灑家粥麵 (已結業)

無聊工作不等待，懈怠玩樂好荒廢，可知珍寶非錢財，擊退陰霾心自在。同靚太在觀塘睇戲前，又要食嗰晚飯先，但時間並不足夠慢慢嘆，難揾位已成事實。而靚太選擇‘食碗粥就算’的決定，真令我老懷安慰，可稱是近年難得之快、靚、正、題意。但最終都是我的一廂情願吧。≪灑家≫以粥品及廣東雲吞麵作招來，在進注apm幾年間，其實力和出品也得到客人的認同。也因食材較好，所以價格會高一點，這是我願意見到的良性發展。“京都香炸醬撈麵”是靚太的首選，其次要食“豬潤粥”，最後來一個“咸菜胡椒豬肚湯”，始之謂啱啱好呀！各類食品也要我與她分享，真係關懷備至，怕我食而不足噢。而炸醬的材質十分充夠，用切絲的豬肉，可使質感柔軟滑溜，醬的甜度不高之餘帶着微辣，有傳統港式口味。但其餘兩樣就不過不失，不能帶給我喜悅，也因我唔要食得大雜亂，失去我的目標。“薑蔥雲吞撈麵”是我目標食物。因撈麵的麵之份量約是湯麵的雙倍，我有信心可填滿肚皮的空虚感。其次是檢測廚師選用薑蔥的鮮甜度，因為平常街邊粥麵店不一定夠膽做出新鮮生薑生葱之食物，而它被訛傳殺菌力量高，也早被科學否定。今次是達到了期望，薑不辛、葱爽脆，最好是蠔油分開上，此舉可應個人味蕾而自由添加

今日lunch係apm搵野食，第一次試呢間店。lunch時間都要等位 幸好都很快就可以入座了裝修都不錯，地方很整潔menu有很多頁的。但我只影了麵食及小食那幾頁。仲有粥，點心，炒粉麵飯。。。等等我跟友人每人點了一個麵食，再加了一份小食size不算好大。。好彩我叫了大碗。有4粒雲吞，但雲吞真是十分爽口彈牙，原隻蝦包在入面，份量十足但本人就不太愛那個麵，十分難咬，而且一舊舊咁，好難把麵分開。朋友的撈麵 好乾似的有兜上湯同蠔油比你自己撈。但由於麵都是一大舊，好難散開，進食時有點狼狽，而且味道都一般。始終自己撈，有點難控制。但就有6粒雲吞雲吞真是好好吃小份有8粒，如果大份就有12粒比一般食的鯪魚球大粒得多，少點油份。尚算可以。整體用餐尚算滿意。

呢幾日突然好想食雲吞麵，經過apm見到有呢個廣告，心思思想去試下。Friday夜收工，決定就近試下呢間米芝蓮推薦晚上九點左右，前面都有幾個人排隊。一個人搭臺，等咗大約五分鐘就入得。粥粉麵選擇都算多，不過小食方面都係d傳統點心。最後order咗一碗細鮮蝦雲吞麵，一碟叉燒酥雲吞麵(HKD 36)最快上，細細一碗有四粒雲吞~講真，雲吞真係麻麻，好細粒，裡面估計兩三隻細蝦，勁一般。麵就真係好食，非常有彈性，湯底唔錯淋上適量醋會更開胃，如果佢d醋再酸小小就正啦叉燒酥(HKD 28)~落完order先醒起自己唔多like食叉燒。上臺熱辣辣，裡面塞滿碎叉燒。叉燒味道唔夠濃，感覺似係用叉燒碎直接做餡，我以為會係叉燒包餡咁~少失望。而且真係唔夠酥，唔值28蚊最後埋單HKD 70，明明可以找30整數。佢偏偏將十蚊拆散5,2,2,1。有加一都收tips?!

原來想到APM上的「利苑」飲茶, 但是未到十二點已經fully booked。左諗右諗最後試下離「利苑」不遠的「灑家粥麵」試一下。原因「灑家」的師傅出身自何洪記及正斗, 相信味道不太差吧。另外發現墊枱紙是食家蔡瀾先生提字, 更特顯這家餐廳的吸引度。裝潢有别粥麵店傳統格局，以淺木色牆身作主調，襯托天花上金銅色的不規則吊飾，以及一室青綠色梳化，格局摩登。粥麵即叫即做, 保証新鮮熱辣。餐牌以粥麵為主，另外有不少點心及炒粉麵飯作選擇。每款食品點一、兩款試下。<流汁叉燒包 $28> 叉燒包有爆開饀料外露的情況, 賣相大打折扣。饀料的醬汁不太足夠, 沒有流汁叉燒包的流汁效果。幸好叉燒軟腍。<懷舊馬拉糕 $26> 馬拉糕尚算鬆軟, 黃糖味道不夠香甜。<晶瑩鮮蝦餃 $32> 蝦餃皮不至於晶瑩剔透, 勝在不太厚身而且有有些彈性。饀料蝦肉大大粒, 咬下去爽口不結實。<干炒牛河 $78> 還記得「何洪記」只有一間霎東街地舖的年代，乾炒牛河的出品是如何地出眾，筆者老公每次解必定要幫襯一碟，炒得夠香口、有鑊氣，油潤而不油淋淋、乾身而不乾癟癟，絕對是

