瀛川 串燒居酒屋 (已結業)

book左兩位12:00, 上到去原來我地係第一台客...所以有得坐卡位...卡位的環境係最好的...下午冇放題, 於是order左兩個餐, 1個係刺身定食, 另1個係"松", 都相當多野食...d刺身真係非常非常咁新鮮呀!! 全部都係我最鍾意食既~三文魚同劍魚好肥美好新鮮, 甜蝦既size都唔算好細...但食得出係好新鮮同埋juicy...我仲啜埋蝦頭d膏...天婦羅反而炸得麻麻地...因為我特別鍾意食蔬菜天婦羅...但竟然d炸蝦會好食過蔬菜天婦羅...炸蝦好脆, 蝦都算爽口..不過南瓜同蕃薯太多油, 浸住左炸粉所以唔夠脆, 口感油淋淋....可能放左係底...會索哂上面炸蝦d油, 不過個醬汁都好食...魚生飯都幾好食...當然就冇刺身咁肥美啦...不過向來唔食希靈魚的我, 呢碗魚生飯都俾我食哂...可想而知佢d刺身都幾新鮮...不過d飯太過酸太多醋...同埋都唔係一粒一粒, 而係一舊一舊痴實哂一齊...變相冇咁好味...另外仲有配沙津同埋面豉湯...味道都係同外面一般連鎖店冇分別...但我覺得埋單$236 兩個餐, 都算合理, 起碼d食材夠新鮮..同埋男侍應比女侍應更加有禮貌!!

另一半的生日飯局終於來到尾聲，這晚和他的好朋友們一同慶祝他生日，終於選定了這間海膽壽司無限叫的放題，預約了晚上九點，餐廳已有八成滿，裝修擺設具日本風，然而燈光較暗，餐廳內更有飛鏢機、波子機，我們一行七人被安排到近似他他米的長方檯櫈，自成一角，能避免坐於餐廳中央較嘈吵位置，用餐亦不會太過焗促。首輪當然是刺身、壽司上場，刺身一共十一款，有三文魚、吞拿魚、八爪魚、劍魚腩、希靈魚、油甘魚、北寄貝、立魚、甜蝦、魷魚和帆立貝，刺身來說，尚算不錯，而我們則點選平常常見的刺身，甜蝦蝦身比指頭為粗身，爽甜有咬感﹔帶子份量不俗，將一大粒帶子一分為四，能減輕膩口感﹔而立魚魚質鮮甜，不過以冰底上碟會更好，刺身入口能更為冰凍。而海膽壽司卻是我慕名而來的主要原因，毫不吝啬的將海膽壽司一整排排列呈現於我們面前，海膽壽司飯量少，整粒壽司份量不大，即使多吃數粒也可以，而海膽頗新鮮，入口帶鮮甜，在口腔帶有回甘味。我們一行七人有小朋友關係，亦點選了數款熟食，日式牛肉鍋，用甜味醬油為汁料的牛肉鍋，有冬菇、金菇、牛肉、娃娃菜和蛋等食材而成，食材沾上帶濃甜的湯汁甜而不膩。而野菜什菌鍋味道如湯水般清淡，食材與日式牛肉鍋相近，是最接

第一次黎呢間食放題，之前早1日book星期五9點半無位，好失望😫今次就早3日book佐8點兩位！早佐到尖沙咀，打去改7點到都無問題😊去到得4，5張枱有人到佐兩人枱都幾大張，畀3張櫈，可以放袋👍拿拿林點野食，海膽壽司好少有得任食，新鮮！刺身無冰震都好新鮮，夠數無畀少👍👍見到啲師傅好得閒，企係到對住客人無野做咁但又無漏單同野食好快到，good👍👍👍店員見我地食甜蝦有蝦殼，另外畀個碟裝住見到就滿又會換碟，讚👍👍👍👍天婦羅好脆唔厚粉，熱辣辣👍👍👍👍👍其他野食都ok，無咩特別野飲就同其他放題唔同，有沙冰可以免費飲食佐個半鐘，就叫我地埋定單$239+1服務費9點自己走人！呢個時候已經坐滿晒人啦！

