潮豐粉麵茶餐廳 (已結業)

Came here for some Chiu Chow style food.Heres one of the dishes we had.★☆★☆★☆★☆★☆★☆★☆★☆★☆★☆★☆★Squid combo:I only ate the squid which had a nice springy texture.It was not too salty or oily because some places are much oilier.There was not much sauce because most of it was absorbed by the squid and it had a very bright orange colour.★☆★☆★☆★☆★☆★☆★☆★☆★☆★☆★☆★

今日又係好凍,繼羊腩煲之後好想食煲仔飯!!行下行下就入左潮豐度喇...不過原來官塘無乜食煲仔飯既地方呢!!一入到去就叫左兩個煲仔飯!!1) 鳳爪排骨飯2) 窩蛋牛肉飯之後再加多個蠔餅添, 正!!其實佢D煲仔飯最正之處,係整到真係有焦, 唔會太濕!!有時D煲仔飯會整得唔夠乾身,到時加埋豉油就會好濕, 食糊仔咁!!而且D餸都OK足料不過個蠔餅有少少油淋淋咁囉,唔太脆, 而且無乜蠔仔, 好似食粉漿咁...希望下次有改進啦!!好少食肆會自動波拎晒兩樣俾你點!!通常得魚露Only, 但佢竟然主動俾埋辣椒醬!!真係幾抵讚, 值得繼續幫襯!!

相約左今晚食飯補返，我就建議去觀塘食啦：Ｐ，一向除左壽司飯之外都什少吃飯，但今晚你話想食煲仔飯記得中旅社附近有幾間茶餐廳之類都開到好夜，反正壽司要等就行過黎一碰運氣嘛。咦，真係仲有煲仔飯食喎，咁就入去試下啦未打開餐牌我已經諗定要叫北菇雞煲仔飯($52)，事關其他果D我都唔係太岩，雙拼加幾蚊要左潤腸然後再想叫多樣野食，諗左好耐叫鳳爪，豬手定叫碟菜？最後叫左碟白灼菜心($12)又唔洗叫碟炒菜成五十幾咁貴，仲清d添，岩哂我：)白灼菜心黎先，係正常既，冇咩特別，應有的味道，不用多提講返個煲仔飯，確實等幾耐冇留意，或者可能因為等既期間有傾有講所以唔覺等得耐送到上黎既時候，焗多兩焗等左陣先打開蓋，加豉油，食得。飯並沒有洋溢住北菇雞應有的香味，飯上放了少許椰菜，很清甜，先試一口熱辣辣的飯，有點失望，北菇雞的味道完全沒有融入飯中，可以說其實只能吃得出豉油的味道。是火候不夠還是怎樣？在家自己煮的北菇蒸雞未熄火也會有陣陣的香味流出。雞味道一般，肥的部份比較多肉較少。反而加錢的潤腸就不錯，可惜略嫌份量太少。大約只得一隻中指的長度。吃到最尾食哂所有飯焦，好容易就可以整到飯焦出黎食，但略油，可能正正因為油較多，

星期日例在觀塘食早+午歺，剛入座時，只有一位阿姐送茶、歺和落單，其餘...午飯中，所以坐咗10-15分鐘，成功的隱咗形，基本像沒有人見到仔仔和我，當侍應用膳完畢，一切回復正常，阿姐送茶及落單。麵歺 - 朱扒麵 加火腿奄列 朱扒麵 - 從來未見過有3-4條菜蕊放入朱扒公仔麵，大光麵淋咗少少，但湯底有菜蕊..怪怪。炸雪朱豬，食出雪味，失敗 火腿奄列 - 經常忘記影相，碟一上枱，用一分鐘..得番隻碟，好吾好味...應該OK焗牛扒飯 - 先炒後焗，用鋼盤，相當出色，加上少許蕃茄、粟米、洋葱，吾食蕃茄的仔仔，也幫手吃了細半碗，牛扒未全解凍，超重雪味，過淋身有牛肉味，補番數凍咖啡 - 賣相一流，但帶少少酸，敗筆凍檸茶 - OK94元..都算貴的早+午歺

