漁米鎮小菜館

營業中

休息中

今日入到嚟鴨脷洲搵朋友，朋友帶我去食呢間寫漁米鎮~ 入邊環境地方唔算寬敞，仲有少少迫😂但係食物好味嘅～特別係佢個梅菜扣肉～好腍好入味~梅菜甜甜地，加上每一舊扣肉都肥肉均勻，唔會特別太肥，亦都唔會特別太瘦👍🏻送飯絕對一流😆乾煸四季豆好有鑊氣～炒出嚟嘅豆爽脆唔會好油淋淋～食飽仲可以去附近嘅海濱行吓當消化🤣同埋我啲服務員真係好好,好有禮貌.就算幾忙都好一叫即刻應你😂下次試吓啲海鮮，見到隔籬枱好多人都叫海鮮食下次真係要試吓

家人共聚，揀左魚米鎮，訂座20:00，原來已經翻枱，睇黎都幾多人食，期望值又高左🤭近海梗係食海鮮啦🤤點左：脆皮乳鴿、菠蘿咕嚕肉、班頭腩兩食（炒西蘭花、清炒）豉油王炒麵、魚腸焗蛋、清炒白菜仔、椒鹽鮮魷、黃酒雞。首先講下豉油王炒麵比較鹹，跟侍應反映，佢問我哋係咪要換一碟，我哋話都唔需要只係講聲你知，隔咗一陣侍應幫我哋取消碟豉油王炒麵，不過已經食左1/3，呢個服務態度好好👍🏻其他食物中規中矩，最出色係魚腸焗蛋、黃酒雞，真係唔係間間鋪頭有得食。心機菜，又有幾多間會整？

今日同老婆兩個去咗漁米鎮，本來想叫小菜的，但見天氣寒冷，於是叫咗羊腩煲同埋鐵板炒米。羊腩係premium嘅正宗坑腩位，大煲，肉多，非常好味，配料嘅冬菇同枝竹都好出色，生菜亦大份。鐵板炒米夠亁身，炒得開無痴埋，所以好入味。而且重係免茶介同加一，性價比超高。店員亦好禮貌，地方乾淨。推薦👍👍👍

上網搵謝記的魚片相片，無意間發現原來鴨脷洲都有類似的餐廳，仲記得謝記堂食時候都要自己去排隊買魚片！在這間就輕易食到，而且有9成接近（1成是唔夠彈），回憶感覺返晒嚟！其他小炒都夠鑊氣，雖然舖細細，但係有種親切的感覺，夥計也很親切！南區居民應該食過，旅客來也可以遊香仔海濱公園搭船 幾分鐘就到，地鐵鴨脷州利東一出5分鐘到，不過隔離有間糖水舖就不推介了，上水人糖水做得很難吃，香港仔糖水舖就好味 ，魚蛋魚片香港仔冇得輸好味

平時都冇喺鴨脷洲食過嘢，如果唔係返工暫時返呢度，我諗我都唔會專登黎試食呢度嘅餐廳。咖哩雞扒飯 $47普通茶餐廳都會有嘅碟頭飯， 有塊正常size嘅雞扒、午餐肉同火腿。整體個飯分量足夠，食碟頭飯主要食佢個汁既味度，咁我就叫咗咖哩汁，辣辣地，不過都算食到嘅，味道嚟講就一般啦。雞扒正常厚度，有煎過，雞皮有少少脆，雞肉汁仲保留住，算唔錯。午餐肉同火腿就普通平時都會食到嘅 現現成嘢。凍飲加三蚊，嗌咗杯凍檸茶，檸檬片份量夠。

今日同男朋友👫去鴨脷洲大街搵食。🍴「漁米鎮小菜館」位於利東站🚇外面，非常易搵。😉雖然餐廳個名叫小菜館🥢，但都有下午茶餐可以選擇。😎下午茶嘅炒粉麵飯餐至到4點半。🕟而其他下午茶餐就到5點半。🕠幸好我地坐低嘅時間就啱啱好🏃🏻‍♀️趕到食炒粉麵飯餐。🥳🍜 肉絲炒麵 + 凍檸茶炒麵脆卜卜，有鑊氣。🤓下午茶嚟講份量啱啱好，唔會太大份，仲可以去食晚餐。☺️🥩 黑椒牛扒配薯條 + 凍奶茶牛扒有3件，黑椒汁味道濃。🤤仲有粗身嘅薯條🍟蘸住茄汁食。係我小朋友時候👧🏻成日食嘅。

成日去鴨脷洲大街尋找美食，見到呢間舖頭已經開咗幾年。都冇入過去，因為見到好似好多人。突然之間心癮起，真係好想食魚片。見到佢打住山窿謝記嘅招牌，所以一定要試！講真，頭一次食，真係好有山窿謝記神粹。無論係魚肉同魚片外皮方面。一食，成個feel吧bar聲標出嚟。第一啖食落去，梗係激動啦！食第二啖，你就知道，好似同其他食評一樣，真係喊咗啲喎！而且，認真地講，唔係咸一啲咁簡單。真係好需要將啲鹽大量減少。以前山窿謝記，齋賣魚片，就梗係新鮮；而家，返完熱先拎出嚟，就梗係有啲唔一樣㗎喇。最奇嘅就係，佢唔係真係所有嘢都太鹹個喎！有啲好想食鹹嘅嘢，佢又反而，真係唔落鹽㗎喎！例如你嗌炸薯條，係新鮮滾熱辣，但係佢又完全都唔喊。簡單啲，可以形容為冇味。不過都係果句，山窿謝記，淨係噏得出四個字，個腦海入邊爆出黎嘅回憶，都值回票價！當然啦，價錢方面值唔值，因人而異。

