炊豕店 (曉悅) (已結業)

🐷🍲🍚🥩🍜今次嚟到一間門面好特別，主要係食豬嘅台式餐廳☺️入面嘅坐位就唔算話好舒服同埋唔算近地鐵站，但勝在夠靜，同朋友吹下水都唔錯👍🏻👫酸菜白肉鍋 $78最近天氣凍冰冰最岩岩就食啲熱辣辣嘅野🥰呢個酸菜白肉鍋有啲似胡椒豬肚湯，酸酸辣火鍋辣咁好似食左個酸辣火鍋，啲豬肉都好滑，仲有金菇同娃娃菜做配料👍🏻秘製豬扒蔥油拌麵 $68份炸豬扒又大又厚，撈麵入面蔥油好香好惹味，啲汁連埋撈麵一齊食真係冇得頂滷水豬大腸 $28同出面滷水汁冇乜大分別同埋都有d 細份，不過勝在豬大腸滷得好入味👨🏻‍🍳同埋有d 芽菜係底下，吸曬d 滷水汁味好正😋整體嚟講唔錯，只係交通上唔太方便同埋坐位間有d 細

我自己就食蔥油豬扒拌面。豬扒份量夠，大食的朋友都應該會滿足。味道不錯。豬扒係有醃製過，外面炸得非常金黃香脆；裡面卻又柔軟多汁，口感非常之好，好吃，非常推薦。當然，你唔似我咁鍾意食麵多過食飯，叫蔥油豬扒飯都係好多人的熱門之選。同事就食鴨血鍋，聽過非常唔錯。鍾意食辣的朋友唔好錯過。

最近福華街一帶都開咗好多好有心思好特色嘅小店， 早兩日經過，見佢嘅店鋪裝飾都幾得意，主要係食豚肉，唔知水準如何， 估唔到又真係幾有驚喜<秘製豬扒配湯米線>豬扒真係好新鮮、好鬆脆、脆漿唔算好厚 ，而且分量相當之大。湯米線湯底都幾好清甜， 米線爽口！ 湯底鮮甜胡椒香味好突出<傻豬拌麵 沖繩豬軟骨>豬軟骨炆得好淋好夠味， 豬軟骨入口夠淋 同埋黏口，味道調配得剛剛好。鹵水拼盤有鹵水蛋、鹵水雞翼、鹵水豬腸、鹵水豬耳等等，而且仲有酸酸地嘅大豆芽，真係十分醒胃！

和同事一起來食lunch. 我食的大板燒豬排也炸得不錯，份量也頗多。 配菜有類似台式的紅腸，鹵水蛋半隻，和蓮偶片，味道可以，還有一碗小湯，內裡有粒大肉丸，不過湯的味道略咸。 這店本身食物OK, 不過不會再去，主要的原因係女服務員的態度好有問題，我同事只是入座人數弄錯，她即時給食客「反白眼」，非常不專重客人。而且執檯時弄跌餐具，唔好意思都冇句。

炊豕店有冬日限定menu!!天氣涷涷地就好想食d暖野, 呢個麻辣鴨血鍋就岩哂啦佢細細份一煲咁,一個人都唔怕會食唔哂個麻辣鴨血香辣又有咬口, 除此之外配料有粉絲可以盡吸湯底好惹味haha 加上娃娃菜又甜甜地~ 但點都要叫返個白飯嚟送另外叫左個沖繩豬軟骨飯, 半肥瘦又帶有軟骨的豬腩肉肉質軟嫩, 入口即溶又係送飯一流配料有白蘿蔔可以吸哂d湯汁, 仲有切片嘅爽口蓮藕中和返個口感食完就點左杯蜂蜜生薑茶, 成個人真係暖笠笠所以唔使一定要食炸豬扒ga!

炊豕店係朋友介紹俾我食，因為我鍾意食豬扒同埋蔥油撈飯，佢話呢間一定啱晒我，因為全部都係我鍾意食嘅嘢同埋份量超大一定夠飽😂，所以今日放工特登嚟朝聖。🐷蔥油豬扒飯 $64🍳加煎蛋 $8🥤加飲品 $6一上枱賣相滿分，煎蛋係我最愛嘅燶邊太陽流心蛋，豬扒仲大過我塊面，揭開雞蛋滿滿嘅蔥油💛🐷豬扒巳經切開4件方便進食，炸到外脆內軟，炸槳好薄包住爽口鬆軟帶少肥既豬扒，加上調味適中，超級好味👍🏻🍚飯亦煮得軟硬適中，加咗少少甜醬油，撈埋燶邊流心蛋黃🍳同埋蔥油一齊食，好鍾意，一啖蔥油撈飯一啖豬扒，簡直係人間美味。✨咁高質素，而且好大碗，但價錢非常相宜，真係性價比超高，必須回頭既餐廳💛💛