七月中旬‧晴來買外賣，要了碗墨丸併豬肉丸。總覺得潮州店的墨丸總不失禮，這裡的不算很真材實料，不過就都幾有墨魚的鮮味。豬肉丸反而還爽口，都不錯。淨雙丸要廿六元，不便宜的。

lunch time時間,諗住入到去叫下個粥食下啦點知要成40幾蚊搵鬼食咩..去海皇都5洗呢個價啦所以就望下隔離台食咩有咩推介啦,結果,我叫左個牛肚面加凍檸水..再睇睇張單..加埋要成32蚊..杯野要成10蚊..諗住都甘貴,應該都有甘上下好食啦,點知一放入口,嘩!!!!!!好似放左個鞋底入口甘呀...鞋到媽媽聲,....再飲啖凍檸水啦........嘩!!!!!!!!!!!!!!!!!!!!!!!!!!!!!!臭水黎........飲左2啖,食左2啖鞋底面就即閃.......真係無下次....................之後仲要係街吉番串野食先醫番個肚...真係無陰公....

17/05/2010 晴天近日愛上了食潮州菜式, 今天我們一家去了觀塘打冷了,爸爸帶我們去了潮豐食晚飯一坐下來已經由他親自order....豉椒炒竹聖子皇----多數都係豉椒炒, 非常惹味,聖子好鮮甜青瓜炒大蝦---蝦都好爽口彈牙, 青瓜都好脆口, 還有一些魚菘,都好夠鑊氣豬紅韮菜---豬紅好爽滑桑嫩, 韮菜都好有咬口, 不過味道有點過鹹和好多油....鹵水什拚盤---有墨魚, 紅腸, 鵝腸,豬大腸...., 太豐富了鹵水都幾香, 不過真是好美味, 款式又多, 打冷一定要order 鹵水什拚盤,看見已令人垂涎 招牌炒大蜆--- 蜆肉的size都算大,而且好入味, 用了豉椒炒勻都是好香辣惹味, 未開的蜆都不是好多, 証明炒得夠均衡, 吃鑊氣一流的豉椒炒大蜆 潮州煎蠔餅--金黃的蠔餅也是令人討好, 蠔仔鮮,蠔仔都算大粒, 煎得更是香脆,食落更是香口惹味腐乳炒通菜--不是太翠綠新鮮而且有點老,而且過多腐乳醬, 有點過鹹,食了幾條都冇再夾了灼東風螺--牙籤一拉就可以了, 肉質實淨幾鮮甜,又有咬嚼的口感,品嚐時可以加些余均益辣醬及甜醬, 味道更加香濃一些, 淨食不加醬都可食出鮮味整體來說, 食

今日專誠去牛頭角這間茶餐廳吃煲仔飯，只因覺得這間茶餐廳的煲仔飯比廟街的更香、更美味!!我今次吃七星伴月煲：牛肉、雞肉、排骨、臘味(臘腸和潤腸)、瑤柱、鹹蛋、蝦乾，特別得來又真材實料!真的未打開蓋都聞都香味呀~另叫一個比較普通的鳳爪排骨煲，都很美味!不要以為茶餐廳就不會有好味的煲仔飯，我眼見好多顧客都是來吃煲仔飯的呢!上年我來吃的時候迫滿了人；不過今次去它終於擴充營業了，在隔離多開了一間打冷的，人流分散了，找座位比較容易，但都滿座啊!服務態度都不錯!一定會再來的!

今日朋友黎觀塘食飯. 講真我就冇乜心水都係求其入一間茶餐廳食小菜哩間野係咁. 一個小菜$41 左右, 奉送兩碗白飯同一杯野飲如果唔要餐可以減$5我地得3條友, 叫3個餐咪即係6 碗飯...胸毛侍應超好傾. 佢過黎話介紹條魚, 又叫我地唔好搣餐牌, 老細話要黐住個餐牌, 都話左佢知有人會搣架啦...我地叫左一個魚腩煲, 魚香茄子煲, 蝦醬通菜炒鮮魷魚腩煲$41, 好香. 勁多魚囉真係, 成個煲都係, 絕對冇偷工減料求其搵d 蔥顫高.不過d 魚夠多骨, 都食左幾耐. 到最後都食剩.魚香茄子煲$41, 都好香. 茄子唔會太林唔會太硬. 正呀!蝦醬通菜炒鮮魷$39, 好大碟, 好多菜, 鮮魷都好爽.檸茶較甜.講真依家好少食到d 咁有水準既茶餐廳, 而且真係抵食, 份量亦都唔細.我地仲坐左成2個幾鐘, 唔好意思阻住佢做生意.如果兩個女仔黎食, 叫一個菜就有兩碗飯, share 每人$20, 真係會超抵! 強烈推介!!!下次要試下佢既煲仔飯, 睇落d 飯焦岩岩好. 但就$40, 好似貴左d

