潮江春 (已搬遷) 新店位置

5大1細去飲下午茶，平日人唔算多一坐低放左2碟小食係木台面，唔知有冇得話唔要，有冇收到錢呢？佢張單又無寫獨立價，只係得總數先講下d茶， 我地叫左香片，d茶色好濃，飲落像鐵觀音多d落單好快有人幫你，但上菜起碼每樣都要等15分鐘以上，上菜速度確實係慢，雖然上菜的時候有d熱食左煎蘿蔔糕，俾辣醬多過甜醬，重要係埋一碟，完全唔岩我地呢d唔食得辣的人燒賣，第一round叫，第2 round落單之後先來，起碼30分鐘以上，燒賣d 皮一夾就爛，不太好叫左煎＂樣＂3寶，俾左碟好像蒸鳳爪果d汁你，一d豉油都無，我地唔太識欣賞，所以無食到個汁叫左雞札，一來碟野要吹先上木台，平時出其他酒樓食最cheap都俾豬皮你，不過呢間夾舊好似素雞？定札肉的野你，勁難食，我又唔識欣賞，真係，早知唔要碟野，勁失望牛肉球正常多腐竹唔錯重有個甜點水晶包賣相都ok不過款式少，味道不太岩香港人口味，好聽可以話特別既最後埋單又等好耐，又唔係full唔明點解會咁

同老公和個女去晚飯, 叫了3個餸, 分別係 "梅醬排骨 (幅圖片係一字排來)" ; 另一個係 "奇妙杏片蝦仁" 及 "鮮蕃茄勝瓜魚蛋".  碟排骨來到見到眼都突晒, 分量少得可憐, 收我八十多元唔好賺咁盡吖, 我唔係叫牛喎, 肥膏又多, 又唔係一字排. 碟蝦收 $128 都叫大隻就算啦.  碟魚蛋嘅蕃茄有酒味好難頂囉, 分量都係少少又收 $98. 去了好多次, 都知分量唔及美心嘅多, 但都未試過少成咁, 決定以後唔去了.

食過一次美心系嘅「潮庭」，老婆對美心系嘅潮州菜館幾有好感，所以，就趁返完教會拉多個姊妹嚟綠楊坊嘅潮江春食晏，多個人，可以點多兩、三樣嘢，試多幾款點心。美心食肆晌綠楊坊都有幾高佔有率，有東海堂、美心MX、美心皇宮同潮江春，後兩者尤其晌星期日茶市，等位等到癲，今次嚟潮江春，都要等咗30分鐘咁滯呀！室內環境，保持美心中菜系一貫典雅裝潢，不過未嚟過食晚飯，午市所見，座位有啲逼，好似我對住嗰兩枱，唔喺座位背貼背咁簡單，直頭啲位「咔啦」伸到隔離枱。點心紙一大一細兩張睇晒，大嗰張喺基本點心紙，清楚列明各級點心售價，小點$19.8、中點$24.8、大點$28.8、特點$32.8共4級，已包括晒蒸點、煎炸、腸粉、潮州點心、灼菜、推介、甜品、早市粥飯近70款。而細嗰張除炒粉飯麵、精緻小食推介外，仲有啲應節嘅節令食物。茶錢收$8位，前菜就收$15一碟，前菜跟之前晌潮庭食嘅差唔多，有花生、毛豆、鹹酸菜、粒粒豆腐乾，不過嗰邊晚市收$26碟，唔知潮江春晚市又收幾多。花生鹹脆，鹹酸菜酸香，醒醒胃嘅餐前小食。潮州蒸粉果 $28.8先嚟一籠潮州點心，潮州蒸粉果一客4個，個個包得外形飽滿，外皮薄透又唔黏牙，內裡餡料十足，

剛剛本想到潮江春訂酒席，剛開口叫那知客姐姐拿酒席的資料，亞姐木無表情瞄了我一眼，發現我身後（是幾個身位後）有個熟客正步向入囗，立即施展四川變臉，笑容滿臉地嗲聲嗲氣走出去迎接佢位「張生」，跟著當然睬我都傻啦，連叫句「等等」都費事就直行直過，護送那位先生入內（注意我真係企正佢前面，如果視力正常都無理由看不見）。of course,我完全理解阿張生可能同佢friend過打band,又可能今朝幫佢買左100張月餅卷，厚此薄彼蹼去serve 個熟客先都係人之常情，但都唔駛咁無禮貌卦!真係幫襯唔落囉!

