潮滙館 (已結業)

早兩天被朋友的照片深深吸引住…今日特意過來一嚐。潮式生醃螄蚶。比起九龍城潮州什貨店的更鮮更正！完全兩回事！所以在價錢上都如實反映！潮式方魚蠔仔粥。用料十分多。當中蠔不算佔太多。但整體比例反而剛剛好！其餘用料還有方魚，鮮菇，肉碎。一煲有8-10碗,。一百元有找，算係幾抵食！鵝拼盤。平平無奇不過不失。總括黎講，都係一間平靚正街坊小店！未來食潮州菜會再來！全店只有一個問題，就係冷氣不足。。。

12月26號食, 分6點&8點兩輪booking,揀佐前者~ 爸爸牛一, 一行5人, 不用等位就入了 (因為聖誕同潮州菜無乜啦lung所以唔多人食哈哈)刨完openrice, 嗌佐$5xx幾蚊菜, 飽到上頸。本來覺得有幾十個好評, 穩陣! 不過喺潮州爸爸&廚師媽媽面前, 也能挑出骨頭來...~_~*老水拼盤$118: 唯一可讚鹅片切得簿,對女仔好,good! 不過得6-7塊, 超少;下面係老水豆腐+唔夠入味既我翼+好硬好硬既我掌, 潮州媽媽話都唔算好味唔算抵食*普寧豆腐: 豆腐偏淡, 外脆内滑, 對一d無乜食潮野既家庭應該好特別, 好難喺其他鋪頭食到 (btw媽咪話呢隻未必正宗普寧豆腐, 係水豆腐代替, 不過都好味; 正宗既鹽水入面唔應該係蔥,要"搞菜") *介菜排骨煲: 普通, 好淋, 夠味 *煎蠔餅: 兩啖入面都有一啖有蠔, 算多咖啦,good; 不過為佐營造厚既效果, 撈佐好多好多番薯粉一齊煎, 食完都飽lu *豉x炒蜆: 其實唔關潮州事哈哈, 不建議叫。同大排檔炒蜆一樣, 4成係蜆殼, side氣。*反砂芋頭: 媽媽說應該係芋頭沾滿糖張後炸, 夠地道, 熱呼呼, 入面舊芋頭夠粉

長沙灣食潮州嘢，呢間算首選，樣樣都算有水準，晚飯最好訂位，或早些食，否則必定等位，店鋪地方不大，位處橫街，離長沙灣及荔枝角港鐵站，兩邊都不近，行走十零分鐘左右，駕車反而方便，迫路邊就可以。飲碗 胡椒豬肚湯 潮州嘢，唔食鵝，點講得通 鵝腸，食過咁多間食肆，呢間係最好食，已經諗定下次來再叫

今天一家三口 6:30 左右經過潮匯館，難得不是太多人，馬上入內光顧。因為今次已經是第三次經過這家食店門口，上兩次來到時，人太多，最快都要等一個多小時，當然馬上走人啦！餐廳用的是公雞圖案的舊式杯碟，好可愛。鹵水鵝肉 - 肉質鮮嫩，不太鹹煎蠔餅 - 一流，多蠔，不會乾，水準很高蝦棗及蟹棗 - 蝦棗口感不行，有點霉的感覺，好一般。蟹棗不錯，味道及口感都較蝦棗為佳。 $88涼瓜鍋貼 - 不是甜品，十分好味。涼瓜切細，加入蝦肉(我估計的，無求證) ，味道十分好，一點也不苦。正! $80這是老公及囝仔吃的芋泥，每人一碗，咁甜的東西，我當然不會入口。老公及囝仔話好好味。同時叫了兩個白飯，埋單 $409, 老公話好抵食的。如有機會，下次想再來吃呀！

朋友話想食潮州野，諗到唔駛諗就訂左呢到，食左咁多次都無令我失望！三個人點左一個例既蠔仔肉碎粥，蠔肉肥美，粥甜！生醃螄蚶，鮮甜！每次黎呢到都一定要食！仲有唔少得鵝肝拼鵝片，鵝肝甘香肥美，但鵝片就不是特別出色，另外仲跟左豆腐，都幾滑，唔會好乾好硬！兩面黃：可以話係外脆內暖，配上醋及砂糖，又醒胃又飽肚！#記得訂枱

