滿福庭

營業中

休息中

今天到觀塘APM商場購物，順道先到隔鄰鱷魚恤中心7樓的「滿福庭」午膳。餐廳地方開揚，寬敞，枱與枱的空間闊落，沒有壓迫感。盡頭有特大螢光幕，裝修明亮整潔，環境清雅。午市特價點心都有多款選擇，甚受歡迎，所以午市時段都座無虛席。我點了幾個喜歡吃的點心：“香茜牛肉腸”，腸粉皮又薄又滑，餡料多，而且調味不錯，有芫茜香味，非常超值。“蟲草花鮮竹卷”，鮮竹卷豬肉餡料調味得宜，不太鹹，配上蟲草花上湯，特別滋味。“香脆綠茶餅”，特色甜品，綠茶餅混上炒香芝麻，份外香口，中間是糯米粉餡料，脆中帶軟，雙重口感。“豉椒排骨飯”，排骨肉質爽口，配上青紅椒及惹味豆豉，味道也不錯。“脆皮燒腩仔”，真正皮脆肉嫩，三分肥肉，七分瘦肉，肉質爽口彈牙，是必食之選。“薑汁雞包仔”，大大隻，餡料調味佳，包皮鬆軟，是超值的點心。離開前見旁邊有幾個大魚缸，養住新鮮生猛海鮮，我便想到晚市來嚐嚐海鮮餐。

「飲杯茶☕️食個包」幾乎係爸爸媽媽每日嘅例行公事😚 所以每逢假日，我都會盡量抽時間，帶兩老👵🏻👴🏻出去行吓食吓，等佢哋開心吓🍓 可惜呢個週末天氣不似預期，喺 #紅雨 嘅底下，我唯有改變策略，帶佢哋嚟到 #觀塘港鐵站 旁邊嘅 #鱷魚恤中心 搵食😅 望落水牌，呢度都幾多選擇，不過計舒適度，七樓嘅「滿福庭」似乎都唔錯，一於點佢燈，順便等兩老試吓新嘢☺️佢哋嘅座位擺設都幾寬敞，樓底夠晒高，冇一般酒樓咁侷促… 爽呀😚 我哋嚟到「滿福庭」剛好係 #下午茶時段，佢哋嘅 #特價點心 選擇都幾多，啱晒我呢個 #為食小秘書 🤤🤤 唔講唔知仲以為呢日係我嘅點心放題，#蟹籽燒賣、#潮州粉果、#花菇棉花雞、#鮮竹卷、#叉燒包 … 一次過擺上枱場面真係好治癒🍓 熱辣辣嘅點心就最啱我胃口🤤 #燒賣 啖啖肉好有咬口；#棉花雞 上面嘅魚肚都好鮮味，手勢絕無馬虎😚不過我最欣賞佢哋嘅 #皮蛋瘦肉粥 同 #蜆芥鯪魚球 🤤 粥底煮得好棉，將 #皮蛋 同 #肉碎 一齊入口，味道非常豐富🤤 而佢哋嘅 #鯪魚球 亦都做得相當出色，咬落去魚肉好彈牙，加埋特製嘅 #蜆芥 做調味，真係鮮上加鮮呀🤤 最後加埋碗 #燻蹄米線 俾老竇補充碳水化合

夏天真係好鬼熱，朝早去完附近銀行做完嘢，想近近地又就腳喺觀塘市中心？一定會諗起APM先，但思前想後，決定搵間點心嘢食！講起喺觀塘食點心好自然會諗到鱷魚恤中心，望望電梯...見到【滿福庭】都有一定嘅好評，好似係一個唔錯嘅選擇。近近哋就去呢間茶樓飲個茶食個包啦！一層過嘅酒樓，門面裝演都有啲氣派，入到去環境氣氛熱鬧散發港式傳统酒樓風情，座位非常足夠，而且分佈闊落。我哋選擇咗中間位置入座，事不宜遲即刻嗌嘢食！睇下有咩野食先！點餐紙種類好多，亦都有好多唔同時段嘅特價野食...✨馬蹄牛肉球(2件)馬蹄牛肉球一向係我嘅飛佛！馬蹄爽脆口感加上淋上喼汁嘅牛肉球，每一啖都好充實，口感好好。✨香噴噴流沙包(2件)今日MVP有兩位，頭一位流沙包，內餡做得好好，咸蛋黃呈流心狀態，咸甜得宜，又香又夠濃最緊要夠熱，如果再多啲流心就更加滿足。✨蟹籽燒賣(2件)蟹籽燒賣外型飽滿，上面嘅蟹籽添上點點口感同鮮甜感，好食。✨蜜汁叉燒飽叉燒份量正常，配上蜜汁嘅甜味同熱辣辣嘅包係經典味道。✨鮮蝦麥茶餃麥茶餃？真係好少聽，但食落都有薄驚喜。皮薄餡鮮，外型都大大粒，蝦肉算鮮甜彈牙，可能有麥茶在內？因為食到清淡中帶著有少少海鮮風味。✨

