漁場台風

營業中

休息中

旺角都多拉麵店，但會再去食既就真係唔算多，呢間就係其中一間😍 雖然每次都要等位，就算下午茶去都試過要得😂 但都好彩有店員就到你既時候，會落單先，所以都快既(但利申個人覺得呢間唔係最好味，但價錢、整體黎講係唔錯既）.上次食係海蝦味豚肉豬骨湯拉麵 $88 加左海蝦，首先多左口感外，Mix 埋啲湯就多左種鮮味💕 本身啲湯就算唔係沾麵都好濃郁，無得輸.而且豚肉都好味，唔太肥，正常分量.個麵本身，但人鐘意食硬啲，佢就算要硬，其實都一般般

嗰日咁啱口痕想食拉麵同朋友試咗呢間出名魚湯底嘅拉麵店佢鋪面幾細 都要排第10至15分鐘先入到去入到去裝飾好日系 牆上掛滿咗動漫嘅海報同顧客玩嘅動漫角色 啱晒鍾意動漫嘅朋友入去之前自然會俾餐紙指我哋落單 當日叫咗個沙甸魚湯底的拉麵。麵底揀咗300g佢又有幾貼心嘅服務係可以將食物敏感或者唔食嘅嘢轉做其他食材。上到嚟之後聞到好似10罐沙甸魚，濃縮落個湯度。湯底非常濃郁 不過有好輕微嘅腥味 怕魚腥嘅朋友，可能未必鍾意300g麵底有點多 如果比較細食嘅朋友建議揀100或者200 拉麵嘅口感適中 唔會話過於煙靭或者太淋。地理 8.5/10裝修 8/10味道 8/10服務 7.5/10

食沾麵點可以唔去漁場台風啊！食過先知咩叫排隊都值得🤣🤣👍佢嘅拉麵條條軟彈充滿麵條香味😋，沾一沾黑芝麻湯底簡直世界級沾麵。👏👏👏👏🥢黑芝麻配魚介豚骨湯底味道更加香濃，芝麻多食有益我喜歡。🥢麵條粗度剛好入口彈牙又有糯香，豚肉角切更添口感，入味且香濃，日式糖心蛋口感柔軟滿嘴揚溢蛋香好幸福啊！店員招呼好有禮貌，在門口排隊時已劃定餐，入座不用數分鐘就可以品嘗一杯熱辣辣沾麵。🥰😋👏

Wait time: always a line . If you’re lucky around 2:30pm maybe a shorter wait time.Environment: ramen shop venue lor. Can’t really ask for muchFood: lunch time is always dipping noodles here. I’ve had them for a few times. Very consistent. The dipping soup is hot enough and thick enough for the noodles. The pork is diced up into tiny chucks which I don’t like too much. The noodles kinda taste like udon to be honest. But very bouncy nonetheless. Whole combination is ok, toning overwhelming and t

🚩漁場台風 (旺角)今日收工七點嚟到旺角等食拉麵大概7點15分到 已經排緊十幾個人排咗大概15分鐘後， 有個店員就比點餐紙我地填左先我朋友好遲先嚟到， 店員叫我坐低慢慢等， 到咗會畀我 下一位入去🥺 you re so nice🥺 🌟魚介豚骨拉麵 200g拉麵 有葱 正常湯量因為我都幾肚餓所以冇叫到少麵 但結果呢嗰份量食到我抱住個肚走 超飽………魚介湯底好濃郁 偏鹹同埋傑身 唔酸唔油 魚介中算係溫和一塊叉燒同半隻糖心蛋 大量嘅蔥 筍同埋紫菜熱辣辣黎到嘅時候飲啖湯😢超正一塊叉燒好似唔夠多 同埋有啲乾 冇乜脂肪拉麵煙煙靭靭 枱面仲有蒜蓉同辣椒 我食咗一半之後加咗少少換個味😊🌟 燒海蝦味豚骨拉麵 200g拉麵 有葱 正常湯量朋友食呢個湯底都好正第一下飲落去有好濃嘅大蝦味同細蝦唔一樣 嗰隻味似係 蝦膏同蝦殼 好重味而且湯底仲有一啲粒粒 似係湯料融入咗落去一樣都有叉燒同埋糖心蛋 再加大量嘅櫻花蝦我朋友比我快一倍食曬😂😂 本身想試下鰹魚湯， 不過七點嚟到嘅時候已經賣曬😐😐😐😐座位比較迫， 只收現金要留意返 ：午市淨係有沾麵， 晚市淨係有拉麵

