灣畔軒

營業中

休息中

同朋友係梅窩行完山，又攰又餓，梅窩啲餐廳又唔熟，周圍行下，發現呢間沙灘隔離既酒店，門口就有個茶座，見有位有野食，唔理三七二十一就衝入去，因為實在太攰同太餓由於Tea Time時間，仲有Tea Time Menu, 種類都幾多下，有小食雞翼、熱狗等等，飽啲既有麵，烏冬都有，再唔係星洲炒米都得我就叫咗個豬扒包，仲有少少沙律同薯條伴碟，唔錯 食落都好juicy, 好好味，唔知係太餓定點 不過真係好食既 仲包埋杯野飲，加埋一$66，加埋個沙灘景，如果得閒坐耐多陣，真係可以好hea

今日 holiday無無聊聊經過梅窩周圍都好多人， 諗住求求其其是但一餐嘆個 tea坐低嘅時候已經係2點， 所以叫咗個英式tea點知員工叫我哋快啲嗌好多嘢都冇點知由兩點等到兩點7先有嘢食 中途吹咗一次原來係唔記得落單食物都係一般唔太好食又唔算難食其實環境都好靚， 不過就真係差咗啲嘢食如果畀我再揀其實會揀衫普通茶餐廳雖然旅遊區地方預咗呢啲地方價錢唔會平得去邊都係果句不過如果有得再揀我會揀返普通茶餐廳埋單都要二百幾

同屋企人黎渡假，決定係呢間梅窩咁出名既酒店食LUNCH!幾令既TABLE PAPER, 仲可以填顏色TIM ，好有新年聖誕氣分。 一日有4款唔同既款式既飯/面。剛好當天係星期一叫左2個A. 咖喱牛排飯 同2個D.豆卜鼓汁排骨煲飯係飯味黎到之前係送左湯先，湯可以簡白湯/中湯/紅湯。都唔錯，飲得出冇咩味精同埋唔會死咸。!A. 咖喱牛排飯 話就話係咖喱 ，但其實食落係葡汁黎，因為椰味好重，不過幾好味!睇下個牛排都知足料，的確唔錯，咬落唔會太硬而且有牛味，NICE!~D.豆卜鼓汁排骨煲飯: 我比較期待呢個飯，睇佢有沒飯蕉就知夠唔夠耐，排骨好焧，我比老人家食都食到，值得一讚。而鼓汁真係生色不少，加埋香蔥絕對有提起個味既作用。最驚喜係: 竟然有飯蕉，係咁多人食既情況下都保持質素!問員工拎左隻碗仔，不過上面有點DIRTY食飽飯當然要食甜品，佢出左自家製既甜品。簡左3款唔同既同屋企人SHARE!1. MANGO PUDDING: 大約HKD 30 左右，MANGO比較青有點酸。 睇圖都知正有三層，有乳酪，一層MANGO JELLY 都幾豐富既LAYERS ，仲要食落有陣酒味。彩虹蛋捲: 望落一般，食落

今日下午時間黎到e到~知道e 到有大玻璃可以睇到沙灘既境所以就坐左window旁就到聖誕 餐廳都換上裝飾同食物但唔變既係佢地既lunch set餐紙換上聖誕公仔 可以比小朋友去填顏色 唔錯!睇睇lunch set 先:48蚊一set 唔收加一同埋包湯 酒店黎講就好平嫁啦~排骨蘿白湯: 好甜,係真老火湯 蘿白係入味既我叫左個咖哩牛排飯反轉睇 都有一大碗飯嚴格黎講佢其實係甫汁 同埋牛排唔un 好味!仲比左幾粒薯仔同洋蔥 唔錯!

難得放孖day 緊係要二人世界嘆下架啦～見好耐無傷過梅窩 就book左梅窩嘅酒店。。。不過唔係銀礦灣渡假酒店 而係遠少少嘅海景渡假酒店早左入去又未夠鐘checkin 仲要落狗屎唔想行番出碼頭食野就近近地去左銀礦灣渡假酒店嘆左個afternoon tea可能真係落大雨關係 無咩人 得幾台客環境好清幽 最適合兩個人靜靜地傾下計hea下野食方面  $168嘅afternoon tea set款式份量都唔多 不過以呢個價錢同景黎講都叫okay嘅咸食有熱狗 炸蝦卷 三文魚多士；甜食就2杯奶布甸杯 4件撻 2件cake 加多兩杯自選飲品都叫有水準嘅 平平地又有個銀礦灣海景睇下 都不失為一個hea時間嘅好地方！

入住酒店生日套餐,$868雙人床房間一晚,自助早餐,雙人晚餐(可選中式或西式),生日蛋糕夏天去都抵中式小菜選擇好多份量唔細,但酒店當然試西式先湯叫左一紅一白試,羅宋湯材料多味道濃郁酸甜度適中,忌廉磨菇湯好滑好香磨菇香忌廉又香鮮中蝦沙律配雞尾汁-菜都新鮮,蝦冇味,個汁酸酸甜甜好腥胃煙三文魚露荀沙律-三文魚唔腥個汁好特別但偏咸燒羊扒配蜜糖香草汁-羊扒肉質好冧,但有小小肥,粟米都甜燒西冷牛扒黑椒汁-肉大大塊肉質林,但個汁怪怪地牛奶布丁都幾滑唔太甜都唔錯總結-套餐價錢都唔錯,樣樣都唔錯,但如果要188個人就唔洗食佢有好多選擇

