灣畔軒

營業中

休息中

作為香港人嘅comfort food，沙嗲牛肉麵原來都有其他新玩法🐮！呢間酒店餐廳就將沙嗲牛肉玩出好多fusion菜式🍜，啱晒一家大細去玩嘅時候試吓。.♨️沙嗲牛肉公仔麵當然唔少得一般嘅沙嗲牛肉麵啦！本身沙嗲牛肉嘅質素幾好，肉質夠厚肉、夠嫩😝，而且配埋沙嗲醬夠香口。公仔麵嘅質地適中，好滿足💕。.🍞沙嗲牛肉西多士西多士對麵包煮咗沙嗲牛肉，仲包住西多士特色嘅花生醬。原來花生嘅香味同沙嗲味道好夾🥜，甜甜鹹鹹嘅組合，配埋西多士香酥嘅口感，好正。.🍔沙嗲牛肉漢堡配薯條沙嗲牛肉變成漢堡嘅餡料都好正。香濃嘅醬汁，配埋每片都係一口size嘅牛肉👅，整成漢堡包超滿足。裏面仲有爽脆嘅蔬菜🥗，食落層次好豐富。.🍹夏日特飲可以選擇梳打水或者雪碧🫧。最有特色嘅係，裏面加咗充滿童年回憶嘅漢堡包糖落去👶🏻！好有feel，而且飲品裏面有淡淡嘅糖香味。

📸灣畔軒襯放假去離島感受吓大自然🌲今次我地就去咗梅窩對住無敵大海景嘆英式下午茶都只係$198 2位可以揀坐戶外位怕熱就可以坐餐廳入面 同樣都係望住海景架🌊🧁🍰三層架有齊咸甜點 黑松露青瓜帶子配法式多士巴馬火腿密瓜卷香酥腸仔卷迷你卷蛋法式檸檬杯椰香朱古力曲奇------------------------------夜晚因為唔想諗 一於係酒店BBQ任食3小時都只係$198起日市: 2:30-5:30夜市: 6:00 - 9:00包每人一飲品🥩🍗🍯款式都幾多豬牛雞有齊 仲有為食妹最中意既多春魚雞翼都有好多唔同口味------------------------------📍大嶼山梅窩銀礦灣 D.D.2 地段648銀鑛灣渡假酒店地舖G/F, Silvermine Beach Resort, D.D.2 Lot 648, Silvermine Bay, Mui Wo, Lantau Island距離碼頭大約10分鐘

晚餐想係梅窩食埋先慢慢搭船返中環, 難得入到去, 可以望住無敵海景食西餐🌊兩份『精選晚餐』HK$198加一 x 2『芒果蟹柳沙律』、『酪梨蕃茄沙津』沙律菜新鮮🌿芒果夠芒果甜又好肉🥭小蕃茄鮮甜🍅另配日式胡麻醬🍴『法式洋蔥湯』、『南瓜忌廉湯』洋蔥湯煲得夠出味🧅啖啖洋蔥甜! 南瓜唔係多忌廉個種, 但每羹都有南瓜絲🥣好足料!!『香煎豬扒配蘋果醬』豬扒配蘋果醬可以話最完美配搭, 豬肉加蘋果甜味令人食唔停🍽️『香草燒羊扒配薄荷醬』羊扒好夠羊味, 可能有啲人覺得係羶, 但個人認為羊有少少羶先正🤭會跟個肉汁同薄荷醬, 係好食嘅!主菜有薯菜跟, 大大個燒蕃茄, 份量好夠飽, 兩杯咖啡茶, 涷飲唔洗加3蚊仲大大杯😂另跟是日甜品, 我哋有雪米糍食🫡°°°°°°°°°°°°°°°°°°°°°°°°°°°°°°灣畔軒 @silverminebeachresort📍 大嶼山梅窩銀礦灣 D.D.2 地段648銀鑛灣渡假酒店地舖#MrsLong #hk #Longs #mamablogger #香港美食 #餐廳推介 #hkfoodie #親子好去處 #假日好去處 #foodieshk #hkfoodlovers #梅窩

