潮庭 (將軍澳中心)

營業中

休息中

2020年10月22日 (星期四) 6:00pm 24°C 環境典雅玫麗，裝潢新派，光亮整潔，餐具乾淨。 茶壺屬純銀，銀光閃閃，充滿貴族氣派，加上鑲藍邊瓷杯、瓷碟均印有酒家英文簡寫圖案，清雅秀麗，散發一種淑女氣質。 ❤_❤ 人數：4人，原價：HK$1380，半價：HK$690 注意：秋日套餐沒有提供額外 8 折優惠 家人數 天前利用手機 Apps 訂座，方便快捷！ 星期一至四，恒生 enjoy 信用卡，晚市主菜牌享有 8 折。星期五至日及公眾假期 9 折 不用排隊 沙律菜醬燒乳豬件 - 乳豬皮燒得十分脆口，每啖都卜卜脆，肉質有肥有瘦，軟嫩不靱，只是件數少了一些。沙律菜新鮮，配麻醬很好味，士多啤梨酸甜，感覺開胃。【推介之選】❤❤❤ 蒜香鬍鬚雞(半隻) - 在走蒜、少鹽少油後，味道清淡，無油膩之感。雞肉嫩滑，皮薄肉多，大大件，四人絕對夠食呢 ~ 雲耳蟲草花蒸海斑 - 海斑魚質蒸得恰到好處，滑滑溜溜，可惜只是半邊，非原條。 紅燒海皇仿翅 - 無論味道、形狀等細節簡直跟真魚翅一模一樣，幾可亂真，本人第一次吃，叫人意外又驚喜！！【推介之選】❤❤❤ 高湯蒜子浸豆苗 - 在走蒜、少鹽少油後，味道清

2020年6月23日 (星期二) 7:00pm 32°C 環境典雅玫麗，裝潢新派，光亮整潔，餐具乾淨。 茶壺屬純銀，銀光閃閃，充滿貴族氣派，加上鑲藍邊瓷杯、瓷碟均印有酒家英文簡寫圖案，清雅秀麗，散發一種淑女氣質。 ❤_❤ 人數：5人 HK$760 家人 2 天前利用手機 Apps 訂座，方便快捷！ 星期一至四，某信用卡，晚市享有 75 折 不用排隊 脆皮炸子雞 - 外層烤得脆口，內層雞肉鮮嫩，鹹味提升整體感覺，蝦片卜卜脆。 椒鹽九肚魚 - 熱騰騰，非常香脆，點上椒鹽後，更覺美味。飯前小食 8 件，淺嚐不飽膩。【推介之選】❤❤❤ 梅菜肉碎炒菜心 - 味道鹹鹹，肉碎炒得惹味，如果撈白飯吃的話，應該會更好，能夠中和鹹味。 帶子鬆生菜包 - 蔬菜新鮮，水份充足，味道偏淡，感覺健康。 潮州炒麵 - 軟軟滑滑，酷似伊麵，味道少鹹。 滋補紅棗糕 - 熱騰騰，香噴噴，紅棗味道撲鼻而來，女士補血之選！【推介之選】❤❤❤ 紫米露 - 滑溜香甜，淡淡紫米，不致飽滯。【推介之選】❤❤❤ 杏仁茶 - 杏仁味香，奶濃滋潤，美顏又美肌，女士至愛！【推介之選】❤❤❤【 溫 馨 提 示 】：❶ 接受電話 / 手機 A

今晚與老婆，外父外母，姨仔兩公婆和一對姨甥仔女一行8人去咗呢度食晚飯。平時都係日間嚟呢度飲茶，食晚飯較少。不過因為以往食物都有水準，在想不到更好的地方容納8個人，我們又回到這裏。點了鹵水雙拼，龍躉兩食，梅菜扣肉，蠔咯餅，蠔仔粥等。雙拼有墨魚片和鵝掌，攝在底的豆腐好入味。梅菜扣肉唔太肥，梅菜送飯一流。龍躉一味與西蘭心炒，爽! 一味是與冬菇腐竹一起炆，夠腍，係骨多少少。蠔咯餅包含好多蠔，蛋也煎得夠香。至於蠔仔粥，則不過不失。食物有水準，服務也好好，唔會扮見唔到「掂行掂過」，值得推介。

