滿記甜品

營業中

休息中

消暑聖地滿記甜品！今日要帶住仔仔玩足全日…由朝玩到晚…見佢今日冇咩扭計就獎勵下佢！帶佢食甜品啦！滿記甜品更有一間係身邊！我地係朗豪坊放完電落電梯就見到滿記！仔仔睇到個餐牌經已興奮到坐底埋…好啦！就一齊食雪糕啦！滿記甜品d糖水睇落好似好細碗！但係其實份量十足呢！今次同仔仔揀左綠茶牛奶雪糕涼粉雪山！說真的！我真係好鍾意食滿記個綠茶雪糕！佢個茶味濃度岩岩好！涼粉又唔會好苦！撈埋一齊食味道一流！仔仔就食個牛奶雪糕！一人一半岩岩好！d雪山冰塊我最鍾意壓溶哂佢黎飲！超正！總括：環境衛生良好！店員細心！見我同仔仔兩個人主動拎兩隻匙俾我地用！甜品唔洗我講大家都認同味道一流啦！下次出黎旺角一定再帶仔仔黎！最重要係坐得舒服！唔洗同人迫呢！

晚上9點多走🏃到旺角街頭...女兒又嚷著食甜品...滿記常常經過, 今次就幫襯下😁門口有人群, 但等了不久便有位置!點了芒果糯米卷, 腐竹薏米湯圓糖水及芒果泡泡浴!😂芒果泡泡浴的確很吸晴!😍鴨仔是冰芒果汁! 牛奶泡泡浴! 最底是芒果布丁!😳造型的確有花心機!👍芒果糯米卷! 芒果超甜!😋 唯糯米皮太薄了...腐竹薏米湯水, 正常中式糖水!!評分: 5⭐最好食物: ⭐⭐⭐⭐環境: ⭐⭐⭐價錢: ⭐⭐⭐服務: ⭐⭐⭐

係朗豪坊食完晚餐，後面緊係要食埋糖水先夠滿足。 結果去左朗豪坊既滿記。 呢個紅棗雪耳猴桃糖水要成$34, 以一碗中式糖水黎講都係偏貴。 不過幸好吾算好甜，都算食得落😓 料都算幾多下既，滿滿一碗， 只係冇咩糖水，好似只係食料冇咩點飲糖水咁。

落雨，又落雨，偏偏聚會先黎落雨。每次我地都會去d小店食下甜品，分享下戰利品，今日落雨唯有去商場間滿記試下啦。芒果脆脆窩夫，窩夫應該係一早整好，放左成日咁款，又硬又凍。芒果可能唔當造，好明顯浸過糖水，但都食到酸酸地，最正常係球芒果雪糕。海底椰白雪黑糯米，黑糯米太甜，椰汁底又係得個甜字，毫無椰香，海底椰最正常，好似超市自己買返屋企果d咁。總括黎講，呢碗野確實係甜品。下次落雨都係冒雨去返小店，起碼差極都叫正常。

朗豪坊入面既甜品店都係得果幾間, 行過見好耐無食滿記, 又見佢新出左芭菲系列, 仲只係賣$38,其他生果涼粉都要成$40店內坐得逼就係常識黎, 而望左一轉都無見到有人食芭菲, 都驚有D中伏, 不過見佢咁平都係想試下XDD宇治金時芭菲($38), 等左差唔多20分鐘先有得食, 睇黎整呢樣野都好花時間, 不過上枱果下確實有D失望, 因為入面D 雪糕好似溶左一半咁, 樣子真係唔係幾討好驚喜在後頭, 芭菲入面有綠茶雪糕, 綠茶啫喱,紅豆, 可可脆片, 忌廉, 好豐富, 而且每樣配料都好夾, especially綠茶啫喱好好味!! 另外仲叫左個西瓜西米露($29), 呢個普通, 唔太甜, 西瓜份量比較少

