影片
電話號碼
28193088
營業時間
今日營業
06:30 - 22:00
星期一至日
06:30 - 22:00
以上資料只供參考, 請與餐廳確認詳情
食家推介
呢日想食泰式串燒所以嚟咗呢間食 Menu選擇超級多 睇到眼花撩亂 揀咗幾樣嘢試下🥰地道班蘭椰特飲班蘭味好重 但覺得有d太甜泰式奶茶呢個幾好飲 真係似泰國飲到個d😋😋😋燒雞全翼燒牛肉串燒豬柳串燒豬頸肉沙律巨人燒雞肉串叫咗呢d串燒 但係七味粉味有d重 偏鹹 但勝在大大份 份量多👍🏽👍🏽汁燒澳洲prime grade 安格斯牛小排飯呢個最好食 牛小排嘅熟度啱啱好 入口好多油👍🏽👍🏽👍🏽泰菜奶凍飲完泰茶之後食呢個覺得好似冇咩味 但朋友超鍾意呢個🤣🤣👍🏽呢間餐廳款式選擇好多 諗唔到食咩嚟呢度就啱晒👍🏽👍🏽👍🏽
繼續閱讀
餐廳裝修充滿泰國特色，而且有多個卡位，坐得好舒服餐牌選擇勁多，有好多set揀，仲有好少見嘅巨人set揀🤣🤣🤣我哋叫咗個下午茶set $68，有超多野食，勁豐富！包括一碗細海南雞飯，雞嘅份量唔少，雞肉好嫩，雞皮好滑，飯好甘香！泰式燒雞扒飽，超級大啊🤩🤩🤩而且用料好足，入面加入咗泰式沙律菜，新奇又好食！仲有一隻燒雞全翼，同樣好大隻，燒得啱啱好，仲好夠味😋😋😋我哋額外叫咗個班蘭西多士$38，西多士炸得外脆內軟，班蘭醬味道唔錯，唔會太甜太膩，推薦！！串燒叫咗雞肉串$26*2、牛肉串$28*2同豬柳串$26*2，每款肉質都唔錯，夠嫩口，而且燒得恰到好處，好juicy🤤🤤🤤叫咗兩款沙律，豬頸肉沙律$48，豬頸肉份量好多，咬落好嫩口，沙律好開胃！蟹籽沙律$28，同樣地好足料，沙律醬鋪滿整個沙律，蟹柳肉好甜，青瓜好新鮮好爽口！嘢飲叫咗凍班蘭咖啡$10同熱檸水~
繼續閱讀
陪朋友去粉嶺做野，喺附近搵下野食，呢間餐廳餐牌勁多選擇，想食咩都有。環境座位寬敞，好舒服，見到keep住full house，都幾多人。串燒孜然粉味濃，好惹味，豬柳一啲都唔韌，豬頸肉爽彈，相當唔錯。鳳爪沙律嘅份量好慷慨，勁大盤，材料好多，鳳爪好開胃，青木瓜蘿蔔絲好爽口。濱城蝦湯蝦蝦蝦，蝦🦐好鮮甜，竟然比有七至八隻蝦，湯底都好清甜。見到有薑蜜好特別，竟然一啲都唔會過甜，夠辣。估唔到喺粉嶺求其入一間餐廳都幾高質，有機會會再encore。
繼續閱讀
聯和墟內有間人流好旺嘅泰國菜，今日就去試吓😀餐牌羅列咗好多唔同類型嘅定食，全部都係東南亞菜式，有冬陰功、喇沙、船河等。每個定食都包咗三款湯／小食／甜品，加錢仲可以有特飲，一定夠飽😋叫咗百香果茉莉綠茶同白桃乳酸梳打，兩款都好好飲，最好嘅係夠曬大杯😀小食叫咗牛肉同雞肉串燒，好重炭燒既香味，好有泰國街邊既風味😋😋😋兩款主食朋友叫咗美國安格斯牛肉飯配麵豉湯、單骨雞翼、泰茶布甸，我就叫咗安格斯牛肉船河，配芝麻魷魚、炸黃金球同炸蠔。安格斯牛肉入口即溶，好重肉味，船河湯底濃郁，幾重藥材味，份量都好多😋小食方面，炸物全部都係即炸嘅，十分脆口☺️總括而言，值得一試嘅泰國餐廳😀
繼續閱讀
最近我同三位朋友去咗「滿屋」食晚餐，呢間餐廳主打定食套餐，選擇非常多，價錢相宜，真係好值得一試！🤩我哋一共點咗三個定食套餐，首先上桌嘅係蒲燒鰻魚飯配冬陰功湯、日式墨魚仔同日式炸帶子。鰻魚飯相當大碗，有半條鰻魚！😋醬汁香甜，正👍🏽冬陰功湯酸酸辣辣，非完香😌全係開胃之選。日式墨魚仔彈牙🐙炸帶子外脆內軟😋第二個套餐係燒汁安格斯牛小排飯🐮配搭冬陰功湯、蟹籽沙律同鹽酥雞🐥牛小排煮得非常入味，肉質多汁，燒汁香濃，與米飯搭配，簡直係絕配。蟹籽沙律清新😊而鹽酥雞非常脆內，味道香濃，係一道好受歡迎的小食😬最後一個套餐係喇沙海南雞油麵，配上芝麻八爪魚、炸雞軟骨同斑斕奶凍。海南雞油麵搭配雞肉和喇沙湯，椰香味濃👍🏽味道極具風味😋芝麻八爪魚好味🤤斑斕奶凍，清新滑口，有啖啖既椰汁味😌除了三個定食套餐，我哋仲加咗兩個小食：燒豬頸肉拼盤同燒牛肉串。燒豬頸肉拼盤份量足，每片肉都燒得恰到好處，肉質鮮嫩，油花分佈均勻，超香豬肉味😃好有驚喜。燒牛肉串則係用心製作，牛肉鮮嫩，醬汁調味得宜，真係一口接一口，令人停唔落手。整體而言，「滿屋」的定食套餐選擇多樣，味道出色，份量亦夠，無論係主菜定小食，都令人滿意。餐廳環境舒適，服務態度好，係值得推自己餐廳😊
繼續閱讀
您可能會有興趣的...