假日到梅窩行下, 行到攰, 去左間酒店西餐廳食個下午茶🍰🍹可能多客🧍🏻‍♀️🧍🏻🧍🏻‍♂️侍應們都比較忙💦試左個『兩位用英式下午茶』HK$198加一服務費, 跟兩杯咖啡茶☕️☝🏻第一層『黑松露帶子配多士』帶子以少量醃料醃製再烤焗, 多士脆口💥『巴馬火腿配哈蜜瓜』火腿夠鹹香, 配哈蜜瓜甜味剛好✨『迷你香腸卷』西式香腸卷總係好味, 點個茄汁食令人回味!✌🏻第二層『果味蛋卷』海綿蛋糕配上果肉, 夠清新🌈『檸檬撻』唔算酸, 味道甜甜帶檸檬味🍋🫴🏻頂層『朱古力布朗尼』朱古力忌廉同朱古力海綿蛋糕間層, 口感味道都係唔錯, 甜絲絲嘅完結🍫°°°°°°°°°°°°°°°°°°°°°°°°°°°°°°灣畔軒 @silverminebeachresort📍 大嶼山梅窩銀礦灣 D.D.2 地段648銀鑛灣渡假酒店地舖#MrsLong #hk #Longs #mamablogger #香港美食 #餐廳推介 #hkfoodie #親子好去處 #假日好去處 #foodieshk #hkfoodlovers #梅窩 #銀鑛灣 #resort #渡假

放假梗係要享受下休閒時光🏝️，今次我哋就嚟到梅窩銀礦灣🏖️，享受無敵大海景，喺酒店餐廳戶外位🌊，嘆英式下午茶($198/兩位)🇬🇧。喺呢度傾住計、聽住海浪聲、仲有柔和嘅冬陽☀️，真係好啱feel。.🌊黑松露青瓜帶子配法式多士帶子味道好香😍，而且好有口感，煎香左嘅味道好夾黑松露醬、爽脆嘅青瓜🥒、同埋法包🥖。.🐷巴馬火腿密瓜卷火腿嘅煙燻鹹香味♨️真係好正，而且配埋哈密瓜🍈又多汁又甜，呢個經典組合，加埋份量夠大件😋，好滿足。.🌭香酥腸仔卷酥皮層層分明🫦，而且質感幾好，唔會太乾、唔會太油💕。.🧁迷你卷蛋紅色嘅海綿蛋糕😍，配埋上面嘅糖霜裝飾，賣相好吸引🤩。裏面嘅餡嘅有濃郁嘅忌廉芝士香🍦，亦都有檸檬嘅酸甜果香中和🍋，好濃郁。.🇫🇷法式檸檬杯火槍燒過嘅蛋白霜🔥，既有香味、亦都有好似燒棉花糖🍭嘅綿身口感。檸檬迷你撻嘅酸味突出🍋，清爽嘅感覺好正。.🌴椰香朱古力曲奇曲奇餅香，配埋上面好香牛油味🧈、椰絲感嘅唧花🧁，有種類似英式鬆餅奶油霜buttercream👸🏼嘅濃郁棉滑感覺。.🍫朱古力泡芙三重奏朱古力味真係超濃郁🍩，鍾意濃厚朱古力感覺朋友唔好錯過😝，泡芙、忌廉全部都好香濃👅。

從未食過如此難食嘅西餐，lunch set 98一份（仲要未加一）等落單等左超耐，職員態度好差，凍檸茶好苦，加左好多糖都係苦，食物份量好少，花園餐廳都好過佢，我第一次食牛排食曬都唔飽，等左成半粒先上菜，隔離台仲慘，等左半個幾鐘先話無曬嗰個餐

同小絲梅窩2日遊第1日到了銀礦灣渡假酒店這裡吃晚飯自助燒烤。基本食物，3小時任食=人均$200以下。價錢同市區差不多，而且這裡是離島，所以都合理。這裡會飲品1人1罐可樂或水，蜜糖同任食的基本食材。另外可加蒜蓉，牛油那些調味料，這些就要收費，亦有海鮮，當然要收費。原本打算下午時到沙灘摸蜆，但太少亦太細隻，所以就放生了。這裡可以取的食物款式不算很多，都是些基本燒烤食物，比較特別是有菠蘿可以燒來吃。如果想加餸，我會建議大家可以試試帶些海鹽到街市那裡買些海鮮。有時渡假是需要氣氛，這裡對著沙灘，有海景，有熱鬧的歡笑聲。又是一個很滿意的晚上。

