滾喜火鍋專門店 (已結業)

旺角都有唔少餐廳係食火鍋放題嘅，今次決定揀間偏門啲嘅。呢間位於通菜街嘅滾喜火鍋專門店之前都未食過，平時行街都唔會見到，都係朋友介紹先識黎。餐廳嘅環境都幾寬敞，喺平日晚上嚟到都幾滿座，不過又好彩咁啱有位。見到餐廳提供wi-fi㖭，係幾貼心嘅服務。餐廳有芝士火鍋，出面少啲機會食到，所以今次決定點呢個，芝士鋪滿雞塊！由於係芝士火鍋所以好似冇難度選擇，任食嘅價錢係200蚊左右，可以坐兩個半鐘。食完雞煲輪到食火鍋啦。首先一嚟梗係點安格斯牛啦。鮮紅色嘅一塊塊牛睇落都好吸引。餐牌上面嘅指引呢款肥牛煮6至12秒到就最perfect。推介響鈴，餐牌顯示呢款響鈴係自家製嘅。平時啲響鈴好似會吸收好多火鍋嘅湯底好邪惡，但係呢款感覺上冇咁油膩，吸收力冇咁強，從健康出發係幾好嘅。芝士腸係雪藏嘅，所以攞出嚟仲見到小小冰雪，放落去火鍋好快就溶曬，食落熱辣辣仲有啲芝士噴出嚟。嘢飲方面有罐裝同埋樽裝，最特別嘅就係有一大瓶竹蔗茅根，打邊爐咁熱氣竹蔗茅根就可以降火。

係朋友上網睇到介紹所以就去但係真係好失望 無論係食物定係職員態度去到叫左188芝士雞煲加火鍋芝士火鍋d芝士味係ok但係略為普通無想像中咁好味 真係只係普通既芝士撈雞叫左咸蛋黃魚皮 夠脆但係個味完全吾得 超級咸之後加左豬骨湯叫左火鍋配料 有菜心苗 d菜大部分都係爛既響令 完全吾脆同都好淋好明顯吾會係新鮮牛肉 正常 薄 而且無咩牛肉味魚皮餃 正常蘿白粟米 好食 好甜丸類 正常 無話特別好味午餐肉芋絲豚肉 其餘好多配料都好普通 完全吾可以話佢係新鮮同好味食完真係好失望 而且佢未夠鐘就會趕你走 未試過比侍應鬧 你夠鐘啦你走啦你吾可以再食 明明係你上菜勁慢又漏單 未夠鐘你過黎收錢收完就趕人走 因為外面有人等緊？外面食放題人地收完錢都會話仲有15分鐘啦 況且又未夠鐘 我真係比人鬧完之後呆左 同朋友即刻走 亦感到好無奈佢上菜有漏單 過左成個鐘 第二張到左第一張先黎 畫左個d野又上吾齊 我同你講一直漏左單要追單 你收完錢 明明未夠鐘 我仲食緊未食哂又比你話我個鍋仲有野食鬧我追咩單叫我即刻走吾好再食你夠鐘 我無言 希望我經歷既係個別事件 但真係稱吾上好味 真心呢個價錢外面有更多選擇

之前有朋友推介，所以今日去左試下，入到去話雞煲任食，再選擇要邊一款牛肉，我地揀左最平果個（但都要$178 假日仲要多收$10）個陣已經見到服務員好似睇你唔起咁款。之後落單叫火煱配料個陣，叫左一轉d野唔齊，再叫第二轉個陣就連埋第一轉個d一齊黎，呢樣都算，最勞氣係明明寫住任食兩個半鐘，食左兩個鐘突然間走埋黎話你地夠鐘啦，但我女朋友岩岩先催佢地仲差個公仔麵，咁諗住同佢講仲有個麵未食，個服務員用好差既態度講：仲食咩公仔麵呀，你仲有好多野未食，同埋夠鐘啦 跟住就趕我地走，個刻真係嬲到即刻起身走人，跟住出到門口見到好多人等緊位，我就知因爲有人等位，佢地想做多轉生意就拿拿聲趕人走，咁樣做生意好不知所謂。真心食物質素一般，唔值呢個價位，呢個價位有好多好食過佢既火煱，同埋咁既態度，真係唔會有下次，希望大家去之前都諗清楚。

