影片
營業時間
今日營業
17:30 - 02:30
星期一至日
17:30 - 02:30
以上資料只供參考, 請與餐廳確認詳情
已開業二十多年的人氣火鍋店從深井開到天后再到尖沙咀新店環境闊落寛敞，設計優雅時尚，有很多大圓檯及卡座裝修雅致，設有私人包廂，更引入智能機械人送餐午市供應點心、晚市則以火鍋為主，樓梯位置有大大個「滾」字花牆招牌色彩繽粉，非常豔麗奪目，打卡一流鴛鴦鍋四川麻辣湯底拼海底椰濃豬骨湯足料有誠意招牌手切牛頸脊肉質嫩滑牛味濃，油脂分佈平均附送罕見部位，牛眼根爽韌甘香，牛胸油帶牛油香味炸蝦餅配甜酸醬爽口彈牙，每一口都有濃郁蝦味食神棒打牛丸口感鮮嫩有嚼勁，牛味濃郁 ，肉汁充沛象拔蚌丸粒粒爽脆，層次豐富，沒有半點雪藏感 三秒腐皮吸收湯底精華，為打邊爐的必吃食物
繼續閱讀
原來5年前我已經黎過這家打邊爐♨️，高質又好吃！最近知道尖沙咀新開一間高質火鍋店，趁住上weekend 天氣突然轉冷，即刻去黎左滾‼️ 而且餐廳在旺區開到凌晨2:30am, 半夜快12:00 都不少客人進場用餐。以後半夜諗唔到食咩，宵夜可以約黎滾♨️😍🥢！天寒地凍❄️ 當然最岩係即興來打邊爐♨️😆🥢，呢間呢間真心高質又足料！！！食材都是靚料❤️：靚湯底、靚牛🐮、真材實料手打各類丸類 & 餃類🥟，一點都不馬虎！全是足料手工菜～🔸手打推薦：和牛爆汁丸、象拔蚌丸、虎蝦蝦餅今晚試咗潮州湯底 【滾得棧。總廚必食推介】 $99材料：紫菜，芫茜碎，唐芹粒，葱花，肉碎，冬菜，蒜油（豬骨湯底） 💚香香濃濃滿有唐芹茜香🔸老闆以潮洲粥底概念製作的鍋底，冬天喝一口很暖身，加粉麵吃更有風味。另一款傳統【秘製沙嗲湯底】 $89材料：秘製沙嗲醬，豆卜，大豆芽，椰汁（豬骨湯底） 🧡香濃惹味，帶點點椰香 火鍋配料有：🔹招牌手切牛牛頸脊 $298 (牛肉質素很高）🔹香口牛眼根 $178 (油脂更豐富且有咬口）🔹食神棒打牛丸 $68 (充滿牛脂香 爆汁手打和牛丸）🔹手打象拔蚌丸 $65 (爽口又彈牙 有粒粒蚌肉）🔹時令當造豆苗 $45 (青嫩帶滑）🔹手打鮮韭菜餃 $43 (足料又鮮蝦 大大粒）🔹手打虎蝦蝦餅 配甜酸醬 $118 (不計成本之作😍 啖啖虎蝦肉 肉質鮮甜）🔹竹蔗水 $20 杯 / $72 榨 (清甜生津又解渴）..真的是❤️真材實料店❤️，呢餐宵夜食得好盡興🥳！有機會再來喔～..×××××ש尖沙咀棉登徑17-23號華楓大廈地下1A號舖及1樓..
