漢興茶檔

營業中

休息中

每次泥都係叫雞翼米粉加凍奶茶，有時會加埋咸牛肉蛋餅！區內出色嘅茶檔，凍奶茶陣味得佢先有，雞翼炸得脆卜卜，咸牛肉蛋餅係佢嘅特色食物，加咗洋蔥一齊炒，非常惹味！會繼續幫襯！

初試粉嶺出名既漢興，一入岩岩好有位，餐牌簡單易明，樣樣單嗌有咩都可以另外加錢。當日嗌咗蛋鹹牛肉通+豬扒丁配熱奶茶。豬扒就唔算好熱應該一早都整好哂，不過浸一浸湯都ok。蛋鹹牛肉好食又夠熱。 見隔離食客都多嗌沙嗲牛，下次再幫襯可以試下不過就要小心時間，閒日朝早都多人，要等下位

上星期六我和朋友到聯和墟拍片。下午的時候，我們在找午餐吃的途中發現了這間懷舊的茶餐廳。裏面的格局給人一種回到九十年代的感覺。 食物方面真的很好，沙嗲牛肉的沙茶味比較重，而奶油多的牛油不會因烘了底而熔了。

呢D舊式茶檔買少見少，遇到就真係要幫襯一下，呢間應該係要食鹹牛肉系列嘅，不過因為去嘅時候啱啱食完Lunch無耐，所以最後決定叫邪惡嘅西多士。一客四小件，佢呢個做法好聰明，因為將平時嘅方包一開四，份量不變，不過切開之後容易D將方包炸透，而且多咗油炸面又會令味道提升。食西多士點可以無奶茶呢。$45兩個人食飽飽真開心。

呢間餐廳我間唔中都想食😋 舖頭位於聯和墟中心位置，座位唔算多，同埋係要同人搭檯嗰啲餐廳🤭最出名係 #鹹牛肉蛋麵 ，每次去必點！！佢有得揀 #出前一丁 、 #福麵 、 #米粉 同 #通粉 ，呢一日好想食福麵，太耐無食喇～ 叫得福麵就好想加隻煎蛋😆 所以今日叫咗鹹牛肉蛋煎蛋麵😂 勁多蛋😂 個鹹牛煎得好香，加埋落勁麻油味嘅福麵，份外好食～另加咗份 #豬扒，豬扒就相對普通啲，不過味道都可以～ 今日杯檸檬茶茶味唔係好夠，唔係咁好飲～

其實新界區有很多冰室也是很有名 以前每到星期六日都會大排長龍這次去了每次經過粉嶺必去嘅漢興茶檔唔使多講 必定要點一份咸牛肉蛋多士 看到賣相已經很開心 滿滿的童年回憶湧上來 還有你看到本地人每一枱上面都有的炸雞翼 就知道，這是必點的食物 水準保持得很好 滿足

呢間係粉嶺嘅港式茶檔超地道，平日一至六朝早5點就開門，做到4點就收檔，擺明係做local生意，最鐘意就係試呢啲local嘢，估唔到價錢同味道都有驚喜.⭐️豬扒麵 / 雞翼麵 $24 轉出前一丁/福麵/米粉/通粉同價豬扒分量有足一塊 雞翼三隻大大隻全部即炸熱上 推薦熱辣辣脆卜卜嘅雞翼🤩食到你飽都係$24 我無野好講啦.⭐️蛋鹹牛肉加多士 $22鹹牛蛋煎到好似厚底pancake夾埋多士即自製極厚底鹹牛肉蛋治達成‼️蛋食落嫩滑 同鹹牛肉+多士係prefect match 係永遠的comfort food🇭🇰.同場加映 呢度嘅姐姐超nice 姐姐聽到我地問咩係 熱大個仔 同熱大個女即刻熱情推介😂😂 同澳牛個啲趕你落單伙記完全唔同.開估時間仔👦🏻：阿華田溝好立克溝奶茶女👧🏻：咖啡溝朱古力再次多謝姐姐熱情介紹 又幾好飲😂😂.#hkfunfoodrecord窮遊香港#hkfunfoodrecord_粉嶺.#漢興茶檔 (粉嶺)地址：粉嶺聯和墟聯興街3號地下B號舖.⭐️評分：味道：3.5/5 環境：3.5/5 比一般茶檔乾淨企理服務：4/5抵食：5/5