新春期間，百無聊賴，唯有獨自一人去梅窩行山吧，行完山，見到以前到過銀鑛灣燒野食個間酒店門口的Banner 有午餐食，橫掂幾肚餓，唯有一個人入去食｡入到去，見到menu，都幾抵食！48蚊 午市套餐，有ABCD揀，包－碗是曰中式例湯或羅宋湯，再包埋杯飲品，只係48 蚊咋,仲係响酒店食，加埋無敵超級海景，我老友話咋，cost of million dollars view, 想不到在離島梅窩酒店，竟然找到「48 蚊煲仔飯套餐」，而且還有例湯和飲品送，「大件夾抵食」之餘，而且均衡飲食，真是誠意之作！除了煲仔飯外，還有其他如葡國鷄飯或時菜牛肉飯等等，明天餐牌就有豬頸肉飯、茄汁燴牛脷意粉、粟米魚柳飯一律都是48元， 每個星期菜單都不同。雖然便宜，不過沒有將貨就價，打開飯煲見到滿滿的肉餅堆在白飯上，這個份量一個男人真的未必吃得完，既便宜又豐富。

同老公同小情人黎銀礦灣住返一晚, 訂左個情人節套餐黎慶祝1年半前黎食過呢間, 食材十分優質, 味道各樣都好掂, 抱住期待既心情黎食點知十分失望我唔鍾意俾劣評同唔希望遇到差既餐廳, 但呢間餐廳真係令我好失望, 再上網查返原來最近易手, 同之前既體驗相差太遠了首先我地6點半就準時去到餐廳, 坐近個玻璃窗, 同時間餐廳已係半滿狀態。 雖然係情人節, 都有唔少家庭客同兩公婆黎食 點菜我地前菜甜品沙律餐湯都係各一, 主菜叫左牛扒同豬扒, 發現前後左右都係咁叫法冇主見既叫法餐飲我叫左凍檸茶, 係附送好多茶葉。。。我想叫果汁, 因為我唔飲紅酒白酒, 佢話冇果汁供應, 但我走既時候見到有人飲梗果汁。。。餐湯一個白湯一個紅湯, 白湯係勁多麵粉勁咸好難飲, 但我個小情人好鍾意wor而紅湯係更難飲, 淡既冇味既又有d油.... 而白湯個碗邊全部都係湯沙律叫左中蝦同三文魚露荀, 等左15分鐘, 已經十分肚餓了..所以覺得份量唔夠... 而左邊既情侶比我地遲黎, 但上菜仲快過我地.. 係上左三文魚先, 有個光頭侍應走黎每台問一次有冇野漏... 我地食完2碟後又送多個三文魚俾我地.... 我地話已經食左喇, 佢先

新春行大運行到去大嶼山， 經過銀礦灣酒店見到個景好靚，燈火通明，環境好歐陸式。而且人流少好清靜，我喜歡！問了晚上套餐價錢，4人都係498，春節期間這個價錢，又在酒店食，當然要試。原盅燉湯，藥材味好重，有淮山、杞子、北芪、排骨， 好好味梅窩雞，原來是白切雞， 冰鮮雞味道一般，但薑蓉惹味非常， 撈飯食一流炒雜菜， 似灼菜多過炒， 唔夠鑊氣小炒皇味道ok， 用辣味xo醬炒夠火喉， 海鮮料有蝦、帶子等，份量算多京蔥炒牛肉， 牛肉鮮嫩， 京蔥味濃，食過不停鹹蛋蒸豬肉，普通家常餸， 太陽鹹蛋黃顏色奪目，不會太鹹，但賣相就差左 d, 可惜！最後甜品是芝麻糊， 嫌太甜，但新春期間，甜甜蜜蜜，意頭好結帳都係500多，抵食！

準確而言，我去嘅係同一間酒店嘅「海天一色茶座」而非「灣畔軒」，不過Openrice無包括.德國芝士蛋糕$32，價錢非常合理。味道同賣相都好。.梅窩遊人唔多，酒店dining area本身又大，坐得好舒服。仲有得揀左室內或者室外，室外區幾步之遙就係海灘，相當享受。

近日，有朋自遠方來，澳洲華僑，下榻銀鑛灣酒店，並相约我到他的酒店去自助燒烤，去到時，餐廳員工已準備爐具及食物，還幫我們爐，任燒任食，三小時，並每人贈送罐裝飲品一罐或礦泉水一枝，食物都幾豐富，有豬扒，牛扒，腸仔，多春魚，鷄翼及菜蔬等等，燒烤的例牌肉類，都算幾新鮮，每人都是158 元，如果不太苛求的話，都可以接受的。