潮龍園

營業中

休息中

先講野食：下午茶35蚊一碗牛筋河，加6蚊多一杯野飲，牛筋夠冧係正嘅，個湯偏淡但都好味嘅。環境同服務：好嘈好嘈，食客講鄉下話，可能因為一邊食一邊飲啤酒，所以講野好大聲呱又係咁咳... 見其他入嚟食野嘅都係似內地人，因為同啲阿姐侍應講普通話，你一句我一句都好大聲，我係全程帶住耳塞睇住 youtube 但都敵不過佢地啲對話，全部都入晒耳。麵食完，飲緊最後一啖檸檬茶，阿姐就飛咗塊布落嚟張枱到執野，佢預啲時間好準無得頂，因為塊布都向我面前，我咪起身走人。攪笑畫面：1）我問阿姐：有冇醋阿姐：有我醋你我自言自語：下！醋我?阿姐：咩呀… 我聽錯咩… 你唔係要醋咩？2）埋單嗰時我問: 可以用支付寶？收銀阿姐：冇呀… 八達通都冇我：咁我比現金啦阿姐：41蚊有冇1蚊我：冇呀阿姐：好... 我找你（令我諗起啱啱先比另一個阿姐醋我，依家又找我，哩間店舖職員講野好有特色）總結：有內地嘅食市氣氛，同時又有港式食市服務態度，41蚊就可以享受到國際都會嘅魅力真係無得頂。

今日收工夜咗差不多九點，見到新開間粉麵舖諗住唔多人入去試一下，諗好食咩後就叫人落單，點知等咗好耐都未有人，唯有叫收銀幫手落單，點知態度非常惡劣，我話要韭菜餃蝦棗米線，佢大大聲話咩韭菜呀，我o曬咀，你唔想落單可以搵其他人落單，唔洗咁樣對客人。之後見到其他姐姐其實都好好禮貌，真係唔明。食物都算可以，韭菜餃幾好食，但服務咁樣既話，未必再來了。