去完個客度傾野, 就搵個地方食下野, 見呢間幾多人食就入左去.要左個鮮牛合第粥, 粥底夠綿唔會太稀, 牛肉鮮嫩唔韌, 有肉味夠咬口, 朱肚夠爽口. 食完個粥唔覺口乾, 而且夠飽肚. 另要多個蝦子鮮蝦卷, 鮮蝦新鮮爽口, 蝦都幾大隻, 蝦子夠香惹味, 不過汁就肥膩左D, 但唔咸.

星期四晚去了apm, 想在apm 吃完飯才回家，剛好經過灑家，就被放在門口的餐牌吸引著，同伴未吃過灑家又不用等位，就試試啦～餐廳都蠻滿滿的，但坐位的空間感都算足夠；我們選了門口餐牌的套餐，包括小菜兩款，燉湯一碗，白飯或白粥兩碗及甜品兩款  芥蘭牛肉，份量是細細的，但好精美，芥蘭炒得爽口的, 連伴菜都吃光光  琵琶豆腐，手工好，好完整，好香口，份量都足夠，再打了個有少量瑤柱的獻汁，賣相當堂看來高檔了  雪耳海底椰燉湯，好清甜，好味到連湯渣都吃光光，可惜二人套餐都只有一碗套餐包白飯或白弼兩碗, 我們選了一飯一粥； 粥是軟綿綿的，亦有少許瑤柱在粥面，賣相加分； 但白飯真的比較細碗，我們後來都要多點了一碗白飯 （＄10）甜品真是有驚喜， 我們選了紅豆糕及馬豆糕；送來才知道是椰汁紅豆糕，味道層次好豐富，食到紅豆味，亦有香濃的椰汁味；馬豆糕就是一如以往的淡淡而平實的味道； 糕點都是大大碗，不會太甜，令這晚餐劃了完美的句號！

上個客度傾野, 就響商場搵野食左先, 一個人是是但但就入左呢間灑家, 睇睇下先知原來蔡瀾題字, 間野好似好有來頭咁.坐位都有幾多, 而且闊落, 啱晒D返工人士, 而且地方都幾乾淨光猛.呢度出名細蓉, 就要個細蓉試試. 份量唔算多, 一個大男人可能午餐唔夠飽. 先飲個湯, 幾香夠清亦唔算太味精. 麵質好爽口彈牙, 食到索索聲, 亦唔太鹼水味. 雲吞隻蝦夠大, 蝦膠打得爽口, 夠新鮮皮又薄.

午餐吃得豐盛，晚餐就簡單一點。今晚試試蔡瀾同米芝蓮推介的灑家。餐廳的座位舒適，有空間感，唔焗嗆。餐牌有粥粉麵飯，選擇頗多。 豬潤肉丸粥：豬潤剛剛熟，十分滑溜，有少少起沙，正！肉丸細細粒，咬落有肉汁，又有肉味之餘仲好彈牙，這個必食！粥底十分軟綿，有米香，唔會水汪汪，非常不錯。 灼芥蘭：菜很嫩唔老，菜莖亦不會過硬；配上蠔油非常鮮味，估唔到白灼菜可以咁好食！ 福建炒飯：材料豐富十足有蝦，紅椒青椒等，濕濕地，醬汁好惹味，飯粒粒粒分明，有旦香，是有水準的福建炒飯。 推介！

在觀塘區工作的日子，開工前後自不然也會來吃些簡餐，畢竟老區要找碗似樣的雲吞麵也不是易事。是日來找牙科達人覆診，原打算在灑家吃碗麵，結果除了細蓉外，因為天氣太冷，所以仲叫埋沙膶粥。這裡的麵，質感還不錯來過多次也不會吃到重鹼水味，而重要湯底也夠熱和夠味，這很難得。沙膶粥也是不能錯過，粥底夠身，有米香，而膶也是綿軟帶點起砂的佳品。埋單幾十塊，已很滿足。

