潮食街 (已結業)

平民的自助餐，食物還不錯，但款式不夠多，這裡甜品我最like, 但是期待已久的鮑魚和生蠔沒有出現，我們在星期三食；後來問，原來要星期五、六、日才有！😅😱，下次會醒目地問清楚再訂！

價錢非常抵，可以一試。燉渴（先攞咗食到一半飲，因好快冇同埋飲咗先食唔到其它嘢）同埋和牛帶子漬飯一定要試。只是甜品和沙律比以前差小小，但冇加價都係物超所值。仲有四款haagrn dasz食。

估唔到新蒲崗工廠區開了間酒店，朋友介紹1/F「潮食街」好味抵食，响OpenRice 訂位，星期一、三、四有6折優惠，$428原價，折後埋單$299，$300有找。星期五、六、日及假期有生蠔及鮑魚食添😋😋食物選擇多樣，推介食物：1、燉湯：豬骨燉象拔蚌2、長腳蟹腳、麵包蟹蓋、翡翠螺3、天婦羅4、帶子和牛茶漬飯、日式海鮮粥5、牛油煎鵝肝今日訂了晚餐5位，一早到咗，餐廳個層有桌枱、有層層疊可以免費任玩，又有梳化可以坐住等，好易打發時間。地方大，環境舒服，食物好味，的確扺食😍😋

繼上次介紹過自助餐 似乎有點成癮 跟親愛的食好d 上網見呢間名叫潮食街好評如潮 於是走去一試究竟 位於新蒲崗工廈內既貝特爾酒店 設計新潮之餘帶點心思 帶點文青風之餘又不失格調 玩味十足 入座後就可以自行搵食 當日所見 分區頗有心思 令食客可以清晰知道有什麼類別 有多個菜式而且款式也不算少 韓式年糕炸雞以致日式茶漬飯，印度咖哩應有盡有 沙拉凍食甜品連煎鵝肝也有 五花八門實在令人眼花撩亂 食物精緻而且味道也算不俗 不會過於濃烈 除了特色食品也有合一家大小既家常小菜類 即煮粉面不可少吧更有燉湯 尤其欣賞甜點 款式特別是別的自助餐吃不到的 在場更有即場製窩夫 也有哈根大師雪糕 價位雖然不算平宜 不過勝在食物質素不俗 加上用Apps有折 實在值得一試 潮食街 地址: 新蒲崗六合街19號 九龍貝爾特酒店1樓

所有食物都好快速度不停供應值得一讚每台都有清蒸鮑魚仔，即開生蠔好新鮮，開蠔師傅仲好有禮貌對每位拎蠔嘅客人都講Thank you，長腳蟹有鮮味，麵包蟹大隻好多膏，燉湯真材實料，即滚粥，即煮麵，即整窩夫夠脆口，煎鵝肝好香好鬆化，漢堡包仔皮脆肉淋，咖哩薄餅脆卜卜，羊架/牛一句話想要熟d位置，廚師即刻話可再幫煎熟d，服務員個個態度都好有善，台與台有足夠空間，就算坐滿人，都吾會感覺好嘈仲有樣好貼心嘅就係好驚喜咁送上寫住Happy Birthday點上蠟燭嘅小蛋糕(只係訂位時提過係慶祝生日飯)

Recently moved into a nearby office so found this restaurant in this nice hotel. We thought it was such a good place for eating in HK.Since we have visited this restaurant for 3 times and have 3 disappoints.First time, OK. no problem. Ordered pizza, pasta, and beer. All of them arrive on time and satisfactory.Second time, I came here alone and ordered a Sommersby apple cidar.Ended up when I discovered the waiter finally brought here a  bottle but she instantly poured it into a metallic HK style

抱著期待的心情用餐，結果沒有熱粥，很失望，裝白飯的鍋子看起來很髒；餐食選擇不多，感覺廚師等著做午餐場，出餐很隨便，跟飯店星級比起來，餐廳水準失色許多，ㄧ個人100多塊港幣，覺得完全是被坑。