本身諗住去食附近某間任食火鍋，但因臨時決定所以未有訂位，直接上去攞飛要等30張枱😢所以轉戰女人街搵食由於一心諗住食打邊邊，所以誤打誤撞就入左呢間先食雞煲，後食任打火鍋係出面望入去見唔多人，心諗可能伏伏地入到去侍應姐姐十分親切，由於同行嘅另一半唔識中文，餐廳亦有英文餐牌提供，但點菜紙就冇英文版雞煲+火鍋任食+任飲=$188另有加錢食靚啲嘅牛肉選擇如果唔想食雞煲，可以選擇$178，淨火鍋任食+任飲雞煲叫左小辣，但我同另一半都覺得超咸，加左少少湯之後都係覺得勁咸，所以食左幾舊就立刻加湯打邊邊，雞煲可以唔試肉類選擇：肥牛，羊肉，豬肉，牛舌肥牛👌，羊肉唔so，豬肉👌，牛舌👌其實任食選擇不多，質素可以，如果唔想等，但又想食到任食火鍋嘅話，係一個唔錯嘅選擇

雖然係放題，但係個調味架都好專業，同平時出去食火鍋專門店嘅調味架差唔多👍👍😋今日叫咗$208任食餐，有安格斯牛肉任食一開始就食咗個雞煲先，因為朋友唔係好食得辣，所以就叫咗最少嘅BB辣，佢有個計時器倒數，一響就有職員過嚟幫你炒個雞，唔使自己郁手☺️個雞煲有洋蔥蒜頭嗰啲一齊炒，好香好好吃，如果唔係因為要食其他嘢，真係想加多轉雞👍第一碟牛肉就叫咗美國肥牛同埋安格斯牛肉比較一下，果然一睇就睇得出上面比較肥嘅係美國牛肉，下面肥瘦均勻嘅就係安格斯牛肉，安格斯牛肉入口肉味都重好多👍😋價錢只係差$20，食一兩碟已經回本，所以鍾意食牛肉嘅朋友真係要叫安格斯😋打邊爐必點嘅魚皮同埋響鈴，響鈴係自家製，炸得好脆，唔會太油，魚皮都好好食，佢仲有一種鹹蛋炸魚皮都好吸引，但係因為太飽無食到，下次要試吓😂牛柏葉，鵝腸同蝦都好新鮮，啲蝦全部都係海蝦，啲肉一啲都唔會霉👍👍之後就叫左皇帝菜同埋菜心，啲菜都好新鮮，同唔會老汽水櫃嘅選擇都唔少

星期四晚七點去 當時無乜人 唔洗等位 但我地未齊人怕入左去就開始計時兩個半鐘 店員有禮 主動熱情招待 話坐住先都無所謂 嗌野食先開始計 呢到有唔同款或雞煲 俾一個價錢 可以無限添雞 我地叫左一個麻辣一個芝士 兩款都又香又好食 芝士雞添左兩次 麻辣雞添左四次 添既份量我地自己定 每次我地都寫二十件 佢都一大碟咁上 食夠雞叫佢加湯再任食打邊爐 食材正常 唔係高級但唔難食 基本丸 餃 腸 菜都有齊 飲品選擇較少 但都有汽水 茶 竹蔗茅根店員全部都好有禮貌（真係睇唔透點解咁好禮貌）你d雞夠鐘食得會過黎幫你撈幾撈 等你唔洗痴底 就夠鐘都好有禮貌提你仲有十五分鐘 呢個價錢其實真係抵

睇完網上某影片介紹就去試，結果係同網上介紹嘅接近一模一樣，我冇食個麻辣或芝士雞煲因為一來我覺得任食嘅雞煲係冇可能會比得上某啲特式小店嘅味道，二來唔想未食其他嘢就俾芝士呢類嘢質飽咗一半個肚，湯底求其要個豬骨湯，我升級至最貴可任食特級安格斯牛肉同桶蠔，先試唔使加錢最cheap嗰隻肥牛，冇比較下係ok可以嘅，然後試只加$20嘅安格斯牛，有比較下實在爭幾遠好味同嫩滑好多，咁最平嗰隻牛可以收工唔會再叫，再試加$90最貴嘅特級安格斯牛，其實同$20嗰隻爭得唔遠只係油脂紋分佈靚啲同肥多少少，反而女仔多數鍾意食瘦嘅話可能鍾意普通嗰隻安格斯添，桶蠔非常大隻口感一流，嘢食款式唔算好多但質素以放題級數計算係非常之高，有放題少出現嘅蜂巢豆腐，白鱔片第一碟嚟普普通通第二碟嚟超級彈牙非常好食，雲呑非常好食不似任食質素，蝦俾海蝦而唔係俾較平嘅基圍蝦或草蝦呢點要大讚，其他食物都ok，飲品任飲但款式唔算多，環境我因爲坐卡位所以都幾舒適，服務態度店員幾有禮貌，就快夠鐘亦冇吹我地直至已過咗5分鐘先提我地(外面仍有人等位)，點完食物上菜速度好快冇dum波鐘，個人認為$300左右有咁嘅質素食物環境雖未算好超值但絕對可以一試絕對

