火舞町 (已結業)

火舞町 FUMU 火舞の12品極尚和牛龍蝦鐵板燒套餐⭐️ 瑩光魷魚沖漬Firefly squid in soy sauce, a dish that showcases the flavors of fresh squid with a tangy and vibrant marinade. It is a delightful appetizer that sets the tone for the rest of the meal.⭐️ 魚子醬豆腐配胡麻醬Another appetiser is Caviar tofu in sesame dressing. The combination creates a harmonious blend of flavors. ⭐️ 上刺身盛（五點)The course continues with a platter of assorted sashimi, featuring five different types of fresh and carefully sliced raw fish. The sashimi is presented

一入到呢家店，老闆微笑迎接，氣氛舒服得滯，坐低叫咗份傳統香港風味嘅炒麵。阿叔炒麵嘅聲音好過癮，啲麵嘅香氣直躥鼻尖，令人期待。啱啱好，呢碟炒麵平民價錢，但味道絕對唔平凡！炒麵🍜出面金黃焦酥，入面爽滑彈牙，醬汁恰到好處咸香，啜一啜，吱吱響，越食越過癮。啲芽菜㜁到爽口，係炒麵之間帶嚟清新感，仲有啲小小辣椒絲，微辣微辣，啱哂愛辣嘅我。叉燒呢，色澤紅潤，切得薄身啲；食落去外焦內嫩，帶少少炭燒嘅香味，真心惹味。飲杯涼茶解嘈，真係好搭檔。講真呢，這餐飯，簡簡單單，味道卻百吃不厭，下次再嚟，一定要試埋啲其他嘅平民美食！🥢🌶️🍵咁有滋味嘅炒麵，配上老闆嘅賓至如歸嘅服務，食完之後滿足感滿滿，呢個就係地道香港嘅小店風格，要保留味道，又帶啲新意，真正嘅美食，唔單止止於味覺，仲有同店員或者老闆嘅交流，這種感覺真係值得嚟過又過。

岩岩個假日同媽咪行街，經過見到一間裝修精美嘅日式店，佢仲要做緊優惠套餐添！！個套餐有14品食物有沙律、小食、龍蝦、炒飯、甜品等等😚每樣都好好食，擺盤精美，令到我哋食飽又睇飽🫶🏻南非鮑魚鮑魚新鮮彈牙，上面仲有三文魚籽，帶出鮑魚鮮味仲加咗D鹹味點綴👏🏻👏🏻琥珀核桃小魚乾脆卜卜咁，食落有種鹹香味😆每日精選甜品係抹茶蕨餅😋囗感煙韌，加上苦澀嘅抹茶粉，令味道更突出😍😍日本A4十勝和牛厚燒🥩入口即溶，啖啖肉仲有多汁🤤加入蔥花同蒜片，更加提升咗肉香味😆以上係我同媽咪喺個套餐入邊覺得最得意同好食嘅☺️☺️，兩個人食呢個餐嘅份量啱啱好，唔會太多👍🏻餐廳環境舒服，店員細心有禮，下次再帶屋企人嚟食🤗

第二次嚟到呢一間鐵板燒居酒屋食嘢，非常之期待今次叫嘅美食，因為上一次食佢哋嘅套餐嘅時候已經好滿意！不過今次有特定某啲嘢特別想食，所以就決定單點😆👍🏻蘇格蘭蟶子王（兩隻）超級巨型嘅蟶子王，非常之鮮甜美味！👍🏻燒牛舌燒牛舌爽脆嘅口感，並且燒得好均勻，真係令人回味無窮！👍🏻豬肉大阪燒好友日式風味嘅豬肉大阪燒，上面加咗燒汁，每一啖都食到燒汁嘅香味！豬都類肥瘦適中，仲食到小小油脂，口感唔錯。👍🏻北海道千歳う未豚豚五花豚肉絕對唔輸蝕過牛肉，肉質鬆軟，啖啖肉嘅口感實在太難以忘記。👍🏻牛油蝦膏汁煎虎蝦煎虎蝦虎蝦的蝦肉鮮甜又彈牙，牛油蝦膏汁超入味，好喜歡個醬汁！

