漢堡B (已結業)

連翠如bb推薦的漢堡，試試看先首先件漢堡非常非常大件，超級飽肚，個高度真系嚇死人，高過部iphone望落好似好多芝士咁，但食起身冇咩芝士味，好淡味。牛肉都算juicy，可惜肉質麻麻，比較鞋口，冇咩牛味。講真呢個價錢其實冇咩可挑剔。漢堡嘅包有烘過，沙律菜新鮮。兩個人share加份小食咁，應該都夠。。。小妹一個人一個漢堡已經飽到上心口！最要改善的是調味方面，真的太淡如果重點味道會更好！可能我是食得比較重口味，因人而異吧！

第二次食Burger B， 今次叫左珍寶餐，有個咩都有嘅漢堡包（煙肉、番茄、蛋、菠蘿、漢堡、菜、千島醬），加左＄15叫餐有小食（手指魚柳），加$8有個羅宋湯。個包本身好好味，烘底有鬆軟，塊漢堡夠熱夠juicy，如果塊菠蘿可以係新鮮菠蘿就perfect! 略嫌塊煙肉乾咗啲......個包好大個跟餐超飽，我同男朋友兩個人share食一個餐都已經夠晒，我另外喺附近買咗杯鮮榨果汁。記得帶定濕紙巾食完抹手，因為個包太多料，D醬會溜出黎。

不得不承認，在食方面我絕對是很好勝的人，愈食唔到就愈想食。不時出現「三顧草蘆」的情況，今次講的就是九龍灣得寶商場的Burger B。對上兩次是在此店去年初剛開幕時，在下午二時十五分及一時半到來，想食那款漢堡都Sold out，要下午六時晚市再有。隔了一段日子第三次幫襯時，索性在它午市開門前十分鐘到來，終成為第一個order。但正式12點落單時，身後已有人等候。今次吃的是即叫即造的芝牛蛋堡。個patty唔大但好juicy，雖然吃得出不是甚麼貴價牛肉，但肉餡充滿洋蔥，很香口。賣相精美之餘，個醬汁就好有紅磡「時新」feel，正斗。個包四十元左右，套餐加薯角及花茶只是五十多元，性價比甚高也。

今日本身打捻同男朋友食觀塘東廣場個間burger 但係由於佢遲左出門口 我就直接過左去九龍灣..周圍行下去到德寶見到有個food court 好多野食兜左個圈見到好幾枱都有叫到呢間既burger食所以本身今日食唔到個間burger都可以試下呢間burger我地係到叫左個套餐再買左其他店鋪既小食坐係到食我地係burger b 叫左個2號牛肉芝蛋堡加$15轉set配薯角跟一罐汽水或可以簡蕃茄湯Total:$42+$15=$57我比完$70 收銀個位女士找返$3比我咁就即刻同佢講返 唔好意思你找少左$10 我比$70你..點知佢黑我面真係心捻咩料呀？佢比返$10我個時態度係真係唔好 仲要大大力比完我再講左一句拜拜我心捻連野食都未拎 就拜拜我？男朋友都話佢態度堅差，自問平時係唔該前唔該後既人嚟 都算有禮貌！算 唔理佢！等左兩分鐘有得拎...呢樣野要讚下廚房好快手 啲薯角勁熱...收銀處旁邊有茄汁同沙律醬可以自取個burger 比想像中大既味道夠味 個塊牛肉漢堡好多汁 要讚平時出面食過個啲都係比較乾身 但呢個一咬落去 啲汁多到滴出嚟好味～但咬左兩啖 發現無雞蛋既？明明叫牛肉芝蛋堡男朋友去返同佢講

之前黎得寶個foodcourt都唔覺有得食漢堡包，今日見到所以即刻想試😁我點個牛肉芝士漢堡加雜菜湯，老公點All day breakfast~老公先食啖蛋，不過隻半生熟蛋上面竟然生得黎有d焦，同埋佢既份量唔夠老公食😂不過好攪笑，佢俾左個胡麻醬我地，唔知係點邊樣野😝不過我個牛肉芝士漢堡就好大份，而且去漢堡排都幾juicy,菜又新鮮，如果個包再香d,脆d就更加prefect😁佢個魚手指個樣好似有d d overcook, 不過d肉好爽，冇雪味，仲有魚味，唔錯😁不過個雜菜湯就冇咩料，得d湯，而且味唔夠濃......

