火箭餐廳

營業中

休息中

Today is another Disney Day celeberating Donald's Birthday. Since there were many events, I decided to come here for a quick meal as they serve fast food. I was wrong regarding their speed.I decided to order the Iron Man Set Meal. The queue was long but I got to pay quickly. However, the long waiting time came after that. Their payment method is after paying at Cashier 1, you will queue at another Queue (let's call it Queue 1) and you can't switch queues. The server of my queue was new I guess..

去咁多次迪士尼， 第一次入火箭餐廳， 佢一個充滿童趣的用餐場所。menu 有多款漢堡和同炸雞選擇最後擇左食漢堡包，burger steak 唔算太乾，薯條即炸都幾好食，一個set夠兩人分

係快餐店點咗個$188惡作劇拼盤套餐加$38 詭計之神特飲。個拼盤啱哂一大兩細或二大一細食用。有魷魚鬚，豬肉腸，迷你漢堡及炸薯角。配埋千島醬及蕃茄汁。魷魚鬚肉質鮮甜。豬肉腸味覺有點像台式肉腸。好多肉汁。迷你漢堡以雞胸肉為主。好味。炸薯角點蕃茄汁，滋味無窮。放係底係卜卜米。造型有點像 Cruella髪型。杯特飲係以 Loki 造型。單買$58。以檸檬汁，菠蘿蓉及奇異果肉做配料。加入冰凍可樂。炎熱天氣一飲而盡。冷透心。

入到嚟迪士尼，預咗要食入面啲餐廳。但冇諗到間餐廳嘅食物素質真係非常好，雖然價錢貴咗少少，但係識落會覺得值門票價。叫咗個Marvel隊長牛肉漢堡套餐、香脆魚柳漢堡套餐、炸雞籃套餐，好鍾意個牛肉漢堡焗包係紅色嘅，非常有特色，包皮實好鬆軟💕💕

火箭餐廳算係迪士尼入面比較平嘅選擇🤓都算由細食到大。炸雞籃套餐 $140套餐包含兩塊炸雞、薯條和汽水。這裡的炸雞一如既往地好食，外皮香脆，雞肉juicy。雖然調味相對較淡，但對我而言仍然可以接受。相較於KFC，KFC的調味確實更加美味，但這裡的炸雞更加多汁、更大塊且口感更加酥脆。我以前覺得迪士尼的薯條很好吃，但這幾年可能是換了供應商，雖然薯條仍然脆，但口感稍嫌乾燥，沒有薯味。炸芝士條 $50溫度有點不夠熱，所以拉絲效果不太明顯，裡面的mozzarella芝士味道正常。炸雞翼 $50熱度適中，微脆，味道足夠，也是我很喜歡的小食。芝士漢堡套餐 $140芝士漢堡很平凡，漢堡扒稍微有點乾，但是厚度還不錯。

入園就千萬唔好用外面既標準去比較，除非你堅持唔係園內食，否則只會令自己每次食都好唔滿意。平心而論火箭餐廳算係園內有得坐既餐廳當中不錯既選擇首先佢有室內位，唔係每間迪士尼餐廳都有室內位架....係幾間快餐入面，佢定價仲係平少少，而且餐紙同杯又叫做有少少特色，係marvels黎講番今日食既炸雞籃，佢既炸雞係同老麥既炸雞勁似同樣既炸法，入面係保持到肉嫩多汁，不過佢調味就似乎相對淡少少薯條都係中粗薯，炸得乾身唔油膩，外脆內軟糯，今日既薯條係唔錯（睇運氣，唔係每次都咁熱同脆）同樣係調味相對淡呢個我覺得係迪士尼餐廳通病，唔知係咪特登既呢，因為小朋友多?汽水夠凍有汽，唔好以為係廢話，因為真係好多餐廳汽水機出既汽水係唔夠汽，或者一早準備定好多杯，放到冇晒汽，特別係某炸雞連鎖炸雞餐會附手套，都算係幾方便