傳聞話好食嘅 串燒都冇埋……啲嘢食好鹹！ 咸到你懷疑人生……個牛扒死咸+口咁奇怪雞翼咸到你差啲想嘔返出嚟雞扒完全唔覺得自己係食緊雞扒…好耐未試過食BBQ覺得最好食嘅竟然係粒墨魚丸？！諗住加錢食好啲啦， 個海鮮拼盤係威係勢，點知全部都係雪藏海鮮…隻虎蝦好難食… 凍蝦完全冇味唔知自己食緊啲咩…想要啲調味料幫補下，點知………牛油同鹽都要畀錢？！玩呀？完全唔會推介… 除非你想嘗試下咩叫真。劣食！酒店裝修其實都幾殘酒店裏邊有兩部街機畀你打，不過啲掣係壞壞地嘅…

BBQ service 好差，食物選擇小，無好野食，海鮮全部加錢，連鹽都要比10蚊。完全係比人厄的感覺。不會再來，海景因為修路係無得睇既。浪費時間，浪費錢。不會推薦任何人，除非佢係我敵人。飲野只係包一杯，要飲要去汽水機買15-20一枝到。。寧願渴死，飲海水都唔會同佢買野飲。有錢都唔想比佢賺。酒店自身舊裝修，沒有特別好感，只係經過見到好像好正，但請大家不要比佢厄左。請‘’酒店‘’改進一下branding， 因為完全沒有酒店水準. 連普通餐廳都不如。

趁小妹生日+風和日麗既日子，豬帶咗我去梅窩渡過😍呢晚去呢間餐廳🍴幾有新鮮感，原因係餐廳用咗智能機械人模樣的自動送餐機🥳小妹都係第1次享受呢種服務🙈味道適中沒有太大驚喜，但真心幾大份🤫至於早餐🥣同樣好大份，最緊要夠熱，而早餐就係職員遞上比客人既🌝

朝頭早落去食早餐 有中式西式兩種選擇 有一部機械人出餐 但係可能部機械人放唔多嘢 又有啲慢 🤣所以佢哋啲員工最後決定選擇 人手推餐車出餐 在場仲有麵包供應 仲有咖啡同茶 辣椒醬豉油汁之類的 選擇較少 不過必竟唔係真係酒店 所以覺得咁樣算係差唔多話說在場有位感覺好似係菲律賓籍嘅女員工 好有禮貌 雖然主要係講英文 見到人會講Good morning 對比其他員工來講 禮貌上係好D嘅西式早餐有類似all day breakfast 🍳 嘅配搭 中式早餐係一個好少嘅豉油王炒麵 跟住兩粒燒賣兩粒粉果 個豉油王炒麵冇咩味道 所以我加咗好多辣椒🌶️醬 嚟搭救可能佢哋都知道早餐份量有啲少 所以都放咗啲麵包喺度 有得查果醬 同埋牛油🧈 我見到在場有好多客人都有去攞嚟食～

之前當初嘅回憶係好美好…大家應該都見到我早段有俾個食評都係呢一間餐廳 其實去嘅日期係上年嘅 跟住今次係去第二次 喺轉系團購酒店住宿嗰啲團購APP 買嘅 買嗰陣時個APP係冇顯示間房係有咩分別 但係第二次去到先發現 一個叫海景房一個叫花園房 花園房明顯睇落去舊D 第一次係住海景房 當然第二次到係想住返海景房啦 但係真係唔到我唔講 我花園房一入到去check嘅時候 就已經見到有上一手遺留落嚟嘅嘢 問佢生日有啲咩優惠又話一啲優惠都冇🤣 夜晚食燒烤嘅時候 有一個阿姐當值 係負責幫客人開火爐 加炭嗰啲工作嘅 個阿姐有大蝦細嘅嫌疑 在場有一個比其他在場客人歲數年輕嘅妹妹仔 佢不斷大聲呼喝嗰個妹妹仔 戴好口罩 先好去攞嘢食 可能因為佢張枱 嗰度距離攞嘢食個雪櫃實在太近 而且雪櫃嗰邊根本冇客人喺度 所以先想方便就咁行過去 好快攞完就走 咁樣都可以比嗰個阿姐截住 好冇禮貌嘅語氣叫佢戴好口罩 但係其實在場其他人 都係咁樣唔戴口罩 行嚟行去 個阿姐淨係敢對個細路女呼呼喝喝 （惡到果下 好似問人攞保護費咁樣）雖然唔知佢 係唔係屋企人之類嘅 發生咗啲唔好嘅事 但係都唔應該好似發脾氣咁對啲客人個阿姐個態度係好似

