影片
電話號碼
36222070
開飯介紹
晚市放題供應多款食物，如刺身、壽司及炸物等。特別提供一般放題少見的朱古力噴泉、爆谷機及棉花糖機。食客更可任飲清酒、梅酒及啤酒。
繼續閱讀
營業時間
今日營業
12:00 - 22:30
星期一至四
12:00 - 22:30
星期五至六
12:00 - 23:00
星期日
12:00 - 22:30
公眾假期
12:00 - 23:00
公眾假期前夕
12:00 - 23:00
以上資料只供參考, 請與餐廳確認詳情
有關獎賞計劃
今次去咗大埔超級城嘅 滿屋日本料理，真心覺得又抵食又高質！選擇多到你諗唔到，早鳥同晚鳥仲有額外優惠，真係超值！刺身方面，真係亮點滿滿！有鮑魚、三文魚、甜蝦、帶子等等，全部都好新鮮，啲刺身每啖都鮮甜滑溜，食完想即刻再叫！🍣燒物方面，我最中意佢哋嘅燒羊架、蒜蓉燒生蠔同蒲燒鰻魚，燒得啱啱好，肉質嫩滑，香味撲鼻，真係一試難忘！🐑🦪 鐵板西冷牛扒竟然都係任食，食幾多都唔心痛，分分鐘回本！仲有 雞煲，份量係一人份，啱晒想試多幾款嘢食嘅人！其實而家佢哋每份食物嘅量都偏少，呢個設計真係好貼心，咁樣可以試多幾款唔同菜式，食到更滿足～當然，壽司、串燒、炸物 應有盡有，但款式實在太多，全部都講唔晒，總之每樣嘢都做到有質素！飲品方面，酒精飲品同普通飲品都係任飲，清酒同梅酒都有，啱晒唔同口味嘅人。🍶甜品方面，雪糕係無限供應，仲係 Movenpick 同 Haagen-Dazs！🍦 Movenpick 推介雲呢拿味，真係有雲呢拿籽，濃郁到不得了！Haagen-Dazs 仲有最新嘅柚子檸檬馬卡龍味，清新又有層次感，必試！
繼續閱讀
唔係啩 $3xx任食A5和牛海膽刺身併盤拖羅榴槤，吾實測過點可以相信! 120分鐘任你慢慢嘆 ! 成百款日料等你無限任食🤗🤗🤗A5和牛刺身輕輕燒過嘅A5和牛，入口即溶，油脂喺口裏面擴散，幸福感滿瀉🥰三文魚子黑松露魚生杯估唔到任食都可以咁精緻, 裝滿三文魚腩、油甘魚腩同魚子，鮮甜到暈, 入口層次好豐富😍滿屋海膽杯回本推介! 海膽鮮甜又滑溜，配上吞拿魚蓉，鮮味加倍🤩刺身拼盤有鮪拖羅、希靈魚、油甘魚、挪威三文魚、劍魚腩、甜蝦、北海道帶子和阿根廷赤蝦個人覺得阿根廷赤蝦最鮮甜，又勁大隻😍食到停唔到口💖劍魚腩肉質肥美，油甘魚鮮甜嫩滑，三文魚油脂豐富，入口爆油❤️忍唔住encore過咗兩轉😆滿屋佛跳牆足料有鮑魚花膠，鮑魚彈牙，花膠滿滿嘅骨膠原，濃郁嘅雞湯味，飲落順滑又玆補海膽手卷海膽嘅質量唔錯，而且細細件，唔會畀啲飯食飽你👏竹笙瑤柱蟹肉羹瑤柱份量好夠，蟹肉亦都好足👍榴槤榴槤烤咗特別香, 入口非常滑細膩，啖啖肉，去食日料都可以食到榴槤真係勁開心😋有大量串燒，炸物，窩物，真係食一次點會食得完😆仲有清酒白酒梅酒都係任你飲👍壓軸嘅梗係甜品, 除咗整個甜品櫃任食，仲有Haagen-Daz雪糕任食😍
繼續閱讀
