潮庭 (新城市廣場) (已結業)

其實本身打算去大圍食潮州嘢，點知生昌無開，於是就喺附近搵潮州嘢食，咁就醒起沙田有潮庭點知我哋去到，我選擇一啲平時食開嘅潮州嘢，反而叫咗酒香炆肋骨，其實好耐冇食豬肉，又想叫一啲醒胃嘅菜式，咩都不太酸也不太濃味，平時我只會食一件，但係我今次食咗三件，因為肉質幼滑，而梅菜肉碎炒菜心，不太鹹，菜心也軟硬度適中，好味至於蝦膏菠蘿海鮮炒飯，飯粒乾身，蝦膏嘅鮮香味，我結果食咗兩碗飯當然唔少得要叫甜品啦，因為天氣較熱所以好想食楊枝甘露，媽咪比較鍾意養顏，就叫咗蛋白杏仁茶

想食潮州菜, 又要去間乾淨企理的, 就選呢間. 訂了八時晚飯,不用等就有枱. 店員話坐鬆啲, 派咗張8人枱比我哋4個人, 限聚令剛剛許可八人枱. 服務員好勤快, 但樓面明顯唔夠服務員, 疫情下可以理解, 今日放假,慢慢來, 我可以等 .沒有套餐, 就散叫潮州菜： 鹵水鵝片拼墨魚：味道比較淡, 墨魚欠味道煎蚝烙： 係蛋加蠔冇加粉那種, 蛋煎得好香,好香蛋味, 蠔都算鮮味, 都幾大碟, 兩下工夫吃貨們已將全部消滅了.鹵水豬脚：皮滑 肉質林, 但鹵水味唔夠, 又係淡的 ....蒸龍躉班, 餐牌寫係花尾躉, 店員話有兩斤多重, $580, 蒸得剛好, 跟碟豉油係甜的, 加埋熟油, 魚加上呢個鼓油有意想不到的好味鮮味.欖菜四季豆： 普普通通.咸菜豬肚湯： 失望, 胡椒味蓋過一切, 豬肚太林.咸菜又係唔夠味.總括呢間潮州菜不及某些潮州大排檔好味,有點懷疑今日個大厨係咪蒸開潮州菜！ 當然酒家有冷氣坐得舒服好多.

服務員態度極惡劣，食物質素幾好都無用今日係星期一中午（目測坐唔滿枱），我同我小朋友坐低飲茶，開位開茶都無問題，但坐落後聽周圍既枱都在摧單，有位望似資深員工態度極差，客人問幾時到時，佢查都唔查機就覆人，廚房師父都要食飯架（走左去）、落單後蒸都要時間等、仲要邊行邊大聲回覆，我當時真係無言！新城市8樓不是什麼高級食府，但都唔係村屋樓下既酒樓，唔係高等既收費就要受低級的待遇？？真心想有關既人睇到我既申訴，可以作出相應既改變或培訓一下員工..........

d 服務員完全唔識serve 客 態度唔好 野又唔好食 又貴。完全唔夠人手做野 要嗌好多次啲服務員先至過嚟。 冇錯滿枱但都覺得嘈 如果坐滿晒應該會好嘈 聽唔到同台食飯嘅人講咩 如果係一般茶樓 坦白講好正常 但而家收到咁貴 但食得一啲都唔舒服

服務態度極差book左枱之前打黎都話無問題，黎到話自己分兩轉要等等左半個鐘甘駛乜訂，仲話俾左細枱加個大枱面就叫我地坐11個人真係有無搞錯，帶位既態度極度差，一直扮帶枱就唔駛幫人解決問題,無下次，千萬不要幫襯。中晒伏🤬🤬🤬

唔講食物質素住，俾錢埋單，個cashier可以撈亂左我同另一位食客既信用卡，我同另一位食客都有問佢有無碌錯或碌多左次，佢居然好意思叫我地自己打去card centre問，呢啲係咩野垃圾服務態度？佢地最後發現，係碌岩價錢，只係張卡擺錯位，一句擺錯位啫就了事！大佬，咁樣已經令個客好唔安心啦係咪？然後飲茶個杯係裂開哂，裂到漏水！做飲食既基本安全意識都無？有裂痕好易刮親個客個咀！野食方面，食潮州野，基本既潮州魚蛋，唔彈口都算，仲要超咸同腥臭！學人做潮州菜？仲以潮州菜做綽頭？唔好搞笑啦！超難食，用左128蚊食盤垃圾魚蛋什菜煲！其他食物都係超普通，總之一句講哂，永遠唔會再食。

幾年前同朋友喺尖沙咀品嚐過,美味不時喺腦海浮現,終於約到朋友喺沙田店再嚐.我們預早訂位,準時到來,知客小姐竟然話無我們的訂位登記資料,好彩她很快作出安排比座位我們,呆等不算耐. 坐下後,朋友點了鹽燒小黃魚小食同苟菜蝦仁炒蛋,之後再加炸乳鴿同四喜炆魚標. 乳鴿肉質炸完仍有肉汁,唔錯! 苟菜蝦仁份量都得宜,炒蛋火喉OK,沒有太老!剩下嗰2味餸,多番催促下,侍應們都在忙,還好仍有禮貌招呼。有種千呼萬喚始出來般食物終於端上. 小黃魚燒得乾了而且炆魚標亦不似預期!今次經驗頗失望!

佢入錯單仲要我唔發火佢肯處理，伙記部長個個推卸責任，成世人食飯未食到咁嬲，嘥咗我兩個鐘。我用openrice咁多年都未寫過review，我真係嬲到頂唔順先上呢寫。垃圾餐廳垃圾管理！I’ve never been to a restaurant that is so irresponsible. Kept shifting blame and mistake after mistake in our order. We sat for two hours, and we only had half the food we ordered. Never had a worse experience at a restaurant. AVOID AT ALL COST!!

