潮庭 (新城市廣場) (已結業)

中秋同老公陪99食飯，新城市好多間中式酒樓都要等好多張飛，係得呢間唔使點等，就食呢間….點知….我地三個人叫左個4人餐B,埋單差唔多千四 for 4餸一湯….我就覺得有d貴而且餐又無菜（都有可能其他人覺得抵,大家各自standard 唔同)但老公懶得諗叫左….其實成個餐得兩樣野同前菜好味,其他一般甚至唔太好食,寧願個沙律骨換碟炒菜仲好過…...不過做節週圍都多人無計….前菜：辣辣地ok 好味,花生/青瓜都脆。但食到後面發現有細細著卷埋一舊唔知係頭髮定咩既菜莖既物體(無影到) Anyway都食晒咁濟,就費事同Waiter講啦，佢最多都中話換過碟啫…唔再食啦….花膠螺頭燉雞湯：係成個餐最好味既野。有三塊薄花膠(明明4人餐,4人食咪有個無花膠?)有d螺頭,有少少少少江瑤柱,雞肉有d位都滑,湯熱飲好味但凍左就有少少油膩。龍蝦伊面：d龍蝦肉都唔算好鞋（但食過荃灣中染間海港龍蝦滑d),龍蝦同伊麵份量都多,第二樣好味既叫做海斑：正正常常,但waiter 匙羹都唔比個我地,好難夾。問左輪先有人比。鹵水鵝：比較咸,連墊底滷水豆腐都幾咸吓,鵝肉d皮好肥…..我食左一舊only沙律骨：呢個真係難食,又un,

等候食物時間……每張單起碼要等半小時😓😓😓😓😓😓😓😓😓😓😓😓😓😓😓😓😓😓我坐353號枱……感覺唔到有冷氣周边幾張枱都有向服務員投訴另外環境看圖吧……竟然可以這樣都冇清潔感覺非常差👎👎👎👎👎👎👎👎👎👎👎

👧🏻👧🏻👧🏻👧🏻前排👧🏻同親戚食飯，就去到呢間連鎖嘅潮洲菜餐廳，整體嘅用餐體驗屬於不過不失😎✧✧✧✧✧✧✧✧✧✧✧✧✧✧✧✧✧✧✧✧ 1）滷水鵝片拼墨魚豬肉食潮州野一定唔可以唔嗌嘅，就一定係滷水鵝😋今次嗌咗個拼盤，有埋滷水墨魚同豬肉，仲有豆腐墊底🤣成個滷水嘅質素可圈可點🌟可以再食！😍賣相：🌕🌕🌕🌕🌑😋味道：🌕🌕🌕🌕🌑2）沙茶牛肉芥蘭 芥蘭上面舖咗滿滿嘅沙茶醬同埋牛肉，見到都覺得吸引😍 牛肉就似普通茶餐廳牛肉咁冇乜特別🙈芥蘭好甜一啲都唔苦，加上沙茶醬非常惹味👍🏼😍賣相：🌕🌕🌕🌕🌑😋味道：🌕🌕🌕🌕🌑3）糖醋麵食潮州菜另一必點嘅就梗係糖醋麵啦😍兩邊都煎得好香脆，加埋砂糖同醋食，味道好有層次，係👧🏻嘅最愛！😍賣相：🌕🌕🌕🌗🌑😋味道：🌕🌕🌕🌕🌗4）川椒雞賣相唔錯🤩川椒粉味好重，雞肉食落都好嫩口👍🏼伴碟嘅珍珠葉炸到脆卜卜，會令人忍唔住越食越多🤤😍賣相：🌕🌕🌕🌕🌑😋味道：🌕🌕🌕🌑🌑5）蟲草花炒翡翠苗蟲草花好多，落手一啲都唔孤寒🤣但略嫌比較油，如果可以再清淡啲會更好🤪😍賣相：🌕🌕🌕🌑🌑😋味道：🌕🌕🌕🌑🌑6）咸菜胡椒豬肚湯豬肚同咸菜嘅份量好多😍胡椒味好重，但唔會太辣，幾過癮！重口味嘅朋友仔都可以一試😎😍

