瀛鮮 (土瓜灣道)

營業中

休息中

自從搬咗嚟土瓜灣幫襯咗不下十次，由house warming到普通聚會都嗌佢。魚生新鮮、厚切、多選擇，好食抵食人人食。員工亦好友善，有次換供應商有部份食品變咗味，下次再嗌又送返幾樣嘢補債，開心。

早幾日朋友聚會買咗個大刺身set 同壽司set，刺身同壽司啲料食得出好新鮮，份量足，好食壽司飯酸醋味食落唔會太酸，高質壽司小店去到發現原來間店有好多款刺身，壽司，魚生飯，，又發現咗多間cp值超高壽司店超級推薦

極上魚生飯，80蚊一個魚生飯無諗過係咁，畀五蚊，六蚊嘅壽司材料， 應該加埋都有60蚊壽司材料， 總之食壽司好過， 刀工同淨鮮有得比拼， 究竟我食緊啲乜嘢 ，真係好好野，無野好再講

平時我都幾鐘意買 覺得幾抵食😚佢地係即叫即整既 所以唔洗驚擺左好耐唔新鮮😗🍣三文魚魚生飯三文魚量都算足👍🏻會切成一粒粒 每粒唔會話好薄咁所以都幾有口感😇另外仲有啲青瓜粒同甜蛋 上面仲有啲蟹籽食完一碗夠哂飽☺️而且仲有野飲送🧃雖然唔會有咩驚為天人既味道但50蚊黎講真係好抵食👍🏻已回購n次😚👍🏻推薦指數4/5Btw佢壽司款最平係三蚊一粒唔係整定架 叫完先整所以我覺得cp值真係好高😗

其實如果講地區講價錢我係覺得呢間鋪頭價錢係貴嘅因為勁細舊劍魚腩已經要成60蚊我叫咗盒刺身份量唔算好多但都近300蚊我同朋友5個人食每人幾嚿其實都尚算夠食嘅而且試曬我果盒入面咁多種刺身之後我覺得價錢叫合理咗因為質素的確ok首先三文魚同三文魚腩真係好明顯食得出兩者分別（有啲鋪頭搵肥啲嘅三文魚扮魚腩）而且個腩肉無筋呢個相當難得帶子雖然係細粒咗啲但都幾爽幾甜而甜蝦都有驚喜因為出面食嘅甜蝦好易有腥味呢度嘅係無臭味整體嚟講我覺得合格有餘！

利申街坊 食咗呢間幾年佢價錢係平民價格壽司係呢區中上質素服務態度亦唔差今日（2021-10-01）去買女店員好好態度仲送咗小食、俾包冰我凍住啲刺身野食亦唔錯暫時我都未遇過負評提及嘅問題希望呢個review可以幫手平反要夠200字先可以評分以下水一下字數：火炙壽司：大部分都有芝士，兩件起嗌，幾好食😋😋😋。刺身：種類唔少，味道唔錯，夠新鮮，唔算好頂級，但食落唔會有怨言。飯類拉面：我少食，唔評。以上

用藍色外賣公司叫呢間壽司，質素仲差過明將，啲壽司已經難食，舊飯大大舊，啲魚生簿到癲，仲要仲乾，連豉油芥辣都無送黎！完全唔掂！!!!!!!!!!!!!!!價錢仲要貴，完全係伏中之伏，見到上面啲留言過好食，真係心諗比佢地食到明將會唔會覺得明將係米芝連3星？

叫了這間餐廳的外賣，分別有魚生飯同壽司。基本上，食材並不新鮮，缺乏彈性，沒有任何鮮味，只能靠醬油和芥末蓋過原先味道。魚生飯份量雖然足夠，但飯真的很黏，魚生也沒有鮮味，平時也會吃完所有食物，但今次吃了幾口丼飯後，已經因為質素太低而放棄了整碗飯。另外，壽司的紫菜很軟，缺乏口感。有部份食材例如八爪魚的顏色呈啞綠色，濃味的食物，例如鰻魚因為有醬汁關係還算可以，或者經過烹煮的材料，例如玉子仍可入口。其他食材，特別魚生類食材是非常不推薦。希望下次有機會再光顧時，可以品嚐更用心的食物。

