漁港薈 (已結業)

未食已經一肚氣😤😤星期一電話訂位訂7點，當日接線亞姐話最好6:30，因為之前啲未夠時間讓台，嗰個人明明話星期六6:30有台，星期五晚先打黎，我聽唔到電話，今朝覆返佢，另一個超無禮貌，口音唔正既女人話4:30-7:30啲台full哂🤬🤬叫人轉時間！約好哂人預好哂時間，仲要理直氣壯話佢哋唔會即日同人confirm。只會前一晚通知🤬🤬🤬星期六先嚟突然通知，咩service呀

今日（2021/11/10）上午睇到一位youtuber介紹呢間羊腩煲放題嘅餐廳，諗住下星期才去試吓，但有親戚突然話想一齊食嘢，於是乎就不作他想，即刻就用電話訂位。 接電話嘅女仕話通過電話訂位係每人會送一隻大閘蟹。心諗，有羊腩煲，有大閘蟹，有海鮮，有M5和牛，有火鍋，有紅白酒，汽水任飲，任飲任食三小時，仲想掂吖！ 由下午4點3，4個人一邊傾偈一邊火鍋，食物質數同份量，我不想詳細描寫了，只告訴你性價比其高。只有一樣我想講一下，就是海鮮中之黃蟶子有沙！ 不知不覺，三小時就傾下，食下，飲下就飛逝了。結賬平均每人$292-元。（自己煑都唔得啦！）天氣凍的，就一定約多啲人再食一次！好滿足的一餐，亦多謝店內所有工作人員的熱誠招呼，尤其是唯一的女職員（應該是老板娘啊！）

呢間餐廳我已經光顧過好多次啦，小炒、火鍋同埋海鮮蒸鍋都有試過。印象最深刻嘅肯定係海鮮蒸鍋啦，全程都有店員幫你蒸，完全唔使自己動手，而且每一樣嘅海鮮蒸嘅時間都唔同，所以能夠最大限度保留翻海鮮嘅鮮味。鴛鴦火鍋我都非常推薦，一個人嘅份量都可以食到扶牆出，海鮮新鮮就唔使講啦，烏冬同樣好食，尤其放落去紅湯度辣得過癮！雖然呢間餐廳面積唔算好大，但係環境同衛生都做得唔錯，而且呢 經理會時不時走來同你傾計，問你食物如何、有冇需要改進嘅地方，呢方面我覺得做得比較好。總之非常推薦俾大家👍👍👍

星期一Blue Monday 同老公仔食個海鮮火鍋。順便好好慶祝結婚500紀念日我哋叫咗個冬陰公湯底，十分惹味！呢度食材好新鮮，隻龍蝦大大隻仲爆多膏，上到枱啲蝦仲跳得好生猛，唔單止海鮮夠鮮，安格斯牛肉片好rich 牛味又好口感👍🏻牛丸都好juicy! 完全冇雪藏味！餐廳嘅環境又光猛又乾淨，最緊要通風系統夠好（我最驚啲好焗又食到我缺氧嘅火鍋店）！兩個人食火鍋，最緊要貴精不貴多，唔好再去任飲任食火鍋放題浪費自己quota 啦

2021年10月11日中午12時，3人到漁港薈吃海鮮蒸鍋，叫了3個金裝海鮮蒸鍋套餐。首先吃了燉湯和紅燒乳鴿，跟着吃蒸海鮮。金裝海鮮套餐原本有蘇格蘭蟶子王1隻和生猛大海蝦2隻，但是服務員在為我們蒸海鮮時才告知上述兩樣都沒有存貨，全部用大花甲代替，我們無奈接受。除此，套餐內有半隻龍蝦，肉質也不新鮮。其後我們聽到服務員告知另一顧客套餐內有的鮑魚也沒有存貨，要用其他海鮮代替。如果套餐內所包含的食物，其中有些沒有存貨，應在顧客下單時便告知，以便消費者作出抉擇。加上海鮮質素不佳，這個套餐真是不值。

收信用卡，起初以為半都抵食，最終又加這又加那，最後299 龍蝦套，埋單要8XX，完全係意料以外蒸鍋尼講就係太貴，又唔係好飽。服務態度：還可以，因為都係由侍應代勞，完全不用自己出手。環境方面：有點迫，非常曹，可能太多三姑六婆，說話好大聲，街市咁。食物質素：真係無咩出色，健康無味，最差係加100蚊果隻 蟹，肉好黏，我覺得唔鮮。性價比：偏低總結：第一次食都應該有一年，果次無寫食評，但因為不覺得值得再光顧，所以之都無再嚟，估唔到時隔一年，我完全把這店忘2記了，book位時完全不知曾不光顧過，去到店門先記得係食過，無耐好想食蒸鍋都係照食，但今次可以肯定最後一次了。我已記下。好味指數😋

