火鍋本色 (已結業)

食物一般，沙嗲湯底有點鹹，有位男性的伙記態度極之差，搞到我半夜三間也裝置這個Apps去寫這個食評。永遠不會再光顧這店和他們的分店Food was average. Had a satay soup base which was quite salty. There was one waiter with very bad attitude which had ruined the whole experience. So bad that it had made me to install this Apps in the middle of the night to do this review. Totally BAD EXPERIENCE. Will never go bk to this restaurant

第一次食呢間火鍋時係响銅鑼灣登龍街，而家已經搬咗，但嗰陣時食已經覺得水準唔錯喎，感覺比起自己平時食開嗰啲高質，咁樣已經令我留下好好嘅印象。事隔幾年，我家附近竟然開咗分店，咁梗係要支持一下啦~自己揀醬，基本嘅都會有牛摩王拼盤，每款都有得試下，唔錯喎蝦丸併墨魚丸 ，超水準架我覺得脆骨魚腩，呢個我老公超like，食晒呢碟再叫多一碟添象拔蚌刺身，好新鮮，好鮮甜，仲可以叫例牌，超讚四川麻辣併冬瓜湯，四川麻辣好香，越滾越辣，好正，冬瓜湯清清地，感覺唔到有好多味精，都正呀食火鍋我一定叫唐生菜，滾完特別好味架自家製菊花茶，唔甜，感覺好清熱唔知邊一啲係可以有75折，淨係記得海鮮一定無，咁樣平咗100蚊倒，我呢啲師奶仔就梗係高興架啦。要keep住水準呀，一定會繼續支持。

本來打算來食雞煲放題，但睇到啲火鍋配料好普通，所以臨時轉軚散叫湯底叫左兩款，雙拼以較高者計，所以叫左胡椒豬肚 同 四川麻辣 兩款湯都配料十足，尤其豬肚湯底內既咸菜幾好食醬料一set 有8款，任添唔嬲，大混醬左一番，不過其實湯料十分夠味，配上醬料會太咸 （醬料每人$18）收茶芥，每人$8，但又唔會放底茶壺比我地任酙 食到中途太重口味 水又未添 會口渴叫左幾款特別既肉類，其中一樣係 ‘豬八戒’ 用類似甜品架來上枱，幾特別 但味道一般 不過份量係由頭食到落尾肥牛，好瘦 有懷疑自己係唔係叫錯左，不過當牛肉食都ok3秒響鈴，好欣賞即叫即炸，上枱熱辣辣，而且好鬆脆皇帝菜，一大兜，食落好清新手打丸 叫左黑松露丸拼象拔蚌丸 但老實講係幾好食 但就食唔出味道叫左碟海蝦，好新鮮，啲蝦腳仲識郁仲有好多選擇未試，如有機會都可以再來試6pm - 9:30pm 有75折，當然有啲野唔包在內，但都係吸引我地臨時轉軚既原因

我是極少寫食評的, 因為覺得有時要給機會店家, 但這一間....例外昨晚為了慶祝老公搵新工, 請他去吃上述店, 昨天中午BOOK位(確認有位的), 會選這一間是因為之前曾左北角分店吃過同一樣的, 龍蝦是澳洲, 飽魚, 蝦都係上到枱仲活的樣樣都不過,  所以決定去這間分店.地點還可以, 由MTR去行5-6分鐘到, 是樓上店, 到達時店內客人不多(不超過4枱), 但不明白為什麼要安排坐垃圾桶旁邊....., 選了雞煲, 到來汁很水...不過沒關係(主要上次係北角吃的海鮮夠新鮮), 之後來的刺身一般, 沒特別好不好, 再來就是海鮮拼盤, 如圖, 龍蝦斷晒腳, 飽魚雪到硬晒, 蝦是非新鮮(有少少開始黑), 我自小愛吃喜歡海鮮的人, 所以對新鮮要求高, 我當時沒嘈是因為不想老公不開心, 之後任吃的牛柳粒 - 唔掂.....豬腩片...邊係黑.....我覺得個刻入左BLACK 店.....我都忍了, 到最後結帳時我同店員講返海鮮唔新鮮的情況(我沒想過要任何折扣, 只是建議) , 佢話: 上到枱當然係死啦... ...我跟著講我上次係北角D野上到枱仲會動架....佢之後先叫認衰話會同老闆講返....