家人送左一張美心換粽卷俾我某日經過綠楊潮江春換埋先回家潮江春瑤柱五香粽兩隻比拳頭大多一點既粽用真空包裝一套兩隻最便宜都要 $97.3過時過節從來都係商人賺錢既日子 .... 唉昨日我的午餐就是吃粽兩隻粽一從真空袋拿出來已經立即被我扔到滾水裡到洽好拿上碟才發現棄用傳統穩固的打十字方法綁粽而用一條總長不過25厘米的咸水草在粽上圍一圈咸水草都已經慳到這個地步你認為粽葉還能會給多嗎?粽子被切開一隻咸蛋黃非常亮澤耀眼還有一絲蛋黃油流出來餡料還有比五元大多一點的冬菇瑤柱到真正品嚐的一刻面層糯米很酸澀一度懷疑是否已變壞再細味下, 才記起此為五香粽酸澀味好大可能來至花椒和八角

三月上旬‧炎熱是日有地膽話事，訂位、點菜也都由他一手包辦，坐低有得吃，輕鬆！要了不少點心，當中都有潮式的。韭菜粿皮脆而餡料有香味，另外甜粿也香口而糯米皮軟糯，很不錯。還有肉醉泡飯的湯底味淡了一點，在出外吃還是比濃濃的湯底好，至少吃段不太口渴。最後來一個炒麵，濕濕的，不合胃口。地膽作東，在此說聲謝。

繼初七的開年飯，初八的晚上，由於公公新春期間一筆小小橫財，當日下午寶寶出外拜年後，夜晚一家人在荃灣吃飯當是慶祝並開年。這間位於綠楊坊的潮江春，爸媽數年前吃過，環境食物俱佳，所以選擇重溫!　老實講餐廳佔地不大，擺酒讌客的話席數不太多，然而座位卻相當寬落舒適，環境也很清雅有格調，當中媽媽甚為欣賞特別的水晶燈設計。　就坐後先送來茶及前菜小吃，茶要了壽眉，頗香水準中上；而潮式風味的前菜更加精彩，尤其是爽甜清脆的酸菜，十分開胃吸引。　要吃好一點，就點了份高湯焗龍蝦伊麵($268)；其實菜式定價不算貴，當然份量也相應較細，用的只是中型龍蝦，然而味道鮮美，墊式的伊麵更是收盡鮮味，挺好吃的。　天氣頗冷，當晚點了不少煲類，薑蔥生蠔煲($98)是其一。煲內所用桶蠔相當肥美，煮得入味頗美味，但更出色是同炒的蔥段，鮮味濃郁得很，撈飯吃可真一流呢! 　不過講到當晚最搶手，並不是龍蝦或生蠔，而是看似普通的魚香茄子煲($72)，皆因茄子煮得十分軟稔，加上香口微辣的肉末來調味，非常惹人食慾，令人吃個不停，並添了不少白飯呢!栗子雞煲($78)則相對較失色，雖加了段魚同炒增加風味，可惜雞柳肉質鬆散無味，栗子也是空得體積大

星期六的中午, 男友突然話想飲茶, 結果去左好多人等既<<潮江春>>! 等左成45MIN先有得食, 不過食完都覺得好值得!先講入左去, 佢地安排左卡位比我地2個, 所以好好彩, 我地坐得好闊落同舒適~ 用具都好乾淨, 雖然好多客人, 但員工親切有笑容!先講個前菜, 都好好味GA, 我多數唔食/ 食剩好多, 因多數都係花生果D, 但呢次好唔同呢!之後叫左5碟點心:粉果: 皮好薄, SIZE啱啱好~明蝦角: 勁好味, 皮好脆, 入面D蝦大大粒又冇腸(最怕一D地方D蝦腸挑得唔乾淨!)奶黃包: 個皮少有咁光滑, 食都食得開心D!羅白糕: 煎得好香口~鳳爪: 好入味, 都係冇得彈~~下次一定會再去, 等耐D同貴D都值得!

