潮庭 (星光行)

營業中

休息中

今天和朋友們一起到潮廷吃晚飯。這邊的餐廳可以看到尖沙咀海景而且環境舒服食物味道不錯，真是一間好餐廳很適合親子朋友聚餐嘅地方餐廳經理和店員服務10分好他們會主動介紹菜色，讓你知道有什麼餐廳推薦的菜式，而且他會考慮菜色的時令適合吃什麼🤔另外餐廳嘅空調有點凍，職員也願意幫助你調節我們叫了一碟雞、一碟豬肉(有d肥，但是好香）、一碟甜品，甜品真的很好吃😋鬆脆少甜！這個甜品不是每一間洒家也可以叫到，所以可以來試試！

The environment is quite neat here. Good that no need to wait for the table during lunch hour, haaa,but can’t get the window table Having some appetiser of peanuts is good, haaaMahua is so crispy and sweet, i like the taste but really can’t eat too much, too yeet hei laaBBQ Pork riceroll is so smooth, delicious and light oneSticky rice roll is not my food usually, but this one really great haaa, so soft I like fried oyster cake which is quite yummy but the oyster is a bit too small laaTaro cake

朋友提議去食潮庭的小黃魚，所以我地就去試試，食物平均都不錯，主要無限時，可以同朋有慢慢傾談，慢慢品嚐下晚餐。小黃魚：外脆內軟，新鮮無魚腥味😋👍🏼茄子🍆粉皮：粉皮爽滑，調味汁都不錯👍🏼滑蛋豆漿蝦仁：蝦🦐都她彈牙爽脆，蛋都滑，但唔覺有豆漿味道🤔係潮洲酒家必叫的雙面王，都煎得夠脆口，麵質適中👍🏼😋蠔仔餅就真的一般了😔最唔好味道個係梅菜炒芥蘭👎🏻又好鹹肉多個菜（叫時唔知到有肉）😤😤飯後叫了3款甜品，但都不太好味😓

由於我哋預先用Apps訂咗位，所以唔使等位就入得。三個人食叫咗四個菜，朋友有六五折，$180埋單，可能計埋茶界同埋小食。首先我哋叫咗個蠔餅，其實佢都煎得幾香嘅，都算幾大塊，但係可能我哋幾個都比較鍾意食炸，同埋呢一款有啲似台灣柯仔煎，有dd痴。第二款係雜菜煲，個湯幾好飲同埋入面好足料，有魚蛋有菜。最後我哋又叫咗個炒貴叼，係油左啲，重味左d。然後甜品我哋就叫咗個炸芋頭，都要等45分鐘，因為佢要不停落糖咁炒，平時喺屋企根本整唔到，所以點都要試吓，果然都幾好食。

星期六想搵地方飲茶，但十二點幾一點好多大商場內嘅酒樓都要等位。去到海港城見到人山人海....醒起星光行有幾間酒樓，就行過去。好耐以前都係潮庭飲過茶食點心，今日再幫襯都無失望！雪山叉燒包好食！我仲點了欖菜豆腐，凍食的，幾特別。下次會再嚟呢到，因為不用等位！

不同分店，味道也有點不同，最喜歡到尖沙咀這間分店，不是喜歡佢多游客，不是喜歡佢多同胞，不是喜歡佢樓底矮........ 而是愛上食物的味道，難找的正宗潮州味道, 每次去都是慶祝節日的來臨，食豪小小也在所難免。時間：晚飯食物：味道是賣點價錢：OK服務：一般環境：楼底矯，迫迫份量：OK