跟住呢間係台風好耐之前就已經見係荃灣成日都排長龍當時無咩興趣就未食過2019開始知道係黃店有講過介紹話老闆都係日本人特登走過黎香港開店而家仲開左灣仔台風R同旺角漁場台風分店所以都要去課下金既揀左去比較近既旺角位置係皆旺後一個街口當時三月中仲係禁晚市加二人限聚呢個時間完全就係餐廳既冰河時期三四點呢個時間幾乎所有餐廳都係任入唯獨呢間拉麵竟然要排隊條隊就係格離個後巷排叫做有個位企下一排就廿分鐘本身漁場台風就中午賣沾麵夜晚賣拉麵禁晚市之後個分隔點就好似變左係三點半我三點三係門口落單果時仲係沾麵餐牌但後面排隊果個女仔話想食拉麵職員都話可以既三款湯底都係魚介豚骨價錢算比較親民最貴都唔過九十排到門口果時見到有部扭蛋機時間太突然完全load唔到就無玩到而家睇番真係應該抽番個都好似無咩蝕最多咪加麵呢度好似全部都係面壁位牆上面全部都係意見書同動漫野好似其他分店都係類似格局檯面有茶壺斟水揀左最貴既蕃茄海蝦味大約十分鐘就有麵食個麵係來貨既但煙韌口感比其他都係來貨既拉麵店好有得揀冷麵而且呢個250G份量比好多拉麵店都多跟半隻溏心蛋個湯同好多店一樣做法放左大量櫻花蝦唔算好杰又係無原塊叉燒跟只有數量唔多既叉燒粒而且

最受歡迎拉麵店點可以少咗呢間見時間尚早 落咗嚟排隊試下👍🏻魚介豚骨拉麵 $78麵：200g 醬汁：普通入邊配有紫菜 菠菜 椰菜絲 溏心蛋 叉燒 荀拉麵係較為粗身嘅麵 軟硬適中湯底非常濃厚杰身 有香濃的魚介味叉燒軟熟 但有少少苦澀味其他配料正常初嘗湯頭係有被驚喜湯底非常吸引但食到最後又會覺得太濃 有點鹹會很口渴至於200g 麵對小女子來說有點太多 女仔150 g就夠了👍🏻鰹魚味豚骨拉麵 $83麵:200g 醬汁：普通入邊配有 紫菜 溏心蛋 木魚花 菠菜 椰菜絲 叉燒湯底都係濃厚杰身 配有淡淡的鰹魚味相對魚介湯底鰹魚湯更為濃厚至於其他配菜都相同總體呢間拉麵店主打濃湯拉麵小妹食開淡口所以到最後飲咗好多水😅😅但鐘意重口味嘅人絕對一試無妨而且環境氣氛都非常有日系氣息有很多日系插畫 裝飾再且服務態度良好美中不足就係要喺露天排隊有點熱

係荃灣同旺角都有分店既呢間《台風》晏就食沾麵，夜晚食拉麵。今次晚市食，叫左魚介拉麵$78，同鏗魚湯拉麵$83，另外加左份叉燒。麵既份量好多，普通量已經夠飽，男朋友叫左多麵，多到食唔哂。呢到既拉麵係粗身麵，我自己本身鐘意食粗麵，但略嫌呢到既麵質有啲硬，而且掛湯能力一般，湯既份量都有啲少。叉燒質素十分一般，有啲乾，但有肉味既，每塊都大大塊，如果冇乜要求純粹想食多啲肉都可以加既。魚介同鏗魚湯我會比較推薦魚介湯，整體嚟講都應該試過一次就算。

特別記得這餐，因為是在颱風到來前一天，在餐廳內排隊非常悶熱🥵 等了差不多40分鐘，熱到幾乎想放棄了了🫥入座後，汗水還是不能停止，當時麵剛好來了，我猛抹後頸💦 接着店員帶來一個小籃子，裏面都是綁頭髮的橡筋，十分貼心地送我用！相信是不少長髮女生的恩物，雖然很熱但加分了！點了鰹魚湯拉麵，湯頭濃郁，配上木魚絲，整個湯魚香撲鼻！麵質爽口，湯汁夠厚，非常掛麵，一邊喝湯、一邊食麵，很滿足！*建議女生選輕量呢！正常份量是偏多啊～

有無人都好似我咁，會突然好渴望濃郁又邪惡嘅拉麵湯🤭尼間係好鍾意食拉麵嘅朋友推薦，must try！整體性價比好高，250g嘅麵我食完全日都食唔落其他嘢😂最神奇嘅係即使好濃味，食完完全唔口渴，真係從來未試過🥹食麵前先直接食一啖麵，凍凍地嘅麵好煙韌彈牙（相對較硬少少，如果鍾意軟身d可以同職員講！）係收銀機果邊有熱湯同熱石！如果湯凍左可以加熱石重新熱返個湯，讚！店內嘅牆上有好多好多客人留低嘅好評+店家嘅回覆，邊食邊睇勁得意，可以睇到係好用心經營嘅地方💗沾麵是午市先有！拉麵就淨係夜晚先有！