滿福庭地址: 觀塘開源道79號鱷魚恤中心7樓今日同媽媽係觀塘飲茶。經朋友推薦，我地嚟左位於觀塘嘅滿福庭。滿福庭係一間好靚嘅酒樓，環境寛敞，座位坐得舒服。今日中午嚟到，食到好多午市特價點心，好抵食😋。茶位每人$13。香茜牛肉腸 腸粉好滑，皮薄餡靚。牛肉配芫茜好香，味道香濃，牛肉份量多。排骨陳村粉 陳村粉吸滿排骨嘅汁，肉汁味滿滿。排骨好滑，用上左豉椒調味。安蝦咸水角 咸水角啱啱炸起，好脆，炸得外脆內軟，入面煙煙韌韌。酥炸韭菜角 韭菜角都係即叫即炸，韭菜份量好多，味道香口，好滿足。頭抽肉片炒河 炒河粉好大碟，炒得好香口，好有鑊氣。河粉好滑，調味適中，肉片好滑，好大片。永和鎮鮮竹牛肉球 牛肉球大大粒，食落帶點彈牙，牛肉味濃，帶點芫茜味。脆蝦紅米腸粉 紅米腸好特別，腸粉皮紅色，薄薄一層，好滑。內裏係炸過嘅食材，食落脆脆地，口感十足。而且仲有蝦，味道都好豐富。

放假就約媽咪到觀塘APM商場飲完茶再行街，我哋就選擇咗去到鱷魚恤中心7樓福滿庭飲午茶，喜歡這裏環境寬敞坐得好舒服，點心質素不錯。餐紙上有午市特價點心及炒粉麵。豉椒排骨炒河豉椒的味道香噴噴，河粉炒得好有鑊氣，每一條都掛上醬汁，排骨啖啖肉好入味。古法馬拉糕馬拉糕即叫即蒸，入口好鬆軟，不會過甜。鮑汁炆雞腳一鍋大約有五至七隻，炆得好淋，入口骨肉分離，一隻接一隻食唔停口，花生都好入味。鮮蝦菜苗餃一籠有三隻，餃皮好薄肉眼都見到餡料，蝦肉鮮甜爽脆，蔬菜嫩嫩綠綠，加入小小辣椒醬一齊食味道更加豐富。

聖誕長假期同爸媽去飲下午茶，呢間酒樓位置方便，新淨光猛，坐得幾舒服，下午茶有多款特價點心，性價比唔錯。蟹子燒賣（2件）＄12.8我哋點了四件，燒賣大大粒，充滿冬菇香氣豬肉同蝦嘅比例好好，食落很爽口。月半彎水晶蝦餃皇（頂）$45.8賣相很不錯，蝦餃隻隻都很飽滿，晶瑩粉嫩，蝦餃皮爽滑黏口，入邊蝦肉筍絲爽口。潮州蒸粉果$17.8大大隻，好抵食入面很多爽口的沙角，加埋韭菜同花生，很香口。山竹牛肉球$23.8啖啖肉，牛肉嫩滑。老干媽蒸金錢肚（特）$38.8個醬汁很惹味，金錢肚厚身大大件，爽口，蘿蔔吸入醬汁，腍甜可口。蟲草花鮮竹卷$27.8不經油炸嘅鮮竹卷，很健康，腐皮充滿豆香，入邊餡料除咗豬肉有多款蔬菜，個湯很清甜。花菇棉花雞 $29.8魚肚大大件，雞肉嫩滑。蜜汁叉燒包$19.8叉燒包嗰個都爆多餡，醬汁多，個包鬆軟。蜜糖脆蛋散$12.8好抵食的一個甜品，蛋散鬆化。

昨晚我們一行九個人到滿福庭慶祝冬至。由於女多男少，我們為了不浪費食物，提前預訂了半席的乳豬星斑宴，還另外點了三個餸。入座後，我們詢問職員飲品的情況，職員告訴我們包了六罐汽水，並詢問我們想要什麼口味。但隨後她又表示沒有，男經理卻大聲說只有半席才有飲品。可是我們明明是預訂了半席呀？男經理堅持只有半席才包含飲品，你們六人不算! 冬至是一個全家團聚的好日子，我們也不想在這個喜慶的時刻為幾罐汽水爭論。不過，真的希望餐廳能更清楚地解釋一下，六人和半席之間的區別到底是什麼？如果六個人不算半席，那麼到底多少人才算一席？ 就算職員與我們確認餐單時也以半席來形容，或許男經理嫌我們消費太少吧!最後的評價是，服務的職員都非常有禮貌，但男經理的態度就顯得差了一些，食物也只是普通，並不特別好。總的來說，我們決定不會再光顧了！香港人北上消費是有原因的，這不僅僅是價錢的問題，更是態度的問題。希望香港的餐飲業能夠快點認識到自己的問題所在。