第一次食滿記就係芒果鮮奶樂！雖然滿記最出名做榴連，但我最愛都係鮮奶樂 ($29) 😋 .甜度控制得非常好，比坊間多數出品都少糖，保留牛奶醇香 👍🏻👍🏻👍🏻 .魚膠粉量亦係啱啱好，布甸唔彈，非常軟滑.抹茶雪糕啫喱 ($35) 都唔錯，但無驚豔感覺，畢竟香港有好多抹茶甜品專門店

旺角成日都好多人，今日同朋友玩完board game，用完腦，緊係要食返d 甜野。行到入朗豪坊，見到呢間野唔洗等位，店員叫我地隨便坐。所以就自己入左去揀左個位坐底。店員就拎左餐牌比我地揀甜品。朋友嗌左個芝麻糊加豆腐花(熱食)，我就嗌左個楊枝金露涼粉等左5分鐘左右，店員就遞甜品比我地。朋友話個芝麻糊配豆腐花幾好味，不過d 豆腐花係凍既，熱同凍夾埋一齊，感覺少少怪，但唔係難食既。我呢個楊枝甘露涼粉，都幾足料，有好多芒果同涼粉，仲有d 西米露幾有咬口，唔會係"林"晒個種。份量都岩岩好。

吃過晚餐，大約9pm 左右來到滿記，等了一張枱的時間，聯同友人合共三位，點了兩份甜品。· 海底椰白雪涼粉 $36· 楊支甘露涼粉 $37· 我喜歡這份甜品，椰汁微甜中內含vanilla 雪糕，冷吃比較美味。而涼粉不甜，沒有太大突出的味道；椰肉就比較有嚼口，略帶絲絲椰香，我會推薦！· 相對海底椰涼粉，這份就更淡口。楊支甘露味道清淡如水，涼粉沒有味道，加上西柚略帶苦澀味，整體感覺是又苦又淡，我不懂得欣賞。總而言之，我覺得吃糖水可以有更好的選擇，滿記可能適合遊客，因為出名。但係作為一個窮苦百姓，三十幾蚊咁細碗，差啲唔記得左講，係好細碗，同你係大排檔食飯個啲碗既size差唔多，真係細碗（很重要所以要講三次），我覺得一啲都唔抵食。講真芝麻糊乜乜乜個啲，你去自己買來diy 食，或者係啲專門食中式食物既鋪頭，會真係好啲。因為我覺得去食甜品，就緊係想來點不一樣既嘗試。但如果你係陪朋友想吹水為重點，我都唔建議食滿記，因為人太多，佢都好快上食物，食完就幫你清枱，你都唔好意思留咁耐既感覺，所以我真係麻麻呢間鋪。當然你鐘意食淡口甜品、小鳥胃覺得細碗份量剛好、貪佢夠出名，咁我就會好推介。

平時一開呢班朋友食飯，飯後甜品係指定動作，夜晚喺旺角食完，所以揀咗喺朗豪坊滿記嗰度食。大家都係芒果人，所以每個人都揀咗款芒果甜品。芒果白雪涼粉＄39同圖片上就真係有啲出入，份量唔係好多，成碗都係椰汁，入邊有好多碎冰，芒果就幾好食，唔會太甜。芒果黑糯米甜甜$39兩者嘅差別只係涼份轉咗做黑糯米，黑糯米幾好食，煙煙un un,椰汁旁邊都係碎冰，食落去覺得太凍。榴槤pancake $34個人就最鍾意呢一個pancake ,滿滿嘅榴槤，好香，雖然入邊好多忌廉，但係都叫可以接受。

今日早上要去中環複診......下晝要到旺角上堂....但係中間有成三個鐘頭空檔唔知去邊度.....唯有去朗豪坊行下....但係行嚟行去都行唔到三個鐘卒之去咗4樓滿記甜品食糖水好耐冇嚟過所以試吓水準可唔可以保持到好在我一個人來...！唔係想搵個位攝下都難黎到一定要食我最鍾意食嘅榴槤班cake不過我依家覺得滿記越來越多人質素就未必越嚟越好....！因為成＄34兩個班cake.....榴槤肉得好少....忌廉多多之後我再揀多個紅豆沙芝麻糊湯圓啲紅豆少得可憐三匙畢完已經冇晒豆....只得返水味道更加一般般湯圓就還可以不過得三粒可能真係鋪租貴.....所以食物嘅用料未必好足夠....