今次相約多Ｄ朋友一齊黎再食潮匯館既美食除左上次有點既梅羔骨，　鹵水鵝肝　ＫＥＥＰ到水準外今次仲叫多左好多野獅頭鹵水鵝腸: 真係特別大特別爽口普寧豆腐: 傳統潮州菜, 出面炸到好脆裏面好滑既豆腐, 配以魚露汁, 一流!水瓜洛: 洛就好似蠔餅整法一樣, 只係煎得冇甘脆, 比較多麵粉, 而且用左水瓜(應該係苦瓜黎)味道清清地不錯胡椒豬肚湯, 我覺得味道一般吾夠胡椒味炒蠔爽, 用椒鹽等醬料炒蠔肉, 惹味, 蠔仔新鮮芋頭鴨: 好滯但又好好味既菜, 將鴨肉搽上芋頭蓉, 成個拎去炸, 好香口好熱氣, 鴨肉好出醃生蝦, 獅痷, 好新鮮, 醃得好好味反沙芋: 超好食, 但好飽, 芋頭鬆軟熱辣辣!潮匯館值得一去再去!

是日同老豆慶祝生日, 一行4人黎到荔枝角同長沙灣中間既潮匯館, 你想像吾到喺呢個甘多車房工廠既範圍入面會突然間有一間隠世食而打正旗號食潮州野呢間潮食店比較特別.同一般打冷有點兒不同, 打冷係比較食鹵水鵝, 大眼雞, 蠔仔粥,之類大眾化,   而某些潮州菜亦都好注重手工精細我覺得呢間算係混合左兩者! 不過今次就主力試下打冷既菜式蠔仔粥: 用沙窩而宜深既煲煮, 令到味道均混.粥算係幾綿.蠔仔好大粒新鮮.GOOD!鹵水鵝肝:吾係間間打冷有得食, 中式鵝肝肉比較粉同綿, 一咬落去成啖鵝香油同粉狀, 口感豐富!, 值得一試, 但不易多吃!梅羔骨: 聽說係用梅子醬整成既排骨, 呢味最好食, 我很喜歡梅子既調味, 酸而開胃.!, 配水芝麻更添香味.GOOD!!!鹵水併盤, 味道中上, 食得出濃味既鹵水日子有功, 值得一提腩肉不錯大眼雞: 而家大眼雞, 魚肉滑, 新鮮. 下次黎會叫一大班人.食盡佢不同味道既菜!

之前睇到廣告, BOOK左好多次都BOOK五到, 終於有次BOOK到要食6:30, 好啦, 見咁難BOOK就試下,懷住期待心情,點知………… 好多人, 位置都好迫, 張柗仲要兩張圓柗拍埋一齊, 仲要坐係個神主位…………胡椒豬肚湯- 五夠胡椒味, 湯底好淡老水鵝- 味道不錯, 隻鵝老左D椒鹽九肚魚- OK,蠔仔粥- 蠔仔少, 粥底也不香, 好淡煎蠔餅-似蛋角, 仲要裏面五熟,滑散散…蠔仔又少老水鵝肝-超難食…..無一般肝既香味, 食落好似假肝, 都五知似乜, 賣成百幾蚊, 真係笨蝦棗,蟹棗- 食落好散, 沒有彈牙, 裏面D肉鬆鬆散散鹽水豆腐- 炸豆腐OK, 但係鹽水竟然無味老水鵝腸- 老水好味, 鵝腸也不錯只有老水較為出色, 其他不值等咁耐 

正當我喺度諗同老豆去邊度食生日飯嘅時候，佢話好耐冇去食潮州菜，我本來都想試一試呢間餐廳，今次正好有機會去試。因為事先已經訂咗臺所以去到唔需要等，平日去食都幾多人去。去到先發現原來有啲餸係要事先預訂（例如豆醬焗雞 ，蝦蟹砂鍋粥）我哋一共五人叫咗炸蠔餠凍烏頭滷水拼盤春菜排骨煲清心丸綠豆爽 & 芋泥佢地D份量都幾大，所以叫多啲人來食就啱晒。我覺得最好食嘅係炸蠔餠同凍烏頭，雖然而家蠔唔係季節，但佢地啲蠔好都算大隻，同埋好足料，嗰邊仲有啲脆。食凍烏頭我最怕食到嗰啲有泥土味，這個肉質夠甜，媽咪最鍾意。因為食完要返去食蛋糕嘅關係只係叫咗清心丸綠豆爽同埋芋泥各一碗。我其實好鍾意食清心丸綠豆爽，係香港買好多地方可以食得到，芋泥我就覺得有少少甜左啲。整體嚟講咁嘅價錢可以食到咁好味嘅食物，好值得我下次返來再試。