逛完迪士尼又玩又攝，肚仔終於喊交啦！我哋就行咗入一間餐廳，準備開餐！🍔第一擊就係牛肉漢堡呀，牛肉餅好厚實，夾埋熱辣辣嘅芝士，咬落去啲肉汁四溢，夠晒juicy！又或者你鍾意魚類嘅話，魚柳漢堡都唔會令你失望。嘅魚柳大得驚喜，配埋好夠味嘅沙律醬，嚟講真，完全冇得頂！魚肉鮮美，外皮香脆，啖啖肉感，一啖嗌過口仼腦正！講笑啦，點可以唔講吓薯條呢？薯條真係得喎，金黃酥脆，啖啖香濃薯味，一口接一口，好難停手呢！😋漢堡賣相唔洋氣，不過喺呢度食嘢，你又唔會期待咩米芝蓮大菜嚟㗎；簡單既組合，都夠晒滿足你個肚。正所謂「好食唔繁複」，我喺呢度既體驗就係飽肚又開心。落肚之後，又有力氣去玩雲霄飛車喇！🎢總結，呢間快餐店講求嘅唔只係食物質素，仲包括食客嘅整體體驗。要我描述就係：簡單、快捷，而且美味到令人微笑！下次同屋企大細去迪士尼，記得要考慮埋呢間餐廳喇！

去迪士尼玩，《火箭餐廳》可以說是我們一家人最喜愛的飲食點。尤其是當我們玩到入夜，準備睇埋煙花先走時，這《火箭餐廳》絕對是唯一的飲食選擇。因為，餐廳的只中一個半露天餐室，係一個欣賞迪士尼煙花既絕佳觀賞點。又可以食野，又可以睇煙花，一舉兩得啊。而這一次，特別撰文報導的原因，就是因為餐廳開始要配合 Marvel 既園區主題，推出了一系列既 Marvel 主題餐，貪得意，就買晒黎試下。Marvel 主題，主要有三個套餐。一個是 Spider Man，一個是 Hulk ，仲有一個係 Captain Marvel。我心想，遲下開埋 Avengers 館，相信整個明日世界區，會變成一個純 Marvel 主題的樂園。首先介紹的，是蜘蛛俠小食拼盤。這，真有點像美式 diner 店的大大份美國 junk food 餐。有亞洲式的炸餃子，有亞洲式既串燒，有美國式既雞翼同薯條，非常之豐富。味道上，就是一貫美式煎炸食品的味道，好味道但不健康。變形俠醫雙層牛肉漢堡。首先，我要說，我真係唔明點解 Huck 是變形俠醫，而 Dr. Strange 係奇異博士。因為 Dr. Bruce Banner 是科學家，而 Dr

香港最有聖誕氣氛嘅地方一定係迪士尼樂園🎄✨為咗玩盡一日當然一早入園🥳不過樂園嘅餐廳收費都唔平 每個餐平均$150 所以大家最好食咗早餐先入去💗不過喺KKday或Klook經常會有餐飲套票 入園前記得買定😜通常會包餐廳+小食 非常化算大概玩到中午時分肚餓 喺明日世界火箭餐廳食快餐🍔🍟每次呢個時間餐廳一定爆滿 記得要同朋友分頭行事一邊等位 一邊排隊買食物😎兒童餐大約$100 正常餐大約$150 都係普通嘅牛肉漢堡包、炸雞、薯條汽水等等 食飽飽繼續玩🥳

嚟到2023年嘅最後一日，揀左十幾年無去過嘅迪士尼倒數😆，亦係迪士尼第一次攪倒數活動。當日雖然非常多人，但倒數完都只係迫左幾個字就出到園，比想像中好😏。難得入樂園，預左會玩一整日，亦預左要去樂園嘅餐廳食野。喺無乜選擇嘅情況下，揀左間漢堡店。Marvel隊長牛肉漢堡套餐 $140本身以為紅色嘅麵包只係得個樣，但估唔到原來真係有味道😯!! 原諒我講唔出係咩味，只可以講我麻麻地😂配料除左漢堡扒同芝士外，仲有少量洋蔥絲同蘑菇片。略嫌漢堡扒太鹹🤢，而且煎到幾乾身，食完要飲番多D水先得。變形俠醫雙層牛肉漢堡套餐 $165同紅色個包只差$20，但多左一塊好鹹嘅漢堡扒、芝士同煙肉，如果細食嘅話兩個人食一個包都應該可以頂到出市區食宵夜😂我哋一致認為，綠色包比紅色包好食😏魚堡 $145呢個我無食到，無評價。

