潮庭 (將軍澳中心)

營業中

休息中

潮庭（將軍澳中心)餐廳位於新界將軍澳唐德街9號將軍澳中心2樓,餐廳裝修簡約以中式概念為主,環境光猛,乾淨衛生,餐廳主打潮州中菜,有早茶,午茶,下午茶和晚飯,供應各種粥粉麵飯點心及小菜,服務員招呼體貼。蘿蔔糕,三角形狀厚切,蘿蔔絲又夠多,煎得夠香脆。菠蘿叉燒包,好飽滿的菠蘿叉燒包,叉燒肥瘦均勻,食落醬汁滿溢,包身軟熟。蠔仔粥,新鮮蠔仔夠肥美,份量又多,加D胡椒粉好惹味。潮州粉果,有四件,餡內花生夠香脆。煎蠔餅,配有香蔥和莞茜,煎得夠燶脆,蠔仔鮮甜又肥潤。紅米腸,食落中間脆口,外層軟糯,兩種口感在口腔亂竄。煎蓮藕餅,外皮煎到焦香,蓮藕口感粉綿。豉椒鳳爪,微辣,微鹹,醬汁夠濃,好惹味。

今晚屋企人生日，於是去這間酒家吃中菜，長輩應該會鍾意👍🏼首先，講吓環境，一入到去間酒樓好大，而且亦都好旺場，冷氣夠坐得舒服。服務方面，這間酒樓的服務員都很好，會定時定候幫客人斟水，介紹菜式，有時還會幫忙夾餸👍🏼👍🏼有啲餸好食到唔記得影相😂😂特別推薦佢嘅滷水拼盤，每一樣配菜都好入味好有質素👍🏼另外亦都推介佢哋嘅蟹鉗，係真係真材實料嘅蟹鉗，雖然價錢唔平，但真係物有所值。另外炸子雞翼推介，皮脆肉滑，亦都好入味，唔會好鹹。總結而言，呢間酒家，我相信應該會有下次，長輩食完都讚好。

年廿九下午茶優惠已經暫停，所以正價時段過去，大約等咗10分鐘就有位。今日主要都係飲茶食點心。可能新年前多人聚會，今日每次order起碼要等45分鐘，真係有啲等到傻，可能係即叫即蒸？！兩個人食咗七個點心。食物味道質素方面，正正常常，不過不失。比較有驚喜嘅點心係 香煎韭菜粿（$43）。煎到外脆內軟，足餡料。臘味糯米飯（$43）：呢個就真係麻麻地。事關係點心蒸出嚟，全部啲飯黐住晒，唔同生炒嗰啲，粒粒分明。

訂咗餐，8:00入席 到9:30都得一碟餸 嗌咗兩個飯，吹咗幾次先嚟 吹咗佢好多次 等一陣唔係問題 隔籬枱成8:30先入席 已經上咗好多碟餸 每次搵佢佢都係話 等陣、上緊 食物其實唔錯，但係員工態度好差

將軍澳數一數二高質素的酒樓，基本上現在團年飯都是幫襯朝庭環境：首先環境非常闊落新淨，乾淨企理唔會有異味，一家人聚會都坐得非常舒服，侍應人手都非常足夠，上菜速度都好快，所以基本上硬件來說都算是幾好這個鹹酸菜花生豆卜前菜，基本上係潮庭既靈魂，每次嚟食都一定必點，真係好好食好開胃，仲會加錢叫多一碟食滷水拼盤：滷水鵝非常入味，鵝肉嫩滑新鮮，其他滷肉豆腐都非常入味好食，呢個滷水都算係我食過潮州嘢數一數二好食之後就嚟到重點食物，蟹鉗，每次嚟潮庭一定會食，首先尺寸非常大件，肉感飽滿，口感彈牙，配埋酸甜汁一流