開開心心一起食飯，今日公司算齊人，約埋十幾個人一齊食飯，就去附近近近地啦我地一行十幾人就坐左入去間房度繼續嘈嘈閉喇！呢度午市好多選擇，攪到個個係咁諗，因為可以一個細細地嘅熟飯配另一個細細地嘅生飯。最衰我無影到個餐牌內容啦～但總之可以配黎配去，包你一定食得飽又可以滿足哂願望咁上下一坐低茶水一定有再比個沙律你食住先，跟餐丫嘛～之後先上湯同蒸蛋.......我就揀左牛肉飯搭帶子海膽飯.......簡直係冷靜與熱情之間呀！又熱又凍 其實個個同事都係咁揀！可能午市多人，我地又人多一次過落單.....都要等野食黎......今次個個都食到好飽，又滿足哂貪心的願望

原文 HD ver.http://www.dickens-au.com/2014/03/blog-post.html瀛川 日本料理地址 : 尖沙咀漆咸道南53-55號嘉芺中心1樓電話號碼 : 2369 1311尖沙咀日式料理 多得驚人... 緊有一間係左近早幾天,預祝朋友生日, 選了這間日本料理放題, 見 openrice 一致向好 , 就呢間http://www.openrice.com/restaurant/sr2.htm?shopid=132100&tc=sr1我地 9:00PM 入座, $198 每位, 900 前就 $238 一位9:00 上到去,可能較夜, 加上平日, 漆咸道南又較偏遠 (其實都好方便的), MTR 不用5min 就到, 係地方不太顯眼. 所以人不太多這間以居酒屋為賣點, 地方夠大, 感覺好 舒適門口有日本波子機, 不過可惜無得玩除左波子機, 仲有D 娛樂設施, 好好啊,係尖沙咀呢D 寸金尺土, 除左食的地方, 仲有娛樂設施空間,加分座位旁有好多擺設, SO GOOD枝豆新鮮刺身好得好新鮮 , 吞拿都好正 (不似一般日式放題哪些, 無口感又無味)... 刺身

通常日式放題，去一次已夠。但呢一間一個月去了三次。其主要原因是它對得住個價錢。剌身新鮮，其中以三文魚，甜蝦，北寄貝和帆立貝更是必食之選。串燒好味，不會太乾。燒雞軟骨，牛舌，豆腐等都十分香口。大虾天婦羅夠脆，而且虾也很爽口。而上菜也十分快，不會因限時放題而慢慢上，沒浪費客人的時間。應該會去第四次的。

呢餐放題都食左食個月勒,因為係慶祝情人節去食既,其實佢嚮openrice度無乜評分,可能係地點唔多就腳(嚮尖沙咀漆咸道南),所以人氣未必高,男友book呢間係佢嚮附近返工同同事黎試過覺得好味,加上任食刺身有我鍾意既北寄貝同帶子,咁就一於去試下啦.本身book左7點半,但7點左右上到去都未多人,安排到個好寬落既四人卡位俾我地,平時食$238一個人另加一任食兩個鐘,情人節就得個半鐘,所以一埋位就即刻開始剔野食勒,野食都唔駛等好耐就黎到...開餐勒.另外加每人$50可以任飲啤酒清酒等,或者加十蚊八蚊有特色飲品,不過本身任飲既已經有一般茶啡汽水,仲要有冰沙,可惜情人節o個日好凍,無飲到凍野lu.可能呢間放題我相信我會有下次既,下次要食夠兩個鐘,嘩哈哈.

