潮潮居

營業中

休息中

**潮潮居再訪記**再訪潮潮居，點心依舊出色。**菜苗餃**外皮柔韌有咬勁，內里菜苗鮮嫩翠綠，清香怡人。**雞扎**真材實料，腐皮包裹下的雞肉、芋頭等餡料扎實飽滿，滋味傳統。其**奶茶**堪稱一絕，茶香醇厚與濃郁奶香交織，入口絲滑，那“流心”般的質感更添誘惑，令人垂涎。**牛肉球**肉質比例極高，口感彈牙，肉香十足。**叉燒腸粉**米皮薄而帶韌勁，內裹叉燒肥瘦適中，點睛之筆是那濃郁的芫荽（香菜）香氣，撲鼻而來，風味獨特。整餐亮點當屬**自家制辣椒油**，辣度適中卻香氣逼人，帶著鮮明的潮州風味，蘸食任何點心都能瞬間提鮮增香，是令人回味的靈魂之筆。整體體驗地道而滿足。**核心要點：**1. **菜苗餃：** 皮韌餡鮮。2. **雞扎：** 用料扎實，滋味傳統。3. **奶茶：** 奶香茶濃，流心滑順。4. **牛肉球：** 肉質足，口感彈。5. **叉燒腸粉：** 皮有勁，芫荽香濃。6. **辣椒油：** 自家制，潮州風味，靈魂蘸料。

出街食點心，見到店鋪門面出面廣告牌寫下午茶叫點心三送一，另表示送一個只可為大中小點其一，沒寫全部點心要求為大中小點，所以入店嘗試一下。最後叫了四個點心，其一為特點，埋單時職員說叫三個點心必須大中小點才能送，不能有特點，最後付了四個點心價錢。食物質素差燒賣又淋又爛，蝦餃冇味，沙嗲金錢肚難食，牛肉腸都是沒有口感。職員態度更差其中一男經理更表示堅持沒有誤導，支持消費者報警，真「鼓勵」市民留港消費，不知所謂。

港人熱衷北上消費，北區食肆應該最受應嚮， 在這樣的市道裏 ，更加應該認真做好， 挽回顧客 ，今日的潮州菜就是最好的表表者， 無論環境 ，服務 ，食物， 都出奇地好 ，對得住顧客的幫襯。食潮州菜當然不能錯過鹵水鵝 ，今日我們點了鹵水鵝肉 ，識食的都會揀鵝肉而不揀鵝片 ，因為近骨的鵝肉會特別嫩滑鮮甜 ，鵝肉多數是鵝腿和鵝背部分 ，所以肉質特別鮮嫩 ，皮薄肉鮮 ，鹵水味特別濃鬱， 再加上嫩滑的豆腐 ，整個菜非常得體 ，好味到舐舐脷。😋😋有菜有肉是每餐必選擇的， honey鍾意食節瓜， 所以今日特別點了肘子濃湯節瓜 ，就是用金華火腿上湯 煮節瓜塊，煮到節瓜索曬上湯的味道 ，然後用瓦煲上枱 ，有湯有瓜， 仲有鹹鮮味的火腿， 高級又有特色，是一道特別美味的菜餚。👍👍食飯期間 ，店員還不忘來詢問菜餚是否合味道 ，份量是否足夠 ，真是很週到的服務， 食完美味的餸菜， 店員還主動送上薑汁雪耳番薯糖水， 成就一餐圓滿的潮州晚飯。🤩🤩

<一年一度母親節飯>算係天水圍比較體面嘅一間中菜。5個人散叫左5樣野食，埋單$1415。茶錢$16一位，另加服務費。香港地係咁，租貴人工貴。用餐體驗：侍應人手充足態度過份熱情 本身想叫一例燒鵝 $198啊姐猛話話$298 半隻好抵食 逼迫我地叫左半隻咁最後都係食剩1/3 食物質素：食得飽整體：茶餐廳質素 四倍的價錢 好在易訂座沒有下一次

由於自己係住喺元朗區，所以經常去屯門，元朗，天水圍搵嘢食之前，網上得知呢間茶樓，下午茶做緊特價，所以就同屋企人入嚟試下，味道都唔錯，好抵食三個人都係食咗一百零蚊😄

酒店樓下就是這間潮潮居。一年前吃過。琴晚再到訪。爆滿要等位。無等到。今晚預先用openrice訂好位。執完野就直接去吃。冬至期間。菜單不像平日。沒有套餐。今晚一去到就有位了。叫了瑤柱豆苗。雞。咕嚕肉。賣相不錯。最好味是咕嚕肉。飯後送糖水。環境都舒服。服務也不錯。侍應就在隔離。隨時可以找到人幫忙。整體感覺不錯。埋單5百幾。最差的是廚房亞姐唔識上菜。亂放下了就離開。明明應上菜的位置不放。將餸放在一旁。很奇怪