同男朋友一齊 去咗staycation 個住宿包埋晚餐冬天去嘅話最好 起碼唔好夏天去 因為咁樣唔會太熱 我男朋友一熱就出勁多汗🤣 風景唔錯可以望住過海燒嘢食 氣氛都唔錯 如果有播埋音樂就仲正啦～去到個員工會幫你起爐 之後會俾一個托盤你 入面裝住啲餐具啊燒烤叉嗰啲～跟住就可以喺雪櫃入面自行提取燒烤嘅食物同埋飲品 我仲額外自己買咗啲方包同棉花糖去燒食物同飲品種類都算豐富 唔會少得去邊 多數嘅食物都係已經串起嚟 方便客人燒同埋食用 價格優惠 下次再嚟先～

我住一晚買左佢地套餐早餐膳同晚上bbq先講早餐。。。個人覺得西餐好點，入得口，中餐差過3星酒店，粥係無味，個炒麵係得個樣都係無味，個燒賣可以，但粉果皮厚到一個點。。。。西餐最好食係三件火龍果同薯餅腸仔。。 粟米蘑菇冇味道火腿仲有一陣潺😢所以我最愛食佢個方包🤣佢仲有一部送餐機械人，但都係要人手拎，我唔識欣賞🙈晚餐bbq可以講 粟米同茄/瓜係最好食，其他肉類就算有色既肉都係得個樣完全無味。。。串燒麵係一樣，只有一款深色既串燒才有味食得下（圖5），如果你唔介意魚腥。。 多春魚都可以食下。還有記得入埸前買定飲品雪在酒店房，燒烤只提供 一罐/一支（一人）飲品，咁就可以燒完上房有得飲了

早晨套餐 $100蚊有找，限定朝早0700-1000，只有中式及西式特定選擇，沒有其他食物提供，發現送餐機械人剛剛正式上班，會送到食客面前自己取餐。價錢高昂，都係等到下午燒烤吧。青島啤酒，唯一供應的酒精，免強接受吧！咖哩雞中翼、孜然雞中翼、蒜香雞中翼、燒汁雞中翼，醃味清淡不濁不過咸，食得到原味合格。牛丸散發宿味，墨魚丸滿口都是粉，漢堡扒略咸而滑彈。雞軟骨，不要馬虎求其，要燒到乾身再迫出鳳脂，趙落不油膩又脆卜卜，無需額外調味已夠美味。尖椒，耐心地燒到全熟，外皮微微焦香，全熟才散發其天然甜味，爽爽濕潤食唔停。多春魚，要等白火慢火慢慢烤，烤到皮脆收晒水，魚子乾乾咬落甘香，魚肉嚥韌味濃，連骨帶肉全部嘴嚼，越趙越和味。牛肉串，方粒多汁，烤耐一點肉汁濃縮帶焦香，食得過。廚師腸，雖則不是正牌，起碼不過咸不過乾，仍可接受。脆玉瓜，不要燒太乾，烤到熱熱微焦入口爽甜。車厘茄，烤到外皮爆開，見得到熱到茄汁微滾，整粒啪入一咬爆汁，濃郁鮮茄美味。茄子，其實要整條不切去慢烤才易熟方便才美味，切成一片片難熟又易乾。幸好掃上蒜蓉連油，濕濕香口。紫洋蔥，天生辛甜爽嫩，烤過更濃郁。豬腩片，估不到有豬肉甜有脂肪香，嚥嚥韌韌