濃姐茶餐廳

營業中

休息中

今日同朋友係非繁忙時段去食樓面有三個人一個傾電話，兩個喺度傾計全部做嘢慢手慢腳枱面有廚餘個啲，揮手加嗌人等咗成5分鐘都冇人理😅嬲嬲地直接冇食走咗好心檢討一下三個人都搞唔掂樓面係咪你哋能力有問題？😅

叫左早餐A 沙爹牛肉麵，兩條腸仔，火腿奄列，方包，茶走價錢$36沙爹汁夠濃味，牛肉夠多，食落個麵有咬口，唔淋身，腸煎得香脆，奄列大份，食完呢個早餐飽到Lunch都未必食得落！總结早餐價錢實惠，份量十足，平靚正！

點了一個早餐A包括一個沙嗲牛肉麵、火腿奄列、兩條腸仔及牛油方包沙嗲牛肉麵有濃郁的沙嗲汁 有幾塊牛肉公仔麵腍度適中 做到掛汁的效果推介 腸仔、火腿奄列 正常水平 加咗一蚊烘底方包 個人認為可以在燶一啲凍飲叫咗凍華田 味道非常濃郁 推介🫶🏻$36 一個餐非常抵 （方包烘底需另加$1、凍飲需另加$3）店內人情味滿滿 🥹剛巧用餐時，餐廳門外有一隻大狗 店內人員也會擔心他的去向 有愛心最後發現原來是店內食客🤣唯一不足 環境比較狹窄 香港茶餐廳情懷🫶🏻會再去 🫶🏻

早餐menu喺星期六日全日供應叫咗沙嗲牛肉麵配煎腸仔+火腿庵列+多士，熱奶茶沙嗲醬有微微孜然粉味（？），同帶有少少甜味👍，但花生味唔突出牛肉好大塊，未食過咁大塊牛肉嘅沙嗲牛肉麵，口感都唔錯，唔會“拿”到稔哂麵質有咬口，慢慢食，食到最後都依然未浸到稔哂，我鍾意👌湯底好正，唔知點形容。只可以話，我從來唔會飲湯麵嘅湯，今次呢個麵係我唯一一次食哂啲麵之後會飲埋啲湯，覺得幾順口，唔味精feel$36蚊嘅餐仲可以有火腿庵列👍👍👍熱奶茶好飲👍👍👍茶底濃得黎好滑！（宜家啲新興茶餐廳，奶茶茶味濃得黎好澀口，飲到個口好鞋）有個負責執枱嘅哥哥好有禮貌，帶我地入座仲主動提我地早餐menu今日全日供應，又推薦我地如果肚餓可以叫扒餐加個麵第一次喺茶記食野得到呢種服務😂👍抵讚

之前睇過網上推介除咗同區嘅另一間沙嗲牛肉麵，仲有濃姐茶餐廳，見今日時間安排到，就過嚟再試下，一入嚟見到沙嗲牛麵套餐只係$36 ，覺得都真係幾抵，咁就即刻嗌個餐食吓！沙嗲醬偏甜但都濃郁！湯底就正常冇乜特別，主要都係個沙嗲牛肉醬唔錯，因為濃郁嘅醬汁，所以就撈晒成個公仔麵食喇。公仔麵比較硬身（有咬口）係啱我心水嘅口感！香腸都惹味嘅，唯獨是個奄列材料豐富，不過味道欠奉，美中不足。所以整體嚟講，呢個餐性價比高一試無妨～

呢度嘅火腿奄列好好食！每一口都能夠品嚐到那份美味嘅火腿！真係叫人回味無窮！🥪😋唔止火腿奄列好味，腸仔都用廚師腸！煎得好香！一口落去，外脆內軟，香氣四溢！真係令人嘆為觀止！🍳🌭😍另外，沙嗲牛麵都唔錯！面條彈牙，配上濃郁嘅沙嗲牛肉醬汁，味道不錯！每一口都帶嚟一種令人滿足嘅滋味！🍜😋總括黎講，呢度嘅下午茶真係性價比超高！火腿奄列好味，腸仔用廚師腸煎得香脆可口，沙嗲牛麵都不錯🌟！🍽️🥪🍳🍜👍