天氣冷得床也不願起，索性跳過早餐，直到2 時多餓得受不了才穿上大衣到觀塘搵食。這麼冷的日子，最適合就是點一碟咖哩牛腩飯暖暖身　：咖哩又香又濃，不會過辣；牛腩夠腍夠入味，薯仔約有3 塊，吸盡咖哩的精華；白飯近有2 碗，撈咖哩一流，值得一讚的是咖哩份量足夠，撈完整碟飯後還有1/4 碗。　美中不足的是白飯是用碟上，未能保溫，小妹坐在冷氣口下，不消10 分鐘白飯就變得冷冷的，幸好咖哩夠熱，尚可彌補不足。跟餐的咖啡，一般水準。這兒的咖哩可算是觀塘茶記中最出色的一間，不枉我冒著冷風過來呢　　離開時全身都暖和起來，是咖哩之功吧！

呢間茶餐廳我好鍾意黎食ga ^_^去APM行軋街就成日黎食煲仔飯價錢ok! 質素好好!今次食lunch, 豬扒腸仔蛋飯, 飲凍檸茶, 有埋湯飲 :*)一定會再黎食呀 :*)

約朋友吃飯一向很少會選茶餐廳，覺得每一家賣的東西都差不多，只是填飽肚子而不是享受美食的地方，但潮豐是例外。第一次來是兩年前被弟弟拉來吃宵夜，他甘願在凌晨二時步行十五分鐘來吃的焗咖喱飯果然不同凡響，讓我對茶餐廳刮目相看。今晚想吃個簡單快捷的晚餐，W便提議來潮豐，一坐下二話不說先叫了他想念不已的蠔餅，其後再點了焗咖喱牛腩飯和XO醬雞扒炒公仔麵。咖喱一如既往非常香濃美味，絕對是港式咖喱的代表作，牛腩是先行煮熟再淋咖喱汁入爐焗，但牛腩本身有調味，煮得很軟滑，和咖喱汁出奇配合，而且避免了混在咖喱汁中同煮的那種油膩；飯是蛋炒飯，當然不是金鑲銀，但夾在飯粒中間的蛋塊色澤金黃，也有蛋香，加起來，真是一盤完美的咖喱飯。炒公仔麵也是水準之作，麵條軟硬度恰好，配料有切丁的雞扒、洋蔥絲和青椒絲，入口先是覺得有點甜，再吃下去就鹹鹹的香香的，也不知怎說，反正就是好吃得停不下來。壓軸的蠔餅依舊香脆，唯一的缺點就是蠔仔小了一點，份量也不算多，但新鮮熱辣地吃，上面灑滿蔥米和芫茜，倍添香味，讓人滿足得想歎氣。跟餐我們都要了凍檸茶，連飲品都不曾令人失望。到底是茶餐廳，味精是一定有的，但又如何呢？這兒的食物，決不是單靠味精便

我地次次黎食野都食呢度d炒野, 代表作是乾炒牛河, 真係好好食, 唔太油, 又大碟。不過呢排佢悄悄地加價, 由原本$29加到$31, 如果係呢個價錢就麻麻地抵食lu...所以變左2個女同事share一碟, 掂左!p.s. 阿姐好好記性, 佢記得我食乾炒牛河係"扣面扣底"!!哈哈

Lunch走入來食碗牛腩米,點知佢哋的牛腩與我們平時食開的分別很大呀.每一舊的牛腩都連住一塊似羊肉皮的一層透明片狀的皮,唔敢食.

一句講晒: "典型街坊茶記"...極之普通---- 公仔麵炒得唔夠乾身、梳打牛當道，醃到完全冇味...可以不理...