漁匡寿司

營業中

休息中

今晚外賣自取落漏單仲要囂張態度 打去同個呀姐店員講仲串串嘴唔覺自己錯 真係無人幫襯時就出post叫街坊落黎食 而家咁既態度 以後求我都唔會去 街坊街里幫襯左咁多年 見你由小店做起 到今時今日咁既態度 真係失望到極點 你地以後facebook ig 告急我都一定唔會再支持你地

溫泉玉子粒粒魚生丼💰HKD $73👦🏻環顧大興邨周圍，可以食到嘅日本魚生飯🍱好似都係得呢間餐廳，不過都唔代表佢嘅質素冇返一定係水準🙌🏻呢個價錢（$73）作為一個lunch算係性價比唔錯嘅一餐🤩👍🏻。呢個溫泉玉子粒粒魚生飯一次過滿足晒幾個願望💭，可以一次過食到幾種唔同魚嘅粒粒剌身另外再加上充滿溫泉蛋汁嘅飯粒。Lunch Set 連一個小沙律🥗同埋麵豉湯，真係包你食完之後飽飽咁樣出返門口😋

天氣炎熱諗住食個魚生飯買完返去 雖然佢好貼心俾咗個冰袋但係真係好難食好難食同埋好難食佢啲魚生全部都好難食 個豉油好鹹連杯齋啡都好難飲🥲是酸的個湯就普普通通都OK 個沙律都不過不失 係啲醬多咗啲有啲鹹$74蚊 食到一半掉左 🥹講真見到佢餐廳一個客人都冇就知咩事有啲嘢真係唔使試🫢🫢🫢😟

食左好多次，見佢咁少評價，真係忍唔住寫返一篇。性價比真係壽司店之中最高。午巿推薦京蔥拖羅蓉丼，麵豉湯有蜆肉，好好味。追加炸蠔、炸芝士餅，芝士餅上面有煉奶，配合得好好。呢set套餐巿區食的話，價錢起碼貴一倍。之前晚市，叫左個海鮮蕃茄鍋，個湯底又真係好濃蕃茄味，未食過咁濃味既湯底，好正👍 有食過海膽拖羅蓉 同 雜錦海鮮魚生飯，刺身好鮮甜，海膽好新鮮。之前開party，外賣自取過一大盆壽司，都係好新鮮。呢間係我首選既日本餐廳價錢平民，質素好過巿區，平時有區外嘅朋友嚟到，我都會推薦呢間

呢間餐廳好近我公司，我已經食過無數次，不過平日食晏晝，都要打電話book位，試過一個人walk in 去食，都無位！餐廳就比較細，枱與枱之間就迫啲，不過價錢真係十分之抵，所以覺得坐逼少少都無所謂。通常我都係食角切三文魚飯、三色魚生飯、或者係三文魚魚生飯，今日就試吓同事推介嘅燒三文魚頭定食（$79）。定食有一個三文魚頭同埋魚腩，燒到好香，有豐富嘅魚油同脂肪，非常好味，不過呢個要事前打電話book定，如果現場叫，要等20分鐘先有得食啦

朋友極力推薦抵食午市定食，睇餐牌已經好吸引，上枱時更加驚喜，份量多賣相吸引三文魚魚生丼 $69包含沙律，麵豉湯，飲品，如果驚唔夠食仲可以無限加飯加湯，適合大食既朋友魚生新鮮大片仲好厚身，有6大片仲好肥美，足滿魚油香味，而且舖滿大量魚子，好大碗好抵食麵豉湯香濃好味，沙律菜都新鮮京蔥拖羅蓉丼 $79包含沙律，麵豉湯，飲品，新鮮拖羅蓉舖滿全個碗，份量好多，足夠拌全碗飯食仲可以另外加配小食，而且免收加一服務費，所以十分抵食

呢間日本餐廳位於屋苑附近，位置有啲隱蔽，無嚟開呢邊既人應該有啲難搵。.「雜錦魚生飯」$68🍽：魚生款式都算多，有三文魚、蟹柳、吞拿魚、蝦等，亦明顯係食得出新鮮，味道唔錯。「三文魚丼」$68🍽：呢個價錢有7大件厚切三文魚，真心覺得抵！👍🏻每件都好厚身，好肥美，新鮮！值得推介！😋北海道帶子壽司 $9大割引，每人限兩件。🍽：超高質！好好味！芝麻雞翼 $10大割引，每人限兩隻。🍽：雞翼炸得外皮香脆，芝麻增添咗香味同口感，內裡保留肉汁，好味道！

星期六的外賣自取午餐：- 蒲燒鰻魚定食： 雖然外賣不能做到好似menu圖片既便當盒咁，但依然份量十足，有盒鰻魚飯、幾件壽司、沙律及炸雞兩件，每樣味道合格，外賣黎講算唔錯，仲有餐飲。- 滑蛋吉列豬扒飯： 飯量十分多，真係食唔晒，豬扒都夠新鮮大塊，味道ok，唔會好乾，但滑蛋唔夠多，可能真係太多飯，好似唔夠多汁，食白飯兩碗咁。總括來說，真心抵食夾大件，支持街坊小店

