澳門丸記清湯腩王 (已搬遷) 新店位置

丸記正正位於石門地鐵站門口，平日中午時間常常要排隊。地方整潔但座位比較狹窄。之前食過咖哩牛腩及海南雞飯，味道不錯，encore再encore。店員只大力推介蝦子撈麵，見menu 亦大大張圖介紹，就試試吧 !最後點了蝦子撈麵加雲吞蝦子非常多，帶微微鹹香。差不多蓋滿佈全碗麵。每條麵定可沾滿蝦子。幼麵不會帶強烈的鹼水味。質地比較硬加上撈均蝦子後比較乾身，要加上清湯滋潤下。雲吞大大粒，皮薄餡料多，內有多隻蝦。整體味道不錯，只麵比較硬。

從前的石門，如果要找餐廳，都離不開工廈餐廳，自從京瑞廣場落成後，食物種類頓時倍增。今次介紹的是澳門丸記清湯腩王。吃的不是牛腩，而是四川口水雞飯。先講雞湯，醇香的香味飄來，頓時令人食欲大開，淺嘗一口，唇齒間蕩漾著一種香味，蘿蔔軟軟的，吸收了雞湯的味道。至於口水雞飯，白嫩的雞肉，淋上油光紅亮的醬汁，顏色鮮明、清新亮麗，還未動筷，就開始咽口水了。夾一箸送到口中，麻、辣、鹹、香…多種滋味在一瞬間沖擊味蕾，一時實在難以找到準確的形容。

今日路過石門 見到有一間自稱 澳門牛腩王， 我便叫咗個 清湯牛腩麵， 我個女叫咗個蕃茄牛腩飯 點知我個女個番茄牛腩飯 點知個蕃茄牛腩飯切成一粒粒數埋唔夠八粒肯定是雪藏貨 而我的牛腩麵 十分硬 大家千祈唔好中伏

是日去左澳門丸記午餐，丸記位於石門站，一出站就見到，非常方便！叫左個招牌泰式海南雞飯，加$3仲有杯熱飲，承惠$51，仲配有一碗雞湯！雞湯賣相都ok，湯面清而不油！加埋啲蔥一齊飲，好香又夠熱，唔錯！等左一陣主角黎喇，講真賣相就一般，但啲雞又真係幾嫩幾滑，不過肉地就唔係好夠厚！ 佢個汁調得幾好，酸酸辣辣幾好味！而油飯有點失色，飯太硬唔太好食！總體黎講，呢個海南雞飯只係平平！ 下次可以俾多次機會佢，試下金牌口水雞，見人食都唔錯

原本約左朋友去尖沙咀食lunch，點知被放飛機，咁就同花先生去石門搵新野食。見依間餐廳話係澳門老鋪同幾多選擇，就試一試。花先生既墨丸麵，普普通通，墨丸有啲粉。蘿蔔不是鮮甜，又唔入味。片頭牛腩河，等左好耐，花先生食到一半先來⋯ 坦白講，認真麻麻！片頭唔彈牙，牛腩又唔香又無牛味，河粉仲有鹼水味道！可能有啲期望，所以都幾失望！

午飯約了幾個同事一齊食飯。呢間已經食過一次，質素唔錯，今日再翻兜。價錢合理，而且重點可以叫多飯，男人通常食唔飽係常識啦秘製咖哩牛腩飯咖喱好入味，好正！牛腩好腍，醬汁撈飯都好食！除了牛腩出色，用料足，大大塊薯仔，我最鍾意食薯仔，薯仔都好軟👍🏻👍🏻清湯牛腩河呢度招牌，牛腩真係無得輸，不硬，又軟又腍，清湯都可以咁好食，唔錯！金牌口水雞飯雞肉嫩滑，醬汁都好味。呢間果然無揀錯，果然我眼光無錯！有興趣可以試下，唔貴。

