFi 就弱到等於無😅 吓吓要走出去接人好麻煩🤪 仲有呢，服務員見我㗎食得八成左右，就會走嚟提我哋出面有好多人等位... 但係人哋未食哂啲嘢，又點讓返張枱出嚟呢... 老細：比多少少時間我哋好喎😑

朋友講過話鰂魚涌有間隱蔽的中菜館，味道都不錯就訂座來吃晚餐聚會，因為不在大街要少少時間來找，原來這間是北方餐廳，地方不太大但都幾乾淨，見到餐牌有辣有吾辣選擇都不少，我地最後叫了前菜，主菜為主。食物食了一陣就來到都叫幾快，羹口感不錯但材料不多，但味道幾清新。小食鎮江餚肉，肉都幾香口，加了酸的醋好開胃，因為白色透明位是肉汁味道都不錯。海蜇頭幾爽，但份量不多。煙燻素鵝，幾濃郁的煙燻味道，皮都幾脆口但入面就味道偏淡左少少。我最愛的主菜松子黃魚來到都幾大條，表面炸得不錯，加上甜酸汁都幾開胃，仲有松子和蝦仁，但魚肉比較多骨和味道比較普通吾夠鮮甜。

同事話附近有間食北方食物的匯泉居都可以，所以話今日帶我去試下試，入面裝潢都不錯幾中式，好快有熱茶招待，餐牌都好多選擇，但因為我地唔食辣關係，最後決定食幾款食物，等待時間都可以，首先來的蔥油撈麵，份量都夠我地三人淺嚐，蔥味都重但麵質比較淋身。另一樣餸薰雞原來用雞拆肉，食落幾方便，但雞肉上面只有少許皮在雞肉上，煙薰味和醬油味都幾濃，雞肉口感都可以，但如果有多少少雞皮應該會更香。南瓜蝦球，蝦新鮮程度普通，南瓜味道幾甜又飽肚，炒菜都新鮮又夠熱。

同事話今日想食中菜，#小秘書 我咁就得人當然係無所謂啦😆 鰂魚涌其實都幾多嘢食㗎，除咗英皇道之外，海光街、海灣街一帶都唔少選擇，不過間間都細細間咁，唔好期望可以舒舒服服坐一粒鐘，飲杯茶、嘆個飯👀筷子通常放抵唔夠兩分鐘，就會有服務員走埋嚟溫馨提示大家夠鐘返工.... 即係叫你快啲起身埋單讓張枱出嚟呀🤣 今日 #小秘書 喺「匯泉居」亦受到一樣嘅遭遇，不過我都慣哂lu🤣「匯泉居」位於海灣街一條小巷裡面，唔係街坊嘅話，都好難會搵得到🤔 今日我哋三個人食飯，每人負責揀個餸之後夾埋一齊食，點知咁啱大家都 #大肚婆 上身，分別叫咗 #黑醋排骨、#蕃茄煮蛋、#咕嚕雞球😅 好彩味味餸都好送飯，而 #小秘書 就鍾意個 #黑醋排骨，肉味少少帶酸甜又唔會有太重嘅醋味👍🏻👍🏻 套餐仲包埋湯/豆漿、白飯/菜飯。$68一位算喺呢區嚟講唔太貴💸 不過呢類咁濃味嘅餸菜都係間唔中幫襯好，都係清清地好啲😄

小籠包皮厚及穿的，皮這樣還可以穿，真是想像不了，個籠蓋是冰凍的，想像不倒是如何蒸的。楊洲炒飯濕的冇味，衰過食茶餐廳的炒飯，咸肉律白勁咸，蒸銀絲卷唔夠熱，原本想叫拔絲都不敢叫了