假期留港，老媽子想出去食飯，呢間酒樓佢常去飲茶，就試試他的晚市。周日客人不多，一行四人七點到達，順利入座。點了兩餸一湯，海鮮孖寶，整體質素非常不俗，個西洋菜湯豬肺湯飲完唔記得影相，都好足料。潮式香煎蠔餅蛋香十足的蠔餅，熱辣辣脆卜卜，加埋個魚露，正！香酥芋蓉鴨呢個最好食！經典潮洲手工菜，層蜂巢鬆脆，芋泥軟滑，加埋炸珍珠葉，一碟八件，令人欲罷不能，即時清碟清蒸沙巴仔新鮮，火喉蒸得啱啱好果皮南非鮑魚鮑魚唔算好大隻，入口彈牙，個陳皮幾香，加埋啲蔥絲，好味😋最後送咗個蕃薯糖水，大滿足😌

總結: 酒樓只為自己工作，漠視客人需要，包括生理上嘅餓，心理上嘅道歉。工作上欠缺系統，截咗單先嚟問齊唔齊，然後唔齊就話無得追，無得加。呢間酒樓都幫襯咗好多次，勝在有鐘意飲嘅人蔘烏龍。初頭見到經理有教員工認真擺位，好似好認真，覺得幾好，不錯。然後就嚟啦，我1508落單，叫咗四樣嘢，啲嘢嚟得唔算快，一碟碟咁上，嚟咗兩碟就停咗。我去餐廳就好少會追單，等到1535，一位侍應嚟問：嚟齊未？幫手埋單。我話：未齊，爭兩樣。轉個頭，畀張單我侍應：話落咗兩樣，無其他。我：我落咗四樣喎，比返我落單張餐紙我睇下侍應竟然話:無喎，過咗落單時間，無啦，唔好意思。我……（心諗：食咗兩樣點心，完全唔飽喎，落漏單，唔幫我追不特止，話無？咁就直接搵白衫經理，點知一樣無禮貌！我：經理，可唔可以比張落單紙我睇，我落咗四樣嘢，嚟得兩樣。經理去check單，入翻單，咁我返去坐低啦。經理轉頭話，得翻粥，雞紮無啦，ok我心諗。。。吓就咁講句ok？一句唔好意思都無？同埋起碼應該問我要唔要轉其他點心？我哋兩個人食得三樣嘢。。。最後，經理仲想嚟吹埋單，特登走過嚟問啲嘢齊未。。。。未截單前唔問，到截哂單，追完單，先嚟問？齊唔齊您唔知㗎咩？

早市超值孖寶 $36可以揀兩款點心-天天煲靚粥 煲得好綿滑，入面啲料都幾多，所以我哋後尾再叫多個。-避風塘蘿蔔糕有炸蒜令蘿蔔糕昇華咗，煎得啱啱好，最緊要係一啲都唔漿口。-酸甜梅子豬手幾爽口，細細舊易入口。-香茜牛肉腸腸粉好滑，芫茜味唔算好出，唔會蓋左牛肉味。-蜜汁叉燒包包唔乾身，啲叉燒量都足夠，唔會得啲醬。-鮮竹牛肉球夠彈牙！-潮州粉果好大粒，皮好煙韌，入面有花生，韭菜等餡料。-紫水晶蝦餃（2隻）$13皮好薄，一啲負擔都冇，可以食好多粒。-蟹籽燒賣皇（2隻）$13爽口彈牙！-豉汁蒸鳳爪$21唔會蒸得太腍，仲有爽嘅口感。茶位$13/位

在openrice 訂檯，說有優惠會送燒賣，現場卻說星期日無得送，但openrice 卻顯示已出席並已兌優惠。沒有就是沒有，𣎴要誤導。訂檯後預早10分鐘到，要即場再等叫號，多等約10多分鐘，人多可接受。有檯後要在檯旁等員工執檯，可接受，但拎新餐具上來就是一份份杯疊碗疊碟的放在檯上，再加10幾對筷子一堆擺在檯，將大排檔模式完美融入。檯面有暖茶用的酒精爐，但無人來點火。歡迎手機點餐，但沒有給我們QR code。送點心的姐姐服務態度倒值讚賞，主動問要唔要醬料。食物是𣎴錯的。滷水豆腐很滑，蠔餅很香脆。在香港，服務𣎴能有期望就對，這裡至少食物合格，服務嘛，又𣎴能說是差，就是樣樣都爭啲啲。

端午節的家庭聚餐，由奶奶提議，估唔到性價比都幾高，叫咗個4餸1湯套餐$398加埋1鹹菜、1啤酒、1白飯同茶位連加一係$600左右，滷水雙拼，鹹肉豆腐，枝竹斑腩煲，金銀蛋莧菜加個西洋菜豬肺湯。呢4個餸質素堅唔差，暫時係天水圍幾間茶樓中算係最啱口味！用OpenRice訂位仲有一個小菜送，食完全部嘢仲有蕃薯雪耳糖水，糖水好重薑味，意料之外全部都好啱口味，性價比也相對較高，服務都唔錯，決定以後家庭聚餐就會去呢度啦，最緊要所有餸係有味但唔鹹，值得推薦！