今次嚟到呢間老字號食飯，真係一個字—正！👍 開頭嘅燒賣，彈牙嘅豬肉混合埋鮮甜嘅蝦肉，每一啖都係飽滿嘅幸福感。跟住嘅脆皮燒鴨，皮脆肉嫩，啖啖肉汁超滿足㗎！推個蔥爆牛肉，咬落去肉質嫩滑又多汁，壓軸嘅芒果布甸，清新果香，冰涼滑口，真係個完美Ending！喺這邊食，簡直係一場味蕾嘅慶典，大家有機會真係要試吓！食物質素掂啲嘅，服務又貼心，絕對係值得推介嘅好地方。食得開心，分享嘅心情都特別好！😊🍽️🎉

環境環境都算闊落乾淨冷氣足，服務員都算殷勤食物最欣賞的是前菜小食，有豆乾酸菜花生，非常開胃好食滷水鵝 滷水味足，肉質適中，唔會太韌，好好食咕嚕肉，好脆好入味，份量都好多蠔餅新鮮，有好多蠔粒，最精彩的是蟹鉗，啖啖肉，真的是百吃不厭總體都算是將軍澳一間有質素的中菜廳，價錢就中規中矩，食物質素有驚喜

潮庭潮庭位於將軍澳唐德街將軍澳中心2樓,餐廳裝修新派高尚典雅,餐廳主打廣東潮州菜,早午茶市有多款精美點心供應,餐廳以手機落單,熱騰騰的點心好快就到枱前。潮庭蝦餃皇$33有四粒好巨大嘅蝦餃,餡皮不太厚,餡內鮮蝦肉質彈牙爽口。鮮蝦腐皮卷$33三件鮮蝦腐皮卷,再一開二有六件,再點埋黑醋食,腐皮外脆,餡內除咗有鮮蝦還有芫茜香蔥,入口非常香脆。煎蓮藕餅$22蓮藕餅有三大件,煎得好香口,不太肥膩。蠔仔肉碎粥$50蠔仔粥好大碗,肉碎和蠔仔都不少,仲有香菇方魚乾和香蔥,非常足料,蠔仔新鮮,肉碎夠入味,非常滿足。

我作為消費者的遭遇： 家中長者愛一盅兩件，為免長者等枱兼受限時交抬的勞動兼勞氣，今天花$400元買外賣點心十個給長者在家歎下午茶，知客話三十分鐘後可到取。在商場等候三十分鐘後去攞外賣，接待處空無一人，再等十分鐘依然”無人無物”. 已經接近2:45分，入面人客不多，樓面亞姐站一旁專心傾偈。 我拿外賣單遞給樓面服務員跟進，反應真係估佢唔到、完全係”不屑一顧”，不單唔接張單，居然係睇都唔睇，回你一句 “需要時間嘅，有就會攞岀去，出去等啦”. 天呀！潮庭 好似 朝庭，人客有禮，但知客失踪，樓面員工毫無禮貌已經係 understatement, 正確來講係毫無顧忌拒絕工作，任意打發已經付款的顧客。 唔該唔好再埋怨港人不願留港消費，服務差劣至此，要顧客花錢受氣，企業高層是時候醒來吧！

假日飲茶好去處潮庭位於將軍澳中心，是一家以精緻點心和傳統廣東菜為主打的潮州酒樓，在網上排隊相當方便，還可以免費泊車，午市套餐相對便宜，是假日飲茶好去處。黑糖馬拉糕：這款點心是潮庭的招牌之一，口感綿密細膩，帶有濃郁的黑糖香氣，非常美味。它的甜度適中，不過份甜膩，是下午茶時的絕佳選擇。鹵水鵝拼盆：這道菜的鵝肉鮮嫩多汁，潮庭的鹵水鵝拼盆配上豆腐、鹵肉和墨魚，豐富的口感和層次感讓人回味無窮。燒賣：潮庭的燒賣皮薄餡多，內餡鮮美可口。它們外觀精緻，每一口都散發出鮮香的豬肉和鮮味的餡料，是一道令人垂涎的點心。叉燒腸：這道菜以傳統的叉燒肉作為主要材料，肉質鮮嫩多汁，帶有獨特的香甜味道。配上腸粉皮的軟滑口感，給人一種美味的享受。湯鮮竹卷：這道菜以鮮嫩的竹筍卷裹著鮮美的肉餡，搭配清澈的湯汁。竹卷的口感爽脆，肉餡鮮嫩多汁，湯汁清爽可口，整體味道非常出色。瑤柱蛋白炒飯：這道炒飯以高品質的瑤柱和嫩滑的蛋白為主要材料，口感豐富而綿密。瑤柱的鮮甜味道與蛋白的柔滑口感完美結合，每一口都讓人愛不釋手。肉絲炒麵：這道炒麵以嫩滑的麵條和鮮嫩的肉絲為特色。肉絲經過適當的烹調保持了嫩度，與麵條的口感相得益彰。整體而言，這道菜色