隱世性價比高漢堡！仲大玩懷舊裝修！150g handmade 牛肉芝士堡呢d成座山咁高既漢堡平時都起碼七十蚊 呢到只要俾一半既價錢就可以食到 仲要質素不錯😋 牛肉既味道夠香夠味 漢堡偏乾少少 不過都唔會散同仲有少少肉汁；菜方面 佢係用沙律菜而唔係只用生菜 用料唔馬虎；麵包都烘過 微微脆身又夠熱；最後加埋芝士同沙律醬 正！珍寶鱸魚扒漢堡上網見到大陪份人黎到都淨係叫牛肉芝士堡 不過我就覺得呢個鱸魚扒更加好食同有驚喜！整個漢堡都係一樣咁大個 用料一樣咁足 有成大塊炸過既鱸魚扒係入面 肉質又嫩滑又juicy 魚味亦都好香 唔似平時d雪藏魚咁冇唒味~配埋沙律醬同沙律菜 解番油炸食物既油膩感 搞掂！性價比真係好高

朝早落咗遊輪碼頭走走，下午出番九龍灣又諗起佢，到達後目測無之前咁多人排隊等食，得少貓三四隻。我就叫咗個好似叫珍寶漢堡 應該收咗HKD70，包薯角同一罐氣水，再等佢地製作五分鐘頭有得食。漢堡真係好大咪，真係好珍寶！裡面尐料應該有牛肉，脆煙肉，蛋，菠蘿同埋沙律菜。首先係用手持 呢個方法黎食，第一口咬落去跟本食唔到漢堡嗰橫切面，到第二口咬諗住同呢隻漢堡博命，係咬得出一個唔太完整嘅橫切面，但個死人咀角差不多裂開，而漢堡內嘅醬汁搞到兩隻手都係，狼貝非常！最後反而用刀叉食呢個漢堡會方便尐！賽後檢討有二：第一，汁，點解今日個牛係無乜肉汁而只得醬汁？無肉汁之餘仲要鞋口，咁同食麥當當有乜分別，希望佢地係一時失手。第二，漢堡包太大，大個尐個買相係好好睇，但真係擺唔到落口，唔好話去嘆去享受。食一個漢堡包係其實可以好簡單，唔應該要舞刀弄劍咁黎食個漢堡，我諗唔到係呢個牛下嘅商場裡面，隔離舖仲賣緊臭豆腐 呢尐貼地小食，而我就懶有型同優雅咁，揸住對「膠」刀叉係度据漢堡，而當時對面嘅食客就督緊腸粉燒賣食，都不知幾能中西合璧同幾九唔搭八。

黎到德寶呢個隱世食堂，最想試就係呢到既平價高質burger!!!呢到全部burger都係四十蚊左右，叫左呢個最平既牛burger試，果然無令我失望雖然佢有好多唔同既選擇，又有珍寶魚柳又有軟殼蟹，而單係牛都有加蛋或者唔同份量選擇但係個人覺得burger最原始一定係配牛！！150g安格斯牛漢堡$38 +$15跟餐：三十八蚊一個漢堡，睇下舊牛幾厚！！！！一拎上手真係嚇親！雖然本身包既size較細，但淨係件牛都已經有成吋幾厚，牛肉咬落好juicy，啲肉汁一路食一路滴相比起其他美式餐廳既burger，呢到既牛肉比較鬆散少咬口，同傳統既札實鞋口口感唔似，咁樣反而係我杯茶而且調味亦唔會因過濃而蓋過肉汁既鮮感，有水準之作！另外不得不提係佢既醬汁，有密糖芥末既味道，甜甜酸酸的，中和牛之肥膩，如果醬汁既量多啲會更惹味！加埋蕃茄同新鮮生菜，成個飽好豐富！多到食既時候跌哂落黎都幾狼狽架，不過為左食...至於跟餐既薯角相對失色，應該唔係即炸，所以都涼左同埋稔身左，放耐左仲出唔少油，不過以量同價錢黎講叫合格架喇

太太有要事今天不在港，剩下我和小友在家"相依為命"....但這並不表示我倆會很清閒 ---- 早上要帶他上課，下午回家後要為他準備測驗，一溫就溫了一整個下午。做完後望望窗外，發現天已差不多全黑了....事不宜遲，馬上和小朋友更衣出門，動身去開餐可也....第一次來到得寶商場內的這個牛下新城，看到裡頭的彷牛下邨的佈置，真令我這個算是當年曾在舊邨附近生活過一陣子的人不禁有點失笑莞爾呢....無論如何，過去的都已過去了....還是努力向前，將聚焦放回到食物上去吧....在商場內的角落有一個小個蠻小型的foodcourt。裡頭有一所小的漢堡店，一直是我心儀要試的店子....讓小朋友自己選喜歡吃的，他毫不猶疑就捨棄了漢堡而點了Kid's Mega拼盤....不想和小友爭食，所以就只咬了一小口朱古力多士。多士算是脆口的，上面舖了有顆粒的朱古力碎，脆脆之外甜中夾著丁點的苦，感覺甚有趣，將之當成甜食來看待亦是正常的....號稱淨重150g重的芝牛旦堡，看起來確是頗豪華....包身算是其中最弱的一環，雖還暖的但就不大做得到外脆內軟的口感，用的麵包亦是普通不過的貨色；蛋亦煎得偏熟弄不到流黃爆漿的效果；可取