探店：漁港薈座標：Causeway Bay位於Causeway Bay Sogo隔離的澳門逸園中心3樓交通方便，之前都一直有唸過食蒸氣海鮮，不過之前食開的嗰間，因為顧客啲安心出行亂咁寫導致間舖暫停營業，所以上OpenRice搵到呢一間，其實由於樓上鋪的原因，我都只係抱著試下的心態，但卻估唔到啲嘢完全唔輸星級酒店出品囉而且宜家半價優惠，更值得試下就同朋友前往品嚐😁餐廳安排我們坐在收銀對面的位置，餐廳面積唔算大，但坐位都幾舒服，環境簡潔衛生，店員都好貼心有禮貌，可以令到你餐晚飯食到開心又放心，尤其係經理-Manager超窩心，你念唔到的佢都幫你唸掂😘😘第一道菜：熱辣辣無添加味精的（蟲草花松茸赤肉燉雞腳）第二道菜：薑蔥炒蟹（超惹味，好正）第三道菜：炸乳鴿（超嫩的鴿子肉😍）之後服務員就端上一盤海鮮，大概有6樣海鮮，個頭大，而且新鮮，全程服務員幫我們蒸海鮮，可以叫做食緊半殘廢餐😬😬龍蝦多膏厚肉，超甜味；海中蝦彈牙又鮮甜；雖然我唔食聖子，但朋友都話好正；帶子更加唔使講，擺入口索索聲，超棒😭手切安格斯肥牛入口即溶的感覺，令你食左一盤都唔夠😔 龍躉件皮肉爽口勁過18歲卜卜脆😎吃到了讓你各種感動：吃完海

此店位於銅鑼灣SOGO旁邊一大厦的三樓 位置十分方便 但那大廈食廊甚多 不容易察覺 我曾去過數次 其地方不大 但環境還算舒適 我是點了其龍蝦火鍋套餐 $298+10% 其海鮮十分新鮮 位量也足夠 因我對豬雞沒興趣 所以圖片上沒顯示 其員工也十分友善 服務很不錯。任飲紅白酒 飲料+$48 但如refer to YouTube的”吃喝玩樂”頻度 可能會免收 但我相信當然這亦要看時段。

踏入５月，陸續收到身邊朋友決定移民的消息！這是第１餐安排的 farewell dinner，比我小9歲的朋友，移民加拿大，１个叫 Winnipeg的城市，朋友說，冬天最冷達零下30℃(每年不多於10日)，在家裏的露台，就有機會看到極光！Farewell dinner，我們吃海鮮蒸鍋，Winnipeg應該沒有這個(我猜！)點了３份金裝龍蝦海鮮蒸鍋：#波士頓龍蝦，每人半隻，肉質Ｑ彈，有鮮味，好吃！#蘇格蘭蟶子，每人１隻，個大肉多，我的最愛！#北海道大元貝，overcooked，可惜！#海中蝦，鮮甜，好吃！#深海龍躉件，魚磷沒清乾淨，吃起來不方便！#大蜆，鮮味十足，好！海鮮以外：#螺頭杞子燉元肉，每人１盅，在Winnipeg比較難喝到燉湯，朋友表示喜歡！#脆皮乳鴿，每人半隻，味道普普通通，不突出！#黃金川辣蟹，我們覺得不夠辣！#鮑魚糖水，沒有想像中好吃！#招牌海皇炒飯，太飽！吃不下，朋友直接打包帶走。#雜糧并盤，太飽！吃不下，朋友直接打包帶走。性價比高的選擇！

我住新界區銅鑼灣唔多熟，真係唔知邊間好食，上openeice睇呢間評價都幾高，又有得網上book位於是一試，本身揀$244嗰個餐因我哋唔想食炒飯，但服務員好好話可以幫我哋將飯轉菜，因比多$50有半隻龍蝦，於是我哋就要咗$299個餐，蒸海鮮前先飲個足料燉湯，咸蛋黄炒蟹同乳鴿，呢幾樣已經好好味，連我個咀尖嘅細佬都讚不絕口，服務員全程幫我哋蒸海鮮，嗰半隻龍蝦啖啖肉有羔仲好鮮味，服務員果然無介紹錯，蜆同蝦都超甜蝦又爽，蜆雖然有5、6隻蒸唔開，但服務員主動叫我哋唔好要換過比我哋，佢哋真係一d都唔老土，換返嚟果d都係大大隻，扇貝不過不失、魚好多骨膠原，係帶子細隻d都同蒸過咗火😆, 成個餐都算多嘢食，食埋粗糧同菜其實已經超飽，本來諗住唔食糖水，點知一喥到原來係鮑魚海帶綠豆沙，黐線㗎…隻鮑魚又係爽到呢😋, 總之成餐都有驚喜，臨走真係引唔住比個like佢哋呀。順帶一提…如果鐘意飲酒嘅可以join佢哋個$48蚊酒類任飲(有紅、白、啤酒任揀)

