潮庭 (新城市廣場) (已結業)

第一次去潮庭，等咗20分鐘坐低。由落單到食物來到枱面要30分鐘，每一籠每一碟咬落口都係凍嘅！第一次飲茶食啲咁難食嘅嘢！唔明白點解仲有咁多人去飲茶？絕對冇下一次幫襯，失望到極點，仲要價錢唔平。仲嬲。。

因為家人有coupon所以去食，食食下先記得影相。。。食物普遍口味偏淡。蠔餅如果再脆d會更好，不過感覺唔太油，炸粉亦唔多，幾好。魚蛋再彈牙d會更好。魚湯幾好味。荔芋酥/鴨（？）香口得黎唔算油。好食！

一向都覺得呢間環境特別污糟，無奈老人家就腳，所以冇選擇下一年不多於兩次終於來咗飲茶，同之前一樣，全部茶杯、碟、碗同筷子好似冇洗過，有殘渣已經不出奇不驚訝，全部餐具油淋淋，用熱水冲完都仲係油，筷子全對由上而下都油淋淋，無準備下唯有用濕紙巾抹完再淥。正常情况都接受5到，何况疫情下真係好5安心，感覺大排檔仲衞生，如果閣下想見識吓，温提請自備餐具！另外點心不過不失，冇驚喜而性價比低，服務差叫極冇人，有人又 5 so你，完。

晚上一行五人到達位於新城市廣場8樓既潮庭，由於是6點30左右就不用等就直接有位。好快咁我地就點左幾個餸，包括魚皮小雲吞榣柱津白，鹵水鵝片，墨汁鹹魚肉餅，梅菜扣肉同埋煎蠔餅。由於人流很多侍應不足上菜速度很慢，先嚟蒸蠔餅蠔餅外脆內軟味道不錯，梅菜扣肉梅菜很入味扣肉亦都相當鬆軟呢個餸菜未到必點，魚皮小雲吞瑤柱津白雲吞數量很多，湯味道很濃郁，鹵水鵝片中規中矩，墨魚汁鹹魚肉餅我覺得味道不錯有鹹香又馬蹄肉餅也煎得不錯，這個數必須要加白飯如果淨食會感覺鹹味很重。最後五日埋單約九百幾蚊，五人嚟講不算太貴也不便宜，回頭率50%

一家人最鍾意圍住一齊食飯，今晚就揀咗呢間潮庭叫餸食飯，環境唔錯，安排咗去角落，可以靜靜地俾大家傾吓計，而且同隔籬枱都隔住屏風，安排得幾好。菜式叫咗四囍拼盆，蠔餅，炸子雞，滷水鵝片，小雲吞浸娃娃菜，梅花扣肉同埋杏汁豬肺湯。四囍拼盆比較吸引，可以自由選擇小菜款式，都係以海鮮類為主，例如帶子、桂花蚌、花枝卷同蟹肉卷，味道清淡，但都夠晒味，口感唔錯夠晒彈牙。蠔餅都夠晒特別，一上枱就見到有好多蠔仔，但佢嘅做法比較特別，唔同普通嘅潮州炸蠔餅，類似台灣蚵仔煎，餅底係應該係加左地瓜粉，有啲qq口感，但係味道都偏清淡。同埋佢個杏汁豬肺湯，真係飲到用杏仁榨汁嘅質感，成個湯奶白色又好香杏仁味，啲豬肺都洗得乾淨。最後用中銀卡消費，仲有$300現金券回贈，計埋都幾抵食。

