影片
開飯介紹
由超過30年經驗的總廚坐鎮，以把日本高級料理平民化為理念，並藉著日本匠人精神，把原材料的鮮味呈獻給食客。
繼續閱讀
營業時間
今日營業
12:00 - 22:00
星期一至日
12:00 - 22:00
公眾假期
12:00 - 22:00
公眾假期前夕
12:00 - 22:00
以上資料只供參考, 請與餐廳確認詳情
有關獎賞計劃
漁釧，位於深水埗v walk 商場地下南昌站A出口行一至2分鐘就到，真係方便到不得了呢間日本餐廳種類眾多壽司刺身，鍋物，串燒，沙律，小食，炒飯，海鮮拉麵乜都齊晒，環境整齊乾淨，燈光偏暗，枱同枱之間嘅空間都足夠，坐得舒服松葉蟹肉野菜沙律$108沙律菜夠晒新鮮洗得非常乾淨，上面鋪滿大量嘅松葉蟹蟹肉，每一啖都非常鮮甜，清新又健康三文魚頭半隻$118三文魚頭份量非常多，但又鹹鹹嘅味道，做到外皮香脆，肉質又夠鮮嫩，燒完之後都唔會乾身，魚油夠晒甘香，原來魚頭都仲有好多肉，燒到脆卜卜，非常香口沙白味噌湯$38湯底清甜，最有驚喜的就是沙白非常大粒，有兩隻，肉質鮮甜，又夠爽口日本A5和牛壽喜燒$298加$25 稻庭烏冬壽喜燒用好少嘅醬汁就已經能夠煮到呢個日式火鍋，入面配菜有大蔥，豆腐，冬菇，娃娃菜，湯底甜甜的，配埋生雞蛋一齊，令到湯底更加鮮味不得不提的是和牛，牛肉香味放入口即刻散發出口中香，牛肉味濃郁仲，完全冇腥味，口感清爽肉質腍身，回味無窮，帶有天然嘅淡淡奶香味，相，牛肌肉中嘅脂肪分佈平均日本產牡蠣$198 6 隻用清酒蒸日本生蠔都係第一次食，有非常香嘅清酒味，海鮮味依然存在，味道鮮甜
繼續閱讀
琴日去咗「漁釧」食日本嘢，真係超級滿足呀！😋🍣🥩 叫咗兩個招牌菜，真係正到冇朋友！🤩首先，我叫咗個 A5和牛壽喜燒！🥩🔥 啲和牛真係入口即溶，油脂分布均勻，肉味香濃！🤤 壽喜燒個汁甜甜哋，好惹味！😋 撈埋啲蛋汁食，真係人間美味！🤤🥚 仲有啲蔬菜、豆腐、冬菇、金菇等等，索晒啲汁，真係好正！然後，我又叫咗個 炙燒平目魚邊三文魚籽丼！🐟🍚 啲平目魚邊燒得好香，魚油豐富，入口即溶！🤤 再加埋啲卜卜脆嘅三文魚籽，口感豐富！🧡 撈埋啲飯食，真係好滿足！😋 個丼飯仲有啲紫菜、青蔥等等，令到成個味道更加豐富！總之，呢餐真係好正！🥳 雖然價錢有啲貴，但絕對值得一試！👍 下次要再嚟試下其他嘢食！
繼續閱讀
第一次嚟食飯，見到有個牛小排放題，諗住試下啦，點知伏到一個點！睇下佢啲所謂嘅牛小排！！乾柴，無肥，無肉味……牛小排喎…我食緊咩？有圖有真相！埋單每人280幾蚊，可以任叫嘅只有牛，菜，麵同烏冬，sukiyaki連雞蛋都無一隻俾你，你只會有壽司豉油。望一望啲燈，新年都唔抹下佢！咁多塵，喺正啲食物上面……真係……點先？好少寫負評，難得留港消費…不過咁樣嘅質素，你服務好啲都算…唉…新年真係忍唔住！永遠都唔會再嚟幫襯！
繼續閱讀
最近去左南昌探朋友，之後一齊落商場食日本野😋😋我哋首先試咗海膽餅乾，呢個小食真係好特別！🥰餅乾嘅口感薄脆，配上新鮮嘅海膽，味道香濃，海膽嘅鮮味完全融入餅乾裡面，食落去真係好開胃，令我對接下來嘅菜式更加期待。😳接著，我哋點咗壽司烏冬定食🥰裡面有好多款壽司，包括吞拿魚壽司、海膽壽司、魚子壽司、鰻魚壽司、三文魚壽司、海蝦壽司、火焰燒三文魚壽司同帶子壽司，每一款都好新鮮！特別係火焰燒三文魚壽司，外面微微焦香，裡面卻係嫩滑，真係一啖就令人陶醉。😋😋而腐皮烏冬就更加好味，麵條Q彈，湯底清淡而鮮甜，搭配埋腐皮，簡直係一個完美嘅組合，食落去既暖心又滿足。👍🏻另外，我哋仲試咗芝士燒蠔，呢個蠔肉鮮甜，配上融化嘅芝士，味道香濃，真係一個非常好嘅創意小食，食完之後令我好驚喜。😊😘最後，我哋選咗清新雪葩做品作為甜品，呢個雪葩清爽又消暑，味道清新，完美為我哋嘅用餐畫上句號。🥰🥰🎊🎊中午嚟講，呢個套餐真係性價比超高呢😘😘
繼續閱讀
天氣凍左好多，想打邊爐又想食日本野，最好去食壽喜燒，友人搵到有間居酒屋用二百幾蚊可以日本A5和牛壽喜燒，咁抵?!即去一試究竟!餐廳位於V Walk，位置幾方便。餐廳面積頗大，裝潢甚有和風之感，燈光柔和感覺好warm，平日8:30去到唔太多人。餐牌，食物都幾多選擇，有刺身、壽司、鍋物、串燒及拉麵等，一應俱全。日本A5和牛壽喜燒，$298，A5和牛，有4大片，賣相十分吸引，油花量多。店員會先問用關東風定關西風，我地揀左關西食法，先煎牛肉再加入醬汁等調味，店員即場幫忙煎了2片牛肉。煎的牛肉十分香口，肉質鮮嫩入口即化，油香有肉味，蘸蛋汁食更美味。之後店員再加入壽喜燒醬汁再放入其他配料煮，食材放得好整齊呢。壽喜燒湯底鹹鹹甜甜，味道不俗，食材都好新鮮，蔬菜及菇菌類吸收醬汁精華好惹味。食物味道不俗，呢個價真係幾平，坐得舒適，服務態度正常，又多一個抵食之選。
繼續閱讀