滿堂紅雞煲烤魚特式火鍋 (已結業)

不會再去…………次次去都比D豬頭骨位我其實佢有位又唔比人…………D涼伴永遠無refill 幾次都係咁…………食都未食過我講係深水埗果間…………好差勁永不再去……😤

最近天氣凍，當然想食打邊爐，去完深水埗買嘢，就去咗一間有烤魚又有打邊爐嘅餐廳，餐廳夠大夠多位。首先當然係主角烤魚，好香，啖啖肉唔多骨，湯底亦十分惹味，又香又麻!醬料區飲品區都非常齊全，冬天亦特別設有暖飲區 ，旁邊亦有各種湯可自行倒。食完烤魚，就開始打邊爐，肥牛鮮紅色，有牛味!其他丸類雜類種類選擇亦足夠，有至愛既雜菜拼盤，爽彈鮮魷，同自家醃製蘿蔔。豆腐夠滑，仲有打邊爐必點午餐肉同魚皮!整體不錯，經濟實惠，推薦肥牛同烤魚!

一到冬天就好想食烤魚，同同學搵到去深水埗食任食烤魚，食完出門都覺得冇咁凍∠( ᐛ 」∠)＿本身鍋底都唔少選擇，我地揀左酸菜大盤烤鯇魚，兩個人食細既都好夠🤤依度既口味偏淡，我地係自助bar拎左辣椒同葱入去整辣去😻😻魚都幾大條，入面配菜都好豐富🤡之後我地點左任食配料，都唔少選擇☃️響鈴係一般款，一啖一個🤓必食薯粉都有😬正烤魚必吃嗌左丸、蟹柳、木耳、鯪魚滑、粟米同魚腐，鯪魚滑十分高質，粟米都夠甜，整體質素不俗🤤自助bar仲有小食、雪糕同野飲🤤依個價都幾抵食

火鍋或者雞煲放題成日都有，不過今次係深水埗發現呢間放題竟然有烤魚，又幾得意渦，一於試下。麻辣大盤烤鯇魚鯇魚被滿滿既香料煎封過，幾香口。而且份量都幾大，有好多肉可以食，魚身比較紮實，唔算多骨。另外我地仲點左好多火鍋任食配料，不過就無個個都影低，以下係其中幾款：肩胛肥牛肩胛部位既肥牛，切得好薄，但估唔到都幾有牛味。烚過後既肥牛，肥瘦適中。梅林午餐肉梅林午餐肉屬於火腿午餐肉，會食到肉絲質感，打邊爐岩哂。「真係花膠」百幾蚊既價錢可以有真花膠食，都幾驚喜。花膠幾厚身，幾漿口。炸魚皮食麻辣湯底最正就係食吸汁既食物，炸魚皮就係其中一樣。呢到既炸魚皮大大塊夠哂原整，浸一浸湯拎番起，口感濕濕地又脆脆地，好味。唐生菜 白菜仔另一吸湯推介就係唐生菜，浸完湯麻辣味非常出眾！熟食區 涼拌呢到除左火鍋配料任食外，仲有熟食區同飲品區都係無限任添。自制蒜泥白肉其中一個涼拌小食有一堆堆既腩肉片，我將佢排好係個碗到，再淋上蒜蓉鼓油汁，就成為蒜泥白肉喇！ 解茶飲品竟然有解茶，食多啲都唔怕肥喇。

在某一天，天氣冬冬的，很想吃熱辣辣的雞煲之餘又想吃芝士，就上網找到這一間芝士雞煲了，滿足我小小的心願。雞塊比想像之中的都很多，重點是價錢亦不貴，選擇辣的 比較野味 。（芝士的味道雖然不太濃烈，但整體也覺得不錯而且又有各式各樣的火鍋配料，也挺不錯的這裏的肥牛也是我推介之一👍🏻👍🏻👍🏻環境雖然不是太高貴，但看得出他的細節也挺有中國的味道 服務員也很留意客人的枱面，把多餘的碟也很快地收拾 有機會我也要試試這裏的烤魚啊””””

夾完肉就可以淋上預先調好慨汁加幾多蒜有幾多蒜！但食芝士雞，真系要快d食，比較易癡底！呢度慨雲吞同水餃全部自家制ga咬開水餃發現店家放左原塊木耳，令水餃增加左爽口感覺，都幾特別。欣賞慨地方系雖然滿堂紅系任食店，但魷魚都有介到花。