一間好評如潮嘅豬扒專門店，有時繁忙時間會出現人龍。喺佢哋嘅自我介紹裏面亦都強調自己專注做好豬扒嘅目標，希望喺多變嘅世界中依然可以為食客帶嚟一碗傳統嘅豬扒飯。我本身就唔係咁特別鐘意食豬，但係炊豕店嘅炸豬扒飯絕對有震撼到我！———————————-蔥油豬扒飯加煎蛋 $64 + $8第一個驚喜，炸漿脆薄唔界口，唔似日式吉列豬扒咁硬，係柔軟既，而且唔算太油，炸得好！ 第二個驚喜，豬扒既肉質好好！一般就算日式炸豬扒，有啲位可能會乾、會柴，其實都好正常。但係炊豬店嘅炸豬扒，係成塊都厚身多汁、好柔軟，我最後忍唔住問店員豬肉既產地，點解咁好食，但係佢話唔知道😂可能係商業秘密。最後係蔥油，香得來唔算太油，唔會話食到底成碗都係油，調味來講算係好好，咁好味，卡路里高少少都抵。——————————一碗做到極致嘅炸豬扒飯，可以食得出餐廳對品質嘅追求，食物嘅用心，難得難得！直接完勝日本嘅炸豬扒飯！希望餐廳一直保持呢種品質！專注一點做到極致，就係專家！炊豕店既炸豬扒係我食過暫時最好食🔥人生必試！推薦！ 各分店都係星期日休息🚫想朝聖要注意‼️

本身諗住食壽司郎，點知去到要等幾百張枱，最後決定放棄食壽司郎。於是喺附近行吓，就比我發現咗呢間「炊豕店」，淨係睇圖片已經覺得好吸引😋蔥油豬扒飯 $64，豬扒真係勁大塊，炸得很香脆，不會落太多炸粉。味道很濃，不會太鹹。飯既份量好多，仲有一大堆嘅蔥油，撈飯食簡直係一流🤤🤤🤤呢個配搭真係好邪惡，但係我真係好鍾意食蔥油撈飯😋大阪燒豬扒飯 $64，木魚份量非常多，而且上面淋左大阪燒醬汁，真係好似食緊大阪燒一樣。有大阪燒醬汁感覺上不會油膩，而且味道都幾夾👍🏻👍🏻👍🏻本身係叫唐揚炸雞塊 $32，店員話暫時沒有，介唔介意轉為鹽酥雞。一口炸雞方便進食😋😋😋睇完餐牌之後，客人可以根據自己嘅喜好自行填寫落單😋

朋友介紹長沙灣有一間豚肉嘅專門店，愛好豚肉既我，當然立即去一探究竟。果然成張餐牌有90%係豚肉菜式，每一樣都非常精美、令我食指大動😆蔥油豬扒飯～呢度嘅主打項目，我當然唔會錯過啦！一嚟到見到蔥油鋪滿整塊巨大豬扒！絕對可以用「衝擊眼球」嚟形容！蔥油包含咗白芝麻同其他調味料完全夠哂味！豬扒亦都係厚切又多汁，絕對唔會乾柴柴！炸漿仲要係超級薄，完全唔會食到一口都係油！沖繩豬軟骨飯～朋友點左呢一個香軟多汁嘅豬軟骨飯，加上蓮藕同白蘿蔔都係非常入味，佢話十分滿足！滷水雞翼～呢度嘅滷水汁係自家製嘅！就算食到幾飽，都要點滷水雞翼嚟食吓😝果然冇令我失望，雞皮依然係清爽，而且滷水嘅味道唔會過於濃味同咸，反而剛剛好！恰到好處！飲品以罐裝/支裝為主，乾淨衛生。

一睇店名就知道係食豬嘅專門店，喺香港較少用豬為主打嘅食店，所以絕對吸引到我去探店，門口有兩張細枱，別具一番風味😊喺餐牌見到啲食品都流晒口水，部份仲係非常獨特嘅口味，而店員提醒可選擇連餐牌都仲未update嘅麵食新產品😍既然係新出品，又點會錯過，用剔剔紙非常方便😀拌麵嘅汁料非常香，而且上面嘅魯肉肥瘦參半，非常惹味，招牌嘅炸豬扒更加係冇得輸，外層香脆，內裏非常鬆軟，當中都有一定嘅厚度，大滿足！蔥油豬扒飯～用熱油逼出䓤嘅香味，加上白芝麻同其他香料，絕對係獨有嘅味道，飯內亦加有豉油，呢個招牌菜，真心值得推介！