星期日同屋企人飲茶，平時見到潮庭咁多人排隊，諗住ok正正常常啦～諗住叫個奶黃包食，星期日人多，又係即叫即蒸，心諗等耐少少都接受到～但等左七八個字真係有啲耐，於是就同姐姐講，姐姐就話：「等二十分鐘呀～廚房出我地就比你嫁喇」我答：「我地等左半個鐘喇喎～」姐姐聽完行開左，我以為佢會幫我跟，之後我地又等左半個鐘，都仲未到，我地再同姐姐講：「等左成個鐘喇喎～」佢先去睇睇張單，返黎同我地講：「原來等左成個鐘喇～廚房唔知點解冇（冇打算道歉），咁你地仲要唔要？」因為我地有個小朋友想食，所以要～我同佢講：「你地盡快出比我啦，等左個幾鐘喇～」聽完，佢又行開左～之後我地又等左半個鐘，因為真係等得太耐，屋企人都頂唔順，諗住取消個包，埋單，出去再食算，最後喺叫完埋單，張單黎到之前，前後等左兩個鐘嘅奶黃包終於到，張單當然冇取消個包啦～我終於明白點解出面咁多人排隊，因為入面果班等野食都等到餓死～多謝你地喺星期日浪費左我兩個鐘～我以後都唔會去你地到食～

很久沒有來這間潮庭，就即管來試試吧！本身有AE card知道這間餐廳可享75折。坐下見到粉紅色餐牌，菜式好似幾吸引，於是準備點一兩個菜式試試吧，點知餐牌上居然寫上不可享AE card任何折扣，…..,唔明點解不可用？？？ 又唔係什麼節日，點解唔比用😡。算吧下次不會再來！

福的是，和家人吃頓簡單晚飯。爸爸說要杯可樂，媽媽說要杯啤酒，我說要點個壽桃。祝大家 新周幸福温暖 🌿☺️🌿 • 🍊 • 🌿• 鹵水豬手粒肥而不膩，豬手富含膠原蛋白，味道惹味，吃得津津樂道。• 杏汁菜膽燉豬肺湯杏汁燉豬肺十分滋潤，汁底香濃，杏汁和豬肺俱養顏功效，加上這個疫情，十分適合喝呢。• 潮州家鄉煎蠔烙自己很喜歡吃潮州烙，比如水瓜烙和蠔仔烙都是心頭好，這店舖了滿滿蠔仔，配啖冰凍啤酒，十分滿足。• 手打魚旦雜菜煲手打魚蛋大大粒，滿滿的蔬菜，分量十分之大，足夠6個大人吃有餘。• 甘苦涼瓜排骨煲涼瓜的甘苦，與排骨味道十分之夾！• 脆皮炸子雞皮脆肉嫩口感非常好👍• 惠州梅菜扣肉扣肉肥瘦均稱，扣肉鬆化，滿滿油香，入口即溶，十分之下飯。• 家鄉蠔仔肉碎粥蠔仔、香菇、肉碎滿滿在這粥裡頭，加上淡淡鹹魚香，吃完暖在心中。• 壽桃從小朋友開始已經十分之喜歡吃壽桃，這店做得甜度剛好，吃得甜蜜暖心。🌿 • 🍊 • 🌿🌿 潮庭沙田正街18號新城市廣場一期8樓801B號🍊 Many thanks for your support🌿 Grateful if you could ❤️、share & follow In

攝取鹽份太高, 唔講咁多喇, 直入食評👇🥢椒鹽九肚魚$75外層脆粉漿唔太厚, 炸得脆口熱辣辣, 椒鹽灑得剛剛好唔會太鹹, 九肚魚嫩滑無骨, 炸得清爽唔油膩🥢蝦蟹棗$138💀每樣四粒嘅蝦棗蟹棗, 賣相唔算靚, 不過新鮮炸得熱辣辣, 外皮乾身唔油膩, 先講下蟹棗, 蟹棗食落有薑味, 蟹肉唔算多唔鮮甜, 餡料冇肉汁比較乾身; 至於蝦棗係幾爽彈有肉汁, 不過呢碟蝦蟹棗嘅鹽度超高囉😣🥄蠔仔肉碎粥$50💀內裏嘅蠔仔肉碎嘅份量超豐富, 再配埋冬菇絲及蔥花食落唔錯, 不過衰在湯底鹽度超高, 影響咗蠔仔肉碎嘅鮮味😩🥄方魚瑤柱肉碎粥$50💀瑤柱及肉碎份量都幾多, 不過方魚就比較少得幾粒, 同一個通病, 湯底亦都超高鹽度😖茶錢十八蚊一位, 本身佢有餐前小食, 不過喺可以唔要嘅, 所以就慳番廿幾蚊🤑除咗椒鹽九肚魚嘅調味係適中之外, 其他食物都覺得鹽度超高, 食咗一餐之後, 大概可以一個禮拜要食減鹽餐👻😅🤣☠️另外, 我哋係晚餐第一輪入座的, 所以理論上晚飯前應該清潔過地面, 但係發覺地氈上超多食物碎屑及污糟物, 衛生程度非常一般👎魚堅總評性價比 2👍(以5👍為滿分)