呢間舖食物還算可以接受，但服務態度奇差！來店時服務生俾左錯誤資料，之後竟然唔係糾正錯誤，而係有位兇神惡煞既廚房佬出黎話服務員講錯唔關佢地事，唔會負責任！如果服務生唔係代表間餐廳，我都唔明係乜嘢服務，仲要搵人出黎同個客嘈？仲要叫人睇清楚先，咁係咪寫左係度就可以炒哂所有伙記？唔怪得遊客話香港服務態度完全不能接受。再見，大家都唔好去。附近火鍋店仲有好多間。沒有差，只有更差！All those who can’t read Chinese.... don’t go to this shop. Poor service attitude. Totally unacceptable! You will definitely regret!

尋晚喺西環收工，呢幾日得十度八度，打邊最啱。朋友住西環，介紹咗呢間餐廳，好近地鐵。餐廳裝修懷舊有特色，氣氛同西環一樣幾舒服自在，亦坐得好舒服。嗌咗蕃茄仔豬骨湯，個湯我地最尾每人飲咗起碼兩碗因為蕃茄味同豬骨味都真係好濃好好飲飲完冇覺得口渴，應該冇味精啦，連湯渣都其實幾好食其他食材亦都好新鮮，好似平時呀媽即日喺街市幫你揀過哂嗰種，最鍾意係牛頸脊同黑豚腩肉，因為肉質真係好靚，燈照落唻有光澤，肉味好濃。黃沙豬膶切得好薄好易熟，爽得唻又粉粉地，野生竹笙亦好鮮好爽口多汁。呢幾樣係下次唻食我會再嗌嘅。平時打邊爐都會有種侷促感覺，但呢間真係寧舍悠閒，睇時間先知原來我地食咗好耐 哈哈

冬天就係要打邊爐～男友咁好死黎接我收工，就去左近公司既呢間邊爐試下一入去就聞到好香既肉骨茶味～連睇都未睇餐牌就揀左要咩湯底了～坐低再睇一睇，咁香既肉骨茶湯底唔洗一百蚊，即嗌！肉類順應男友要求要一碟大既本地肥牛試一試，揀多碟雙拼餃同埋桂花蚌就食住先～呢度既湯底、丸、餃之類既料都可以雙拼，幾方便人少又想試多啲野既人～先黎湯底，肉骨茶非常足料，無論係連骨既肉定係其它藥材都非常多～勁香藥材味呀，令我地一路煲一路聞住流口水～牛就幾高質，雖然唔係叫貴啲既牛，但係脂肪分佈唔差，完全冇其他肥牛果種半條脂肪半條肉既樣～口感唔會韌，肉香一般，完全對得住個價錢～煲到咁上下試下d 肉骨先，成煲起碼有六七舊肉骨，抵到爛！桂花蚌份量好足，淥一陣見到佢攣左就食得口感勁爽勁甜～哩間店有幾個水缸放海鮮，即叫即整，唔點豉油就咁食都好滿足呀雙拼餃我地係辣羊肉餃拼韭菜墨魚餃，兩樣都係平時冇咁常見既野～辣羊肉餃香，微辣幾過癮韭菜墨魚餃都唔錯，皮薄餡撐到脹卜卜～原本以為要加多個Udon，點知已經飽左d 肉骨真係幾多呀埋單計埋醬料$ 加一都係五百蚊唔洗