酸菜魚會跟人數分大細，我地2個人，所以叫咗細份。但細份都好大份😂，足足有成條魚，再加上配菜，份量十足。酸菜魚一直加熱，味道會變得更深，建議加熱一陣至開始食。不過值得讚既係，由下單至上主菜既時候，非常快。火鍋料火鍋料都好多選擇，不過怕食唔哂，變大哂鬼，所以無試到好多。菜肉餃子皮較厚，餡料足。雲耳呢啲材料會給好多湯底嘅味道，而湯底好酸好夠味，所以雲耳都好好食。魚腐唔係彈牙嗰種，不過尚算有魚味，冇雪味🙈。自助小食小食方面有雞腎，雪耳，青瓜，仲有咖哩魚旦。雞腎，雲耳，青瓜都係醃制好既，不過如果你食得好重味道，都可以係側邊自己加啲黑醋，味道都唔錯！咖哩魚旦係驚喜作品😂飲品估唔到仲有解茶飲，對於唔好甜既人，真係非常感謝。

滿堂紅一聽就知充滿左中國特色味道。而呢間係集雞煲、烤魚同特色湯底於一店。今次一於試下馳名芝士雞煲啦！芝士雞煲食得多，但麻辣芝士雞煲就少見！呢度麻辣雞係炸過的。而且入面仲有洋蔥、薯角、芝士粒。煮多幾煮芝士溶了。芝士醬非常濃味，仲可以拉芝，而且每件雞都好入味。食到差唔多就可以加水食下火鍋配料啦！火鍋配料有蔬菜、肉類等、每樣都好新鮮。除左火鍋之外，餐廳仲有沙律吧。沙律吧有冷盤、熟食盤，包括青瓜、木耳等。而熟食方面，有鴨胸、豬紅咖哩魚旦蘿蔔等。火鍋最緊要就係要有甜品埋尾。呢度甜品有雪條、雪糕。仲要係韓國雪條哈蜜瓜味都有！

冬天必食一定係火鍋啦！但芝士控表示，如果可以配搭埋芝士雞煲就最好不過啦！餐廳環境非常簡單，只有少量嘅中國裝潢，加上幾幅油畫，但充滿溫暖。而且地方很寬敞。呢間餐廳唔單止有芝士雞煲，仲要係麻辣。完全滿足晒又想食辣又想食芝士。除左平時火鍋嘅配料之外，餐廳亦都有熟食專區，例如咖哩豬紅蘿蔔、鴨胸等。咁就唔洗擔心餓住等啦！食到咁上下，個芝士鍋都開始溶芝了，咁就可以攪拌下。呢度雞煲嘅雞同其他唔同，係炸過嘅。所以非常脆同有口感。當雞食到差不多，就可以加水。唔洗加太多，否則芝士味就會無咁濃。亦可以加入其他配菜了。

2017.12.05 😊【芝士X雞煲 想像不到的合拍】食在深水埗雞煲近數年極受大眾歡迎花款已經玩到出神入化 什至就連紫薯系列都有小妹真是不敢恭維😂這次跟晚上跟朋友來個聚會 決定要來挑戰芝士系列的雞煲餐廳空間感十足 大概是走中華風格路線門口擺放著一個氣勢十足的兵馬俑🇨🇳大堂亦掛上一條龍及油畫的裝飾原味芝士雞煲 $168/一位-原隻雞另加$20整個套餐是包2小時任飲任食🍴🍻不要以為任食都是平價貨 其實內容種類都相當豐富前菜方面有冷、熱盤選擇 味道亦比想像中出色:冷盤有麻辣青瓜、肴肉、酸齋🥒喜歡熱食的亦有炸咖哩角、煙鴨胸、咸菜豬肚、咖哩魚蛋、雞腳小妹就很欣賞麻辣青瓜 既帶小小麻香 又不會太辣來到主角芝士雞煲 小妹還是第一次試之前一聽到個名 就已經怕怕 感覺就很膩但經過今次 我相信會再次挑戰芝士雞煲一上桌已聞到陣陣香氣🐔雞已經事前煮熟 份量比想像中多食客只需要將面頭半溶的芝士混合便可以食由於芝士濃綢度適中 吃起來不會太油膩🧀煲內還配搭上一些炸薯角 雖然談不上吸收到雞的味道但味道跟芝士就相當合襯雞煲過後當然是利用剩下來的芝士混合豬骨湯打邊爐食材配料的種類超級多 多達60多款當中除了有常見的丸類、

第一次食呢間，一入去感覺係地方大又唔迫，前菜多選擇而且樣都好食，我同朋友揀咗濃味椰汁雞煲，椰汁味真係好夠，雞夠滑，真係直得一讚。仲有多款汽水同雪條選擇，$168任食真係扺到無朋友，我決定下次會再去幫襯！