🔹️漁場台風🔹️漁場台風台風我都光顧過好幾次，店面的裝修充滿日本風情。呢間店舖既餐單設計都好特別，中午時段係只做沾麵系列，而晚上時段就做拉麵系列，所以呢點要留意翻😊沾麵量有三款選擇1, 180g偏少2, 250g普通3, 350g加麵底 +$10而沾麵的溫度都有凍同熱可以選擇，都幾貼心🍜魚介豚骨沾麵麵條厚度適中岩我食，麵質煙韌彈牙，麵條亦都好掛汁，湯底亦都好濃郁醬汁方面都可以揀普通或者大量嘅份量，我喜歡重口味選擇左多醬汁😊我仲+$10增加荀既份量，聞落去好香噴噴，見到成大碗滿滿既荀真係好滿足

每次我掛住沾麵，又或者經過旺角，都會嚟到呢間漁場台風食野，畢竟香港可以食到高質素沾麵嘅地方並不多。通常喺出面排緊隊嘅時候佢已經會將餐牌畀你睇，佢嘅點餐非常之人性化，例如面嘅份量可以揀少、普通或者係多，適合返唔同食量嘅男仔或者女仔。面底亦都可以揀凍食或者熱食，醬汁多少都係任君選擇，鍾意加配料亦都可以自由搭配，切合返每位客人唔同嘅口味。魚介豚骨培煎黑芝麻沾麵：鍾意食黑芝麻嘅朋友一定要試一試，個黑芝麻湯超級超級濃，有少少似芝麻糊咁，但佢裏面仲有一種肉鮮味，將個麵底浸落黑芝麻湯裏面，拎返出嚟十分之掛湯，呢種食法完全係同湯麵兩種唔同嘅享受。我鍾意食筍所以通常都會加筍配料，切咗絲嘅筍夾喺面底中間，畀多一種好爽口嘅感覺，即使加多咗麵底份量食完亦唔會覺得好膩。大家記住沾面只有午市先會食到，所以要睇住時間去食啦！

小編比起拉麵更加鍾意食沾麵🥰 呢間舖頭中午時段淨係賣沾麵，4:30後就賣拉麵，今次終於得閒中午過嚟食-🐟 魚介豚骨沾麵 $83麵嘅份量真係超級多😳 麵嘅粗度唔會太幼，麵質好有咬口，同埋唔會太乾黐埋一舊😌 糖心蛋半流心，合格～魚介豚骨沾麵汁好香魚介味，沾麵汁杰嘅程度啱啱好，令到啲汁可以掛喺麵上面☺️ 味道方面濃得嚟調味唔會太鹹😄🦐 魚介豚骨蕃茄海蝦沾麵 $88個麵底同上面嗰款一樣🤣 個沾麵汁嘅海蝦味比起蕃茄味更加出，汁入面仲有好多櫻花蝦🥰 比起魚介豚骨沾麵呢碗個汁的確更加有層次😉 汁入面仲有好多筍同半肥瘦嘅叉燒粒🐷 呢度嘅筍唔會好大陣筍味，幾適合小編口味🤣 -鋪面唔算好大，但係都坐得好鬆動😄 裝修非常之有日本拉麵店嘅風味，牆上面仲有啲文宣💛 小編同朋友落咗單先見到牆上面寫住麵嘅份量正常嘅話大概等於2.5個公仔麵，即刻好擔心食唔晒，我覺得又冇咁多，但係最後真係食到好飽🤣 如果係女仔嚟嘅話記得參考返牆上面嘅資料揀麵嘅份量啦～-味道: 8/10服務: 7/10環境: 8/10回頭率: 7.5/10總評: 7.5/10💰人均消費: $90

旺角區唯一好食既拉麵店佢中午主打翻沾麵　夜晚就拉麵所以要分清楚先好去　吾好摸門釘舖頭入面幾闊落下　幾多位限定系鯛魚湯拉麵魚湯底真系特別鮮甜　易入口好多淡淡地既鮮甜　配料比較hea　雞肉會有啲乾雞蛋都比較熟　會有失望感覺我諗食翻沾麵應該好過拉麵

平日夜晚8點左右去，等左20分鐘左右🕰裡面裝修好似去咗漫畫世界咁 有種好熱血嘅feel (⁎⁍̴̛ᴗ⁍̴̛⁎)🔥　拉麵有4款可以揀，我就揀咗一直都好想試嘅 「燒海蝦味豚骨拉麵」$88　✔️麵量200g ✔️普通醬汁 ✔️有蔥 ✔️增量叉燒+$25 (會另上)第一時間試吓個湯底 偏杰身 好濃郁🥰 同埋啖啖都可以食到櫻花蝦🦐　麵軟硬度適中，200g份量剛剛好，但係男仔嘅話就應該要叫300g～ 決定搵日中午再去試沾麵😆溫馨小提示: 只收現金喔!＝＝＝＝＝＝＝＝＝＝＝＝＝＝＝＝＝＝漁場台風 (旺角)旺角快富街39號建煌華廈地舖＝＝＝＝＝＝＝＝＝＝＝＝＝＝＝＝＝＝