到咗TGIF~緊係要揾間好餐廳獎勵下自己😝朋友推介左我哋黃埔呢一間居酒屋🏮位置喺黃埔嗰邊，鄰近我返工嘅地方😆一入去餐廳就覺得裝修好靚，菜式多元化今晩試咗幾款招牌菜式:🔸豬肉大阪燒大阪燒上面佈滿燒醬和木魚乾🤩人面都有豬肉片同蔬菜，麵粉唔算多，食得好滿足😌🔸牛油蝦膏汁煎虎蝦虎蝦煎得好香，吸收哂牛油🧈蝦膏汁嘅精華，味道爽口濃郁🤤🔸北海道千歳う未豚豚五花煎到少少焦香味，肉質細嫩多汁，脂肪分佈均勻，啖啖肉😋🔸蘇格蘭蟶子王（兩隻）份量好大😻鮮甜爽嫩，燒汁特別惹味，加少少檸檬，鮮味一流😚整體感覺十分好，每款菜式都好出色，餐廳環境好舒服，職員都好風趣幽默，令到我今晚有個happy Friday😽😽

最近公司附近有間幾靚嘅居酒屋，有個鐵板燒套餐，好似好好味，於是叫埋老公一齊去試吓🎉🎎上刺身盛(五點)推介指數🏮🏮🏮🏮🏮雖然個鐵板燒套餐有14款野食，但我最推介呢款，因為刺身非常新鮮，而且每件都係大大舊！🎎海膽三文魚子配時令生蠔推介指數🏮🏮🏮🏮擺設都好精緻，同埋份量好多，海膽好鮮味，三文魚子好多粒，而且粒粒都脹泵泵，食落好juice!🎎香煎澳洲龍蝦尾推介指數🏮🏮🏮🏮成條龍蝦尾放喺碟，感覺好足料，好豪氣，同埋無呃秤，龍蝦肉味濃，舊舊都啖啖肉，好滿足！🎎日本A4十勝和牛薄燒推介指數🏮🏮🏮🏮有好多塊，感覺好抵食，牛肉味好香，好吸引，配埋檸檬汁，香蒜同埋蔥粒，口感好豐富！

火舞町@大賞十四品鐵板燒套餐，呢個套餐都幾抵食，原價係$1008，而家只需要$588，仲要每日限量發售，唔怪得成日都買唔到啦🥹！海膽三文魚子配時令生蠔🦪生蠔嘅鮮味十足，但係又冇腥臭味，加咗啲三文魚子落去晶瑩剔透，仲要有好好味嘅海膽喺上面添呀！日本A4十勝和牛薄燒🐮和牛嘅質素確實有保證，師傅燒到和牛兩邊都剛好，搞落去嘅時候仲有啲肉汁流出來，真係非常之邪惡！南非鮑魚🌟南非鮑魚勁厚肉呀，鮑魚口感煙韌，無腥味，我都幾鍾意食！香煎澳洲龍蝦尾🦞香煎龍蝦肉份量都幾多，煎到好香，入口鮮甜，有水準！

💖琥珀核桃小魚乾🤍🧡呢個小菜有琥珀核核再加小魚乾，好有豐富既口感同獨特既風味，琥珀核桃有濃郁既堅果香氣，令到整個味道都好有質感，小魚乾就帶有鹹味既魚香，經過烘烤後更可口🧡💖上刺身盛🤍🧡裡面係有五種不同刺身，每一啖都食到滿滿既刺身風味，其中蝦既肉質鮮嫩，仲有魚腩部位，帶有豐富脂肪同油香，好滑好嫩🧡🤍海膽三文魚子配時令生蠔💖🩷試過呢款小食，有海膽、三文魚籽、生蠔，生蠔中既肉好肥美，帶有鹹鹹海水味同肥美既生蠔肉質，海膽既奶油口感，仲有三文魚籽鹹香味襯托，多重口味多重口感，好高質既配合🩷🤍日本A4十勝和牛厚燒💖💛點少得推介呢一份和牛厚燒，佢有薄燒厚燒，個人覺得厚燒既口感就會明顯D，肉質豐富，係一道精心烹調既和牛，食一啖已經有好多汁，再加上和牛既味道，食幾下已經溶了，非常好食🧡