今日難得同家人飲下午茶,荃灣呢間潮江春2點開始入座,已經有好多人企係出面等緊位,一向都好多人食,食物水準應該不錯!不過呢間d侍應服務就普通,舉手叫沖水都舉到手軟!韮王鮮蝦腸(特點)<<味道還可以,不過蝦就蒸得老咗沙津明蝦角(大點)<<好好味,好香口&好脆!晶瑩鮮蝦餃(特點)<<皮好薄,好味,配埋辣椒油一流!!蒸牛肉燒賣(中點)<<好好味,依家無乜地方有得食呢款點心,蟹籽蒸燒賣(大點)<<好味,好大隻蝦!蔥油糯米卷(中點)>>好味,不會太油膩蜜汁叉燒包(中點)>>普通,同出面個d差不多

.......由於好耐都未同男友.兩口子撐過抬腳...又比較少食中餐,,所以是夜選擇佐美心集團.旗下的潮江春,,,,,...假期前夕都擔心無位..一早book佐枱.去到都等佐20分鐘..眼見門口都有一大堆人等位..心諗都一定唔差啦..雖然都睇過openrice.都有d唔好既評語......我地兩個人.點佐.梅子排骨..蠔仔粥..滷水鵝片.蘭香抄三鮮..蒜片牛仔粒.......滷水鵝片,,味道無預期好食....無驚喜...鵝片都唔算少..容易咬得開.....大集團嚟講.都唔應該難食....最快上係e碟鵝片...打後成30分鐘.都無上過其他餸...:2]..蠔仔粥...大家都見到e碗蠔仔粥.,,未食個時.係有幾底食....蠔仔無沙粒係唯一可讚囉....有幾片鮮冬菇咁囉.如果講到湯底..就肯定連.荃灣區.既街頭打冷鋪都比唔上..蒜片牛仔粒....係難食囉..估唔到..真係估唔到.牛肉無牛味.都唔知咩嚟.一舊肥豬糕咁.但唔係入口即溶既感覺囉...得個汁好咸..無鑊氣..最好味就係個片蒜片.大排檔都好個佢.....仲有e個餸明明係小食頭盤..我地等佐佢45分鐘... 蘭香抄三鮮....e碟嘢

今日第１次試試潮江春，可能是平日，不用等位。價錢都算平民化，食物確是即叫即蒸。熱騰騰。。但等的時間都較長。大約在落單後２５分鐘才有食物送上。食物質素不錯，特別是甜的點心，不算太甜，做得很好，一個人食了擂沙煎堆，水晶飽都不覺滯。叫了很多點心，４個人埋單只是２５０左右。

農曆新年咁大o既日子…當然要約班好友團團圓圓啦!!...哩間美心集團旗下o既<潮江春>…嚮荃灣綠楊新村都好多年, 自己就經年冇黎…舖位移到商場上層, 樓面細左…裝潢吾同晒…感覺摩登左又設埋卡座; 年初十又踫著周六晚, 固然係抓銀o既黃金檔期, 餐檯都排得滿滿的, 服務員穿梭其中都迫迫夾…亦見到佢地忙到臉容語氣都帶點燥, 冇晒笑意!!…7點過後, 全場迫爆, 熱鬧非常, 滿有過節氣氛…自問說話都算夠”口響”o既我…面對哩刻群情洶湧嘈得吵耳, 都要甘心寫個「服」字!!!…我地圍著一小席交談, 音量都要提高幾度…亦覺耳仔吾聽駛…要側耳傾身留神先聽清楚對話…論食物…對食潮州菜黎講, 開餐前冇為客人奉上”功夫茶”真係吾多似樣…以為只省郤”事前功夫”…點知到埋單, 連”事後功夫”都慳埋…哩點實在有D令人失望!!...扣分!!隨檯先送上兩小碟混和著毛豆、豆腐、酸菜、咸脆花生4種材料o既小吃…感覺係少少咸咸甜甜酸酸都有D…帶點麻油香…算開胃可口!!...朋友發版點o既菜式有以下:滷水三拼…揀左鵝片、海蜇同墨魚, 墊底就有豆腐片…碟頭大, 款款各具水準, 滷水夠入味, 添點麻油香更討好…