追了很久未上菜，服務太差。沒有下次。追了多次也無反應，不知所謂，人手又不夠，最後都到咗，但浸時蔬變成炒時蔬，菜又老，跟本吃不下去，要向他們投訴，馬上走開，我見我前后兩枱也投訴漏單。

今日叫左四樣嘢，一個杏汁燉豬肺湯，湯味道都唔錯，亦算足料，另一個系沙茶牛肉炒河粉，啲牛肉比較少，但味道就唔錯，不過偏油，如果冇咁油就好，另一個係鮮枝竹蕃茄煮斑球，呢個清清地，有啲菇菌，有啲蔬菜，嗰蕃茄底做湯都唔錯，原本仲叫咗野生蓮藕雞米生菜包，但係個侍應落漏咗冇嚟到

三位母親大人有三位男士陪伴預約一齊吃個母親節午餐啦！飲茶已經成為中國人必定活動之一，而且我哋偉大嘅父母親一定唔會say No嘅要特別啲就選擇吃潮州菜酒樓，貪佢可以吃到平時飲茶少有嘅精美點心呢間潮庭地點就腳又有得泊車，地方又乾淨食物又美味，母親大人吃得不知幾開心價錢正常杯茶又夠味真係唔似一般洒家杯茶水㗎多謝姨媽好介紹，下次一定要試埋晚市堂食先得

2022年1月7日 由於變種病毒omicron近日在香港爆發，政府收緊防疫措施，在2022年1月7號起，再次實施食肆在1800後禁堂食，為期十四日。另外，所有體育場所都要關閉十四日。今日係實施的第一日，我哋選擇喺潮庭買外賣返屋企食，在餐廳門口見到呢張外賣紙就比佢吸引到，呢個抵食外賣四人套餐$498 ，有一款主菜丶湯丶飯或麵，同埋兩款小菜。我地選擇左要芝士牛油焗大蝦伊麵，蝦夠大隻又新鮮。湯就揀咗海皇紅燒仿翅，材料好豐富，份量多。欖菜肉碎炒飯，好好味。最後兩款小菜揀咗脆皮炸子雞和蠔皇牛肉炒芥蘭，基本上所有菜式都好味，而且份量足，好抵食。無得堂食，唯有乖乖地忍耐下，等到疫情受控先可以恢復堂食。

星期六日或假期總是多人出嚟飲茶！今早見到一組擁有多人的家庭，因未有電子針卡或針卡相片，擾攘多時，最後敗走！…. 如果要多人飲茶，真的要做足事前準備或溫馨提示各成員。潮州酒樓，當然要試蠔仔餅，蠔仔粥啦！潮庭既蠔仔餅唔係廟街香脆味道嘅蠔餅，只能說潮州味道吧！好似煎蛋甘，但超多蠔仔！!！⋯⋯蠔仔粥特別在有加如冬菇的食材！⋯⋯總之同平時食開的有不同。。而迷你滷水拼盤算ok總體上，飲茶是過得去，價錢也算合理之內。

大姐話食過晚飯感覺這間「潮庭」無論價錢和食物都唔錯，所以今次介紹我哋嚟試埋佢嘅茶市。帶住倆位耆英👴🏻🧓飲茶一定無錯嘅！因為佢哋真係上酒樓飲茶多過食西餐試新中式酒樓就一定有嘢講試完部份潮州咸甜點心和主食之後，個人覺得係好掂喎下次過嚟沙田要同老友記一齊又多個好選擇啦