依間食店上年已經想試~咁岩有日同表兄傾開..佢又係想試果次佢去到話full晒..walk in都無位~之後要搵日book檯去試添喎所以前一日叫另一半訂定檯~依日點都要會一會"潮匯館"食店環境好乾淨~有d似茶餐廳格局..但空間都好寬闊而且服務仲非常之好~服務員會好細心+解釋問題開胃小吃..一般食店既"鹹酸菜"~基本上未觸動過味蕾依個鹹酸菜~入口酸甜味好突出..口感好爽脆(好開胃..好正)食潮州菜..通常一定會試"鹵水鵝片"鵝片厚薄度適中~仲可以用筷子將鵝片卷起肉質鬆軟中帶點嚼勁~有肉香..皮層亦唔太肥(正)底層既"鹵水豆腐"好入味~豆腐滑口依家唔多潮州食店有"生醃螄蚶"~所以都因為佢而吸引黎食加上好耐之前已經聽d人話好好食~不過生食驚有菌+生蟲所以hea左好耐都唔敢試~依日終於要豁出去一試吧不過落單果陣問左服務員好多問題~腥唔腥..有無血..咩味? 等等等..(哈哈)服務員見我地得2個人..所以提議點半份試下全份價錢$148..半份$78~好! 就點半份試試醬汁有少許酒味帶微甜+醬油味好香~面層仲有少少蒜茸醬料wow!! 口感好爽+味道好鮮甜~真係完全唔腥仲好入味以辣椒醋汁伴食..更加惹

我本人甚少踏足長沙灣區，原來這區也有頗多美食，長沙灣的街坊唔該揮揮手 :-)這天跟友人及好友「荔枝角張曼玉」飯敘，飯後竟尤未盡，就齊齊打的落長沙灣的「潮滙館」繼續吃飯。一晚吃兩餐晚飯，我自己都覺得好誇！先來個「鹵水拼盤」，成員有紅腸、滷豆腐、鵝肝、鵝片、大腸等。鹵水膽從來都是潮州菜館的靈魂，我覺得它不論深度、層次、濃郁度都有一定功力。這是一股半陳年的汁底，在色香味等層面它都合格有餘，八角香料等味道甚深。最好吃是大腸及豆腐，兩者的質地都能發擇鹵水香的長處。鹵水汁的汁齡愈長遠愈是佳品，假以時日，它必能更成大器。「豉油皇鵝腸」一看顏色就知通透入味，鵝腸略帶少許肥膏，又不會是肥到會掩蓋到爽口的程度，這點很重要！薦底的芽菜仔更是寶，又是索盡汁料，真的要配碗白飯才對得起自己。「魚飯 (烏頭)」我們到達時已是九時多，幸好還有一條烏頭給我們品嚐。此店採用元朗楊氏烏頭，骨已起，奶白色的魚身甚結實，入口完全沒泥味，輕蘸普寧豆醬提鮮就是最佳的吃法。「普寧炸豆腐拼椒鹽鮮魷」這兩個炸物真的要讚一下，很好下酒，是全晚我最推的！豆腐色澤淺黃，外脆內嫩是的確做得到，吃時要在韮菜鹽水中稍浸一下，再來提味。另外椒鹽鮮魷的

曾為十多年的長沙灣街坊, 雖然早已搬走,但有些只屬於長沙灣的味道仍然留在腦海中,襯著父親節, 就來提早慶祝及懷緬一下吧~店內面積不大, 就放了十多張大大小小的圓檯,我們一家被安排在正中間的位置,食家哥哥早已選定菜式, 那麼問了一下大家的意見就點菜了潮陽梅羔骨鬆軟的排骨沾上了酸酸甜甜的醬汁, 不像咕嚕肉那麼酸,反而是像沙拉骨的變奏版, 很下飯的一個小菜, 亦很開胃鍋貼涼瓜整餐的唯一一個菜, 外皮炸得酥脆, 很香口, 涼瓜也是爽口的, 不太苦,我不討厭涼瓜, 有時還覺得拿來炒炒蛋比起其他肉類更好吃,想不到我這年紀未到人生的一半就已懂這半生瓜的好鹵水拼盤絕對大愛的鹵水拼盤, 有紅腸, 滷豆腐, 滷旦及墨魚片,最喜歡的豆腐放在最底, 吸收了大量鹵水汁.....yummy!!!芋茸香酥鴨件這個沒多吃, 因本身對鴨的興趣不大, 但是鴨件混了芋茸也是炸得脆脆的,只是有點漏, 還是留下quota吃其他吧~糯米釀大腸想不到這個糯米釀大腸這麼好吃! 一直抗拒吃豬大腸,因為想想如果處理得不乾淨, 那是多嘔心的事, 加上那陣"酥"味......而這個釀大腸的皮很薄很脆, 咬下是軟林林的糯米, 也沒有那反胃的臭