平時同同事經常來吃，呢個food court 貪佢不用等位，這間漢堡之前見很多人吃，於是今天我都試試，叫了個牛肉芝士堡。漢堡高度有罐裝汽水一樣高，肉和芝士醬份量十足，要逐件吃，賣相和味道都一流飲品選擇比正常多，有6-7種，再配上超厚薯角，無想過會吃得這麼飽。更無想過在這平民商場會吃到大餐廳水凖的食物。

今日去左淘大個邊搵朋友上網search下有咩好食個時見到呢間係話連翠如bb都成日食既小店於是我就決定食佢叫左一個推介既芝士流心漢堡雖然本身其實期望不太無咩人幫而且店面裝潢得都幾普通但個burger一出，我就收返呢句說話個漢堡排好厚，而且芝士份量好多，流哂出黎講真我吾係食斯文之人但食呢個漢堡個口都真係要開得好大，份量十足而且真係好好食！有學生證仲有免費飲品，正大家經過真係可以去食，雖然店家位置吾算開揚，但都支持下佢啦

好耐之前聽人講過呢間既漢堡賣相幾吸引，加上自家制所以今日做野經過就黎左呢到試買完之後見佢即叫即整，滿心期待，等左大約5分鐘左右賣相的確好吸引，看似好新鮮，亦好厚身包略乾，唔係好軟熟😐牛肉只係微暖，唔係熱辣辣既，但明明係即製😟食落口亦不juicy，失望了菜就幾fresh醬汁同包幾match，但芝士味不太濃加15蚊有個炸薯角同一罐飲品薯角即炸夠熱，炸至金黃脆口，唔會好油膩既感覺

漢堡包人人都有食，例如麥X勞、Burger kxxg。但機器生產感還是差一點點，人手生產漢堡扒又難維持收支平衡，就像burger kxxg大部份已經結業，如果不是代理權分家的話，他們在香港可能已經完蛋。或許在一些地方小快餐店還有機會吃到人手製作漢堡包，可惜這些店已經買少見少，所以找到一間人手handmade漢堡包是難能可貴的事。在牛頭角得寶商場地方內的美食廣場，我找到一間真正以人手裝作的漢堡包店，店舖雖小，但成品真的是出乎意外的人handmade漢堡包，真是水準以上的手工傑作。150g的handmade牛肉芝士堡，製成品比想像中大，拿上手很重秤，配菜也很多，絕非馬虎求其之作。吃下去立刻感受到人手製作真材實料的真正漢堡包，牛肉漢堡扒一咬下去很快便散開，不同在麥X勞吃的漢堡扒，立刻感受到是人手製作的真正漢堡扒。我問店員/主這樣賣能否收回成本，有錢賺嗎？他還說現在勉強還可以，但我有點擔心他們將來是否仍做得到，畢竟創業難，守業更難啊！

不一樣的  漢堡包 漢堡扒是師傅每天人手製造，將新鮮牛肉加入一些蔬菜如甘筍，洋蔥和西芹剁碎而成，孤陋寡聞的我倒是第一次聽聞，目的是要中和漢堡肉的油膩感，一塊塊形狀不一的肉扒放上舊式扒爐煎烘，極吊胃口！ 果然，漢堡扒混入蔬菜餌變得更鬆軟，而且肉汁豐腴更能帶出牛肉味，出乎意料的好食！攝影師一向是漢堡包die hard fans，平常工作時十分有格，從不試吃食物，但今次卻為這包而打破慣例，邊吃邊大呼叫好！

今日黎到牛下小食集中地，早前友人介紹呢間小店話好食，所以一心黎試十二點都冇乜人，可能因為閒日嘅關係搵左位之後就去買野喇叫左一個牛肉芝士堡餐加$15有埋薯角同汽水, 再加脆雞翼8件賣相好吸引呀！包入面嘅菜係外面都睇得出好新鮮，唔係得生菜而係仲有其他沙律菜切開之後啲肉汁不停咁溢出薯角好正我非常喜歡，因為佢唔係太炸，原隻薯仔輕輕炸過，外層少少脆口，入面仲食到薯仔粉粉嘅感覺以呢個價錢有咁嘅質數既BURGER同薯角真係好抵食呀!脆雞翼8件原來係半隻半隻咁既, 不過咁就方便食,  炸粉唔厚, 雞翼亦好入味若有機會再黎呢面一定會再幫襯!