一行5人訂咗晚上6點食冬至飯主要叫小菜食，包括:菜芯苗 - 味道算正正常常，菜芯苗有少少硬蟹黃海皇豆腐煲 - 無蟹皇味，蝦碎到食唔到有味，豆腐算滑，但好細舊。最後先上呢道菜，無影到相。咕嚕黑豚肉 - 咕嚕汁味道正常，但係肉質硬，無曬肉汗，完全唔似黑豚肉柚子大蝦球 - 本身叫左柚子大蝦球，點知黎左黃金蝦球，唔想麻煩就照食。size 細，份量少到好似人哋食剩菜都算，果層炸粉味道勁鹹，入面蝦肉就完全無味。可能係要蓋過本身蝦既雪味，所以俾黃金蝦球我哋。最差呢個餸，2百幾蚊俾啲垃圾俾客人食。 以下張相片係一上枱就影。翡翠炒龍躉球 - 龍躉肉好鹹，肉質唔鞋，有啲油。相比其他，已經算正常。服務: 有家人未食完，已經收起其他人嘅碗筷。一食完，即刻幫你埋單，完全係趕客之道….總結: 味道差，份量少，材料唔新鮮，服務差，完全令人失望。唔會再嚟食，北上消費，唔係無原因！！

細個已經鐘意飲茶，觀塘鱷魚恤呢間滿福庭食過兩次，日日都好多人，要預啲時間等位🥢海百花蒸釀秋葵呢款好食，好清新好正氣，又有啲汁料，幾濕潤🥢陳皮叉燒酥個人最鍾意，呢款好好食！好酥化，外面甜甜酸酸，似檸檬味因為有啲檸檬香，入面係叉燒，多汁好食🥢蝦餃皇細個次次都食，大咗都唔例外，正正常常🥢香煎蘿蔔糕外面微脆，好軟熟嘅質感🥢香茜牛肉腸牛肉稔滑🥢灌湯餃第一次食餡料「海皇」全部料打碎晒，同出面嘅有啲唔同

鱷魚恤中心美食林立，今天跟爸爸到訪七樓的中菜廳「滿福庭」享用午餐；店內面積寬敞四正，用上大量懸垂水晶吊燈盡顯大氣-🔹午市點心超值自選▶️鮮蝦菜苗餃晶瑩剔透的外皮粘糯輕韌，內裡載滿翠綠鮮嫩的菠菜苗及爽彈的蝦肉，令人滿足▶️蜜汁叉燒腸做到皮薄餡足，腸粉外皮柔嫩輕彈，帶有米漿味道；叉燒份量足，肉質緊緻帶啖啖蜜汁香，配合少量芫茜更滋味▶️迷你滑蛋鮮蝦仁滑蛋份量十足，炒得嫩滑富蛋香，同時保留適量蛋汁；蝦仁得體大隻，鮮甜爽彈，整體調味恰到好處▶️迷你滿福小炒皇材料豐富有蝦仁、蝦乾、北寄貝、香菇、腰果、韭菜及菜脯等，加入 XO 醬炒製而成；蝦仁爽鮮、蝦乾鮮甜、北寄貝嫩彈、腰果香脆、韭菜爽嫩，配搭鹹菜脯及 XO 醬，口感及味道層次皆豐富且惹味-🔹祝壽大蟠桃壽星月當時要點蟠桃，壽包大個圓潤，包體綿密細緻，蓮蓉幼滑而甜度適中，鹹蛋黃鮮香起沙

週末假期，最適合與親友相聚飲茶，慢慢享受。我最近光顧了位於 apm 商場旁的滿福庭，這家酒樓的環境非常舒適，落地玻璃設計讓整個空間顯得開揚，而特大螢光幕則讓我們在品嚐美食的同時，也能隨時關注新聞。👍❤️香煎蘿蔔糕這道香煎蘿蔔糕外脆內軟，表皮金黃酥脆，每一口都能感受到蘿蔔的清香，搭配上甜醬辣醬，十分美味。🧡蠔皇叉燒包蠔皇叉燒包的皮薄餡多，叉燒的味道濃郁，搭配蠔皇醬的鮮美，讓人一口接一口，完全停不下來。💛花菇棉花雞這道點心的雞肉鮮嫩多汁，搭配香菇的獨特香氣，多塊厚切棉花口感豐富。💚半肥瘦叉燒腸粉腸粉的滑嫩程度恰到好處，半肥瘦的叉燒切得厚薄適中，配合甜豉油，十分滋味。💙紅燒妙齡乳鴿這道紅燒乳鴿色澤誘人，肉質鮮嫩，入口即化，讓人感受到廚師的用心。💜蜜糖脆蛋散經典傳統甜品唔係到到有，蜜糖脆蛋散的甜度剛好，外層酥脆，滿滿嘅蛋香配上蜜糖成結尾的完美之選。

