炑八韓烤 (青衣城1)

營業中

休息中

農曆八月十六，和家人相約在沐八晚餐，5個人點了一個＄828的套餐，再增加了牛肋骨和牛小排。套餐品種很豐富，份量夠大。 牛肋骨很份味，牛小排新鮮。期間職員也幫我們增加碎芝士粟米和換網。因為一家人傾得太開心而忘記了影相。

中秋佳節 同家人岀來吃烤肉！幸好預早book 位，去到唔使等！入去餐廳見到已經坐無虛席Order 中秋套餐優惠好多，叫左五花腩餐 最緊要有好多疏菜可以中和啲油膩😁😁店員有幫手剪同烤五花腩，好好既服務加左豬大腸，這個好難控制，好易烤焦，但成功烤到就真係好好味Order 人蔘雞湯，都幾好飲滿足！店員服務方面，只要招一招手，好快有侍應過黎幫忙，反應快，態度好，雖然坐滿食客，都招呼周到，係最難得嘅事！有一個愉快嘅一晚

打電話訂位，吾講要叫燒肉先有泡菜蛋同芝士粟米，入場吾講，我之前同朋友食過，係好食既，哩兩樣野，所以想再食多次，但問題入場都吾講，個XYZ帶入場後，只係話有兩個套餐揀，如果套餐吾岩可以散叫之後同事黎開爐，咁我都問多次，係咪可以免費再加（泡菜蛋同芝士栗米）個同事話可以，都係冇講要叫燒肉先有免費再加蛋同芝士到叫左野食，有個吾記得，好似係女同事，行埋黎問我仲燒吾燒，吾燒幫我熄左爐好啦，爐熄左，啲蛋未熟，我問另一個女同事，熄左爐，係咪都會熟架個蛋，我諗緊係咪個爐分兩部分，個蛋會照熟，之後佢叫我等等個XYZ再次出現，XYZ開頭係大條道理行埋黎問我，你叫吾叫燒肉，我話吾會叫，咁即係吾燒啦，我(XYZ)收左去我問佢點解訂位到入場到我問開爐個同事，你地都冇講，佢就問我啦，咁你燒吾燒丫（佢係用個丫尾音黎問我，吾係用呀尾音，哩個丫，係態度差到點先會用個‘’咁你燒吾燒丫‘’）你吾燒，我咪幫你收左個爐去，你可以選擇，吾叫我(XYZ)就收，叫我(XYZ)就放返係到我同佢講左，你地同事同你吾一早講，我問你開爐同事，話可以再加（免費）你咁樣行埋黎，直接問我叫吾叫，吾叫就收，我真心忍住到道，同佢講點解你冇人講，問都問左

平時都好鐘意食韓國野，前排放假同朋友黎左炑八食lunch，環境闊落坐得好舒服，午市定食都有好多選擇，價錢好抵食，另外都加左幾款燒肉，味道有驚喜前菜有多款選擇，除左沙律其他都係可以refill既，有泡菜、豆芽、紫菜等等，香口惹味午市定食今次揀左鐵板烤牛肉蕈菇飯同韓式豬肉泡菜炒飯烤牛肉經過調味香口惹味，用鐵板上熱辣辣好惹味，豬肉泡菜炒飯辣辣地大滿足特別要讚韓式醃漬豬五花好好食，豬五花肉味香濃，經過醃漬鹹鹹甜甜好惹味另外佢地仲有午昼燒肉時光，今次加左限定蔥蒜雞腿肉、蔥蒜牛五花同豬肋肉雞腿肉肉質軟嫩多汁，牛五花薄切口感豐富，豬肋肉油脂適中，相當多汁，整體黎講佢地既燒肉都好高質飲品方面揀左藍天使梳打同荔枝梳打，2杯賣相都好精緻，小編鐘意荔枝果杯多啲，酸酸甜甜有助解膩