餐廳位置係屋苑附近, 距離市中心旺區有點遠, 主力都係服務街坊為主。午餐時間亦多附近工廠區既打工仔幫襯。午市堂食有主食麵豉湯同飲品。咖啡吉列豬扒飯 - 份量十分大, 豬扒炸得鬆脆, 咖啡汁亦都足夠拌飯。滑蛋豬扒飯 - 評語同上面差唔多 哈哈灸燒魚生飯 - 左口魚裙邊完整一條超長超正! 絕對抵食好食!座位都算多, 一直都接近滿座。店內有電視播Viutv的。街坊不妨考慮訂外賣, 見到有壽司併盤價錢都好合理。食間良心餐廳支持街坊小店, 先至係支持自己呀香港人❤

I start changing my habits years ago from dining in those Big branches Sushi to small shops. However, not so many of those small shops can keep their food quality as good as Gyoyou Sushi. I have been to there a few times, in lunch hour and at dinner service, both of them are doing great. I couldn't address more that the sushi rice here is shaped by chefs hands, not the machine. Rice are nicely attached to the fish and not deadly sticking together. Fish are in good moist, not drying out. (Didn't

呢間日式餐廳都試過幾次，雖然店舖吾太大，但係勝在性價比高食物種類都多架...如果吾想係啲大型連鎖日本餐廳等太耐，而又想食壽司的話 一般我都會選擇呢度 而且佢都係做街坊生意多...成餐都係食左200拎蚊,人均消費都係$100多少少,個人認為都幾抵食...

鐘意飲飲食食嘅我，無論要去到天腳底，只要有美食，我都一樣會去！今次朋友介意依間日本壽司店，店鋪細細，但光猛又乾淨，店員又有禮今日叫咗三文魚帶子丼飯，份量足，夠肥美最鐘意飛魚籽軍艦同海膽軍艦，d紫菜仲脆卜卜，海脆鮮甜無異味，飛魚籽喺口入面爆開，爽口又爆汁燒牛舌有100分，厚切又燒得剛剛好，滿口牛油香味，一d都唔會韌，誠意推介另外叫咗個炸物拼盤，有炸蝦炸蠔，最正係芝士年糕，外脆內軟整體價錢合理，食物質素高

平日上班已經很辛苦，星期六日就獎勵平日辛勞工作的家人到屋企附近日式餐廳《漁匡》吃晚飯一行三人點選了壽司、小食及兩碗拉麵由於北海道帶子壽司有推廣優惠$9件，每人限叫兩件帶子肉質厚實鮮甜，而且飯和壽司醋的比例調校得合適，不會偏酸及過黏黃金魷魚壽司 - 魷魚條配上黃色的蟹籽味道，再配上芥辣入口簡直美味到不能自拔甜蝦壽司 - 一般應有水準🦐蝦隻不會太小火炙芝士三文魚腩壽司 - 本人最愛火炙壽司的味道，經過火炙處理過的味道有別於一般燒烤或香煎的味道雖然三文魚魚腩未至於入口即溶，但在小店裏吃到這充滿魚油香的三文魚腩已經是另一驚喜另一優惠推廣《芝麻雞翼》$10 / 1隻雞翼色澤金黃，香脆可口選了九州叉燒拉麵及神戶牛肉拉麵（沒有拍照）2碗拉麵湯底完全不一樣，但配料都大同小異分別帶紫菜、粟米、紫菜、京蔥、鳴門卷、木耳絲，筍片九州叉燒拉麵 - 叉燒厚度適中半帶肥瘦神戶牛肉拉麵 - 牛肉不是最平最普通雪花肥牛，都係個句食牛肉有牛味但湯底就比九州叉燒拉麵肥膩環境方面有可以改善的地方，不知是否天氣太熱導致有蚊滋飛入店舖希望店舖可以注意一下

這間日本野鋪頭在石排頭路比較隱蔽的出口位置尚算闊落，在單車鋪後面點了一個雜錦刺身丼，刺身還好不算太新鮮，而飯就比較酸有點不開胃而且普遍食品偏貴cp值不高，份量太少，不抵食

放假有時間同屋企人食晏😭😭😭想搵個地方泊到車就去咗大興附近到搵食😎嚟咗呢間屋苑樓下嘅小店食日本嘢🤘好耐之前食過一次覺得啲魚生飯平靚正😀再嚟一次希望唔會失望唔想食生冷嘢就叫咗個滑蛋鰻魚飯🦄好評畀檸水😂😂😂一啲苦澀味都冇有誠意❤️味噌湯真出色✨有蜆肉海帶同豆腐🤘真材實料附送小小一碟沙律🥗到鰻魚飯🌸鰻魚質感嫩滑💖燒汁好入味又唔會蓋晒啲魚鮮味滑蛋同洋蔥同菇煮埋一齊不過不失✨如果份量多返少少就晾得起個飯啦飯都好好食珍珠米粒粒分明不會太濕💕係就係多咗啲小結：呢間小店值得推介🌸💕食物質素唔係屋苑食肆咁劣真心有誠意店員友善親切正評正評🦄