同朋友仔食飯, 準時7點去到已經要等位...不過等左1陣就有得入喇... 呢次係我第1次食潮江春, 之前聽個名以為係正宗潮州野, 不過去到門口先知又係美心集團....(我朝早先去美心皇宮飲完茶)我地3個人, 叫左以下呢堆野: 蟹肉翡翠羹 - 好味, 多蟹肉, 多菜 蠔仔肉碎粥 - 有味, 不過同九龍城果d爭好遠, 同埋d肉唔夠碎方魚薑汁炒介蘭 - 好味合桃醬燒明蝦球 - 幾特別, 不過甜甜地, 我唔鍾意甜野 鹵水雙拼(鵝同墨魚) - 我冇食鵝, 不過d墨魚好味...片得好薄,阿廚師幾好刀法潮汕梅糕骨 - 呢個係用$1 cash dollar換, ok啦...不過少d肥肉會好d埋單大概550,即係每人百幾蚊! 我覺得幾抵食...因為佢portion幾大, 食得好飽! 雖然抵食, 但係我自己係潮州人, 我就覺得佢唔多正宗喇, 呢間似粵菜多d! p.s. toilet都幾污穢...可能清潔得唔夠頻密...

懶得煮飯，同老公屋企人出去食，選左潮江春，好似有coupon送一個翅。我地四個人，又唔餓，諗住唔想食咁飽。睇餐牌，叫了一個四小碟，再叫左一個咸肉炒芥蘭。本來諗住四小碟係四碟野，再加一碟菜即五碟，份量應該夠，原來四小碟真係好小碟，每碟只係得四件，真係岩晒四個人食唔駛爭。四小碟第一碟係炒蝦球，底有炸藕片伴底。蝦球幾爽，美心集團用料不用懷疑。但那藕片比蝦球更搶鏡，藕片甜而不膩，很好味呢。第二碟係炸墨魚條，炸得香口又彈牙，也是不錯的。第三碟係滷水鵝片伴滷火豆腐底，潮江春的滷水鵝片都係第一次食，因為實在係貴，但其實無乜特別，出面出名的可能更好食。滷水豆腐也是standard。第四碟係炸丸，炸乜丸真係食唔出，但肉質唔係咁彈牙，留番黎最後食真係有點後悔。咸肉炒芥蘭的芥蘭很好味，都係果句，美心集團用料唔會差。咸肉不會過咸，ok啦。雞絲翅也是正常，四個人食都有一碗既，份量一定唔會多，因為係食夠印花送的，美心都要靠呢ｄ黎谷人氣，可見生意難撈。翅真係無乜，其實同飲"獻"汁無乜分別。食完唔係話好飽，但又唔想再叫，就此埋單了。味道是ok的，但份量真係細左ｄ，如果無coupon真係未必會再黎呢。

今日有事下午放假...難得放假, 梗係去飲茶...不過正值lunch time, 周圍都好多人...幸好去到竟然吾洗等wor...二人叫咗:奶皇飽 - 吾係流沙個隻, 反而吾錯wor..因為而家好多酒樓都係做流沙, 食得多覺得吾太好..同埋好sweet..蝦腸粉 - 呢個一般, 吾太滑...味道一般棉花雞 - 呢個都ok...雖然係油咗少少...不過已經出好多酒樓少油...豬手 - 呢個好好食, 味道岩岩好...不過份量少咗d...吾多夠overall食物都ok...但奈何等得太耐, 食物黎得好慢, 我想要好好改革