我同一位外國客人（第一次來香港）喺呢間酒樓食到一肚氣、9點入去、好快咁order 3個餸、2位花膠加兩支啤酒、佢哋出菜慢、又趕住收工、係咁每10分鐘不斷問我要唔要其他嘢食、當時佢哋已經同我講不如埋咗單先、同我講可以慢慢食、坐耐d都得、唔駛趕、點知埋完單之後又係每隔5至10分鐘再問我哋要唔要其他嘢！之後重大大聲喺我附近講收工啦、跟住再熄燈同閂冷氣、明顯係想我哋打包D嘢食走、當時只不過係晚上9:40pm！！啲餸只係食咗三份一、客人嘅啤酒都未飲晒、最終我屈服！！！好尷尬咁樣叫我個客人離開、再將所有食物打包走。我以後都唔會再去呢度食飯！ (當晚消費差不多HK$1200、由坐低到走大概只有50分鐘！！！其實佢哋可以喺我order 前或入席時直接講10pm要閂門囉、佢咁樣好騷擾！重話要吸引旅客消費！！！ 我個客人最終返酒店食杯麵！因為酒店房個雪櫃又細、唔夠凍、酒店又冇得翻熱D食物、重有係其中一隻碗有2粒飯乾痴咗喺碗邊！）

今日陪親戚嚟天水圍，佢話呢個位以前嗰間酒樓麻麻，轉咗手就未試過。依家呢間門面都裝修得幾好，於我哋三個人入咗嚟。原來間酒樓都好大間，而且啲枱唔係好密，都坐得幾舒服。坐低見到點心紙上面寫住，上午11:00至下午4:00都係下午茶，仲要大、中、小點都係$26。超正！👍🏼👍🏼👍🏼我次次喺第二啲酒樓見到灌湯餃好貴，都唔捨得食，呢度啲魚肚係大點都係$26隻，今次一於「食豪啲」一人一隻。😂😂我哋仲叫咗樱花𧎚紅米腸，唔知道用紅米做，就真係會俾啲顏色嚇親😂，外面啲腸粉夠滑，入面條好似響鈴嘅就好脆。😋芋蓉鳳尾蝦賣相幾好，淨係睇個名估唔到原來係芋角加隻大蝦，如果你鍾意食芋頭，要試吓呢個。😋😋我麻麻哋鍾意食蝦餃，呢度嘅帶子鳳眼餃對我嚟講就係改良版蝦餃，可能因為有塊帶子同魚籽喺上面，食落又真係唔錯。最後我哋叫咗呢碟豉椒肥牛鵝腸炒河，雖然肥牛肉唔係雪藏肥牛，而且都好味，不過啲河粉炒到碎晒，鵝腸得幾條，呢樣坦白講真係一般，加上要$98相對點心嘅價錢，呢碟就冇咁抵食。我哋今日叫得太多嘢食，其實唔使叫碟炒河都夠。整體價錢平、點心質素高，我哋都覺得會再來，不過淨係叫點心😂，我哋三個其中一個住九龍，佢話坐車入嚟食都抵。😂👍

兩次早茶，樓面服務態度嚴重極度惡劣，拖累了原本食物質素！第一次，比咗個鄰近窗邊位置，人都未坐低就問飲咩茶，就有個紅衫呀姐，由茶房大聲問飲咩茶，原本諗吓有咩特色茶，就聽到樓面大聲冇禮貌講：［都未諗定］，喂阿，我枱都未行到去，一心二用唔到囉！第二次，一朝早8點，冇人帶位，自已己搵位，明明窗邊大把位，負責窗邊位置紅衫樓面居然話有人，但枱面唔見有茶壺放喺度，又冇放reserved 個牌，跟住就指咗我去一張我唔想要嘅位，算😡，過咗10分鐘，望過去個張枱，仲係冇人，頂🤬！又係開茶，超冇禮貌，問佢比茶咭睇吓有咩茶，佢揾唔到，就話，你自己想飲咩茶，頂呀，唔好hea 我啦，明明有其他茶選擇，我有比加一服務費架！我明，我都係打工，我只係要求有基本服務態度，咁都做唔到？🤬🤬🤬😡😡😡酒店附近酒樓，今時今日咁嘅服務態度，影響遊客對香港印象！

今日係星期日。剛剛有假期就遠啲行啊，去咗天水圍咁就想飲茶啦，見到一間潮潮居，以為係食潮州野原嚟都係食粵菜，咁我就點咗中意食嘅龍蝦伊面同埋幾籠點心。味道都唔錯但價錢不便宜😂