是人本人肚唔太舒服想食粥朋友是但係apm 揀左呢間去到門口 嘩 唔係嘩粥要40 50 元? 好貴wo... 不過朋友 已經入左去 甘就算啦～我叫左個魚片肉丸粥 見到都覺得佢香食落又幾好食wo. 個粥好綿 又唔係味精煲魚片新鮮. 不過有少少骨 而肉丸煲完都有肉味 共有4粒 又唔太大粒食得方便。XO醬煎腸粉除左醬腸粉 仲有芽菜 韮黃腸粉用xo 醬炒 少少spicy 好惹味芽菜爽口 好健康。

今日因公事遲了食飯，下午茶時間，就同同事來里度食下午茶。因爲想食粥，我就叫左新鮮生滾牛肉粥。個碗都ok正常，起碼唔會太細碗，牛肉分量都唔少，沒有因爲下午茶價錢平d減分量。粥都煲的好綿，牛肉也黤得ok,唔會太鹹也沒有太淋，唔錯！雲吞面配油菜，個面就細左少少，食左幾淡就無晒，雲吞有四件，本來系有點期望因爲佢叫 "Wonton Master", 味道系正常ok的但是沒有驚喜！另外還叫左個順德鯪魚球湯面。面底同上，下午茶分量，幾淡食晒，鯪魚球有四粒，都ok好味亦彈牙，但系落左很多陳皮，很重很重的陳皮味，我個人都算可以接受。此餐可以算系平平常常的一餐，沒有驚喜也沒有失望。

今天來到APM, 當然要到米芝蓮推介的'灑家'啦！環境整潔、寛敞及舒適！豬手麵！豬手有兩大件，又腍又入味！麵又弹牙！皮蛋豬膶粥！粥底又绵又滑！豬膶味浸入粥內！非常好吃！义燒煎蛋飯！半生不熟蛋加上肥瘦適中的义燒，配上甜蜜豉油，非常美味！炸两！腸粉皮滑，油條脆，加上甜酱、花生醬和豉油，真可囗！

做野做到晚飯時間，實在頂唔順，好肚餓，要出去食啲嘢鬆一鬆先！心想一個人簡單食碗麫就算，於是上嚟灑家，唔洗等嘛。平時同朋友食多數叫小菜或點心，一直未試過佢出名的粥麪，即管試試。諗咗一陣，決定叫個蜜汁叉燒伊麪。一邊期待住我碗面...終於到啦!叉燒完全冇蜜汁囉，舊叉燒又完全冇燒過嘅跡象!同我心目中嘅叉燒根本係兩樣嘢⋯呢一刻我真係好想告佢違反商品說明條例!!冇計照食啦...唔只菜都冇條，連韮皇都冇幾條⋯還好個伊面ok，唔會大冧，個湯都夠香,但份量偏少..一般般...

才子突然致電，話請我食生日飯！佢心情咁靚，看來佢係股票收穫不少！今晚約好在APM等。其實這商場內的餐廳，我大部份都試過了！但好似未試過灑家呢，不如今晚試下。店門放置了餐牌，十分方便查閱。價格合理，仲可以馬上入座，當然即刻ok!這是我第一次進入灑家，裡面很大，以金色為主色調，除了方檯，還有圓形的卡位設計，很方便良朋共聚，一家大細。職員帶領我們到四人檯就座。先看餐牌，我選了雲吞麵（聽講這裡的雲吞麵好出名）雲吞麵呈上來了，好大碗，上層是以雲吞撂起的麵條，防止湯底浸軟麵條，其實我最想看看下方有多少雲吞！原來有六粒雲吞，可是呎寸不大。隱約看到雲吞內有蝦，快快咬一口吧！內餡的蝦係雪藏蝦，但尚算接近新鮮蝦的質感，蝦肉纖維尚算明顯，入口有少少彈牙，但雲吞餡料少少鹹，是否豬肉引致呢？再到麵了，不算很彈牙，鹼水味唔重，似是蛋麵，是否鹼水放得少，所以唔彈牙？再舀一羹湯底，色澤偏金黃，蝦籽亦不多味道唔濃(頭先食了少少鹹的雲吞餡, 可能湯底相對就會唔夠味)如果湯底大地魚落多少少, 而雲吞又減少鹹度就更好了。整體來講，ok啦！才子好難得蒲頭約食飯，仲要係賀我生日，點計都係值得開心。

意想不到的餐廳！價錢親民，但環境舒服，食物責素好，侍應自動波，絕對是food court以外一個必試選擇。試了豬腰潤粥，沒有一貫的味精，豬腰潤不會un還有點juicy！另外試了蝦餃麵，喜歡麵鹼水味不重，蝦餃足料，還有欣賞麵放在餃子上的細節。這樣吃了$97，如果叫小菜的話就和茶樓差不多。下次可以試試。不過點心偏貴，差不多$30一個。