天氣轉涼，又係時候食雞煲，加埋任食邊爐就最正。好食嘅雞煲火鍋散叫唔會平，依間「滾喜」任食都只係二百幾蚊，試得過。餐廳位置係女人街，地鋪，易搵。我地訂枱訂7:15pm，有卡位坐，夠曬闊。任食火鍋有三種價錢，我地揀左高級安格斯牛小排同美國桶蠔，$278一位都唔算好貴。叫左三重芝士雞煲，芝士和🐔溶埋一爐，太正🤤。芝士雞唔會太咸、太稀，啱啱好。雞肉嫩滑，雞皮又唔肥，好好食。小食有邪惡嘅鹹蛋炸魚皮，可惜唔夠脆，味道好咸香。主角高級安格斯牛小排脂肪分佈均勻，入口夠嫩滑，連奄尖嘅男朋友都讚好。美國桶蠔好大隻，滾完後keep住肥美身型，啖啖肉。蝦餃同水餃都好食，仲有打邊爐最愛食嘅皇帝菜都夠新鮮。侍應嘅服務態度好，經常面帶笑容，執枱都執得好快。

難得好友係白忙中抽時間食個飯原本想搵間近其好hit 嘅邊爐坐低慢慢烚不過機緣巧合下 見到呢間滾喜火鍋決定比個機會小店，試一試小店喇內環境好大，整潔乾淨，人唔算多職員態度好好，都幾企理㗎原來呢到係放題式咁叫㗎有三種選擇，分別係$188，$208，$278最貴個種有生蠔任叫添聽店員講，好多人都叫呢個價食㗎不過我地唔食生蠔 所以選擇靚小小嘅任食安格斯餐原來首先我地會有個雞煲我地選擇左芝士味，看圖識字，個芝士雞煲好堅料，用真材實料好多芝士煮，冇用味精湯底，真係睇見到好吸引仲會有個鍾set 時間幾點可以食得食落雞肉好嫩滑 芝士熱辣辣 又拉絲 正！食完工作人員好好，不停問我地夠唔夠食，可以免費再無限添加，如果多人黎食，又鍾意食芝士嘅話，真係好抵呀，而且啲姨姨們都好好禮貌，好有媽媽feel 關心客人夠唔夠食！然後小弟同朋友選擇打邊爐喇打邊爐材料好豐富牛肉雪花分明，好靚另外要比十個讚嘅係佢地嘅海鮮佢地嘅海鮮好多選擇，牛白葉好爽口又唔韌尤魚好鮮甜，爽口又新鮮魚我地試左翠肉鯇同白鱔兩樣都好爽口 後者質感較實，帶甘 都幾特別仲有自家制雲吞，好足料當然，佢仲有好多款食物選擇，又有任飲飲品，仲可以坐好耐，同好友

出開旺角無理由唔試下早排都幾出名嘅三重拉絲雞煲，於是就過左黎呢間叫滾喜火鍋專門店試一試。呢邊有麻辣雞煲同三重芝士拉絲雞煲揀，我地當然選了芝士雞煲食啦，等的時間不長，大約5分鐘便上枱了，上枱是仍而需加熱融了些芝士，店家很貼心放了個計時器在旁邊倒數5分鐘，亦不時幫我們檢查鍋中情況，以免焦了，呢啲貼心嘅服裝，就算未食都加曬分。講返芝士雞煲，一打開看見芝士拉絲的效果都流曬口水，食落雞件調味較輕，不會搶了芝士的味道之餘，亦不失雞味，芝士亦發佈了它的功用，加強整鍋的香氣，兩者都幾夾。食完後點了個番茄湯底併沙嗲湯底，值得一講的是番茄味很濃，很耐未試過有任食店有這麼濃的湯，都幾好。我點的是中間價位安格斯牛肉套餐，原以為牛肉也是得過且過就算，但一上枱見到呢啲牛肉就發現事情不簡單，牛肉色澤鮮紅，紋理清晰，而且都幾大塊，我一度懷疑是下次單，點了最貴的份，但發現亦不是，食落牛味都幾重，而且都幾有咬口，相信來貨都幾高質。另外店家亦主推咸蛋魚皮，於是就點了一份試試，咸蛋味十足，亦很濃，甚至有點點掩蓋了魚皮的味道，對於喜歡重口味的人黎講一定會鐘意。最後兩個人埋單大約$500，價格對比質素黎講，絕對值得。