曾經來吃過兩三次，印象不錯，所以今㳄生日晚餐，也訂了此間。五個人，坐下來，即叫兩個孖寶套餐。套餐一個是粉絲蟹煲、另一個是筍殻魚，五分鐘後，回覆沒有魚，取消一份餐。最可惡的是再過十分鐘，竟然又話，無蟹，忍住沒有罵人。再問，有沒有豬肺湯，話有，跟住又話無。浪費時間，用半小時，點了一堆「沒有」的菜。終於，落好單，等到上菜，先説好的：鹹菜豬肚湯，味香夠熱；蠔餅，蠔仔鮮甜；普寧豆醬大蝦煲，加上蘿蔔糕，有特色，蝦亦夠大和新鮮，佳作；炒蒲瓜絲，清新可口。甜品，杏仁露，可以，但不夠熱。最敗筆是「反沙芋」，生水不粉糯，真想原碟退回。不過，座位舒適，用AE咭，七五折，又非常抵食。

川芎魚雲，湯味不夠濃了，差了。無以前咁好食了。义燒腸，皮厚，不太嫩滑。菜苗餃，味道有點怪，可能帶子有雪味。煎茶粿，好油呀等了一小時，雞扎才出現，果然母親節多人，廚師也忙到一頭煙。待應話要等一小時，雞扎才會出現。我們的至愛，迷你煎伊麵，即是雙黃麵，這個不錯，全家人的最愛。煎韭菜果，懷舊潮式點心，好油呀。

星期日，最好的節目當然係同屋企人飲茶啦！沙田新城市8樓有好幾間酒樓，而我地最終選擇了潮庭！等了大概30mins , 已經有枱。今次係坐房入面。一黎上枱，就係碟前菜，最喜歡食佢地碟前菜，佢地既前菜真係好開胃，有咸酸菜,雲耳，花生及青瓜，用料十足！之後我地點左春卷，魷魚，竹笙餃，菠菜餃，潮式魚蛋粉，腸粉等等。樣樣都好正由其是個魷魚，好新鲜同好彈牙！另外，不得不提個雞絲春卷，每次去潮庭必食！飲左1個半小時，大家都好滿足！輕鬆的星期日

在今天講求環保惜食，少糖、少油、少鹽的世代，還有食肆以"油"傷人，實在稀有！沙田潮庭廚師每碟菜及點心均是出油之作，為健康着想人士，慎進！那碟子薑蝦筒要用上兩張Tempo纸巾吸油，外皮因滲滿油更是軟而不脆; 那碟糖醋煎伊麵也是油浸之作，而xo醬星洲炒蘿蔔糕應叫油浸蘿蔔糕，難道食油真的太便宜？！雖然樓面服務員尚算客氣有禮，但這樣多油菜式，真是吃一次也嫌多……

Taste:3/5Service:1/5Environment:3/5因為隔離翠苑等位嘅時間比較耐 所以就嚟咗潮廷食午餐 由於今次只得二人用膳 所以淨係嗌咗豬紅、菜苗餃、潮州粉果、蔗糖鬆糕等 其中我覺得最健康嘅點心係菜苗餃同蔗糖鬆糕 菜苗餃入邊嘅材料全部都採用新鮮嘅蔬菜 而唔係採用鮮蝦、紅蘿蔔、雜菌黎做入面嘅材料 只係單一嘅蔬菜 雖然花樣唔多 但呢個先係正宗嘅菜苗餃 另外焦糖鬆糕 得出食真係用焦糖製成嘅 代替左平時用嘅白糖 令到整個糕點唔會過甜 食落去都唔差㗎 不過服務方面真係要改善下啦 嗌極order都冇人理 你可以白白地等 所以食呢餐飯都要相當有耐性㗎

早晨11點來喝茶，先不論好不好食，下了單15分鐘才有第一籠點心到。之後再等15分鐘先有多兩籠點心到，咁既上菜速度幾好食都無用。唔會再黎！唔怪得則邊兩間茶樓排哂隊，佢呢間就大把位無人排。

難得放假約了奶奶去茶樓飲茶，誰知超級大雨，唯有選擇開車可以點到點的商場酒樓。最後潮庭是因為可以用app 優先取票，而且之前吃過晚餐、下午茶也覺得不錯。這碟前菜價值$22，但絕對值得，因為這已是全餐最好吃的，香脆花生、爽口木耳、酸甜味菜、清爽青瓜、入味豆乾再加上微辣的味道，真的很開胃。風沙豆腐 $42色香味都沒有，外層不鬆脆，内裡豆腐有點鹹，整體口感偏乾。流沙煎堆仔(中) $35煎堆還算脆口，但說是流沙，內裡的芝麻餡卻完全不流沙，是漿在一團的。炸芋⻆(中) $35一般酒樓比較少見，咬去便覺不夠鬆脆。沒有太重芋香，而且中間有些像蘿蔔乾的東西，感覺怪怪的。香煎韮菜粿(大) $40一來已經看到很油膩，雖然真的很大件，韮菜很足料很香，但真的太油，皮的部分更是毫不煙韌彈牙，口感有點粗糙。水晶鮮蝦餃(特) $45蝦餃皮尚算煙韌，蝦肉亦算足料，但口感過老，有點乾蟹籽蒸燒賣(大) $40這次蝦肉和豬肉比例不錯，沒有過火，口感油潤，可惜味道過鹹。山竹牛肉球(中) $35這個算是正常，口感味道都沒出事。脆蔥花炸両 $38炸両是完全不脆的，口感軟軟的，腸粉也好不了多少，一樣是過軟了。平均約$40一個點心，再加