補記有些食肆近在咫尺，反而久久不去一探虛實。原因？說不出個所以然來 。像潮匯館，區內開業差不多兩年了罷，雖未至一鳴驚人，也頗受吃貨們好評。自八月軒一役 (見本人食評〈怎一個悔字了得〉)，好勝女兒 (以下簡稱勝女) 心裡埋下了「復仇」的種子 ，總想著尋個價廉物美的地方讓家人吃頓盡興的。蟄伏到今天，終決定以此店為復仇擂台…… 鹹酸菜拼花生，沒啥好長篇大論的，清爽開胃的餐前小吃。 (對於醃漬菜，我家常吃是以相當挑剔。不曉得這裡的鹹酸菜是來貨還是自家製，味道、口感都不俗)魚飯，烏頭 ($98) 是父母不二之選。網友稱此店採用元朗楊氏烏頭，可魚尾並沒套上所屬標籤啊？勝女心頭不禁犯起了嘀咕 。奶白魚身沒甚麼黃油，幸肉質結實，入口沒泥味，甭蘸普寧豆醬也甚清甜，大夥兒總算滿意 。不過坦白說區內另一家名喚源興的「打冷」小店，其鹽焗烏頭更得我心 (也更便宜，嘻 )。是日天冷，表妹提議來一鍋鹹菜胡椒豬肚湯暖暖胃。下單時問夥計份量如何，他說中的不夠 (我們一行八人)，要了大的 ($148)。端起小碗未湊近嘴邊，白胡椒辛香已鑽鼻孔，勁度驚人 。一口湯呷下去只微辣，名副其實香而不嗆。豬肚軟中帶韌，而且鮮味，渾不似

為免出現旺市而欺客的情況發生，吾家的母親節晚餐，決定改為週五晚舉行，至於家妹所選的地方，在毫無先兆之下，竟然是長沙灣福榮街的潮匯館，雖然未曾正式光顧過，知道早輪於開飯網的十大好評中，也得到前列的排名，不少的網上同人也大讚其價廉物美，或所出食品夠地道云云，既然如此，也無謂另提異議了。只是對於本人來說，也是「黑仔」的一天，首先是因為工作關係，約七時半才能離開，其次原來此店的地址，也是甚為隔涉，依網上地圖於長沙灣地鐵站B出口後，也要行一大段路，遇上下雨天時，不狼狽才叫奇怪，結果來到的時候，已是接近八時半的時份了。除了那些刻意懷舊的木製桌椅，與及印有舊時代的牆紙之外，老實與坊間的潮式打冷店，分別也是不大。由於遲來的關係，當晚所吃的東西，也是家人所點選的，個人除了動箸之外，亦沒有提出甚麼主意。首先是炸蝦棗及蟹棗雙拼，屬於潮州菜上最常見的炸物，也不知是否已經上了菜好一段時間，上桌時熱氣全無，自然缺乏「香口」的感覺，總算這雙棗還是撻得起膠彈牙，內裡亦有點鮮甜之味，配合同桌的桔油同吃，總算聊勝於無。再來一個滷水隻拼，是鵝片肉搭上鵝肝，潮州人對於滷水的要求可甚為講究，除了自家的配方之外，也要求陳年的汁底

一班人食飯最正ge 係可以叫勁多餸!! 樣樣都可以試下!一行6人叫左9樣野!!! hahaha 老水鵝片拼鵝肝 6/10說真的比我想像中...遜色點...可能之前食過大圍ge 生昌ge 老味!! 正好多!!! >.< 可能有對比la~ 普寧豆腐 5/10真心冇咩特別味道, 的確好有豆香ge 炸豆腐而已~ 鍋貼涼瓜 7/10= 鍋貼小棠菜 我個人好中意食苦瓜的, 不過我都比較中意後者,因為小棠菜本身有較多水分同埋爽一d 同蝦膠一齊match d~~ ^^梅子骨7.5/10大大舊ge排骨煮得乾身~甜酸味道很好~ 開胃ge 汁很想食收晒係每一舊骨入面, 真係想食多幾舊!介菜煲 7.8/10食左咁多肥仔野...不得不叫下個介菜balance 一下...清清油炸,肥膩之感~ 介菜好入味~ 又淋~ good choice!豉油皇鵝腸8.5/10一睇d色水就知正野啦!! 入味到呢~~ 又爽口~~肥瘦度又岩岩好~~ 忍唔住叫左白飯!! 小炒皇8./10十分對辦~ 有鑊氣~~材料豐富~有魚乾大大條ge蝦乾, 腰果,九菜花等等...係呢個moment 唔係唔叫支青島呀!? hahaha芋