呢間自助餐都唔係第一次黎第一次黎係見到團購有平食過之後都覺得質數唔錯所以有折既時候都會黎食有時仲有額外食物送添今次再黎感覺比起以前多左人不過由於餐廳設計都唔逼所以都仍然坐得好舒服刺身方面 都有幾個選擇都幾新鮮架係街市買沙律菜都唔便宜又點可以錯過今次機會其中一樣最鐘意呢到既食物就係佢既燉湯每次都起碼飲兩轉先夠喉多料 夠火喉 另外 海鮮類雖然唔多但係基本大路款都有齊不過不失飲品方面呢到就任飲有汽水 熱咖啡等等啲汽水飲落都唔似溝左水另外一樣黎到必食既就係格仔餅喇每批都係新鮮做架而且每次分量都唔多有時慢左幾步就要等下轉架喇甜品既種類都唔少味道一般食自助餐又點可以唔食雪糕架呢今次呢4隻味都好岩我口味綠茶味帶有少少苦 好有綠茶本身既味道呢到將餐廳畫分左唔同區係中式懷舊區仲會見到舊式香港既糖果山楂餅真係好耐無見過呢雖然食物款式唔多但係環境好舒服岩哂同朋友聚舊

透過團購買左15位係母親節當天食brunch，由訂座到現場用餐都十分滿意職員的服務態度。餐廳座位安排亦很寬倘，食得舒服。至於食物質素，即開生蠔偏咸但源源不絕，乳豬好有驚喜，至於刺身及壽司則選擇較小，不算新鮮。加一後每位$300幾蚊算係咁啦

第一次食咁差o既自助餐~~明明看到相片有即開生蠔, 但去到竟然話假日先有,  但價錢牌及預約時無明確指示  (好的, 就當我無問清楚吧!!), 食物種類好少, 而且唔好食, 好普通既野都唔好食, 而且 REFILL 得 好慢,  唯一OK係燉湯還可以~埸內人手不足, 員工常常唔o係自己岗位上, 每次出去拎野, 員工都會話: "仲未得, 等多陣, 你轉頭出黎丫", 好喇, 咁我轉頭出啦, 一係就無人, 一係就比人拎晒, 一係又話仲未得..............(包括海鮮粥, 迷你漢堡包, 麵等等) , 仲有員工在烹調時不斷傾計, 完全唔專心, 客人一路等, 一路望住, 佢地都斷續傾, 旁若無人~

前一日年初一，我還在阿姨家中拜年的時候，阿姨在我準備離開之際，詢問我年初二有沒有節目。我簡單回應她「沒有」，於是她跟我說年初二她們晚上，會在新蒲崗某酒店餐廳「潮食街」，問我有沒有興趣。自問狂熱偏好食酒店自助餐的我，當然二話不說樂意接受邀請。不過這間位於新蒲崗的新酒店，我平日在新蒲崗來來回回，出出入入多日，卻始終還未正式見過那酒店的「蘆山真面目」。所以我年初二來「潮食街」餐廳門口的時候，我不期然被「潮食街」具「潮氣」的一面吸引住。因為「潮食街」的入口接待處，竟然放置了一部美式桌球檯，現場還有人正在對打美式桌球。另一方面，我發現「潮食街」入口沒有展示任何價錢牌，價目表等等的東西，令我一度有點擔心，最後沒有任何與餐牌價錢有關的圖片可以交差。我把「潮食街」沒有餐牌價目表的擔憂暫時拋諸腦後，就跟阿姨一班親戚，魚貫進入「潮食街」的樓面，我們到了自己所屬自檯櫈，就立刻開始到餐飲區拿食品。我發現「潮食街」跟酒店，有很多來自不同國家的年輕顧客，或許正正就是因為「潮食街」餐廳設計，跟酒店一樣洋溢着很濃郁的年青的氣息，所以酒店才在餐廳內設置了「桌球檯」，以及「足球機」讓年輕顧客玩耍。我第一時間立刻在「潮食街

今次因爲團購所以試咗呢間酒店既巴西燒烤自助餐！首先講下環境先，環境一流睇得岀有用心帶岀香港風味既感覺，以前門口仲有幾張波枱，食飽飽就可以郁下消化下喇！食物方面，即開既生蠔經已加分啦，又夠生鮮真係夠哂誠意呀！另外熟食方面有多種選擇，試左海南雞又滑又易咬，炒飯同咖哩都好夠味！但特別推介既係佛跳牆，入面一d都唔hea，好足湯料架，同場既客人都拎幾碗埋位慢慢飲呀！甜品方面有最受歡迎既Haagen-Dazs，再配埋熱辣辣既窩夫，襯到絕呀！平價自助餐推介：