2020年4月22日 (星期三) 1:00pm 21°C 環境典雅玫麗，裝潢新派，光亮整潔，餐具乾淨。 茶壺屬純銀，銀光閃閃，充滿貴族氣派，加上鑲藍邊瓷杯、瓷碟均印有酒家英文簡寫圖案，清雅秀麗，散發一種淑女氣質。 ❤_❤ 人數：4人 HK$431.2 家人 2 天前利用手機 Apps 訂座，方便快捷！ 不用排隊 銀芽肉絲炒麵 - 碟邊的麵條炸得香脆，中央位置的就屬軟腍，不會過於熱氣。豬肉絲肥美，銀芽爽口。當中伴隨磨菇和韮黃，配合玻璃茨汁後，感覺滑溜。整體來說，份量比以往少了一些，味道不會太鹹，盛載的陶瓷碟感覺雅緻。【推介之選】❤❤❤ 山竹牛肉 - 牛肉味香，馬蹄粒爽口。【推介之選】❤❤❤ 蟹籽燒賣 - 面層的蟹籽數量適中，豬肉偏瘦不肥膩，原隻的蝦藏於裏面，味道新鮮。【推介之選】❤❤❤ 蜜汁叉燒腸 - 皮薄餡多，晶瑩剔透，只是蒸煮得乾身了 ~ 流沙奶皇包 - 奶皇汁滑溜，呈流沙狀，甜美！【推介之選】❤❤❤ 晶瑩鮮蝦餃 - 皮薄餡足，蝦肉滑嫩，晶瑩剔透。【推介之選】❤❤❤ 香滑咖啡糕 - 咖啡味極其香濃，奶凍與啫喱梅花間竹，層層疊疊，感覺豐富。【推介之選】❤❤❤ 滋潤紅棗糕 - 熱騰騰

一行5人係將軍澳, 7:30PM 時間要搵張枱食飯真係難..本身就打算食鴨..但個間XX鴨X, 人多到不得了...等7張榙..都至少要成半個鐘..咁就唯有搵下第二間, 點知行行下就見到呢間餐廳, 平時中午飲茶都要等好耐, 排哂隊, 咁啱今日竟然一個人都冇..就梗係試下呢間餐廳啦。一入去, 餐廳侍應已經嚟迎接, 之後就係開茶, 餐廳裝修豪華, 食客人數不太多...餐枱枱面係用皮造..非一般餐廳所有的枱布, 果然係有分別, 另外餐廳亦做緊信用卡優惠, 可惜我冇..唔係應該都幾抵食。叫左普洱, 果然茶香(茶位$13/人), 另外有一碟小食(青瓜,酸菜及花生), 好吃非常。叫左蠔仔粥, 滷水鵝,海鲜粉絲煲、枝竹驢魚柳、燻鴨, 最好食梗係個蠔仔粥啦...太好食所以連影相都忘記; 海鲜粉絲煲亦都好食到不得了..個粉絲炒得好乾身好有味..而且份量唔少...我地叫左5個碟都好夠食..埋單都係$8XX。潮州菜平時比人感覺平實, 街坊菜式, 難登大雅之堂, 不過食次食完真係改觀。

星期日，6人以上要過半數先比枱係好正常既事。問題在於：知客 Hold 唔到場之餘... 仲要串D 客！淺藍底白色字既A5 Landscape 告示 對普羅大眾的確係細。仲要唔望人，藐嘴藐舌，囂張跋扈"寫左就睇啦。。。"強烈要求星期六日，公眾假期，避免調派如此知客Hold 場，此舉只會趕客走 !

由於媽媽超級鍾意食海鮮餅，聽朋友講潮庭嘅海鮮餅好好食，所以帶媽咪嚟食啦。首先梗係試下今日黎嘅目的啦，海鮮煎餅！有四大塊，入邊好足料，有蝦有魷魚又有菜，比平時食嘅海鮮餅厚好多，食落煙煙銀銀，果然係幾好食！鳳爪排骨飯，不過不失，冇乜特別！點心拼盤，全部都係好足料 ，吾系粉，而且材料都新鮮，仲系即叫即蒸，所以上枱都係熱辣辣，所以一定唔會差！👍

美心集團潮州菜，比起翠園多選擇，而且味美。食左相中既菜，樣樣都好味，要挑剔既就係燒蝦球得6粒比較少，煎伊麵不太脆口。服務態度幾好既，但係落單想用信用卡優惠埋單就話條魚要計正價而全單有折，所以大家都一致決定唔叫，餐廳變相令食客叫少左野食唔賺錢實在少可。叫埋單都等左10分鐘有多，要經理級先可以埋單喎⋯⋯⋯⋯全單$714還算係禁。

食得美心都唔預有咩驚喜　但哩間潮庭更加係below average叫左個滷水雙拼　鵝片拼墨魚個鵝片唔知點解無皮既　Ｄ肉又軔又鞋個墨魚　唔止無味　直頭都係又軔又鞋既個滷水汁 都係得個咸字 同生抽無分別士多啤梨醬烤骨士多啤梨明顯係個伴碟黎個骨都明顯係炸既　又唔係唔好食　一般般啦仲叫左好幾樣野　大部份都麻麻最好飲係個螺頭花膠雞湯但老公話有濃濃既史雲生味美心黎講佢都算差潮洲野個part 最唔合格

