影片
港鐵銅鑼灣站 C 出口
繼續閱讀
電話號碼
39562146
開飯介紹
以滋潤燉湯作為主打的火鍋店，亦有提供多款新鮮刺身，如加拿大野生象拔蚌。
繼續閱讀
營業時間
今日營業
17:30 - 01:30
星期一至日
17:30 - 01:30
以上資料只供參考, 請與餐廳確認詳情
有關獎賞計劃
[📍銅鑼灣｜漁火海鮮刺身火鍋]朋友極力推介既火鍋店，位於銅鑼灣嘅漁火海鮮刺身火鍋，係地鐵站附近，地點好方便。朋友介紹嘅原因係食材非常之新鮮，同埋好多都係自家製食材，環境非常乾淨，所以試試佢。打邊爐最緊要係個湯底，試咗個麻辣同埋胡椒豬肚湯底，老闆娘話係全部自家製，搞到我都忍唔住先飲個湯，兩邊嘅湯底都好足料，係真材實料咁炒出嚟。麻辣嗰邊都真係幾辣，胡椒豬肚個邊有胡椒有豬紅有白果。出邊好多火鍋店都係擺舊麻辣磚同埋整包湯料，個湯底得個咸字。重點係我食完成餐返到屋企都唔使係咁飲水。講返食物，海鮮方面，老闆娘推介蘇格蘭蟶子皇，一上到枱見到勁大隻同埋勁新鮮，老闆娘仲教我哋淥幾秒就得，果然超級鮮甜同埋真係勁大隻，要分幾啖先食得晒。再黎肥水大花甲，隻隻都勁大粒，個麻辣湯同個花甲都幾夾，可以帶出個鮮甜。之後再叫咗個椒鹽海中蝦，見到好多人都嗌，每隻蝦都勁大隻，新鮮炸起，隻隻蝦都勁爽口，忍唔住連殼都食埋你就知幾好味。本地手切鮮牛頸脊，兩個人絕對夠食，都係好新鮮，有雪花唔會好柴，食落都幾爽口。漁火特色四色丸有驚喜，估唔到啲丸都咁用心製作，食得出係手打丸，而且真係好有特色，最難忘係鮮蝦丸，外面有層蝦乾鋪住，咬落淡淡蝦肉，超級好味。即炸鬆脆響鈴，新鮮廚房即炸，靚湯底一定要試響鈴，果然冇令我失望，仲要勁大條。時令什菜籃，啲菜都新鮮過人，又有粟米，又有冬菇，什菜籃作結，非常滿足。自家竹蔗茅根，健康之選，辣辣地飲返杯解辣，好潤喉。漁火海鮮刺身火鍋係非常之有水準嘅餐廳，每一款食材都係非常之新鮮，好多自家製嘅食品都係非常之高質素。店內嘅職員亦都好nice同好細心，環境好舒適，有啲似私房菜嘅感覺，私隱度好高，約埋朋友傾偈打邊爐絕對非常之適合，絕對值得推介。
繼續閱讀
今晚好想打邊爐，見成日食四川火鍋，今晚想食番啲香港地道打邊爐，搵到呢間位於銅鑼灣京都廣場8樓嘅漁火海鮮火鍋，就去試試先。呢間火鍋店啲湯底好特別，全部都係餐廳自家煲嘅養顏潤喉靚湯底，好似番到屋企飲番呀媽煲嘅靚湯一樣，好足料。 👉🏻 花膠響螺燉赤肉 （湯底）花膠釋放大量胶質，令到個湯好濃稠，加埋響螺就更加滋陰，而且令到成煲湯更加鮮甜。老闆娘更叫我哋飲多兩碗靚湯先，才開始打邊爐。👉🏻 手切PRIME牛肉老闆娘介紹我哋食呢款牛，果然冇介紹錯。牛肉雪花紋分佈平均，食落真係好有牛味，而且入口即溶，肉質夠細嫩。👉🏻 蘇格蘭蟶子皇老闆娘教滾8秒就食得，果然非常鲜嫩爽口，而且夠晒彈牙。👉🏻 肥水大花甲花甲全部都好大隻，兼且冇沙，肉質肥厚飽滿。👉🏻 墨魚滑拼蝦滑墨魚滑夠爽滑兼有彈性，而蝦滑又夠鮮嫩彈牙。兩款索埋啲湯汁，令到肉質更加鮮甜。👉🏻 即炸鬆脆響鈴呢款係我打邊爐絕對唔少得嘅響鈴，老闆娘話佢哋嘅響鈴係自己師傅親自炸，果然冇介紹錯，放落湯1-2秒便可食，響鈴索咗啲湯汁再加埋少少脆口，食落啖啖都有響鈴嘅油炸香氣，口感真係好正。👉🏻 自家製竹蔗茅根打邊爐除咗叫啤酒降火外，還有老闆娘介紹嘅自家製嘅竹蔗茅根，夠晒冰凍，兼好清甜潤喉，絕對係打邊爐嘅最佳良伴。
繼續閱讀