呢間餐廳食物質素同員工服務態度都非常好，上餐速度快，服務周到👍🏻👍🏻👍🏻 前台埋單嗰姐姐同著黑色衫嘅經理都幾nice，不時會詢問我地食物質素如何，有咩需要改進嘅地方。作為一間日式放題餐廳，除左有最基本嘅刺身壽司，估唔到佢哋熟食都帶到驚喜俾我地，例如個炒牛柳粒，炒通菜，炒鱔球都非常有鍋氣。作為一向嘴叼嘅男朋友也不斷稱讚，一啲都唔輸出面啲大排檔😋講返刺身呢邊，滿屋呢間餐廳啲創意料理都幾勁，甚至仲可以講話好過某間大X屋 佢哋個紫菜海膽魚生杯有創意得黎又好生鮮，和牛刺身都非常好食。真心推薦大家可以過黎支持下，必須留港消費😤
繼續閱讀
好耐冇食放題😆今日口痕同朋友黎到滿屋日式放題等我地可以一次滿足幾個願望.由刺身開始挪威三文魚刺身、帶子刺身、阿根廷大赤蝦刺身同劍魚腩刺身都好正每件都有鮮美既海味😍尤其係三文魚刺身肥美既口感同細膩的油花令人著迷而帶子既鮮甜都好好食.隨後，我們品嚐左幾款壽司😛包括鵝肝壽司、鰻魚玉子燒、黑松露魚腩壽司同花之戀黑松露魚腩壽司濃郁既香氣同魚肉既鮮嫩完美融合令人回味無窮😎而鵝肝壽司軟滑既口感好令人陶醉清新既加州卷新鮮可口.不可錯過既仲有熟食我們試左黑松露蒸蛋同鹽燒雞軟骨黑松露蒸蛋既滑嫩口感鹽燒雞軟骨既酥脆令人一啖接一啖咁食🤩.我地都好鍾意榴槤炸彈同竹笙瑤柱蟹肉羹榴槤炸彈外脆內香榴槤既濃郁風味令人驚豔而竹笙瑤柱蟹肉羹口感好溫暖😆厚實的蟹肉搭配淡淡既竹笙好食.自助區提供左各式各樣既甜品同飲品有精緻既日式甜點仲有任食既Haagen-Dazs雪糕真係太過癮😆😆
繼續閱讀
《滿屋日本料理 - 大埔》如果喺大埔想食放題，就一定會嚟位於大埔中心大埔超級城嘅呢一間滿屋，成日都同屋企人過嚟做節或者食大餐，因為佢特價時段真係好抵食🥰而家仲有下午茶時段添，價錢更加優惠🙆🏻♀️平日我放工放得早，都可以食到7:30前嘅優惠時段，$308左右就可以氹到屋企人開開心心，而且食物嘅種類都幾多幾新鮮，啤酒清酒汽水都係任飲㗎😍就算唔食生冷嘢，呢度都大把熟食可以選擇👍🏻入座兩個小時任食，可以先去汽水櫃拎咗嘢飲，再去自助吧拎前菜同埋熟食，當日自助吧熟食有醬油鮑魚同埋青口，仲有小朋友最愛嘅章魚燒同Pizza，我就幾鍾意前菜小食嘅醃蘿蔔同埋麻辣魚皮👍🏻👍🏻 大推🤩拎完熟食梗係坐返埋位點魚生同埋壽司啦，我食嗰個套餐仲可以食埋特色壽司，最驚喜係竟然有鐵板鵝肝，仲有海膽手卷、吞拿魚、出邊好少見到有嘅劍魚腩刺身、生蠔杯、炸蠔等既食物🥘仲有不得不提嘅松葉蟹腳🤩食落都幾新鮮甜美，重點係任食㗎嘛，不過記住食幾多叫幾多🤭當日我屋企人食咗兩round就已經飽到食唔到落去啦刺身絕對係回本必食，除咗刺身同特色壽司之外，熟食方面，我見到有避風塘炒蟹同埋有炒蜆食，如果你鍾意食榴槤嘅話記住要叫埋佢個榴槤肉食，我個人麻麻哋榴槤，但係見到旁邊啲人食到津津有味，照計應該都算係回本必食嘅item💪🏻最後最後，甜品櫃仲有Häagen-Dazs嘅雪糕同埋有好懷舊嘅藍戰士雪條，細個好鍾意食，食完條脷會藍色但係又幾好食喎，我當日喺雪糕櫃拎咗個雪糕波波再點埋朱古力噴泉嘅脆皮朱古力漿，海鹽雪糕加朱古力漿其實好好食😋食到好飽但係好滿足，喺滿屋有大滿足😍
繼續閱讀