令人十分滿足的晚上。 食物味道一流，特別是刺身，款式多之餘，又非常新鮮，厚砌成，食物外觀可與散叫的餐廳媲美。天婦羅系列都很吸引，特別是炸薯餅，裏面由南瓜溶製成，外脆內軟，值得一試。環境舒適，座位寬敞，完全沒有壓迫感，食物傳送速道又快，可慢慢享受晚餐。唯不足之處，沒有甜品，但飲品款式尚多，全是即叫即製。但餐廳位置較遠離市中心，未必吸引到顧客，較難找到餐廳。

居酒屋，意指小酒館，在日本是提供酒類的料理店，與只提供酒類為中心點的普通酒館不同，居酒屋提供比較有質量的飯菜，文化上是可當正餐吃的噢。這天相約了東尼等一行五人到尖沙咀吃晚飯，找食找到上「瀛川居酒屋」來個日菜居酒屋聚，估不到其出品甚不錯。前菜先來個「櫻蝦日本野菜沙律」，酸酸的沙律汁配新鮮蔬菜，蠻醒胃，小櫻蝦亦增強了整體口感。刺身拼盤我們挑了「葡萄蝦」$120、「呑拿魚腩」$90 及「鯛魚」$80 及「生北寄貝刺身」$100，四款都新鮮，我最喜歡「呑拿魚腩」(即 Toro），入口多魚油甚少筋，以$90來說，是蠻合理的價錢，點得過。壽司類我們點了「三文魚籽軍艦」$35、「左口魚邊」$30 及「牡丹蝦」$40，以「左口魚邊」最好吃，油滋滋的口感，甚難忘，而且可以完全不點豉油地去享受它天然的油份，這是我的私人飲食心得！來居酒屋，怎能不吃串燒？我們點了「牛舌」$68、「白鱔」$88及「長蔥燒雞」$55，，以牛舌最吃得過，軟熟而口感豐腴，白鱔肉厚皮也燒得脆卜卜，反而「長蔥燒雞」味道稍淡，吃時可蘸些「七味粉」增味。「吉列蝦多士」$68 / 件一味甚有中日 crossover 的炸物，爽彈蝦仁釀在多士上

一直以來都是CD-rom, 今次試左間新餐廳係時候開始寫食評啦 睇頭條日報介紹話有600元左右的2人鐵板燒餐，又有鮑魚，龍蝦，鵝肝！即刻早一個星期訂位。要讚下d職員係電話入面已經很nice, 提醒我8點半先來個餐可能無哂，預留一個比我，仲會比卡位我 星期六，8:30上到去，不太多人，新餐廳的關係？餐牌:未能拍下每一道菜,太餓了哈哈~總括來說每道菜也很有水準，而且服務又好! 值得一提的是晚上9pm後壽司, 刺身, 串燒, 飲品半價!

尖沙咀俾放題攻陷之下，本身對於食日本野都已經失去左興趣，因為要食好既日本野，就係３個字：貴到嘔！之前有朋友介紹我，話嘉芺１樓開左間日本居酒屋，我仲心諗：係個個位開都唔方好食得去邊，不過個朋友係咁推介，上個星期六就同個朋友去左會一會佢.....點知........出乎意料!!我地叫左個龍蝦二人餐，因為做緊特價，估唔到佢呢個價位可以俾到呢Ｄ咁既貨色，一個字：正！龍蝦燒得剛剛好，仲有鵝肝法包（好大件下架），蔥吞拿魚腩飯（我至愛），沙律，刺身（好新鮮），炒鮑魚仔片（炒得好香），露荀，再加埋個龍蝦湯，嘩....我地仲叫左少少串燒，牛舌同埋雞翼簡直係大師級呀！牛舌只用牛舌心，雞翼外脆內juicy，火喉控制一絕！食到我地２條友抱住個肚....仲要叫左２杯COCKTAIL，冇錯！哈哈！有COCKTAIL飲！仲幾好味tim喎！店員既服務態度亦都好好，唔怪得之個朋友係咁推介，一定會再黎！（掛住食，唔記得左映相.....真失敗！下次去再映！）