繼續閱讀
痴線，呢到啲野真係超好食！好高質！啲牛頸脊靚到已經encore左3碟！食極都唔厭🤤又重肉味，又林入口即溶，咁靚嘅牛香港打邊爐真係唔多！最開心係有雞腸食！真係唔多地方會有 。通常都係鵝腸多，呢到係黃油雞腸！好好味！仲環份量都多，食得好滿足 。湯底方面，叫左鴛鴦鍋，一半沙嗲湯底，襯番食肥牛，同公仔麵😂（可以整沙嗲牛公仔麵）；另一半就清湯煮海鮮 。啲鮑魚超新鮮，仲郁下郁下，重點係洗得乾淨！呢樣野好緊要。最後，連呢到啲菜都要讚下，真係又靚又新鮮又爽，吸埋啲揸邊爐準好正 。真係高質邊爐 。同埋真老字號 。我地6點黎都已經有2枱打緊，平日夜晚都全間坐滿，所以真心好食 。
繼續閱讀
為振興本地消費，今晚成班老友左揀右揀，上埋打邊爐關注組揾下香港有邊間打邊爐好食唔會中伏，見到滾得棧好多人推介，啲食物都幾是是正正，就決定會一會佢。滾得棧位處食肆林立既棉登徑，門面黑底紅色大字非常搶眼，上一層到餐廳大堂，座位唔算多但係枱與枱之間相當闊落，唔會好迫，而且通風幾好，食完應該唔會成身味。人齊開始點菜，火鍋湯底揀左特濃花膠雞湯，可以飲完雞湯先慢慢打邊爐，雞湯唔算好濃，飲落唔會好咸同渴，花膠質素不錯，仲有半隻雞食，絕對對得住個價位。打邊爐梗係唔少得食牛，先來一碟招牌手切牛頸脊，牛味十足，口感軟淋，份量都好足，七個人食都好夠。然後一碟爽脆金錢𦟌，食落去好有口感，越食越有牛味，同樣份量唔少。另外我哋仲點左韭菜餃，珊瑚蚌，三秒腐皮，炸魚皮，竹笙等等，個韭菜餃尤其出色，算得上皮簿餡靚，值得一試，每樣邊爐料都好有質素，滾得棧仲有好多海鮮，牛內臟可供選擇，不過朋友唔太好，所以無辦法一試，相信質素都應該唔錯。食飯當日係閒日，餐廳到8點幾都係得3成滿，真係感歎生意難做。最後一提係滾得棧店員相當有禮，服務周到，成餐飯都食得好舒服。
繼續閱讀
必食火焰雞煲：這道火焰雞煲以其獨特的燜燒方式而聞名。它的口感非常嫩滑，肉質鮮美，入口即化。配上豐富的香料和調味料，每一口都充滿了獨特的香氣和風味。此外，火焰雞煲還具有酒香，讓人垂涎欲滴。手切牛頸脊：這道手切牛頸脊以其精湛的刀工和優質的牛肉而聞名。牛頸脊肉質鮮嫩，口感豐潤，肉汁十足。由於是手切，每一片肉都保持著適中的厚度，口感更加豐富。食神棒打牛丸：牛肉丸子口感鮮嫩有嚼勁，入口後散發出濃濃的牛肉香氣。配上香濃的醬料，每一口都帶來了豐富的味覺體驗。香口牛眼根：香口牛眼根，煮15分鐘以上，牛眼肉口感極為嫩滑，咀嚼時釋放出豐富的肉汁，每一口都帶來了濃郁的香氣和口感。活魚刺身：石鯛具有皮薄、 肉質鮮嫩、富含膠質的獨特口感，爽脆彈性。它的口感非常鮮嫩，入口即化，帶有海鮮的甜味和清新的香氣。由於是使用新鮮的活魚製作，保持了魚肉的鮮度和彈性，使得刺身更加美味。這道美食的特色在於魚肉的鮮嫩口感和海鮮的原汁原味，給人一種清新和舒爽的享受。麻辣鮮魚皮：麻辣鮮魚皮口感爽脆彈牙，帶有辣味和麻味的調味料，帶來了一種獨特的香辣麻。椒鹽豆腐：椒鹽豆腐口感鮮嫩滑軟，外層酥脆，內裡柔軟，微辣和鹹香的風味。
繼續閱讀