觀塘鱷魚恤中心有好幾間酒樓，今個週末同屋企人黎到飲下午茶。潮蓮燒鵝湯米線(碗) $45.8湯底清澈，米線滑順，吸附著湯汁，燒鵝外皮香脆，配合燒鵝的油脂，令米線都掛滿肉汁香味。蟹子燒賣(2件) $14.8外皮薄透，內餡鮮美，蟹子為燒賣增添了鮮甜的味道。皮蛋瘦肉粥 $14.8粥底煮得恰到好處，米粒綿滑，皮蛋的鹹香和瘦肉的鮮嫩完美融合，好滿足。安蝦咸水角 $21.8外皮酥脆，非常軟糯。內餡豐富，每一口都能感受到鮮蝦的鮮甜，搭配微微的鹹味，非常可口。山竹牛肉球 $25.8牛肉球內裡肉質鮮嫩多汁，腐竹滲透住牛肉汁，有豐富層次感。南乳蒸豬手 $23.8豬手肉質軟嫩，南乳的味道濃郁，好入味。蟲草花鮮竹卷 $29.8鮮竹卷搭配清新的蟲草花，每件都滲滿湯汁，好暖胃。

上星期有屋企人生日，所以在滿福庭訂了一圍晚飯慶祝，整體感覺很好，環境衛生舒適，食物質素中上，服務態度十分滿意。🔅乳豬全隻食落唔會偏肥或偏瘦，十分香口🔅雙蚌炒時蔬珊瑚蚌新鮮爽口，但炒時蔬略嫌有少少多油🔅炸蝦球酥脆可口，結實彈牙🔅瑤柱髮菜生菜瑤柱好大粒，髮菜生菜好食🔅清蒸老虎斑條魚唔會太熟，蒸得啱啱好🔅炸子雞香脆唔油膩，外脆內肉嫩🔅鵝掌鮑魚鮑魚同鵝掌都好大隻，鮑汁香濃🔅壽包入面有蛋黃，蓮蓉唔會太甜

假日喜歡飲茶，點心款式眾多，又有午市優惠。滿福庭場地夠大夠寬敞，而且有電視觀看。安蝦咸水角 $35.80質感煙韌軟糯，餡料份量適中。鮮蝦菜苗餃 $38.80水晶皮夠薄，鮮嫩菜苗包著爽口蝦肉，比例剛好。上海小籠包 $38.80嘩好大粒巨型大粒仍保持薄皮，咬開好多肉汁流出。紅燒乳鴿 $68外皮脆卜卜，肉質嫩滑多汁永和鎮鮮竹牛肉球 $34.80牛肉球大粒飽滿多汁見到有推車的木桶豆腐花，當然要食一碗豆腐花 $23.80，份量十足，有豆香。

今日同屋企人一行五人接近中午到訪早茶優惠到11:59止，問樓面計入單定離座，佢話入單計，不過茶錢就以離座計有兩張點心紙都有早茶優惠，樓面見我入一張，好心提醒仲有另一張都有優惠，我示意冇心水點心隔咗5分鐘，大約11:55樓面再好心提醒睇我有冇嘢要加，勁貼心-點咗早茶點心孖寶$44.8，一個鱆魚肉餅飯拼叉燒腸，叉燒腸皮好滑有米漿味，唔會太濕，叉燒夾埋芫茜質素唔錯另外叫咗一個點心拼盤$33.8，有5款點心各1件，分別係蝦餃、素餃、菜苗餃、粉果同叉燒包，屋企人大讚素餃、粉果同菜苗餃都有質素，至於叉燒包同蝦餃我就冇問到-仲有午市套餐，2款點心拼1-4款自選小食/小菜/燒味/粉麵飯，我哋揀咗4款，分別係叉燒、蝦仁炒蛋、菜遠牛肉同雪菜火鴨絲炆米，除咗叉燒，全部標明係迷你，但係嚟到碟頭絕對唔算迷你；點心就揀咗菜苗餃同南乳豬手菜苗餃最終原來漏咗單，南乳豬手炆得夠腍又入味，份量仲好夠叉燒排得整齊，脂肪比例低所以偏少少乾柴，有嚼勁，淡淡蜜汁香未算好入味，屬合格水平蝦仁炒蛋份量好夠，炒蛋好香夠嫩又唔油，蝦仁鮮爽，非常有質素！菜遠牛肉選用菜心苗，仲擇走咗菜花，翠綠夠嫩炒得爽口，牛肉好大片，口感爽滑仲有少少牛肉香