中午時段~見瀛川有promotion <5人同行 1人免費 , 免加一收費>! 就一於同事一齊試下!瀛川位於嘉芙中心一樓，要行上一層先到。兒家天氣又非常熱，行到上去已經身水身汗… 但一上到去的冷氣實在太正~餐廳內環境又暗暗地! 感覺好涼爽! 同事最鍾意! 另外餐廳內有好多卡位，坐得好舒服呀! 午市時段餐牌都好多選擇~大家都試d唔同野!一坐底待應就送上沙律! 認真有效率~~1/ 叉燒拉麵定食每個拉麵定食都可配三文魚壽司或加洲卷。三文魚壽司都幾新鮮，一客兩件! 叉燒拉麵賣相都幾好~叉燒肥肉不多，適合不吃肥膩的OL們! 拉麵麵底不可算是優質。但煮得幾好，湯底都不錯!2/ 吉列豬扒定食定食配以蒸蛋、 麵豉湯。Portion 好大!! 吉列豬扒好大件~炸得都幾好但肉質不夠嫩滑! 肉較硬…不過蛋都煮得幾滑~汁調得都不錯! 至於日式蒸蛋就整得幾好味! 3/炸雞沙律定食好食! 炸雞炸得非常好呀! 當中的沙律汁內面加左酸青瓜! 酸酸的沙律汁再配炸雞真係好開胃!  呢個定食會配一個白飯~一定夠曬飽呀!!最後仲送一杯大大的飲品~凍熱同價! 真不錯!總結: 中午定食選擇多，味道都幾好! 有買5

每年女兒生日我們都會去食buffer,但buffer已經滿足唔到我地食慾，所以今年選擇了多種類的日本菜店“居酒屋”。新開店一般優惠多服務好，就選了呢間只開業一個月多的瀛川環境：店內比一般居酒屋空間大，枱與枱距離亦不會好近，最欣賞係旁邊有一排四座卡位，用日式布簾擋著，非常有私人空間，四位朋友聚聚暢談很恰當。門口有幾部從日本訂回來波子機可供客人玩樂，不過可惜暫時未有得玩，但當店內裝飾都幾吸引食物：餐牌非常豐富，沙律，壽司，卷物，刺身，串燒，烏冬，拉面........愛食居酒屋就是這樣，由生食都熟，由凍食到熱刺身﹣選了今天新鮮食材 赤睦刺身，魚皮輕輕燒過，魚肉好嫩滑。粒貝刺身即響螺，鮮甜又索索聲爽口生蠔 ﹣ 今天只有日本真蠔，口感creamy且非常肥美沙律 ﹣ 有5種選擇，點了好清新蕃茄沙律和魚生沙律壽司 ﹣ 魚生與飯配搭得非常恰當，特別推介油甘魚，深海池魚日本海膽壽司，平時食開加拿大海膽感覺分別沒多大卷物 ﹣ 牛油果軟殼蟹，外軟內脆，好味又抵食什錦天婦羅﹣細心地湯汁加熱了，蝦很新鮮，但略為細碟，蕃薯不夠喉串燒 ﹣ 牛舌，雞腎味道不錯飲品 ﹣ 半價，特式飲品絕不媽夫，睇得出佢地好刻意調較不同

上星期四同朋友經過漆咸道見到有間樓上日本料理, 上去試吓; 入到去見到地方都好大, 地方整潔, 侍應有禮貌，招呼都好好, 叫左壽司,鹽燒三文魚頭, 奇妙扇貝, 雞泡魚干, 炸物等, 又叫左幾杯夏日凍飲,凍飲唔似一般餐廳啲汽水、果汁, 飲落好清新, 估唔到一間外表唔係好起眼的日本料理, 啲食物噤有水準, 無論食物外表同味道都經過大廚用心烹調.......一個字 "正" 下次再黎試吓串燒同剌身.

朋友相聚於尖沙咀，經過漆咸道，看見這家新開業的日本料理，看見MENU價錢合宜，所以決定試試看!!餐廳環境寬敞，寧靜!!前菜：枝豆新鮮可口!!生蠔配以酸醋汁，完美配搭!! 生蠔真鮮肥美，太美味了!!刺身!! 賣相已經非常吸引!!三文魚肥美!!非常新鮮!!!拖羅的脂肪分佈平均!! 入口融化!!象拔蚌爽脆!!燒三文魚頭非常香!!又唔會腥!! 多皮香脆!! 食到唔停得口~~~~還有其他和食，海膽炒飯，天婦羅也非常有水準!!YUMMY!!還有多款無酒精COCKTAIL選擇，太有驚喜啦!!下次一定要再來，試試今次沒吃的串燒!!