之前去過幾次, 都覺得好好, 可能剛剛新開, 無咩人流, 唔會坐到迫迫夾, 而且d服務好好, 所以一直都有推介比朋友, 今個月我仲卜左同屋企人去食, 點知今次去已經唔同哂,服務員態度差,5個人要坐4人位,齋睇已經覺得迫, 唔好講話要坐落去,同個服務員講:卜左都要坐咁細張枱?佢居然答我話: 都無辦法架喇, 今日好旺!你咁旺, 即係多我一枱唔多, 少一枱唔少,我係有比錢食野架,唔係黎乞食架,  點解要咁委屈自己,無辦法都講得出!我之前推介既朋友, 都叫佢地唔好去,所以都係呢道比個信息大家想去呢道食, 就要委屈一下自己

今晚約左朋友出旺角打邊爐，兩條友想食得多款d緊係放題最著數我地揀左係女人街內既「滾喜」，因為見佢有芝士雞煲，而且重要係放題岩曬我地！價錢有三款，最平188，最貴278，重有兩個半鐘食，時間充足坐位舒適闊落，冷氣夠，環境乾淨衛生，食得舒舒服服邪惡誘人既芝士雞煲打開蓋傳出非常香濃既芝士味入口芝士味相當濃郁，但濃而不漏，吃完沒有很膩既感覺！雞肉肉質嫩滑結實，而且食完可以再添加～$278套餐既安格斯牛肉脂肪分佈均勻，肉味濃厚口感嫩滑絕對能夠值回票價而且每次填寫都黎足數量魚類新鮮咸蛋炸魚皮必食，超魚皮薄而脆，每片都沾滿咸蛋碎，入口充滿咸香味！完全超出放題質素

同朋友兩個人，準時係1900入座，話明食兩個半鐘，汽水任飲，啤酒可以另外加錢一支支買。點知食到2030，就催你last order。我都算，催完2045又黎催，話後面有人等。喂喂，你自己講兩個半鐘，酒未飲完就叫人走？有無甘樣做生意呀？甘無訂位就係要等啦，如果有訂位，姐係你地安排不當。仲要獅威飲起似大陸雪花，雖然獅威唔係乜野貴酒，但點解會甘？你懂的，盛惠 $20支。明明就食物服務都OK，甘樣既結尾，又係唔憂做系列。無下次。

叫完個芝士鍋就打邊爐點知俾滾水我 食啖肥牛 好難受我就同職員講佢竟然話 咁你有調味料 有豉油嫁麻打邊爐最重要咩呀？個湯底呀湯底好根本唔需要再額外調味啦簡直係本末倒置呀！最後去惠康買左包湯包！離哂譜

麻辣雞煲總是經常都好想食但要搵食得辣既朋友總是可遇不可求，今日終於都約到食得辣既飯腳價錢唔貴$278就已經可以食到高級安格斯牛仲要係任食價飲品選擇雖然唔多，但勝在迎合大眾口味，而且仲係任飲添仲有自家製竹蔗茅根水麻辣香包住每一舊雞，啲雞好夠滑我地開頭要左小辣，但食左一舊覺得可以再辣少少，服務員很友善咁拎左啲麻辣醬俾我地再炒一炒無錯，呢個味就岩岩好喇雪花安格斯牛睇落都覺得好靚，雪花分怖得好均勻我朋友話好好味，佢一個人清哂成碟呢個自家製水餃真係要推介，個皮超薄，個餡又完全無肥豬肉好味道即製皮黃炸魚皮最近好興咸蛋黃咸蛋黃味好香，但又唔會太咸喎