睇戲前係附近搵下有咩好食，見到呢間炊豕店係長沙灣都開左分店，就想食下。嗌左大阪燒豬扒飯（轉撈粗麵）：木魚份量非常多，而且上面淋左同大阪燒一樣味道嘅醬汁，而且豬扒炸得好香脆，亦唔會覺得好熱氣好油膩，亦唔會落得太多肉鬆粉搞到無左肉嘅質感粗麵亦都煮得岩岩好。之後嗌左個滷水拼盤，有雞翼，滷蛋，豬耳，大腸，雞腎。雞翼非常大隻，醃得好入味。雞蛋就正正常常啦。豬耳爽口彈牙，亦都幾大條。大腸唔會有臭味，食落去幾香。雞腎都好爽口，size幾大粒。前菜嗌左涼拌大豆芽，份量非常多，落左啲麻油去調味，亦加左少量豆卜，成碟黎講係幾好食，食落去好開胃！完全可以中和返岩先炸豬扒嘅飽膩感。飲品方面，係壹品豆漿，呢個正常無咩特別。另外嗌左杯蜂蜜生薑茶，非常中意呢杯，因為好養生！飲落去好重薑味，好滋補。食完炸野再飲返杯補品，絕對可以下火化痰！

「豕」: 豬也，由甲骨文演變過來。(音: 始)起初黎間餐廳，我哋都唔知呢個字點讀😂😂🙈 直到睇餐牌，先見到佢嘅介紹😌 依家係一間食豬嘅專門店，基本上全部都係豬🐷🐽 大部份都係豬扒嘅配搭🐽價錢相宜，又有唔同配菜可以自由配搭😌我哋揀咗一人一碗🥣🐽大阪燒豬扒飯：揀呢個因為我鍾意食沙律醬😜😜 大阪燒嘅醬汁再配上香脆可口嘅炸豬扒，令人食指大動👻 雖然我平時唔太鍾意食飯，但都撈沙律醬食咗好多😎🐽蔥油豬扒麵：依碗我哋轉左撈粗麵😬蔥油果然係呢度嘅招牌🤪🤪 又係撈麵之選😎 豬扒依然係脆卜卜😍我哋加多左一隻滷水蛋😂😂感覺上更加均衡飲食🧐加錢可以跟飲品，豆漿果汁柚子茶等等都有，都算有幾多選擇👻👻

原本都無諗住喺長沙灣食，點知經過呢間餐廳，見到門面乾乾淨淨就決定喺度食。食左半餐飯先發現原來牆身係一隻豬人合體🤣笑死餐廳裝修風格都幾特別下。餐廳都有唔少滷水小食揀，如果想試晒唔同小食，建議可以叫個滷水拼盤，除咗牛展，其他小食都齊晒。每個主食都好吸引，有豬手飯、肉燥飯、炸豬扒飯等等鍾意食香口嘢嘅朋友仲可以叫炸雞塊、炸蝦鳳尾蝦、炸魚旦今日叫咗個肉燥飯，配左隻滷水蛋。豬肉半肥瘦，好均勻，唔會太肥，而且好入味。肉操份量同飯嘅份量配合得剛剛好。朋友就叫咗大大件炸豬扒飯，偷偷地食咗佢一件，好好食！外脆內軟，肉汁鮮甜，而且好香豬扒味，配返少少薑蔥，鮮味大大提高。我哋都叫咗個滷水拼盤，豬大腸雞翼都好好食，而且好入味。

今日同男朋友係長沙灣睇完戲已經到夜晚，就係附近搵啲野食。戲院前少少有幾間餐廳，其中一間就偽炊豕屋😆，之後係銅鑼灣已經食過，估唔到佢係長沙灣開左分店，男朋友未食過，所以就同佢食左呢間😋 落單係自己寫紙，唔收加一服務費😜餐廳好寬躺、門口同入面都成間文青cafe咁，坐得好舒服😌。價錢都相當便宜，而且食物質素都好好😛🌟大阪燒豬扒飯 🍛 $64大阪燒既醬汁再配上日式木魚😙，有日本同台灣既味道，豬扒真係好大舊，有成隻碗咁大舊☺️，仲要唔會好厚炸粉，而家啲豬肉仲好滑身😄。🌟沖繩豬軟骨粗麵 🍜 $64本身係配飯，可以轉做粗麵同幼麵，我地簡左撈粗麵，面條唔會好乾身😃，豬軟骨啲骨都幾軟，唔洗點用力咬，幾岩我，份量都幾多，有成大舊仲有蘿蔔同埋蓮藕🥺🌟唐揚炸雞 🍖 $32炸雞係即叫即炸，出爐個陣仲好熱😽，啲雞都好滑，配埋蛋白醬，真係好好食。👍🏻

最近長沙灣曉悅一帶開咗好多特色餐廳，今日就試咗專賣豬扒既炊豕店店舖裝修比較簡約，感覺舒服，座位大約廿個到，如果星期六日嚟幫襯既朋友可能要早少少嚟喇！成個餐牌，基本上所有嘢都係同豬有關既！（慘慘豬）我就叫咗呢個大阪燒豬扒飯（$64）本身炸豬扒已經十分脆口，入口又非常鬆軟，加埋大阪燒醬汁就認真和味，加埋極多既柴魚片令個口感又再豐富啲。同行友人都試咗唔同款既豬扒飯，雖然都係豬扒，但每款飯風味、款式都好唔同，真係食多幾次都唔會悶