🔹️去到迪士尼開餐🎪又唔想等位, 去“Starliner Diner” 最佳選擇👍餐廳設有多坐位, 食物款式不多, 但也算快捷方便😆今次點了兩款套餐另加雞翼🍽🔸️Marvel Beef Burger 🧑‍🚀🥩🍔Marvel隊長牛肉漢堡 ~ 以紅色包包幾特別😍包包十分鬆軟, 漢堡扒滿滿牛肉香, 還有芝士味道鹹香濃郁, 薯條香脆😋😋🔸️Fish Burger Combo🐟🍔魚柳漢堡 ~ 包包十分脆口, 魚柳金黃香脆🤤🔸️炸雞翼🐥雞翼不算大, 但肉質嫩幼, 外脆內嫩😋🔸️餐飲配芬達、雪碧🥤

每次入Disneyland必食火箭餐廳🚀玩樂時，食快餐特別滋味😋地點方便，在「明日世界」Space Mountain附近🪐通常入樂園食lunch都去呢間😆玩完space mountain去食個lunch再玩～今次個包唔知做咩綠色💚雖然又唔覺得有怪味不過唔夠熱騰騰🤢我地都食剩了加上份量都多 餡料好足嘅但係唔夠熱就係敗筆！！！！炸雞就夠熱辣辣🍗好食🤤薯條有辣有唔辣🍟辛苦細妹排隊了💞她說見到梁祖堯呢😛

本身喺呢度新推咗幾款主題burger，但牛肉煎到好乾，一啲都冇汁，仲要個漢堡包，流晒啲芝士出嚟，黐住晒喺張紙度，係拎都拎唔起個包，然後我已經潔癖發作，希望換一個俾我，但我就算再換過一個，係啲芝士都仍然係黐住晒，黐住個張紙，仲要食嘅時候一路流出嚟，我明流心芝士真係好好食，賣相咁樣真係感覺好污糟，薯條還可以，如果可以脆熱唔淋咁就好啦，但係我都仍然會喺呢度食嘅，因為主題餐廳俾人開心嘅感覺，裝修環境氣氛都好童真，只係希望食物質素可以進步一下

個拼盤加熱朱古力，$198銀河歡樂拼盤 +$30熱朱古力合共$228。適合一大兩小或兩大一小作下午茶餐。當中有雞鎚、炸蝦、薯條等。此餐會員無優惠。雞鎚好脆。炸蝦好美味。薯條混入甜酸醬，滋味無窮。

這家漢堡店通常都好容易搵位，因為內裏亦都夠多位，外邊的桌子亦都非常多，每每都可以容易在外邊搵到位😙雖然外邊多數比較炎熱，不過你嚟到迪士尼樂園，一味只顧往室內的位置走有空調的座位，其實都冇乜意義，反正外邊又有風扇🌄而且可以聽到外邊巡遊的唱歌聲音，以及強勁的節拍，不是更有氣氛，更有歡樂的妙韻嗎。🎆🎼🍔看一看餐牌，看不到以前平平無奇那款好味的漢堡，已經變了一款綠色另一款紅色的漢堡，不過這款粉紅的，吃內有沒有什麼特別味道，相信是紅菜頭用來調色吧。雖然加了價，以及漢堡包加了顏色，不過包的質地還算不錯，另外，中間牛肉的調味也是和之前的差不多，這次洋蔥看來沒有那麼多，蘑菇亦都不太多，不過芝士以及調味汁，都差不多的味道，帶點牛肉香，不算太乾的漢堡，味道還算不錯，亦都夠大個，當然，它都收你百幾蚊嗰餐。另外薯條，份量都和之前比較屬於差不多的份量。薯條大大盤，炸起夠香夠脆，調味都不算太鹹，原來內裹薯肉份量不算太少，還算是相當不錯的。🍟不過炸雞就沒有第一次來那麼正斗，雞夠大塊之餘，外皮夠香脆，內裏肉汁極多，和jolibee 炸雞可以一併高低；這次的炸雞，外皮亦都同樣香脆，只不過內裏肉汁沒有那麼多而且有些雞肉比