絕對唔會再食！！好地地點左個椰汁紫米露，入面無拉拉有西米又唔講！紫米露入面，紫米得果十幾粒，西米就一大堆！仲要入面筆筆下有兩粒生粟米同三粒無味硬芋頭，都唔知係咪隔離果煲跌過黎架！就算係故意加入，都唔係又生又硬牙？！而且，我叫既係椰汁紫米露，關咩事呢？成碗野都同我叫既完全唔係果回事！BTW, 食物質素都算，啲服務員竟然係啪一聲掉本menu落枱就走，咩料子？！講真！食物同服務都令人失望。。。我都唔知係分店既問題定係全線一樣！

睇完戲，出面又落大雨，唯有係朗豪入面食翻個糖水先散😂係呢度食糖水一定係食滿記，因為有熱有凍有中西式，唔怕冇野岩😂呢度d位比較迫，唔算係吹水好地方，因為你會同你隔離好近，有時都有d尷尬🙈😳⭕️荔茸焗西米布甸 $29呢個係all time favorite，出面好小地方有得食😂呢間既荔茸勁多，平時食開都冇甘多，同焗左既西米布甸一起食，甜度適中，又香，正！唯一挑剔既係唔夠熱，可能呢度人流多，所以拎定出黎🤔🤔⭕️抹茶彩虹 $40睇圖好似好大碗好多料甘，但現實係殘酷的，冇想像中甘豐富。但抹茶雪糕同抹茶啫喱好夠抹，唔錯！生果唔算多，芒果勁甜但西瓜冇味😂

同朋友一齊食完雞煲， 就想話去食甜品， 想起「滿記甜品」， 咁就去食啦攞個menu 來睇，睇相片幾好， 咁就點咗4個甜品， 甜品送到來， 想話準備比相機食先， 但一睇之下🤢， 😰真係大失所望，已經唔係以前既滿記啦， 比40幾蚊，重貴過食餐飯既甜品， 竟然係份量又少， 又冇料，真係🤦🏼‍♀️🤦🏼‍♀️🤦🏼‍♀️👎🏻👎🏻👎🏻楊枝金露好似水咁，抹茶彩虹又冇咩生果， 比幾片生果你就叫一個甜品， 其他都唔想講啦想人再來食🤔，如果你冇優惠，都唔使指意會再有人返來食呀，因為品質下降👎🏻👎🏻👎🏻✍🏻呢個食評，係真心想食你改善，希望有機會先再來啦😶😶😶重有係員工唔得囉👎🏻👎🏻👎🏻， 佢地送甜品來食， 又唔會講聲係咩甜品名稱，放係枱面，就走咗， 我地要估來估去係邊個既😐😑😕

由細到大去滿記都必定叫「雪山孖寶涼粉」 貪佢凍冰冰 而且大大碗可以同同行嘅人一齊share 點知事隔幾年唔同左好多 失望.話明係雪山 下面當然有冰碎啦 以前好重奶味好香甜架 多到食唔曬 依家碗細左自然量少左 仲要變得好淡.涼粉唔夠爽口 士多啤梨得好少.雪糕就尚算保持水準 好夠凍 綠茶雪糕有少少回甘.其他小店呢個水平應該唔洗$47

其實對上個次食滿記已經係4，5年前，個次食完芒果西米露定唔知芒果咩野，隔冇耐就又反胃又嘔，從此見到滿記就諗起呢單野，亦都開始抗拒食芒果味既甜品😂隔左咁耐，我諗都只係個陣咁岩我唔好彩，諗住俾多次機會佢，因為同朋友係朗豪坊行，而個到可選擇既甜品店並唔多，就入左去啦。今次我嗌左西瓜西米露一上到黎我呆左兩秒，三粒西瓜？😂如上圖中所見真係得三粒唉！算啦，食落不過不失既，不過西瓜份量多少少就好。場內都尚算光猛企理，同朋友坐低傾下計都ok既，不過對食物真的不要抱太大期望。