見咁多好評就去試吓，果然唔錯套餐份量充足，食到最後的炒飯和蒸番薯芋頭已經很飽了。個人比較喜歡熟食，乳鴿和炒蟹都很惹味，但餐廳只提供濕紙巾沒有即棄手套，因老闆認為好味到要啜手指，最後的海鮮炒飯也很足料小元貝和蝦仁都很多，糖水鮑魚綠豆沙就沒什麼驚喜，反而覺得鮑魚包括在海鮮盤中蒸更合適。海鮮方面算係新鮮，只是聖子有點沙，牛肉得幾小片，雖然清蒸海鮮為食其鮮味，但若能提供些少醬料如辣椒豉油等會更好。我都極之推薦大家去試吓

海鮮新鮮，牛肉入口即溶，乳鴿皮脆肉嫩多汁，黃金川辣蟹，比起一般的黃金蟹多左川辣味道，最好地方可自選辣道，燉湯必飲！足料冇味精👍蒸海鮮過程服務勁好，這個很值得點個讚，重點只係$299加埋一3百零蚊，勁抵，咁既價錢咁既服務去邊搵，銅鑼灣喎，如果唸唔到食咩呢間值得一試👍👍👍

父親節前夕，帶爸爸去食佢最喜歡嘅海鮮餐。點了兩位海鮮蒸鍋套餐，海鮮包括有四隻海蝦、鮑魚兩隻、花甲六隻、扇貝兩隻、龍蝦一隻、 龍躉球約十小件,另一碟牛肉約八片...套餐亦含兩位蟲草花燉湯，乳鴿一 隻，川味黃金炒蟹（蟹連腳嘅size約比手掌大一點）另有一碟蝦仁帶子炒飯、蒸粗糧（粟米、南瓜、紫薯、芋頭各兩小件）還有兩位原隻鮮鮑魚綠豆沙（十分搞笑）。所有貝殼類海鮮都非常新鮮及鮮甜， 唯一美中不足就係龍躉嘅魚皮上有好多魚鱗，打唔乾淨，另乳鴿炸得有點老火。我們還加了$48/位，共兩位無限任飲兩小時，飲品除了有汽水、紅白酒、啤酒外，還有康X傅品牌嘅罐裝茶類及水果味等飲品. 而加了$48/位任飲後，還可無限地享用小食吧，小食吧有滷水蛋、麻辣青瓜、雞翼、木耳等....連加一埋單共八百幾元, 非常超值。服務非常一流，員工在食飯中，見到有客人栰到也能放下飯碗，招呼早到嘅客人，實在非常難得！推介！！

睇YouTube介紹呢度既龍蝦火鍋套餐$298/位，有13個items. 本身有2小時任飲啤酒汽水，宜家打電話book檯時講埋youtuber 個名仲可以飲埋紅白酒。店內幾濶落，都有唔少卡位。我地點左麻辣鴛鴦鍋，略嫌麻度唔夠，下次去會要求麻度多d。 醬油區有3款小食任食套餐既主角龍蝦，新鮮肉厚又多膏，好鮮甜！海鮮仲有鮑魚、廣島蠔、元貝、蝦、龍躉肉、大蜆。安格斯肥牛，雲石油紋平均，牛味濃。 鹿兒島黑豚肉油脂好香，放入麻辣湯超夾！ 本身諗住飲多d紅白酒，原來枝面譜啤酒都好正，帶花香，口感淡爽。

一直想食蒸氣海鮮，而朋友就想食牛，咁啱網上search到呢間店，有齊兩樣野，仲有套餐，於是打去book位，結果發現人唔多，walk in應該都有位，地方都唔算大，不過幾乾淨。銅鑼灣地鐵站d出口一出，行幾步就到，都算方便。呢間店最大特色係可以點菜吃，又可以食蒸氣鍋，都係以海鮮為主，望落都幾新鮮的。我哋冇諗咁多，要咗個二人餐，有齊海鮮、牛、乳鴿。我覺得最好食係炒蟹，應該係加左咸蛋黃炒嘅，唔辣，但好香，味好足。乳鴿都唔錯，好香好脆。感覺呢兩個菜比蒸氣火鍋好食。至於海鮮，份量就唔多，每樣少少，到最後會俾你幾塊牛肉，牛肉都好味，脂肪分布ok。因為我哋冇要有炒飯嘅餐，所以我哋兩個人都其實冇食飽🤣不過都唔貴，大概300蚊左右一個人，都諗到幾多嘢食。