放工同朋友係銅鑼灣地鐵站一出對面駱克道京都廣場, 有間漁火海鮮刺身火鍋, 食材新鮮, 要同大家分享。漁火招牌麻辣鍋, 全無味精, 自家熬製, 配料香料足, 辣得黎不會太麻。胡椒白果豬肚煲, 同樣係無味精及自家熬製, 胡椒味濃, 辣辣地, 豬肚份量多。漁火特選牛盛薈 $468一個價錢可以食齊五款牛, 份量又多, 包括有牛邊位、牛頸脊、牛舌芯、牛柳粒同Prime牛肉, 五款牛都咁新鮮, 肉汁多, 牛味濃, 真心推介!蘇格籣蟶子皇 $156 (2隻)平時食開蟶子邊有咁大隻, 叫得做蟶子皇就有番咁上下大隻, 只淥12秒一見離殼便食得, 入口爽滑彈牙有口, 非常好食。即炸鬆脆響鈴 $58好大條的響鈴, ORDER後新鮮炸起, 只需淥一秒食得, 外層索哂美味湯底, 內層仲保持鬆脆狀態, 入口美味無窮, 雙重享受。鮮鵝腸 $98外表肥美嫩滑, 淥熟後入口爽滑彈牙。時令什菜籃 $78一大盤包括有生菜、白菜、菜心、粟米同冬菇, 新鮮又健康, 可保持均衡飲食。
繼續閱讀
天氣愈黎愈熱, 無阻同三正知己圍埋打邊爐, 今晚去咗銅鑼灣呢間樓上火鍋店「漁火」齊齊烚下烚下。餐廳面積不大, 雖沒有華麗裝修, 但大部份卡位, 坐得舒服。呢度嘅湯底均由餐廳自家製, 我地揀咗個雙併湯底: HK$168漁火招牌麻辣鍋: 放了大量麻辣湯料, 其中有彈滑鴨血, 湯底辣中帶少少麻, 惹味開胃。胡椒白果豬肚煲: 胡椒好出, 微辣惹味, 有唔少豬肚, 幾有咬口。【自家竹蔗茅根】HK$58餐廳自家製, 味道清甜解膩, 配搭火鍋清熱一流!【椒鹽海中蝦】HK$128蝦肥美幾大隻, 爽口彈牙, 配上大量炸蒜, 夾埋一齊食, 提升鮮味, 更為香口。【漁火特選牛盛薈】HK$468擺盤同質素都能滿足我呢個牛魔王! 一共五款牛, 款款嫩紅新鮮。牛舌芯: 薄切焯幾秒就食得, 口感爽彈。牛柳粒: 切成一口一粒, 淥至六成熟,肉質彈牙唔韌, keep到肉汁, 牛味濃。Prime牛肉: 油花豐富, 分佈平均, 肉嫩、牛味濃。 牛頸脊: 切得帶少少厚度, 滿足口感, 肉味偏重。牛邊位: 雖然牛脂較少, 但薄切, 避免了肉質口感過韌。【脆鯇片】HK$68脆鯇片起雙飛兼已被去骨, 食到魚鮮味, 魚片位仲好爽脆, 大愛!!【特色四色丸】HK$128分別係墨魚丸、牛肉丸同埋鹹蛋豬肉丸, 口感偏林, 唯獨蝦丸最有驚喜, 帶有真鮮甜爽口蝦粒, 正!
繼續閱讀
今日來到一間位於銅鑼灣嘅樓上火鍋餐廳，一坐低發現餐牌菜式選擇有好多，最吸引嘅係有益又滋補嘅火鍋湯底，返咗啲時間睇晒個餐牌，最終揀咗「花膠響螺燉赤肉湯」，店員細心地為我哋介紹建議食法，首先係飲湯，第一碗湯係最濃郁，最原汁原味，餘下嘅湯會繼續留喺煲入邊，直到你示意，店員就會幫你再加上清湯，接着就開始打邊爐，逐一加入火鍋配料，慢慢煮，慢慢食。火鍋開始之前，嚟一碟小食「新鮮炸魚片頭」，即叫即炸，炸到外脆內軟，魚肉爽口彈牙，熱辣辣，新鮮又好食。火鍋配料選擇有好多，我哋揀咗新鮮嘅「脆肉鯇魚片」、「新鮮蟶子皇」、「手工切牛頸脊好滑」、「特色四色手打丸」（包含豬肉丸、蝦丸、墨魚丸等等）、自家製「即炸響鈴」，店員教我哋烹調呢款響鈴，只需要煮3秒，入口依然脆卜卜，好香雞蛋味，又唔會太油膩。超好食，所以兩個人食得晒成碟，我都覺得自己好厲害，食力驚人。飲品有新鮮「竹蔗茅根水」，清心清熱又解渴，好鍾意。整體食材質素極高，價錢合理，非常推介。
繼續閱讀
您可能會有興趣的...