落腳新蒲崗濃姐茶餐廳，唔係為咗嘢正，係為嗰份濃濃香港味。撞門入去，簡樸嘅裝潢掛住老香港相片，一股懷舊氣氛直撲面上。點菜，等嘅同時四圍望望，發現店家好有心機喺 #懷舊 #地道 等標籤上都做足功夫。講開個「豉椒牛柳麵包」，牛柳煎得香口，豉汁味濃但唔膩，包底厚實，食落滿口福氣。再點杯「絲襪奶茶」，香滑得黎唔太甜，流連舌尖。😋 最後嗌份「即炸魚蛋」，熱辣辣嘅，外皮脆卜卜，內裡鮮味爆棚，魚蛋本身彈牙得滑，實在係一絕。食完捧個飽肚，心情都靚晒。嗰份平民價錢裏面，味道同感覺上超值得。走出去，心諗下次又要回味下嗰啲平民美食，真係值得再嚟！🍽️👍🏻💖

在FB飲食專欄，有不少谷友出PO，力讚此店嘅早餐平，靚，正，而個沙嗲牛肉麵更是無得輸，10月2O日揾食肥華同靚媽就來此店一試，傳聞是否屬實，是日肥華兩人合共柯打咗兩款早餐，A餐個沙嗲牛肉麵，味道係Ok但未到傳聞中，咁神級境界，而個火腿奄列及兩條煎腸仔，夠晒熱度，連埋杯熱奶茶都係有水準嘅食物，而D餐個雪菜肉絲米粉，靚媽話除咗啲雪菜，較甜外，其餘嘅食品煎双蛋配午餐肉，都係正常味道，用$7O元食到咁嘅份量及水準嘅早餐，可以講係超值👍👍👍

一入門口安排咗我坐係收銀隔離，面向住門口。咁落完單之後就同老闆娘講想要杯水啊唔該，佢無回應就走咗去。我坐嗰個位根本睇唔到佢所謂嘅水吧自助區，都唔緊要，其實你只要簡單講一句水係自助嘅就可以。但係老闆娘嘅處理方法係行埋一邊同熟客大聲講嘢:「近排多生客嘛！」「水你唔拎俾佢，佢自己識去拎㗎啦！」「咪由佢等兩日囉，我煲緊啊嘛！」嘢食方面無乜特色，而且都已經食到一肚火，所以就無影相。

【黃大仙區】【濃姐茶餐廳】新蒲崗不嬲出晒名多嘢食，我作為一個茶餐廳 foodie，之前都食過時代、肥仔銘等等，咁梗係要再探討吓。行到近 mikiki 嗰邊就見到呢間濃姐，乜都冇理就入咗去，估唔到喺大型商場旁邊，都會有一間咁嘅茶記。入到去見佢哋搞緊冷氣機滴水嘅嘢，都體諒嘅，呢啲算係意外，唔係日日係咁。最特別嘅地方係周圍都貼滿香港情懷，好多老照片似係懷緬緊過去。而茶餐廳應該有嘅電視機佢都有，下面仲貼咗張紙寫住「NO CCTVB」，勁黃。就算佢係扮黃，起碼佢都扮到底，好過有啲扮都唔扮吓直接同政府合作啦，唔講咁多，食嘢。下午茶時段都可以食「抵食早餐」，「沙嗲牛肉麵」、「雙腸奄列方包」烘底、「熱奶茶」加埋 $35，價錢上嚟講真係非常抵食。味道上，個沙嗲牛麵冇乜嘢突出，正正常常。個配菜除咗奄烈多士仲有兩條腸，廚師腸嚟，增添咗風味。隻蛋炒得幾好，生熟程度拿揑得唔錯，而件多士都係正常啦。杯「熱奶茶」都唔差，仲要係用玻璃杯裝，大杯得嚟特別。黃藍唔影響味道，不過促成咗二訪，第二次去到食個「花生醬西多士」，大家慣咗睇西多嘛，而且我又有啲想食咁囉，哈！味道都係正常啦，我加煉奶，水準係比較穩定嘅。今次又係飲「熱