賀老細榮休，佢提及過之前試過呢度嘅炸豆腐好好味，所以今次其中一度菜要有，同事就訂左三張枱，除左炸豆腐之外，其他就係一圍嘅套餐第一道菜幾 eye-catching，係潮式拼盤中間放左個走馬燈，仲要有音樂蝦球炸粉唔係好厚，蝦都幾大隻同鮮味伴碟用上新鮮菠蘿及士多啤梨，擺碟非常精美個湯冇影到，不過係由杏汁白肺湯轉做胡椒豬肚湯，自己就唔接受到胡椒個種太辣嘅味道，聽同事講都幾重手下落得，飲到滴晒汗好彩我冇飲蒸龍躉仔，但感覺都唔細條，唔會蒸到過熟導致“鞋口”炸子雞，燒得幾好味，皮脆肉嫰花膠絲上湯菜心，清清地唔錯，仲有杞子欖菜肉鬆炒飯，不油膩，幾乾身，雖然唔係用上咩特別配菜，但都幾好食紅棗糕，煙韌，唔會太黏口最後有我至愛，蛋白杏仁茶好香濃嘅杏仁味，好正希望下次黎可以食番糖醋麵啦 (定係叫兩面黃？)然後總結就係，黎到潮州菜酒家但唔係食潮州菜，除左第一味 (笑)

每年農曆新年一家人總會出外食兩餐飯的, 今次仍然揀左潮庭。原因: 美心中菜, 質素穩定, 價錢適中。母親每次總要叫兩大碟煎蠔餅, 因為人多驚唔夠食!大蝦球有兩款。有菠蘿呢款有少少辣少少甜, 十分惹味。另一款沙律明蝦球, 也是大大隻, 非常啱小朋友吃。少不了一大窩蠔仔肉碎粥, 夠熱又足料, 好味!加大滷水鵝片, 有 D 咸, 而且鵝肉偏老不夠滑。炒豆苗, 同樣又老又咸。炒鯧魚片, 還可以。脆皮雞保持水準, 每個部位都很滑。炒魚麵, 麵質爽口彈牙! 後面係咸魚豆腐雞粒煲, 最後叫左兩個白飯撈來吃。飯後甜品, 小朋友至愛楊枝甘露雪糕。我點左紅棗糕 share! 滿足了。

公司團年飯再安排喺依間酒樓，梗係因為對佢有信心。第一味係基本嘅拼盤。第二味係惹味大蝦，一上菜嘅賣相相當唔錯。跟住上嘅炸魚賣相都相當不俗，除咗上面果啲魚塊之外，下面墊底嘅炸魚佢會幫你再分件，師傅將條魚炸到連骨都食得。“食魚唔路𦧲骨”，啱晒我依啲唔係好識食魚嘅人。依味海參軟到太太話食五慣，哈哈。最驚喜係有好耐無食過嘅糖醋麵，除咗依度都唔係好諗到仲有邊度食到。正。依個係有名嘅咖啡糕，之前喺點心時段必食，咁多年都咁好味，依度都有。通常去飲宴都無咩期望，唯獨佢有得揀糖醋麵同咖啡糕真係成晚嘅亮點。

去潮庭只有一個原因，貴！因為今晚老闆請食飯，有老闆埋單嘛，緊係食盡佢啦！唔通重去茶檔咩！晚飯餐單：原窩海味燉湯，潮式鵝片，煎𧐢餅，潮式茶樹菇黃花魚，蟲草花炒翡翠苗，普寧豆醬雞，潮式煎伊麵.原窩海味燉湯：睇湯渣就知，老雞比海味多，海味有瑤柱同花膠，湯味清甜.潮式鵝片：首先，份量偏少，係少得過份！口感，味道，肉質同一般打冷店無咩分別，只係肥膏少咗.煎𧐢餅：𧐢仔鮮嫩幼滑，口感極佳.潮式茶樹菇黃花魚：茶樹菇無咩點食，條黃花魚魚肉結實，鮮甜，黃花魚魚骨唔係特別多，但唔落蔥段只落幾粒蔥花，敗筆！蟲草花炒翡翠苗：唔欣賞，草青味太強.普寧豆醬雞：感覺好似炸子雞加咗個不知明嘅醬，醬汁味道一般，唔落個醬更理想.潮式煎伊麵：哩碟麵最滿意，麵條本身已經有味唔需要點調味，潮庭將麵煎至香脆，外表金黃色亦好吸引，欣賞！每一款菜色，都有一個通病：份量不足！味道又唔係特別出色，雖然唔係我俾錢，但真係俾唔落好評囉！