講真真係好少離開堅尼地城，自從地鐵開通之後都係第一次，天氣凍凍地最適合打邊爐啦。一班朋友去完的海洋公園梗係食返夠本一向打邊爐都唔係好鍾意任食所以就去散叫，用料會新鮮啲餐廳樓梯到去嘅時候有種好懷舊嘅感覺餐廳最出名應該係有刺身，但係由於幾位朋友都唔係太鍾意食生野，所以我哋就冇叫到湯底方面，雖然揀咗一個普通嘅鴛鴦鍋，但佢嘅沙嗲湯底唔係好油膩另一招牌嘅番茄仔豬骨湯湯，入邊都係有一大個豬骨喺度煲好濃郁嘅湯底打邊爐點少得肥牛，點左個手切肥牛拉牌肥牛，切得好薄，而且脂肪均勻唔會太肥，而且恰下恰下好昜熟，份量都足夠打邊爐梗係點都要有丸類，而且手打系列比較特別嘅就，揀咗芝士海蝦丸同安格斯牛肉丸，全部都係新鮮打成，好彈牙，而且唔會太晏。芝士丸芝士都係流晒出嚟當然仲有普通啲嘅皇帝蟹粉包另外叫咗自製嘅韭菜墨魚丸，同埋魚皮餃之類嘅。餡料好新鮮，而且皮薄，還有叫咗3秒響鈴，係新鮮非常之脆，打邊爐當然唔少得配料配料就係需要加＄16一位

我本來抱很大期望，最終失望而回，這間又是－次飯店.真心唔會再去 未開始食頭都痛.海鮮貴 真心寧願食至尊雞煲任食 .野食唔太洗得乾淨店員態度悪劣,貴得來完全冇服務,叫加湯冇人理!!!!值得一讃是象拔 , 真是好新鲜,其他不值一提

天氣變冷最適合吃火鍋，晚上工作完便到家附近試試這家火鍋本色。在香港這個品牌有三家分店，我去的這家在位於地鐵堅尼地城站C出口步行大約5分鐘的距離。餐廳在1樓，沒有電梯所以要走路上去。明顯看得出餐廳有下點功夫在裝潢上，天花板掛滿金色鍋碗瓢盆，有一排靠窗的卡座，餐廳播放著80後熟悉的香港流行樂曲（一下暴露年齡）哈哈。店員安排我們坐一張四人桌，坐得算寬敞。湯底我們選了雙拼，一半是老火豬骨火鍋清湯，另一半是招牌四川秘制麻辣湯（$68）。不辣的清湯還蠻清，不是那種可以下料前先喝一碗的湯底。另外辣的那一邊我覺得味道非常好，辣得來又有點麻，不能吃辣的朋友就不要點啦，不然會鼻涕直流。小妹愛吃辣但只能接受小辣的那種還覺得辣度可以接受得了，不過吃到後面還是叫了杯雪碧解解辣哈哈。我們點了秘制羊仔肉（$78），沒有酥味，肉質蠻嫩滑。下一個是雙拼秘制香辣羊肉餃和鳳城水餃（$58）。我覺得羊肉餃很特別，加上裡面麻麻的味道很惹味！這是雙拼金龍蝦丸和台灣香菇貢丸（$38），雙拼的東西都是共六粒。這家餐廳好的是很多東西都可以雙拼，而且只收貴一點那款的價錢，很適合像我們這種兩個人來吃火鍋又想試多點東西的人群哈哈。另外我們還

位於西營盤嘅呢間火鍋餐廳，由於位置有小小偏僻，並不是處於非常顯眼嘅位置，但係呢間小小嘅鋪頭包羅萬象，火鍋底料，配料，食物種類齊全，應有盡有。其中包埋各種刺身、游水海鮮，亦都有各种丸类，面类，肉类，竹筒累，饺子类，蔬菜类，全部食材都非常新鲜。湯底種類超級多，我啲今次試咗招牌番茄仔豬骨湯，超級營養滋補好飲。牛魔王拼盤包埋牛頸脊，牛柳粒，金錢展同埋肥牛。紐西蘭羊肉片亦都超級推薦，肉質口感極好，滑嫩可口。麻辣牛丸，野生黑松露丸都好弹牙，豆腐、芝士腸、粟米、蘿蔔都非常新鮮好吃。我極力推薦大家去呢間試一試！

屋企係堅尼地城府近, 就試下嚟間火鍋店...佢係樓上鋪，行樓梯上到去間鋪頭感覺幾舒服...我地上到去就點咗雙併湯底: 清㵎椰子螺頭雞湯+番茄手尾鍋椰子雞個湯底好香同好養生咁，配翠肉鯇一流!!番茄個湯就好濃!! 2個湯㡳嘅料都好足再點咗個牛魔王拼盤, 乜都有最正係個白色個個牛橫格膜, 配番茄湯爽口又入味!!其他牛肉都好新鮮，特別手切牛頭脊好好味仲點咗香草帶子菜苗餃子，雙拼丸，翡翠苗等等樣樣食物都新鮮好味!!份糧好足，我地仲食埋湯㡳嘅雞同牛尾