呢間餐廳行既係日式居酒屋裝修，設計幾有風格，好似真係去佐日本食野咁。我地食既係套餐，有十四品菜式，前菜先食博多明太子沙律🥗沙律菜好新鮮，配埋切開咗一粒粒嘅明太子，再加埋啲沙律醬，好鹹香，又清新，食完好開胃！然後食到既海膽三文魚子配時令生蠔🦪都好出色，新鮮生蠔即開，上面再放埋海膽同埋三文魚子，軟綿嘅口感，生蠔夠晒肥美鮮甜，全部都係新鮮嘅食材！熟食方面夠晒難忘既有香煎澳洲龍蝦尾🦞龍蝦尾嘅肉好大嚿，好Juicy，啖啖肉，口感好好，亦都好鮮甜，用鐵板炒出嚟，再有啲焦香，味道更好！另外好食既點少得日本A4十勝和牛厚燒🥩呢個係另外要再加$58，但加得好抵，和牛真係一嚿嚿厚身嘅，切開佐燒到外脆內軟，內心仲係鮮嫩嘅紅色，一咬開就入口即溶，非常濃嘅牛味！

1️⃣琥珀核桃小魚乾呢個係小小前菜，小魚乾混合琥珀合桃，甜甜地，煙煙韌韌，亦都有食到合桃嘅脆口，口感幾好幾有層次，刺激下味蕾！2️⃣上刺身盛套餐入邊另外一款菜品，刺身有五款，吞拿魚雖然唔係拖羅，但都都好鮮甜，有啲筋，幾有咬口，三文魚都好肥美，劍魚腩都係鮮甜肥美，另外甜蝦都好鮮嫩，仲有赤背都好爽口，全部都好好食！3️⃣南非鮑魚鮑魚好大隻，原隻切開，用鐵板微微燒香，口感仲係好爽嫩，再加埋啲三文魚子喺上面，雙重口感！4️⃣日本A4十勝和牛薄燒和牛雖然係薄燒，但係份量都好多，又唔會燒到好熟，仲有啲粉嫩嘅顏色，燒得啱啱好，薄燒更加食到和牛既軟腍，口感入口即化，牛味好重，超正！5️⃣香煎澳洲龍蝦尾龍蝦尾係呢個餐既焦點，龍蝦肉夠晒大舊，肥美鮮甜，燒香佐味道更濃，龍蝦香味滲晒出黎！6️⃣法國鵝肝魚子醬多士（二食）呢個都係另外加配既，食法有兩款，焦黃色既鵝肝上面係蟹子，味道咸鮮突出；白色既係蘋果，再加試魚子醬，鵝肝醬同多士，中和番鵝肝既油膩感覺！

男朋友book咗餐廳慶祝紀念日🥂，係黃埔附近嘅餐廳，聽講餐廳係主打鐵板燒同日本菜😻點咗個火舞の大賞十四品鐵板燒套餐，兩人起，食物都幾豐富😆😆🦞香煎澳洲龍蝦尾嘅肉質鮮嫩，配上微微嘅焦香味，比想像唔錯！🥩日本A4十勝和牛薄燒嘅A4和牛真係好嫩滑，再配上啲嘅蒜片，肉香滿分💯上刺身盛(五點)，-每款都係厚實又新鮮，特別係赤貝、甜蝦、三文魚腩😍海膽三文魚子配時令生蠔🦪鮮味滿分，生蠔肥美又大！！好豐富嘅晚餐💯好適合約會聚餐，餐廳嘅私隱度高，食得好開心😁

事緣經過見到間餐廳佈置好靚，好多日式燈籠同埋日本畫作，例如有武士貓同宮崎竣嘅幽靈公主，好好情調，環境又舒服，所以就入左去試下🍁火舞町🍁餐廳位置都好方便，好近地鐵站。🪺牛油蝦膏汁煎虎蝦賣相好靚，而且好多蝦膏，店員好細心，會拆肉上，啱晒d lady,唔會影響儀容🌊🌊🪺 燒牛舌好值得推介，好爽口，口感好豐富🌊🌊🪺 北海道千歳う未豚豚五花，口感一流，值得一試🌊🌊🪺 蘇格蘭蟶子王，賣相好吸引，好鮮味🌊🌊