自從佢打住山窿謝記既名堂番黎開店專燈坐車黎食過幾次小菜同炒粉麵味道偏咸老人家受唔住而價錢偏貴份量唔多叫個咕嚕肉要90幾蚊得2舊仔波蘿夏門炒米的米粉好粗好硬食到銀住喉嚨重點係服務唔掂黑口黑面 粗聲粗氣野飲凍熱都要加錢午市寫住有例湯但我地食過幾次12點半去到次次都話例湯送曬焗你飲野叫佢比杯水都好唔願意但佢位置好係正地鐵站出口每次見到咁多人排隊都想同佢地講行過少少仲有好多好野食茶餐廳麵有幾間架價錢又平好多漁米鎮不是首選

餐廳牆上掛着的兩句說話幾啱聽：「生活不簡單——-簡單過生活」「我就開心🥳⋯⋯就係咁簡單」————————-🟪兩個人食咗4個下午茶餐😅一係就好好食要再食，一係就份量太小⋯⋯結果係兩樣都係😂😂😂😂😂————————🟫黑椒牛仔粒配雞蛋沙律X2：配凍檸茶X2：黑椒牛仔粒又香又惹味，咬落軟熟，不過粉量就小咗口，但就好好食，所以食完又再叫多個食😅昵度既沙律🥗又整得唔錯，而且撈沙律醬既味道不會太多又不會太小，有雞蛋同幾款生果🍊🍎🌽粒配料，不會像有些餐廳好水，見到唔想食嗰隻，昵到整得好好食，所以食完再叫都係配反沙律🥗🤣———————🟧瑞士汁雞翼配雞蛋沙律X1：配熱檸茶：瑞士雞翼味道又係調較得好好味😋，又係食到舐舐脷————————🟩蝦多士配雞蛋沙律X1：配熱檸茶：真係好多蝦膠係多士面頭，多士炸得脆卜卜，又香口，沙律🥗唔使講，上面已經講咗好好食，所以四個餐都係配雞蛋沙律🥗😂😂😂😂😂———————-開心簡單又一餐平貴啱食無嘢彈😂—————————

住係呢邊附近，久唔久都會同朋友係呢到聚腳，不過呢到真係好受歡迎，機本上無訂位係無可能食到叫左每次嚟機本都會食既炸豬手，做得好出色，脆得嚟一啲都唔油，多脆內軟，而且好有南乳味，面頭仲有啲炸蒜成件事好夾！個飯炒得好有鍋氣，粒粒分明得嚟又唔會覺得佢太乾，入面仲有雞粒同鹹魚，好惹味，人多既話必叫！

今天和朋友到利東的一間小店吃晚餐，朋友說這裏的東西很夠鑊氣。生啫大腸煲現代人講求健康，一般都不吃大腸，但我們也是是，結果大腸肥美，好吃。鮮雞湯勝瓜木耳浸大蜆湯的確很鮮甜，加上勝瓜很嫩，蜆肉也很新鮮，甜美。蜆芥鯪魚球新鮮炸的鯪魚球，魚肉彈牙，加上蜆芥醬，此配搭好吃。生煎蓮藕餅蓮藕脆，加上肉餅，挺好吃。薑蔥魚雲煲和薑蔥生蠔煲這兩個煲都很好吃，尤其是生蠔煲，好很鮮甜多汁，也很肥美會咬一口都是享受。鳳梨咕嚕肉酸酸甜甜的咕嚕肉加上福利，簡直是絕配。豉油皇炒麵和家鄉鐵鍋炒米粉這兩項看似簡單的菜式，但卻10分美味，份和麵每條都炒得很均勻。我們還點了炸魚片、特色漁村小炒皇、干煸川味四季豆，但略鹹。

入座沒有量體溫，服務員只掛住傾偈，柚子骨沒有味道，汁醬太濃，食完要飲好多水，粉絲蟹籽煲好味道，不過就真係只有粉絲同蟹籽，椒鹽豆腐一般般，好明顯係用百福豆腐，沒什麼特別好味及不夠鑊氣。服務態度比較粗魯，大大力放低食物就走人。

政府限聚令之下已經超過一個月沒有跟朋友飯聚，朋友極力推介的食店本來抱住期望去試吓，點知有啲大失所望，首先來一個小炒皇，師傅用咗好多菜脯有啲超咸嘅感覺，食落口嘅時候仲有啲食鹽未完全溶解，每道菜都略為超咸，每點一道菜的時候都提醒師傅但一樣超咸，同枱嘅幾個朋友都感覺一樣，菜式份量跟價錢性價比不高，全晚最好嘅就係醬油炒飯，份量夠大而且炒出嚟乾身粒粒米飯分明可惜不過要好食得咸嘅朋友先得，應該唔會再返轉頭幫襯

店舖的職員態度都非常差，問多一句講慢少少都會俾聽電話個姐姐強硬倔強粗聲粗氣，我相信如果貴店舖能改善一下職員的態度，生意一定更上一層樓。佢要做你生意反而你要受佢氣，真係太過份！

多士好好味 ，肉絲炒麵葉都好有水準。同親友一齊食下午茶，除咗份量較迷你外，其餘都OK。蝦多土丶肉絲炒面熱騰騰，好脆！！！餐廳裝修都幾靚（新裝修）。侍應態度OK，利東地鐵站A出口一出就係，方便。