氣溫驟降，港人最愛的活動當然係打邊爐啦。今日難得入西環聚舊，打邊爐啱晒😉可以一邊食一邊傾偈。訂咗位八點半，都有大半坐滿。原來9：30有宵夜時段優惠，仲抵食。打邊爐除咗個爐之外，最重要當然係個湯底啦，有好多款式選擇😍花多眼亂，最後揀咗金銀菜白肺湯有好多菜，豬肺都有好多塊。水滾第一件事，飲下個湯先🥄飲吓飲吓沒咗一半，真係當咗自己飲湯😋火鍋醬料齊全🐮牛魔王拼盤得三個人，所以叫咗個細拼盤🐮本色極品手切牛頭脊🐂甘香牛柳粒🐃手切金錢🐄牛切肥牛仲送咗個牛胸尖俾我哋試（好大片白色嗰款），白色部份較肥，熟咗質地爽爽的，好有牛味，值得一試。不過大家最鍾意個牛脊，肥瘦適中、肉味濃而嫩。🛎3秒響鈴真係滾3秒就ok冇多冇少剛剛好🥐雙拼餃子爆芝帶子菜苗餃、南瓜餃餃的款式多，叫咗d平時少見嘅，好味👍🏻 丸會爆芝就食得多，餃子都爆芝，而芝士味唔會搶味😋❄冰豆腐🌱油麥菜🐽豬夏青食飽飽😋暖笠笠🔥大滿足🌟

放工與好友相約在公司附近吃晚餐在OpenRice選了這間火鍋本色這間火鍋本色門口已放置餐牌價錢一目了然一向吃火鍋都不太喜歡任吃的放題因為食物水準總是較低，而且吃來吃去都是那些丸類這間「散叫」的火鍋店選擇確實多而且不用加錢也可以選擇雙拼丸類適合兩個人吃更多的款式餐廳位於2樓行上去時看見吸引的食物照片口水都流晒尤其這個牛肉三層架！店內環境都寬躺就算兩個人食都有張四人枱呢而且同隔離枱距離夠開由於六點已經去到，不用等候就可入座食到尾聲已經好多人朋友想食雞煲點了小辣的雞煲，辣中有麻，而且雞件仲係炒過泥，好香穫氣！加入䓤頭、香茜、花椒等等香料⋯⋯食完一件又一件(初頭仲覺得朋友叫雞煲令我冇左食海鮮煲的機會）半隻雞份量二人分岩岩好之後加入湯再打邊爐貼心嘅係，店員主動提醒有分"加湯"同"加水"，因為只加湯會越煲越濃味，覺得太濃時可以叫店員加水火鍋配料叫左唔少牛有好多款，雖然好想食响樓梯相入面哥個牛拼盤，但礙於價錢問題叫左哩個大ge 星級手砌牛牛花超正，輕燙一下食落牛味十足入口夠淋下次要約多二個frd 一齊挑戰牛拼盤金裝四寶丸：由右至左係百花菇丸、辣牛肉丸、黑松露墨丸、芝士蝦丸一個價錢食到四款特色口味ge

秋風起 天氣開始轉涼 最好就係打邊爐啦🥘🥘 最arm同朋友一齊食，可以一次過食好多嘢 同朋友舒舒服服甘傾計 正！🍻🍻 對於眼闊肚窄但又有重度選擇困難症既人👉🏻🤦🏻‍♀️就係好消息！⓵重點推介呢度既牛魔王拼盤$268:有牛頸脊、牛柳粒、金錢展、手切肥牛；牛頸脊肥瘦分佈平均，放進湯裡來回幾趟已經食得，肉質鬆軟唔韌，肉味濃郁，口感一流，一食難忘，再食愛上😋😋⓶三秒響鈴$38: 的確放一放落湯度幾秒食 充滿湯汁 又保持脆卜卜❤️個湯底都好正，係🐷肺湯同埋沙爹！