等咗9個字，鍾意等到凍嘅香酥芋頭鴨。 咬到中間仲未解凍冇得食胡椒豬肚煲仲要等9個字先話人知。成個午餐3個人得3籠點心食，趕時間返工真係唔使再來。未試過如此差嘅酒樓。

這間潮庭的菜式一直都挺好的，但今次叫的菜式，除了椒鹽九肚魚同樣美味外，其他的都失望1. 椒鹽九肚魚，和以往一樣，外脆內軟👍🏼，熱烘烘的香脆可口2.百花炸釀松葉蟹鉗，味道和以往的不同，因每次必吃，所以熟悉其味道，咬開時，沒有香溢的蟹味，質感也遜色3.魚蛋素菜煲，菜類👌🏼，魚蛋完全沒有以往的彈牙，是質量降低了，定人手的製作參差呢4.蠔仔肉碎粥，蠔仔量少，肉碎很多，蠔仔是主角，卻寥寥可數，實在不合格希望下次光顧時，菜式像以往的水準

今晚兩個都懶唔想煮，於是試下潮州嘢，見近近哋行去星光行潮庭，好在唔使等位，即刻入座坐低，好快點咗四道餸，唔使等好耐第一味九肚魚嚟到，好新鮮啱啱炸起熱辣辣，好好味呀但是份量唔算多，跟住炸魚片到了，食落好脆仲啖啖蛋黃味，好香好中意，個人最愛呢味之後到條倉魚啦，原來好大條魚，影咗相就開始食啦。比較中意呢度道道餸上到嚟都夠熱，而唔係擺到凍咗先拎上嚟可能我哋細食啩最後條倉魚食唔嗮都要打包帶走下次要再嚟試下其他選擇推薦ps：因為多人所以環境比較嘈，呢樣唔多中意

好耐冇食過潮州菜了～呢間嘅地理位置好方便，食完可以行吓誠品書店，名字簡潔大方。另外亦都好鍾意佢嘅藍白色餐具。環境都算舒服，都幾多人去食。因為嗰一排好忙，而且冇續碟影底，都記唔得晒所有菜式了。介紹吓幾樣又貼地又好味嘅先：1. 幾乎必食的煎蠔烙，蠔仔多，唔腥，冇沙2. 魚蛋素菜煲，正3. 依個竹葉角鹹鹹地幾好食，出面食過甜嘅版本，各有各好 ^^好似仲有兔仔餃、炒飯等總之果日食得滿意、服務ok ge! 會再去啊!

朋友請食飯，揀中式野食，貪佢一張圓枱方便幾個朋友傾計吹水，又唔會限時限刻。一坐低，侍應就放左盤細細杯既鐵觀音俾我地飲，可惜無影相。椒鹽九肚魚:九肚魚外面炸得好鬆脆，入面就係九肚魚本身既軟淋，有少少軟骨，但全部食得，加上椒鹽好香口。手打魚蛋雜菜煲:手打魚蛋小朋友怕食魚都一食再食，仲有好種菜，娃娃菜、白菜仔、西蘭花，仲有d雜菇同粉絲，好豐富，湯都飲埋，食得出無味精。蠔餅:合格，蠔餅唔算肥美，唔夠香，但都煎到脆邊。份量偏少。釀豆腐煲:睇個樣以為係清淡之選，點知原來唔係，個蘿蔔絲上湯原來係胡椒湯，有小小辣口，勁過癮，濃淡適中。瑤柱蛋白炒飯:材料雖然普通，但咁多味菜，炒得最香係佢，份量唔多，幾個人share 唔多夠喉，炒飯炒得粒粒分明，瑤柱好香有陣甜味。咕嚕肉:成個擺碟好靚，連個裝咕嚕肉既碗都食得。肉肥瘦適中，可惜咕嚕肉炸得唔夠脆，個汁有甜味但唔夠酸。可以不叫。總括成餐飯係ok既，坐得舒適，服務好，只係價錢略貴少少，有下次。