即將要搬離新界，趕快清理掉之前一直想去的店舖，這裏是其中一間。最出名的是蛋鹹牛肉出前一丁。店舖環境滿滿港式情懷，摺檯摺凳筷子筒，這種配套總有一種熟悉的感覺。店員很親切，我和老公也點了蛋鹹牛肉，只不過我老公點了出前一丁，而我就選擇了米粉。特別提醒了出前一丁要煮得硬一點，每個人吃泡麵也有種不一樣的執着😂老公加了豬扒，我加了雞翼一杯熱奶茶，一杯凍奶茶。怪不得蛋鹹牛肉會是招牌菜，我沒有從別的舖頭看到這種蛋鹹牛肉，雖然煎成了一個餅，但是蛋不會過老，很好吃，出前一丁真的達到了先生要求的水準😂豬扒和雞翼也不錯，相較之下，我更喜歡雞翼。奶茶也很對我口味，不會太澀但有茶味，入口順滑。簡簡單單便宜又好吃的美食😉

🌈今次介紹一間粉嶺的地道茶餐廳，這間餐廳有別於香港其他茶餐廳，在這裡只有粉麵類、三文治、多士，雖然選擇並不多，但食品的質素不錯，所以人流真的不少。食物方面，沙嗲牛肉麵的沙嗲味很濃郁，牛肉份量亦很多，加上麵條煮得合到好處，不會太軟身，所以整體質素不錯。另外值得推薦的是蛋鹹牛肉多士，首先這個小吃擺盤很精緻，鹹牛肉炒蛋，雖然蛋不是炒得很滑身那種，但鹹牛肉配上炒蛋，味道剛剛好，不會太咸，除此之外，烤得香脆的多士亦可以選擇不同口味的，例如奶醬多、奶油多等等……如果作為一份下午茶，我覺得很足夠。最值得一提是，這裡的價格不高，食物總類可自行配搭，絕對是CP值高的餐廳！

兩個人叫咗一份必食嘅鹹牛肉煎蛋三文治再加一碗沙嗲牛肉福字麵，加多杯熱奶茶同一杯凍奶茶，就成為一個非常正嘅下午茶組合。呢度嘅鹹牛肉煎蛋三文治唔係將啲鹹牛肉蛋插入三文治入面而係好似想入邊排得好靚仔咁樣，三文治係烘底嘅，入面仲有牛油，而件鹹牛肉蛋就可以自己夾入去又或者一啖三文治一啖鹹牛肉蛋就咁食，味道唔錯，尤其是係啲鹹牛肉煎一煎過味道香啲。沙嗲牛肉麵最重要就係個沙嗲汁，呢間嘅汁唔錯，好香沙嗲味同埋有花生味，牛肉質素都OK，最正係佢有福字麵，童年回憶即刻返晒嚟。

其實依家食咩都貴，一個茶餐，午餐肉炒蛋麵連熱飲都講緊40幾蚊😵‍💫😵‍💫唔知呢間係咪自己舖頭，佢開得好早，亦都唔做夜巿價錢亦都好好好好好好抵😤😤😤每次去親基本上都有人等位豬扒麵$24餐蛋麵$21🌟🌟仲要有得揀✅福麵或者✅出前一丁🌟🌟完全係窮人恩物加一支鮮奶先至係$11健康得來又唔健康😂😂😂必食之選奶油多（仲要係烘底）其實我都係第二次食😂之前喺另一間茶記食過覺得普通，不過漢興又幾好食，流心甘，烘底脆卜卜，更重要都系11蚊⁉️我有一個疑問，點解鹹牛肉蛋好食？我試過但係吞唔到😵‍💫，真係各人口味不同