星期一拎住$300優惠券來食晚飯，結果中晒伏。先唔講服務態度差，嘢食係冇樣好食。首先係個拼盤 $280， 同Menu張個相完全唔一樣，仲要好似放左10年咁，又硬又乾。街邊煎釀三寶都好食過佢跟住就係個黃金伊面，一啲都唔脆，仲要好油其他嗰啲唔講啦總之都唔好食冇下次！

提前book枱5人晚飯要分開兩張枱食飯！今日食飯已經係有父親節套餐，order後上菜速度都好快，服務都唔錯,啲份量偏小，而且個壽桃包偏細仲要冇咸蛋，有點失望。個size細個平時食點心嗰啲壽桃包。最後，整體食物水準我覺得可以啦！

對上一次飲茶都唔記得幾時，今日同朋友去咗新城市飲茶，去到大堂有北京樓、翠園、潮庭呢三間酒樓，間間都有得食點心，都唔知有咩分別，所以就求其揀咗一間。呢碟餐前小食好正都只係 $20 蚊，所以叫咗兩碟 😋 有青瓜、花生、豆卜、酸菜、木耳等等。蝦餃 ($43)，燒賣 ($38) : 兩款都好大粒好足料，而且又係即叫即整熱辣辣。👍🏻薑蔥牛柏葉 ($38) : 比我預期中出色，牛柏葉大大件，而且又唔會話剩係得幾舊 👍🏻 仲有細豆卜做伴碟。蜆芥綾魚球 ($43) : 綾魚球炸得幾脆口，而且啖啖肉，不過配上蜆芥食略為喊咗啲。迷你鹵水拼盤 ($68) : 每款都有四件，啱哂咩都想食少少，但又怕份量太多既人。😋小黃瓜海蜇頭 ($70) : 呢款係屋企人叫既，感覺適合做晚飯小菜多啲 😝 海蜇頭同小黃瓜都好新鮮同爽口。整體嚟講都唔錯，不過可惜飲嘅時間撞唔正早茶同下午茶，所以就冇優惠，如果唔係就更理想。

今早☀️唸住去飲茶，見到隔離翠園好多人，當時11:00見到呢間無乜人係門口等走埋去取票攞位，但安心出行位置同門口距離好遠，同樓面講我哋想攞咗票先才填紙。佢話唔得😳仲要兩個人填好先？？真係要比個👎“最差”服務獎🏆佢呢位阿姐😡，佢當時語氣及態度當然唔好啦，所以我好明白點解相對少人等位啦！算啦😒唔想再比意見，只會越做越差🤔！可能係呢間酒樓嘅另類特色卦😆，以後我都唔會再去呢度飲茶及食飯🍽。

星期日約朋友一起飲茶😁，第一次到沙田新城市廣場一期8樓的潮庭， 大約下午三點時段， 店內還有很多客人， 最後時間落單我們點了12款點心😚，蝦餃$45、 燒賣$40、 山竹牛肉$35、 豉汁鳳爪$35、 叉燒包$35、素菜包$35、 黑糖馬拉糕$35、 金錢肚$40、 鴛鴦臘腸卷$45、 灼芥蘭$45、 叉燒腸$38、 糯米卷$40。 每一樣點心味道都好平均， 冇話邊樣特別好食， 不過蝦餃皮太厚， 我最鍾意黑糖馬拉糕， 軟綿綿熱辣辣都唔錯。😉整體來說普普通通的一間茶樓，人均消費大約每人$154， 店員斟茶速度快， 餐廳座位都幾舒適， 點心中規中矩啦！😁潮庭 (新城市廣場)地址: 沙田沙田正街18號新城市廣場一期8樓801B號

相約長輩在沙田新城市廣場午餐，忽然要求食齋，卻發現功德林已搬走了，整個商場已無齋舖。無心插柳，本打算在酒樓點一些素點心，沒想到酒樓有個素食二人套餐，更意想不到賣相和味道都十分出色！鮑魚和遼參由裡到外以至味道都很像真。石榴餡材料豐富，味道新鮮。整個餐較為遜色只有百合炒蔬菜，因為百合不太新鮮，菌類也有點酸即不夠新鮮。另樓面職員個個都很有禮。