美食荒漠用黎形容石門係我一向既口頭禪，係呢頭蒲左咁多年，第一次令我令眼相看。今次一行數人試左好多野，雖然唔平，但性價比高，一向弧寒成性既我都話，呢個價，我願意。先黎沙姜雞系列，叫左飯同河。先講雞，仲滑過老婆塊面，比咁多錢買SKII，都唔夠比呢$50零蚊咁滑。最特別係個沙姜，鮮沙姜黎，香味獨特，只是一般人未必食得慣。好似榴連咁，鍾意既人就鍾意，佢舖滿成碟飯食唔慣都幾重口味下。再黎牛腩，清湯清得黎又幾夠味，肉夠淋而且有牛香肥瘦適中，因為我唔鍾意肥，諗住佢好鞋，點知又唔係，抵佢拎獎。雲吞好食既，不過都係果d，冇驚喜。重頭戲，最推介既一味，海南雞！睇圖都知，肥瘦適中，滑不溜口，最重要係佢有啫喱係皮肉之間，呢d先係上等貨，唔止滑，唔點醬已經好夠味。佢加左大量薑蓉係面，個雞完全被提鮮，又升左一個層次，可惜勁多油流哂落飯底「真·油飯」，最驚喜係個酸辣醬，綠色的但味道很出，酸酸辣辣非常開胃。$51連凍飲，抵到爛，唔係因為平，而係因為性價比超高，咁既價錢出面一定冇咁既質素。估唔到佢個餐湯都咁好飲，雞湯黎好鮮味。呢個就係「真·油飯」底，成碟油，當我氣屢緊既時候，一個搭枱叔叔一席話令我茅塞頓開，佢話「好似我

最近不停在石門嘗試新餐廳，發現附近有不少寫字樓，午飯時間一到，餐廳便坐滿了人。今次見到這間餐廳很多人排隊，以香港人的特性，一定會過去湊湊熱鬧，於是我們也跟著排起隊來。🤣店內坐滿了人，生意十分好，座位不多，坐得有點擠逼。午市套餐有不少選擇，有撈麵、飯類和粉麵，還有些越南豬扒飯等。驚喜在於冷熱飲同價，只需加3元，非常公道同事點的清湯牛腩河這是全天候優惠套餐，下年是秘制茄汁牛腩飯。上面那碗是咖哩牛腩飯，其實顏色賣相類似，但茄汁那碗顏色再紅一些平時吃得多咖喱牛腩飯，今次就試試這間的茄汁牛腩飯吧！首先要讚牛腩煮得很入味，醬汁由番茄熬成番茄蓉至濃稠，比濃湯還要濃，以我經驗要加入大量的食材煮幾次才有這個效果，甚至見到醬汁有大量的番茄皮，番茄的酸甜的味非常突出，看來食店下了很大功夫。牛腩熬得很熟軟，咬下去毫不費勁，牛筋部分仍保留了它的韌性，愈嚼味道愈出至於洋蔥也煮得又甜又軟，一口白飯配上一啖醬汁，滋味無窮白飯撈汁也無敵，十分開胃！另外咖喱牛腩飯也很出色 ，大大一塊薯仔，牛腩也很足料，要讚一讚這間良心店舖順帶一提，餐廳有張雞類海報，與大家分享，關於雞肉飯的茶餐廳術語，例如走皮、走背、走胸等，茶餐廳文化也

見佢幾多人食就買個外賣試下啦，點知真係好差好失望，海南雞飯竟然俾白飯你，個雞有6舊但其中4件都係雞翼嚟！者係全部都係皮同骨！外賣睇唔到內容就亂咁嚟真係好過份，仲要收$49合唔合理呀⋯ 以後唔會幫襯

今日紅日，男朋友終於放假啦!😍😍因為男朋友好鐘意食牛腩野，又知道石門間丸記終於開左，所以就想去試下!其實見到門口有好多名人相同獎項，都好驚會好貴同伏…不過眼見$40幾$50都有個飯食就即管入去試下😂Lunch time 唔需要排隊就入得，因為我未食早餐，所有叫左個極邪惡既越式香茅豬扒飯😂😂😂男朋友就叫清湯腩河。店入面大部分人都食海南雞飯，我見到係雞油飯😍雞件都望落好滑，下次試下!!清湯腩望落唔算肥，食落好林身!!個湯真係好清得黎有牛腩味，平時食腩麵食到一半已經好膩，但男朋友竟然食得曬仲話好食!👍至於我呢個邪惡飯，豬扒煎得好香口，上面既蔥油配埋甜豉油fit 到fat 都底!自己就覺得豬扒點左個越式酸汁會無咁油，不過唔點個味會濃啲😋 完全成個飯比我一下就蒸發曬😂平時一個碟頭飯一半都係男朋友食，今次佢都話我西利😋不過假日野飲要散叫較貴，如果平日食會著數啲😂