今日男朋友生日🎂，帶佢去火舞町食鐵板燒食好嘢慶祝。生日喎！當然係食最豐富嘅鐵板餐啦！套餐入邊一共有14款食物🥘，超級無敵豐富。🥗博多明太子沙律明太子係我最鍾意食嘅，所以任何有明太子嘅菜式我都非常非常樂意食。呢個沙律入邊有非常多嘅明太子，明太子鹹鹹香香再配上酸酸甜甜嘅蛋黃醬和清新爽脆的沙律菜🥬，滋味無窮，口感豐富！🦪海膽三文魚子配時令生蠔呢一份海鮮真係超級豪華，原石3號上面放咗一件海膽肉和一堆三文魚魚子。生蠔充滿海鮮味，入口滑喉，蠔味濃郁。再加上鮮甜幼滑海膽，爽脆新鮮三文魚魚子，三樣嘢一齊擺落口，根本就係鮮．鮮．鮮混合體！日本A4十勝和牛厚燒呢個厚燒A5和牛冇得頂，肉亂多汁，入口溶化，牛味濃郁，厚燒嘅所以食落去仲要啖啖肉，口腔裏充滿油脂和肉汁，味蕾都被牛肉塞滿！好味得誘人😍每日精選甜品．抹茶蕨餅抹茶蕨餅充滿抹茶粉，甘香濃郁帶有少少苦味令整個口腔回甘，風味絕佳。蕨餅軟軟淋淋又爽口，佢上網查一齊食整體唔會太甜又有回甘味，為整個晚餐畫上完美句號。

老公今日book咗一間日式鐵板燒，帶埋我同仔仔一齊開餐😍有得食有得睇，大人細路都happy👨‍👩‍👦前菜琥珀核桃小魚乾好有口感，甜甜地連仔仔都食，估佢唔到😆依個海膽三文魚子配時令生蠔好吸引，三樣食材都好新鮮，鮮味係口腔大爆發！之後有3款正到不得了嘅燒物🔥日本A4十勝和牛薄燒包住蔥蒜，惹味😋香煎澳洲龍蝦尾好彈牙，仔仔好鍾意食🥰加配咗一份北海道千歳う未豚豚五花，豚脂豐富，北海道嘅豚像果然高質😍仔仔一路食一路睇住師傅燒，好興奮😆老婆今次做得好，帶我哋嚟食間咁高質嘅鐵板燒☺️

今日約左朋友嚟紅磡食飯，之前見到呢間餐廳嘅鐵板燒套餐一直都好想試吓，今次一於約埋嚟一齊食。🍳🐂🍚日式風味和牛炒飯⭐️⭐️⭐️⭐️炒飯飯粒粒分明有好香嘅雞蛋味和濃郁嘅牛肉味。雞蛋係一隻濺到半生熟嘅太陽蛋，太陽蛋煎得非常靚，半熟嘅狀態下閃閃發光，就好似呼喚人去食佢咁，點可以停口唔食呢！混合埋牛肉炒飯一齊食真係好好味😋而且飯係用珍珠買，米粒煙煙韌韌，味道同口感都非常豐富！南非鮑魚⭐️⭐️⭐️⭐️⭐️第一次試到咁鮮味嘅鮑魚，鮑魚新鮮肉質彈牙，大廚將原隻鮑魚煎熟再切片，所以每一片鮑魚都食到香味，加埋三文魚魚子一齊食味道更加鮮。🦞香煎澳洲龍蝦尾⭐️⭐️⭐️⭐️⭐️新鮮龍蝦肉真係特別好味🤤，食落去味道特別鮮甜，蝦味濃郁。龍蝦肉大大件，塞落去成個口都係龍蝦肉，好有彈性好有咬口，而且蝦肉煎到香味十足，加上小小黑胡椒，味道已經非常鮮甜！🦪海膽三文魚子配時令生蠔⭐️⭐️⭐️⭐️⭐️⭐️呢隻生蠔海水味特別豐富，仲要加埋新鮮三文魚魚子，就好似一隻即刻由海上面撈出嚟嘅生蠔一樣，食落去滿滿海水味。另外再加上海鮮皇后👑海膽，令整個味道更加豐富，今天幼滑口感。