昨日（17/12/2020）約同好友到沙田聚吓，在第四波疫情籠罩下，新城市廣場好靜，原先想先行百貨公司，忘了該店有職員染疫，正進行消毒，十一點，好多商店仍未開，唯有飲住茶等商店開門。所有食店都唔駛等位，選擇這食店，是座位相隔有一段距離，可食得安心，嚟番過早餐加午餐。入座時已過十一點，已過早茶時間，無優惠迷你沙茶牛河，牛肉好滑，沙茶汁份量剛好又香。燒賣好實肉蝦腸，粉皮滑，蝦好爽埋單$212，食物價錢合理，茶錢每位$17，好似貴咗些。

今日咁啱放假咁就同屋企人哋到呢一間潮庭度飲下午茶，咁我就叫咗啲點心，因為貪佢有下午茶價錢，咁其實大致上啲點心都可以嘅，不過自己覺得佢做緊特價啲點心就越嚟越少 ，希望佢真係可以改進下，整多啲優惠，話曬咁大個集團。

平時同屋企人食開街坊酒樓，今日屋企人話想試下”高級”啲嘅酒樓。十一點去左攞位，前台話得最近叫飛嗰張枱，如果要坐入去就要等。咁我地就坐左先算，確實係勁嘈，上面啲射燈係射到好熱。😰 我地叫左燒賣，牛肉，芥蘭同臘腸卷。等左大約45分鐘，我地吹單先同我地講話無臘腸卷，當堂O左咀，你唔好埋單先同我講？喺張點心紙到又無畫左去，又無人同我地講。😨咁我再點其他點心係唔係又要等45分鐘？再等多5-10分鐘終於有燒賣同牛肉。😤 食物質素唔係特別好食，又貴。😟我地其實都有當面同經理講，但經理個款都似俾人鬧慣，話係呀，我地上菜係耐呀，唔好意思呀，對唔住呀。但好明顯係覺得好正常，只不過係揾個人俾你發洩下咁。🙁我地食到勁激氣，一上open rice 先知咁多差評，但間酒樓應該都係意見接受，態度照舊，因為就算有幾差評出都係勁多人係到排隊，對我地黎講真係無下次。🙃🙃🙃

星期日十點幾搵早餐食搵間舒舒服服既坐下，嘆啖茶兩個人來到，可以自己揀位坐我地揀左角落位接近12點有八成入座茶樓來講，算多野食！小食要11點後才提供。前菜，室溫的不會凍冰冰青瓜新鮮，香脆！花生🥜好脆糯米卷ok!蒸排骨以豆卜墊底，ok!潮州煎面難得有供應迷你版一客有四件，不算油膩！不錯的，加醋加糖，成糖醋面😬⭕️全店職員戴上口罩 ⭕️進店前量度體溫 ⭕️提供酒精搓手液 ⭕️座位間有距離感，有座地膠板相隔

上次新年團年飯，我去咗食嘢。點咗瑤柱蛋白炒飯，叉燒腸粉，雞包仔，牛柏葉，水晶包（包括豆沙和花生）馬拉糕和春卷。叉燒腸粉充滿叉燒香味；水晶包充滿豆沙和花生的香味；瑤柱蛋白炒飯充滿炒飯傳統的香味，充滿懷舊及童年的香味；馬拉糕香味十足，十分美味；牛柏葉和雞蛋仔充滿懷舊的香味。雖然春卷很香，但是味道就一般。總結所有嘅食物都好好味。至於服務態度我就覺得都幾好嘅。其實我一入到餐廳，就聞到一股好香的酒樓味道。這就是我認為最好的中菜。

講到食潮州嘢，雖然係連鎖店，但係潮庭係不失之選今晚又來三人行，突然好掛住蠔仔粥，加上有AE卡優惠，有6⃣️折，一定嚟潮庭啦！今次仲叫咗川椒雞，擺放得好靚好有心思！味道適中而且不太鹹及濃味，最喜歡食伴碟脆卜卜嘅珍珠菜葉另外今日叫咗乳鴿，味道都調校得啱啱好至於魚蛋素菜煲，非常大煲，絕對夠四人份量，當然唔少得，食我喜歡嘅蛋白杏仁茶作完結！今晚整體菜式也不錯！雖然買單用咗好耐時間， 因為人手不足，希望疫情過去回復正常！