炸雲吞.... 蝦係生！清湯腩....味精渴口到一個點！避風糖魚皮.... 唔知同平時既魚皮有咩唔同？我一家3口， 個女6歲 ，坐你3個位正常！服務員同我講，叫我同個女坐同一個位，坐埋一邊，比人地一pair 坐！

有日路過石門 見到丸記 都好多人排隊等位 就同朋友入左去試下 丸記味道如何 同朋友試左店長推介清湯牛腩河同埋海南雞飯 牛腩顏色不但好睇 味道都岩小朋友同年輕人，老家人食。海南雞飯 啲有飯不但好香 飯仲好軟熟 食雞飯仲送多碗雞湯 雞湯係入門口之前 都可以聞到椰香既味道 飲落更加比我想象中好味！飲品方面同朋友試左茶檔手拉奶茶 我個人比較喜歡飲濃茶 所以覺得茶味好香 再加埋啲奶 簡直係比出邊茶餐廳奶茶更加好味 小食試左香茅雞翼、炸雲吞。雞翼味道岩岩好再加上有少少炸洋蔥口感一流！丸記清湯腩啲雲吞係廚房師傅自己親手落手落腳包 見到佢地好比心機 雲吞亦係選用新鮮蝦 味道比其他地方清淡少少。服務態度，啲樓面好好人會同我地有傾有笑，樓面做事效率非常高！非常有禮物！懂得待客之道！見到有埋左單既台，樓面會立刻汁走曬台上所有碗碗碟碟。比下一班享受既客人。非常熱情同我地講講笑笑，開開心心食下飯，放鬆下。環境亦都係值得讚許！樓面見到地下有好多垃圾 都會用手汁起丟落垃圾桶！會掃地拖地，絕對吾會影響到客人享受美食。總括而言！大家值得一試！招牌清湯腩同海南雞飯！味道吾差至於，老闆娘同老闆，樓面都好熱情！落力推介自己招

清湯腩超肥手打牛丸冇牛肉味奶茶澀而無味開冷氣冇冷氣唯一價錢就屬於上等清湯腩超肥手打牛丸冇牛肉味奶茶澀而無味開冷氣冇冷氣唯一價錢就屬於上等清湯腩超肥手打牛丸冇牛肉味奶茶澀而無味開冷氣冇冷氣唯一價錢就屬於上等

呢間嘢叫做清湯腩王, 又話手拉奶茶, 所以坐低咪叫咗碗魚片頭牛腩河,淨牛丸同奶茶但係一放低見到D牛腩竟然係大部份係白雪雪既肥膏, 無牛腩又無牛肉味! 魚片頭又唔掂又hea炸D牛丸咪話彈吾彈牙, 簡直吾新鮮!奶茶又苦又澀, 冇茶味!總之清湯腩超肥,手打牛丸冇牛肉味,奶茶澀而無味,開冷氣冇冷氣,但佢嘅價錢就屬於上等,48蚊碗魚片頭牛腩河32蚊碗淨牛丸D服務就衰過啲茶餐廳大排檔,環境仲感覺好污糟,冷氣又唔夠如果要去試就真係要諗清楚!!!!

同朋友係附近落左堂，見呢間好似幾多人食，點知中伏左小伏。一開始落單果時侍應連有咩飲都唔知，可能新黎唔緊要啦。見枱面都幾整潔。沙薑雞王飯，有個雞湯跟翻，上枱果陣成碗湯可能太滿，淺曬落條褲到，又無人跟翻，呢點真係過份。個湯有少少油，不過都幾香雞味。個飯上面，雞的份量都算正常，肉都幾嫩滑，不過骨的比例真係較多，所以要經常吐骨，食得有少少麻煩，同埋沙薑味得面頭的皮有，所以肉有少少淡。而飯的份量女仔食會岩岩好，男仔可能唔係好夠，要加碟菜。呢堂的上菜速度係幾快，不過態度同份量真係要改善一下，會比較好。