一家人嚟食飯，咁啱買咗新手機想試試影相嘅功能第一樣小菜係咕嚕肉，鮮橙紅色嘅咕嚕醬沾上脆卜卜嘅酥肉，加埋香甜嘅洋蔥，再用炸得香酥嘅米漿兜盛住小巧精緻，好開胃店員推介呢度嘅滷水系列，墨魚片睇落好似打冷個啲，外面橙黃，淋上滷水汁，墨魚片爽滑南瓜芋頭煲好甜，食落好似糖水炒飯正常發揮滷水鵝片下面有滷水豆腐托住，呢個滷水配搭好夾，味道都十分有潮州風味椒鹽九肚魚好香，外脆內軟海蜇頭好搞笑，周圍用青瓜圍住，仲加咗啲好似茄汁嘅醬，酸酸地蠔餅係用咗薯粉同蛋煎成嘅蠔仔細細粒都幾鮮，不過食落有啲油大頭蝦炸過，再加上焗香嘅薯仔啲蝦肉厚實彈牙，淋上惹味嘅醬汁同下面嘅薯仔好夾炸蒜片同牛柳粒呢度小菜望落份量好少，不過食落又OK牛肉嫩滑，醬汁味道香濃筍絲炆豬肉份量超多，但係啲豬肉係有啲韌嘅，筍絲又太硬，真心唔推介最後嘅煎伊麵好似塊 pizza 咁，帶少少酸，食到好濟

潮庭在將軍澳算是頗受歡的食肆，假日人流特別多，今次和家人來到將軍中心的潮庭，由於早在網上排隊，所以無須在酒樓外輪候。平時上酒樓都會填寫點心紙，今次揀選了四位用的午市套餐，包括潮州鹵水鵝拼盤，三款點心和兩個主菜。拼盤有墨魚，鹵水鵝肉，五花腩和豆腐，鹵水汁相當冶味，點心揀了蝦餃，燒賣和叉燒腸粉，點心即叫即蒸，很有水準。 主食叫了𧐢仔肉碎粥和少爺海皇炒飯，兩者用料上乘，尤以炒飯最為滋味，有切碎新鮮帶子、蛋白，蔥花和蝦肉。人均消費$123，享受滿意的一餐。

同朋友共5人黎到潮庭。因為已訂位，所以唔晒等。套有折扣，但散叫用AE卡都有75折。我地決定散叫了瑤柱蠔仔肉碎粥，金香魚皮，當然唔少得叫滷水鵝拼盤 ，銀芽肉絲炒麵和沙茶牛肉。滷水鵝拼盤和黃金魚皮🐟先到，其他等左15-20分鐘。個人幾愛吃🐟皮，香脆，鹹蛋味濃。拼盤味道還可以。熱粥到啦，哇，幾大煲，料足，細嚐一口，有鮮甜味道。肉絲炒麵就汁香麵脆，而沙茶牛肉，沙茶味夠香，肉夠軟夠入味。整體而言，美心旗下朝庭的食物有水準。

逢星期六日都排晒長龍唔知要等幾唸嘅飲茶，趁住復活得閒梗係要約朋友試下啦！我10:30網上取飛，入坐時間係12:30的確係有D離譜！但人潮不絕，裡面地方好大，感覺好舒服整潔。唔想唸就叫左個點心拼盤（4款野每樣2粒）- 水準keep到鮮蝦腐皮卷：好香好脆（不過油左D）海皇紫菜脆皮腸：外表好吸引，裡面有紫菜包知壽司的感覺，好特別雪山叉燒包：當然唔少得，外脆內軟，熱辣辣，唔太甜！讚坐得舒服，可以傾耐D計，每人都係$80蚊左右！舒服格局，點心精美，唔怪得成日咁多人排隊啦！下次記得早D Gulu 取飛喇

平日上茶樓飲茶，輪候時間不會太久，但週末揾位，絶對有難度，今早11時和家人來到將軍澳中心潮庭，已人山人口，等了一小時才可入座。雖然每次飲茶所吃的點心大同小異，但勝在可以在品嚐茶和點心之餘，又可以和家人閒談說笑。 今次點了多款點心，包括蝦餃，燒賣，牛肉、雪山叉燒飽，馬拉糕，XO醬炒腸粉，還有𧐢仔粥和魚蛋粉。此店的點心有相當水準，大部份都是即叫即蒸，我最喜愛的是XO醬炒腸粉和手打魚蛋粉，炒腸粉配以冶味的XO醬加入蛋絲，令人垂涎欲滴，手打魚蛋夠彈牙，河粉軟滑。埋單四人合共$453，享受滿意的一餐。

餐廳是不用等位的，吃飯的時間來到還是有不少的座位。一共6個人來吃，略嫌食物的分量不是特別大。食物的味道不錯，中規中舉，畢竟是美心的出品。杏仁豬肺湯，杏仁味很重，6個人用略顯少一點，因為湯渣不是特別夠。蠔仔餅非常好吃，來這家餐廳必點。200多塊錢一瓶白酒，可以用68塊錢的價格，選擇一款不少的小菜。甜品的芋泥特別好吃，極力推薦這款甜品給大家。如果4五個朋友來這裡吃的話還是不錯的，但是那天晚上比較飽了，所以必吃的蠔仔粥就沒有叫了。