影片
港鐵尖沙咀/尖東站 A1 出口, 步行約2分鐘
繼續閱讀
電話號碼
29803266
營業時間
今日營業
10:00 - 00:00
星期一至日
10:00 - 00:00
以上資料只供參考, 請與餐廳確認詳情
食家推介
茶餐廳、車仔麵之外，粉麵店就是港人很喜愛的餐廳類別，一來隨處都有，二來就是味道好，今晚來到「潮發」又是快閃吃一頓便飯。粉麵店的環境就沒甚特別，地方小小，但很人氣，看到不少客人都是人客來。地方整潔光猛就可以了，來粉麵店都是想吃美味食物，不是吃環境吧！雖然是粉麵店，但加了茶餐廳自居，故店家都有飯類、小吃供應的，以尖沙咀遊客區而言，實屬合理。先來一份「秘製南乳豬手」($89) ，我們這個是小份的，人多的話也可以選大份。豬手炆得十分入味，陣陣南乳香味，而且，甚富骨膠原卻一點不膩，我們一人吃到兩隻，已足夠滋味。稱得為招牌，當然是煮得有一手，所以，就點了這個「招牌牛三寶粗麵」($69)，三寶包括牛腩、牛筋、牛肚，三樣食材都很好吃，牛腩口感鬆化肉味濃，牛肚煙韌有彈性，牛筋軟滑具咬口感，而粗麵口感十分之爽口，卻沒有太重鹼水味。老友是多心之人，所以，一眼就看中這一個「八寶米」($79) ，包括了墨丸、魚餅、魚餃、魚扎、魚蛋、片頭、雲吞、豬肉丸。湯頭清甜，而各種食材嘅食味都不俗，吃得出不是平價貨，最好就是一次過試到多款食材，比吃兩碗變得划算喔。這裏沒有跟餐飲品，都是省點的，如果有跟餐優惠就可以省點錢。不過，外間天氣寒冷，我們也點了兩杯滋潤熱飲：「蜂蜜菊花茶」（$19）及「檸檬柑桔蜜」（$19），兩杯熱飲也十分清潤，喝下去感覺特別舒服。在「樂道」這條街有很多食肆，單是粉麵店也有好幾間，從入座率而言，這間「潮發」可以說是 人氣旺盛，足見其質素有一定的水平。
繼續閱讀
招牌牛三寶麵牛三寶有牛腩、牛筋、牛肚，賣相吸引，牛腩大件多肉，咬開一絲絲而且嫩滑。牛筋啖啖骨膠原，煮得岩岩好，彈牙又輕易咬開。牛肚彈牙，煮到入曬味。麵底爽口彈牙，而且掛汁。撈麵既腩汁帶少少辣味，超正。而撈麵附送的上湯，有啲人會撈落麵一齊食，而我就會分開飲。呢個食法都比較正宗，因為香港的撈麵用了鹼水麵，麵較身乾及易黏在一起，所以會附上一碗湯，供食客飲用，係香港獨有食法。不過點食都好只要啱自己口味就得😆酸辣皮蛋有啲辣味既酸菜同皮蛋，味道好夾，超開胃。另外將啲酸菜加落撈麵度又別有一番風味。凍檸茶港式檸檬茶，茶底微澀，檸檬大大塊厚切，正👍
繼續閱讀
店舖小小，環境企理，我地叫左白灼鮮豬潤❤豬潤滑嫩冧軟零so味!!白灼鯇魚片❤鯇魚魚肉鮮香細嫩，口感都有彈牙，而且仲要係LUM位，好鮮甜，但要小心件件都有骨，配埋佢地個蔥豉油食，鮮味更加提升呢2款菜色既鮮味道真係一百分，雖然份量唔算多，但間唔中食下，滿足下口感真係好正!!!紫菜蠔仔肉碎湯飯❤鮮甜味美，湯飯唔死咸，亦唔會有沙，最中意係粒粒漲卜卜蠔仔，大大碗好抵食!芥蘭❤爽~ 脆~位置方便，想食粉面 / 粥，呢到一定冇介紹錯
繼續閱讀
今個星期日，有朋友嚟香港玩，正好下午茶時間肚餓，就去尖沙咀嘅一間潮州粥麵茶餐廳食嘢。雞包翅湯飯呢個湯飯真係好豐富！雞肉嫩滑，鮮味十足，湯頭清淡卻又有滋味，真係一碗可以令你食得好滿足嘅飯，特別適合想食啲暖心嘅食物。牛三寶飯呢碗飯融合咗牛腩、牛肚同牛舌，味道層次好豐富！牛肉煮得軟嫩，配合米飯，簡直係一個絕配，食落去每一口都有唔同嘅驚喜。潮式爽滑魚皮呢個魚皮真係一大驚喜！食落去好爽脆，完全唔油膩，口感超級滑，而且上面仲有啲花生米，增加咗香脆感，實在係一個完美嘅搭配。酸辣皮蛋呢個皮蛋唔單止好味，仲有啲特別嘅酸辣味！因為我唔食得辣，所以特登叫老闆將辣汁分開，佢真係超體貼，令我可以享受到皮蛋嘅鮮味而唔使擔心辣味影響。蠔油芥蘭芥蘭鮮脆，搭配上濃郁嘅蠔油，入口即化，真係好開胃，特別適合嗰啲鍾意食青菜嘅朋友。總括來講，呢間茶餐廳真係非常適合聚會，食物質量高又味道好，服務亦好周到，真係值得再嚟！
繼續閱讀
是晚想食粥，就到左isquare旁的潮發。七點幾黎到，食客十分多，意外係有唔少遊客，仲要係來自馬來西亞、泰國等地區，當然仲有唔少國內啦。喺門口等位落定單，一有枱就可以上菜了。⭐酸辣口水雞飯朋友點左口水雞飯，呢度係酸辣口味，上面有一堆酸菜，下面就有辣椒油，雞件都幾嫩滑，酸酸辣辣好餸飯。⭐皮蛋豬潤粥自己點咗皮蛋豬潤粥，豬潤有幾大片，食落爽口冇揸，皮蛋下得唔少，粥底軟綿綿，幾好食㗎😋⭐紫菜四寶湯仲有紫菜四寶湯，四寶有魚蛋、魚皮餃、韭菜餃同豬肉丸，湯底有紫菜香，都唔錯呀。⭐韭菜湯餃聽講呢度個韭菜餃好正，叫咗一碗淨食湯餃，入面有成八隻餃，韮菜餃皮薄餡多，韭菜味香濃，係幾好食喎。⭐蠔油芥蘭仲加咗條蠔油芥蘭，芥蘭翠綠爽脆甜，最近少菜食，整返一碟啱曬啦😆小店十分繁忙，平均30分鐘翻枱，好有香港人特式😎
繼續閱讀