澳門皇朝茶餐廳 (已結業)

一個人晚飯, 本想到源記食碗粉麵, 草草了事途經門面閃閃陂晒光的茶餐廳, 被 $32 的餐牌吸引過去Budget , 食物也合意, 就在此開餐眼花撩亂, 選擇也奇多, 最終還是點了心儀的茶餐 招牌鮮茄牛尾湯通粉: 五顏六色係幾吸引, 蕃茄味雖然不夠濃, 但酸酸甜甜確也討好 通粉過腍零咬口, 牛尾影都無, 只有同場加料午餐肉, 都幾好味 厚多士, 炒蛋, 雞肉腸: 厚多即焗熱辣辣香口, 混和牛油更好食 炒蛋雖然老左小小而且份量唔小, 都過關, 最後的雞肉腸則應為過咸, 放棄了 熱檸水 : 無難度可言, 只取決於檸檬的好否, 無苦澀, 合格 價錢幾經濟, 值得再試下次試下多元化的小菜

見到報紙賣廣告....所以就同男友去試下....我地 order 咗一個 2 人餐 & 一個農夫脆脆豬套餐.....中湯 (花生雞腳湯) - 啲湯好夠味 黑椒雞球 - 雞有味. 黑椒味太淡 鮮魷虾醬炒通菜 - 雖然魷魚好少, 不過好夠虾醬味農夫脆脆豬 (咖哩牛腩) - 咖哩牛腩好入味. 唔會水奶奶...雖然個脆脆豬唔係太脆, 不過都可以接受 ***另外, 由於佢地做 promotion, 可以加 $1 order 一個奶油脆脆豬....不過我覺得個奶醬脆脆豬唔脆. 同一般 "奶醬多" 冇咩野分別***

經過兩日大假之後, 又再投入工作, 自從轉去尖咀返工之後, 出街食的機會多左好多, 附近餐廳的選擇比在灣仔時多得多LUNCH TIME 揀左澳門皇朝茶餐廳食, 其中一款午餐都幾吸引我, 就係海南雞飯套餐, 有埋湯, 雖然四十幾蚊, 但都想試一試先來一碗青紅蘿蔔豬骨例湯, 雖然有味精, 但唔算多, 都幾甜, 收貨之後係一碟去骨的海南雞同油飯... 一D都唔好食 雞肉好鞋, 雖然去骨, 但份量唔多, 雞胸比較多, 或者因為咁所以特別覺得鞋薑茸都唔好味, 好淡, 另外仲有一碟似新加坡式的酸汁, 味道怪怪的只係碗湯可以, 成碟飯就唔值得食了

叫了一個二人餐，等左好耐先有送上桌見客人不是很多，侍應比客更多！除了乳鴿之外，其餘都真係一般般。。。魚，過熟唎，而且唔新鮮，太淋了！咕嚕肉，肥油立立，真係唔多想食！通菜，老左少少，油左少少，凍左少少！上左菜，叫了３次先有飯，真係唔得！

好久沒在這裡寫食評，因為最近去的餐廳沒什麼特別，那就吃完罷了。今次因為看到飲食雜誌介紹新店，去開TST就去T一T啦！雜誌介紹牛尾湯通粉常餐，梗要試啦 - 可以吧！再重味d應該更好吃呵...下午茶嘅炸雞肶配西多粒粒，西多粒粒真係好好食，熱香不油且外脆內軟，真係好味... 而雞肶香脆又多肉汁，只兼它味道偏淡！差不多吃完飲埋柸好立克之際，就看見有位女職員，接過廚房傳來剛焗好的一大盤葡撻，她開始將葡撻用手一个一个從金屬托轉用紙托，方便拿出門外出售。問題是我看見那職員對手先前是傳食物、執拾枱面、用布清洁枱面，之後就用她5指山同手掌找著葡撻換紙托，眼看下好不衛生，每只都經她的手點過，真不想買來吃！戴个手套成本都不貴罷，管理層真係要檢討下，想信他自己看到也看不過眼罷，更何況係食客！假如這樣簡單的衛生都不懂，那怕看不見的廚房衛生更不敢想像呵！

2010-05-21 19:54221.127.x.x今天吃了一個很美味的豬扒包, 包身夠鬆軟, 豬扒又不韌, 值得大家一試......

:今天中午食飯時，經過金巴利道；有一間新開茶餐廳，我同朋友在門外看了一會；發現呢間非一般的茶餐廳，內裹裝修好堂煌，但收費係平民一般的價錢。我同朋友入到餐廳坐底前；門口已經開始有侍應招呼我地，今時今日茶餐廳仲有呢樣服務真係好少見到呢！我同朋友ORDER咗二個SET LUNCH 一個 SET A 同一個咖喱餐 。朋友要SET A ：燒豬仔肶配茨菜 跟冬咖啡 由落ORDER到上菜10分鐘到，豬仔肶燒得好香，好味道，不會燒得太燶；茨菜又係非一般茶餐廳茨條；而係跟炸茨仔同好青嫩小唐菜，我朋友話啲茨仔炸得好甘香，又不會太多油，好味道。我叫咗一個咖喱牛腩跟意粉；咖喱跟我係澳門茶餐廳食差好遠，因為上次我同朋友去食咖喱好辣，辣到好難入口，同牛腩好碎，但今次係到食咖喱有好香蔬菜味道，同有好多香料味道，入口咖喱沒有好辣的感覺，而係真正食到有咖喱香味；牛腩同牛根炆得好入味道，而不是入口即碎的感覺；而係有口感的惑劃。整體來說：地方清潔，服務OK，價錢又平，值得大家一去。