今日嚟到飲茶，平時間唔中都會嚟食，覺得算係附近選擇嚟講比較好食🤔不過今日似乎失左水準🫣平時嚟到必食嘅係呢個雪山叉燒包同埋菜苗餃，兩款如果係新鮮嚟到嘅話，熱辣辣咁食係勁好味😗不過今日好似擺得耐咗，已經唔算係有溫度，而且外觀都比較遜色🥲反而最後最有驚喜我叫咗一份鮑汁鳳爪，佢真係新鮮嚟到嗰碟仲好辣手😍超級入味，而且鳳爪真係好淋😋呢個可以試吓，不過價錢都唔平，大概$70一份🫣平日午餐時段都好爆人，建議喺gulu 攞定飛，預計返時間嚟就啱啱好👌🏻不過價錢平均每個人都要$100起，但呢間茶樓值得一試的🤓

今日約左朋友早上去潮庭飲杯茶，傾下計。 手機落單， 點心等咗大約半個鐘，終於到齊。 食咗15分鐘，朋友仲食緊野，突然有位女經理拎左部機過黎，話限時個半鐘， 要立即埋單走人。 限時唔緊要，但入座之前冇講過， 完全預計唔到。 未試過野未食晒， 完全冇通知之下 ，要埋單走人。明白酒樓係多人等位，希望做多幾轉枱， 但尼啲咁無禮嘅方法，突然趕客人走， 真係要檢討一下。作為大集團， 如果有限時安排， 亦先應該通知客人，因為客人真係唔知。以後， 飲茶都要有食快餐嘅心理準備， 唔知個經理幾時要你埋單即走。

1）服務態度非常差！開茶一直比兩壺潽洱，叫侍應換，佢話壽眉係咁嫁啦！仲要質疑我哋味覺😀真係好嘢！睇啲色都係潽洱，而家你玩嘢定我玩嘢先？即係唔比你哋有同事放錯潽洱茶包係壽眉茶個櫃嘅時？2）叫侍應慘過叫狗，你招手叫佢，擺明睇到，嚟一個華麗轉身拂袖而去。講緊你啊！肥肥哋高高哋果位男西裝侍應😉3）最後，多謝比一籠酸咗嘅金錢肚我哋。早期嚟食嘢我哋全家都好欣賞食物及服務，之後服務水準越做越差，而家連食物都唔掂，無回頭！

用餐分享，呢間分店人本身應該都係for附近住戶。新都城食到悶哂就轉場到popcorn 七，八點左右，都仲有七成可坐既位置入正題今次就一行五人散叫，五個菜式（有幾個銀行聯乘優惠，不過最後套餐唔吸引。最唔滿意既係砂窩豆醬鬍鬚雞，師傅刀工欠缺，肉質都比較柴口，加上雞件過大，令進食時，不太方便。雙麵王濕身唔夠乾脆口，十分之失望😞但服務態度就非常好，可惜食物如果用潮江春集團，真係有待改善🤦🏾‍♀️🙁😕

朝庭都是我家的飯堂，每逢大時大節，或者家裏任何人生日，我們都會到朝庭吃晚飯，因為地點方便，而且環境舒適，感覺是較乾淨的酒樓，因此我和家人經常都會來吃飯！但早市，我們都會來飲茶，點心都是與一般酒樓大同小異，不過我感覺食物質素較好，食材比較新鮮，而且食物比較精細，感覺都較美味！😌😌至於晚市方面，都有一般的家常小菜，但我比較喜歡他的生炒臘味糯米飯，賣相非常吸引，而且很香糯米飯味，喜歡吃糯米飯的必要一試！