幾年前，去過滿堂紅油麻地分店，就無烤魚鍋。今次，黎到深水埗分店。晚上7點左右，食客都未算好多，店面都幾闊落。店內走中國風路線！點餐紙簡單明確！芝士控嘅我，見到芝士雞煲就心心眼！出去拎野飲，有兩個大雪櫃。解綠茶、解茶 迷你版比較少見。韓國飲品，可樂一樣有，仲有好少見沙示呀！豉油、調味料全部係晒出面 小食區。仲有多款前菜。（蒜辣青瓜、鴨腎、酸齊同蒜泥白肉）DIY蒜泥白肉：夾完肉就可以淋上預先調好嘅汁加幾多蒜有幾多蒜主角出場喇！嘩係半溶芝士! 大家都趁未拌勻前，相機食先!但食芝士雞，真係要快d食，比較易痴底！牛肉脂肪比例分佈算低, 正！友人表示海膽包好食。第2round呢度嘅雲吞同水餃全部自家製ga足料好味咬開水餃發現店家放左原塊木耳，令水餃增加左爽口感覺，都幾特別。最欣賞嘅地方係雖然滿堂紅係任食店，但魷魚都有介到花。前菜仲有咸菜豬肚、豬皮蘿蔔魚旦、鴨胸同咖哩角ga, 掛住食唔記得影韓國雪條：（蜜瓜、椰子、芒果同香蕉）4種口味最後食條韓國雪條，為呢餐劃上完美句號

<好味芝士雞煲 任食打邊爐 >🧀🔥任食邊爐其實唔可以要求甘多 淨係個湯底如果足料已經好好 😂 今次俾我喺深水埗揾到呢間滿堂紅 (聽講油麻地有分店但冇今過 ) 食既係雞煲 烤魚 再任食邊爐 每位167 蚊 都幾抵食😁 除左麻辣雞煲 加20 蚊仲可以食芝士雞煲 🐤🧀 🍴芝士雞煲🧀🐤三人食一個雞煲 總共有一隻雞 落足料🔥 雞肉有成20 幾件😍 盡吸芝士汁 芝士汁既黏度唔高冇乜拉絲效果 但佢既芝士味香濃😃 加上洋葱🌰同埋一路溶緊既芝士碎 都幾有口感 ! 不得不提雞肉係炸香過先放落煲 所以幾脆口 雞肉味幾濃 🐤 而薯仔都好夠鑊氣好夠口感 林埋芝士汁係幾好食既😍食完雞煲就可以落豬骨湯打邊爐 任食既材料都幾多選擇 各種豬牛羊雞 內臟 菜 都應有盡有 味道都算ok以任食黎講算係甘la 😂 好似肩胛肥牛肉🐮 都幾煙靭同有牛肉味 豬頸肉都算幾彈牙🐷 羊肉就爭甘d ,多d羊香味更好 內臟方面點左爽滑既鵝腸 同軟滑既牛骨髓 味道都唔錯 新鮮度ok都唔會差🙂仲有各式丸 好似墨魚丸夠大粒彈牙🦑 海膽包都幾爆漿同多海膽汁 仲有我最鍾意既梅林午餐肉 豬肉咸味夠🐷😈 不得不讚佢既自製木耳水餃

今日朋友仔約我來呢度食雞煲烤魚，樓底好高，感覺都坐得幾舒服，雖然裝修有啲殘夠但係好大嘅空間感，一共六大兩小，7:30時段入座埋單全包168，呢個價錢都幾平揀咗一個椰子雞煲湯底感覺好甜我分辨唔到係唔係真係全部係椰子水，不過嗰個味道都OK嘅酸菜烤魚一啲都唔好食，條魚好鞋好大浸泥味肥牛竟然有驚喜,好勁牛味炸響鈴係現成貨炸魚皮唔好食丸類都正常嘅牛骨髓都可以水魷魚唔係好靚爽脆鵝腸唔得豬膶唔得烏冬OK嘅佢有啲熟食但係全部都係唔掂嘅夜晚九點半後埋單128全包，講真唔係難食不過唔會有慾望想再嚟囉！但求飽肚過吓癮打下邊邊嘅咁就係一個都唔錯嘅選擇黎嘅

My colleagues and I are always here to have hot pot. This restaurant has different varieties of food selections and the price is extremely reasonable. I would definitely come back again.You can get all the drinks by yourself and there are some hot food for you to choose from as a buffet style.