茶檔有好多，有heart去煮嘅，食客一定感受得到，漢興就係其中一間。每次經過門口都排晒隊，遇啱有位必定會入去食。#鹹牛肉蛋厚厚圓型的，煎得香口，鹹牛肉同蛋比例剛好，仲有少許蛋汁很滑，加咗蔥更香，食晒成個都唔覺漏，又唔會太飽，好適合女士們。#餐蛋麵餐肉煎得夠香，麵底係用出前一丁，唔需要另外加錢，麵煮得硬度剛好，熱辣辣嘅湯加埋隻蛋perfect，簡單一個餐蛋麵一食落口，就知道並不簡單。#煎豬扒另一名物就係豬扒，即叫即煎熱辣辣，大塊夠厚身有脂肪有肉汁。#凍奶茶 #維記樽裝牛奶呢度無套餐，飲嘢就要散叫，凍奶茶茶膽煲得香濃夠茶味，奶夠滑。樽裝鮮奶較為少見，係回憶嘅味道。用心製作，價錢實惠，坐位唔多但客如輪轉，大家都樂於搭枱文化。#漢興茶檔地址：粉嶺聯和墟聯興街3號地下B舖電話：26755188

今日嚟咗呢間粉嶺好出名嘅茶檔 茶檔星期日唔開 星期六下午都爆場 可見人氣旺盛 鹹牛肉炒蛋配多士（已烘底）$22 同鹹牛肉蛋三文治（$18）係兩款唔同野 不過未試過兩者有咩分別 （三文治烘底額外加$1）上碟係兩片烘底方包 配上牛油 切成四份 中間加上鹹牛肉炒蛋 炒蛋唔會太老 加上蔥同鹹牛肉不敗味道 配多士食好香

呢間又係粉嶺聯和墟必食，而佢嘅鹹牛肉蛋餅亦係必食，我地分別叫了鹹牛肉蛋餅加多士同埋鹹牛肉蛋餅福麵。因為唔係好多地方有福麵食，所以黎親呢度除咗鹹牛肉蛋餅必叫之外，就係一定會叫個福麵。佢嘅鹹牛肉蛋餅點解咁多人鍾意？可能就係因為佢地會撈埋蛋一齊煎香佢掛，其實專心做好一D簡單的事真係一D都唔簡單，呢間茶檔就做得到。鹹牛肉蛋餅加多士個賣相都唔錯，佢D多士烘到好乾身，然後搽牛油，因為熱辣辣所以溶溶地真係好正，鹹牛肉蛋餅上面已經講咗所以唔再講。飲品就叫了熱奶茶同熱檸茶，去茶檔係要飲奶茶先至啱數嘅。

此店位於粉嶺聯和墟 ， 歷史都算悠久，雖然舖頭門面都幾唔起眼，即係行過都唔會吸引你的眼睛，但店內就座無虛席要等位，不過我就一個人，所以即時可搭枱。原本是想叫鹹牛肉蛋餅多士，因為一碟四塊多士烘好左脆卜卜圍住中間既蛋鹹牛肉餅，多士烘得香脆配上溶左既牛油，真的很好食，但因天氣太冷，粉嶺比市區還要冷，所以還是叫了熱熱的鹹牛肉蛋餅麵($24)。蛋鹹牛肉既蛋雖然唔夠嫩滑，因為要煎為比較硬身的蛋餅，但雞蛋與上鹹牛肉時 既比例調配得岩岩好，所以幾好食，唔會好鹹。值得上提的是麵低是出前一丁，雖然天氣很冷，但上枱時麵的湯底仍是熱到出煙，真的抵讚。除了鹹牛肉蛋餅外，雞翼 (三隻 / $17) 和 豬扒 (一件 / $17)都是出名之作。不過這裡是沒有套餐，想飲嘢只可以散叫。散叫一杯凍奶茶 ($16)都唔算貴。奶和茶的比例分配唔錯，奶和茶的味道分明。茶味亦夠香。雖然無餐，感覺上好似唔算好抵，但到2022年，鹹牛肉蛋餅麵 只係$24，連杯凍奶茶，都只是$40，以午餐來講都划算。若唔喜歡凍奶茶，可以選擇加一枝玻璃樽維記朱奶，都是唔錯的選擇。