一直久仰濃姐大名，今日終於一試，地點喺新蒲崗，唔算話好方便…但沙嗲牛肉係唔錯嘅，絕對直得一去🐄沙嗲牛肉米粉 - 沙嗲汁味濃帶甜，係我鍾意嘅味道，個汁無帶花生粒。牛肉過淋係敗筆，無咩咬口，有入口即溶嘅感覺，牙力唔好嘅朋友會欣賞🐄雙腸奄列 - 呢個價錢唔洗$40可以有雙腸再加厚厚奄列，去邊度都搵唔到啦😆😆😆奄列仲要厚切，切開有蛋汁，一d都唔HEA，貪心嘅我表示如果係廚師腸就更理想啦🐄奶茶 - 好滑身，奶味重d，所以飲落係順滑又唔苦

今早在新蒲崗試咗一間餐廳，餐廳雖然沒有很特別的裝潢，一般茶餐廳卡位格局，但食物份量很足夠。沙爹牛肉麵配腸仔煎蛋方包：沙爹牛肉麵既牛肉份量算多，牛肉口感唔鞋，公仔麵軟硬適中。一般茶餐廳通常只得一條腸仔，呢到有兩條腸仔架，炒蛋炒得得嫩滑。五香肉丁麵配餐肉炒蛋：五香肉丁唔錯，肉質冧得嚟，咬口有融化感，午餐肉表面有煎過，邊緣咬口有些小脆口，很美味。啱晒同行嘅大胃王朋友啊。🔎濃姐茶餐廳📌新莆崗崇齡街91-93號安強大樓地舖

人們說，肚子餓的時候，食甚麼都覺得好食！但這個是不一樣的。第一，茶餐廳的叉燒炒蛋飯，叉燒大得無法形容，叉燒不僅是大，色澤靚得不得了，食第一啖時，已經忍不住要把第二，第三口叉燒一次過放進口，實在太好味了；第二，看到炒蛋的狀態嗎？是固體與液體之間，濕度和蛋漿的滑度，不是人人都煮得到，茶餐廳有這種質素，真的很難得！最後，不論飲品，價錢，侍應的服務，餐廳的地點，和輪候的時間，都很令人滿意。所以，下次會再光顧！

話說某日見到社交平台有個沙嗲牛肉麵關注組，裡面差唔多每日都有人推薦濃姐茶餐廳，講到唔食唔安樂，結果我真係專登去新蒲崗試。首先想講衛生真係麻麻，枱邊有明顯污漬，應該好耐冇清潔。環境一般，不過最緊要啲嘢好食。其實下午茶先去到，人客唔多，理應出品比較用心，可惜剛好相反。除咗腸仔之外，其他都整得好求其。-蛋白唔熟，落唔夠油煎，個底大部分啡色，賣相完全唔討好。-牛肉冇沙嗲味-個麵硬嘅，唔爽唔彈食落冇味37蚊的確好平，我寧收貴少少比返啲好食嘅嘢我，重點唔明點解有人推薦。

今日朝早去了新蒲崗處理一些事務，處理完剛好到了飯點，我自己一人便到處逛一下，看看有什麼好吃的，走著走著，看到一間名叫濃姐茶餐廳，我被她的蒸魚飯吸引了進去。進去以後，午市套餐亦有非常多的選擇，我還是選了抵食鮮魚套餐，店員告訴我，由於是即叫即蒸，所以需要等候大概15分鐘。.🍚豉汁蒸原條黃花魚午市套餐奉送白飯及老火湯，熱飲亦只是加$3，非常划算。黃花魚蒸得剛剛好，時間拿捏得非常好，並沒有過火，也沒有不熟，廚師果然厲害。配上美味鮮甜的蒸魚豉油，白飯瞬間被消滅。.總括然而，蒸魚的功夫非常好，價錢亦可接受，值得支持的小店。