喺yahoo團購買左張飛 去嗰度食團年飯;HK$348+50.80 服務費=398.80。 原價係話HK$ 428。真係平少少咗囉 。話有佛跳牆， 張相嘅佛跳牆 幾大隻㗎。去到食，湯唔夠味， 鮑魚 兩毫子咁細隻。最衰係擺明唔想畀人食， 食到一個半鐘後先至送大隻蝦; 都好大隻㗎， 只不過食唔落啦。 服務員話係佢哋送㗎喎一人送一隻。 我話食唔落可唔可以帶走， 佢話唔得。 但係呢個唔係buffet枱度攞㗎嘛 點解唔得呀佢送㗎嘛! 真係好似一個小禮物咁送畀人又唔畀人攞走你明嗎？ 價錢唔包啤酒， 白酒或者係紅酒。 咁你話值得冇呢個價錢？ 話係巴西燒烤自助餐 ， 睇就似巴西，食就唔係囉。 喺巴西食過， 食街嘅一啲都唔似 ;一啲巴西嘅味道都冇。比如话， 燒烤菠蘿，菠蘿又唔甜有冇嗰啲糖燒味 。佢好嘅地方係; 環境係幾舒服， 服務員真係好， 係好多嘢食， 不過唔係樣樣得好食。 比如話， 海南雞飯海南雞好滑好食 但係啲飯就唔得啦。呢啲價錢 我上次去Ambrosia Oyster Bar 食包埋酒添呀, 仲有景睇, 餐廳高級,服務一流, 食物有一流。食街唔會再去囉。

約咗班姊妹，七咀八舌。今次就揀咗呢度潮食街，工廠區現代派。到了餐廳門外，先見到遊戲室，有波枱，有足球機…感覺超正。招待處職員們，衣著休閒，好有親切感。進入餐廳非常寬敞、舒適。食物區亦是，乾乾淨淨，絕無拘束感，擠避感，非常自在。可能揀咗閑日進餐，餐廳不至於全場爆滿。由於坐位非常近呢個燉湯，一於就試佢先，迷你佛跳牆， 唔錯唔錯…好豐富材料既燉湯。燉湯隔離係蛇羹。蛇羹感覺似碗仔翅，仲有冬暗公湯夠味。西湯有蕃茄雞肉湯。有個迷你 蒸蛋 都唔錯。有粥麵，炒麵飯。有沙律，刺身，長腳蟹，青口。魚肉燒賣，蓮容包。海南雞，沙薑雞。沙薑雞好嫩M5澳洲和牛，同一般自助餐既燒牛肉差不多。唔知係燒鵝定燒鴨，但欠缺咗梅子醬，點解會冇梅子醬點架！炸豬腸有即叫即整意大利粉，長通粉，意大利飯。生果區同甜品區選擇唔多，如果你係甜品怪，必定失望。不過有個半熟芝士撻係唔錯既。豆腐花，雪耳 紅棗 茶。唔明白點解放筆雪糕既用具個盤水，一直都唔換，混濁到爆，希望會有改善。奶茶、咖啡、檸檬茶、汽水任飲閑日除了冇生蠔供應外，都冇鵝肝同羊架！失望！我既至愛鵝肝同羊架！總括呢講係唔錯既！

第一次為了這餐廳而寫食評，絕不建議各位選購，買了週末自助晚餐，同行6個人全部食完陸陸續續出現屙、嘔、頭痛，最慘當中有兩位老人家，嘔到黃膽水都仲嘔水，懷疑生蠔是來自受污染水域。大家只有這個自助晚餐是共同食物，所以源頭都是一致來自這間餐廳，事後向酒店反映，只派出餐廳副經理陳小姐對話，沒有實質跟進，只是推卸是體質問題，想推卸餐廳責任！已向食環投訴！現向各位呼籲若曾進食過而感不適，請致電1823食環備案，若果生蠔真的來自污染水真的會有即時性的健康問題。