今次就去咗食呢間壽司店😚就叫咗自選火炙壽司拼盤（16件）所以我哋就叫咗少少唔同嘅壽司例如鰻魚壽司、蟹棒壽司等🍣整體來說，所有壽司都好新鮮，份量又夠，可以話係超級好食😋😋😋仲附送埋麵豉湯，簡直一流跟住我哋嗌咗少少配菜，好似以上嘅中華沙律、蟹籽沙律同埋螺肉同埋螺肉，我個人係超級鍾意食螺肉，但係唔知點解，呢度嘅螺肉口感特別好，非常豐富，價錢合理，令人覺得好滿意。整體來說整體來說，呢間壽司店嘅食材好新鮮，下次一定會再光臨小店

每次想食平價壽司就會特登落樓去呢間外賣小店買幾件壽司，老老實實平日一至五lunch性價比幾高，$48有8 件壽司算係咁，仲送野飲，加$10有一客小食，而且味道不俗，推薦辣味吞拿魚、鰻魚 

下午時間叫外賣，舖頭一個客都冇但最後等左半個鐘，收銀姐姐解釋係我之後黎左幾個人，所以做左佢地先，結果拎餐時仲俾錯野。唔推薦肚餓既朋友去，唔係既話可能餓死左都未有得食

在2019年2月2日星期六，農曆年廿八。在土瓜灣偉恒昌新邨附近的一間日式食店，order了一打壽司。Order方式在order紙上選取自己最喜愛的壽司，然後在括號裡寫上自己的數目。一客兩份。非常足夠，但是太高昂了。😌😌當天order的壽司份量，由左上方至右下方。辣味吞拿魚小卷、火炙芝士玉子、鰻魚大卷，火炙八爪魚、火炙芝士蟹棒等。太多不能盡錄。😣😣😣火炙芝士玉子，在玉子上加了芝士和用上火炙的方法製作，有點像玉子燒。辣味吞拿魚是全新推出，份量很足夠，而且辣醬不多不少。應該是七味醬。

土瓜灣外賣壽司舖有好多間，最近先發現呢間，因為舖面唔大，所以成日行過都會miss 左。由於口好痕想食壽司，咁就貢入去試下。隨便影兩張menu 你地睇下，佢d menu 係貼晒係牆上面，看圖識字，岩就係外賣紙都tick落單。除左外賣多，都有得企係舖入面食既。我只可以講真係好平，魚生飯最平$40蚊有交易，去邊到揾！我叫既野係4人份量，係食到飽到唔郁得既除開每人$85左右。我最鐘意係海膽手卷$13, 超平平平海膽都幾好食，唔苦唔甘，$13 黎講佢比既份量算好多。另外都想推介鰻魚飯，當日冇叫，但之後有食過$48 蚊好平，份量超級多，好肥美，仲送麵豉湯總之，呢間壽司外賣店，CP 值超高，野食唔係話極級好食，但真心唔差

入到去未落單已經黑口黑面，講野極無禮貌 落完問我要唔要野飲 我唔知有野飲送就話唔要 佢就串番我話：哦有野飲送既 唔要 ok-_-請埋啲唔知咩人番黎 啲野食又麻麻地 又唔係特別平仲要受氣 劣評！

今天一個人飯局，來到這間小店試吃。舖面倘算整潔，舖位不大，旁邊有供客人立食的地方。他們提供的餐具都是即棄的。店員的態度是冷冷的，我猶疑了一會，就點了這裏的日式鰻魚飯及味噌湯試吃。我想在日式小店選這兩款試吃較穩陣。等的時間比我想像中長，旁邊遲來的客人點的壽司手卷也上得比我快。一小碗的鰻魚飯終於端上來了。 味噌湯怎麼變了一包味精粉放在一個紙杯裏。店員淡淡地解釋味噌湯是要沖泡的。 哦，原來是這種味噌湯，確實令人失望。外賣回公司慢慢吃，反正都是即棄的餐具。 回到公司，飯還是熱騰騰的，這個不錯。鰻魚飯的外貌是滿分的。(抱歉，由於趕時間沒有拍照。) 鰻魚有兩件，還有兩三片醃蘿蔔。飯的份量不多，女士的話我想還可以，男士的話，就必須要跟個下午茶才行。慶幸今天下午有時間來個下午茶。鰻魚的魚身偏薄，最敗筆是醬油，一味的鹹，一點鮮味都沒有。整碗飯只是靠熱騰騰的飯來挽回分數。趕時間拼命的吃完那碗死鹹的飯，再來一杯鹹鹹的味精湯，真是……。所以在這裏留個言，給巴打絲打參考下。至於我，這間沒有下次的了。