最近發現咗一間豐富嘅韓式燒肉餐廳，佢哋提供嘅選擇多樣化，味道亦都唔錯。一坐低就先來一份爐邊蛋同爐邊芝士粟米。爐邊蛋係韓式燒肉最經典嘅配菜之一，蛋液滑溜；而爐邊芝士粟米，粟米甜甜嘅，加上融化嘅芝士，非常滿足。再配上一些傳統嘅 前菜小碟，例如泡菜、薯蓉同豆芽等，非常清爽。如果喺午餐時間去呢間餐廳，不妨試下佢哋嘅韓式豬肉泡菜炒飯，只需 $82。炒飯味道濃郁，豬肉同泡菜嘅酸辣好開胃。再加配一杯手打鮮橙茶$12，清新解渴。另一個推介嘅午餐選擇係牛肋骨（醬油）$218。牛肋骨用特製醬油醃製，肉汁豐富。飲品加配了荔枝梳打$12，清爽解膩。另外加配幾款特色菜式。首先係蔥蒜雞腿肉（5件）$48。雞腿肉嫩滑，加上蔥蒜嘅提味，燒完之後香氣四溢。其次係蔥蒜牛五花（5件） $48，牛五花肥瘦相間，加上蔥蒜更香。最後係豬肋肉（5件）$48，豬肋肉經過醃製，燒完之後外脆內嫩，肉汁豐富。

放假睇完“談判專家”喺商場食lunch,揀咗去炑八韓烤,入到去環境好寬闊,坐位唔會好逼夾!員工一嚟就準備咗泡菜,酸蘿蔔,芽菜,生菜等等,本人勁鍾意食泡菜,唔覺唔覺食咗好幾轉 ,仲有爐邊芝士同蛋都好好食!呢啲都係可以無限追加！👍🔥鐵板烤牛肉蕈菇烤牛肉香嫩不韌,飯吸收肉汁再配溏心蛋食好好味！🔥韓式醃漬豬五花五花腩燒到外面金黃色微微焦香, 肉質非常彈牙, 加埋泡菜,點埋醬汁,用生菜包住食,好滋味🤤🔥追加咗用蔥蒜醃過嘅雞腿肉,牛五花,豬肋肉一樣好食!雞腿肉好肉嫩,牛五花脂肪同肉分布平均,肉味濃,豬肋肉燒完肉質好爽,正!食燒肉配消暑飲品👍🍓士多啤梨乳酸梳打🍹梳打清甜爽口,有原粒士多啤梨,開胃解渴！🍊柑橘鮮茶果茶🍹有鮮橘肉,可以解除肉嘅油膩感！

話說今日同朋友諗食乜嘢，諗返起青衣城有間炑八，見未試過就想試吓佢個lunch，朋友之前有食過，都話幾好食。點知呢一試真係一生難忘。朋友嗌咗個烤牛肉蛋包飯$78有杯嘢飲，杯嘢話係果茶，點知淨係食飲到勁淡嘅菠蘿味冇乜茶味，好似開咗水咁，仲要成杯都係碎冰。個飯上到嚟凍嘅，好似冇整熱過直接攞上嚟咁。後面朋友仲要同我講返，食完之後肚痛。本人就嗌咗個韓式炒粉絲$68同樣係飲果茶。個粉絲上得有啲慢吹咗一次單之後大概等多5分鐘就出咗餐，但係見佢攞上嚟盤嘢都係熱嘅識出煙嘅就算啦。點知一放入口，好鹹！唔知發生咗啲咩事，請問廚師係咪手震？食咗兩啖已經咸到食唔落。嘢食講完，到環境。如題，我哋嗌完嘢食之後見到有隻大大隻嘅米奇由天花板跑咗落嚟，最後唔知去咗邊。朋友都有嗌「有老鼠」，相信店員都有注意同有聽到，但係佢哋嘅反應係好似習以為常咁，照樣佢有佢跑，佢有佢出餐。總之今次嘅整體用餐非常失望，如無意外都不會再光顧。

呢两日落黎食飯，本身谂着系餐厅邊食邊玩電話，一入到來就奇怪點解連結唔到Wi-Fi，但係之前都可以連到Wi-Fi，一問服務員點解無左Wi-Fi既，問完話Wi-Fi壞左，突然之間都唔想食，雖然話d嘢都幾好味既，但係體驗感同之前比就差左好多

好耐無食燒肉，好想食韓燒~今日經過青衣城即刻叫埋牛魔王朋友一齊食。以我所知這裡的韓燒午餐都幾抵食，燒蛋、芝士粟米、前菜都可以refill。牛魔王話事，叫咗個牛肋骨和牛燒肉飯。牛肋骨份量十足肥瘦均勻，食到手指公都豎起！另外，和牛燒肉飯的和牛入口即溶，好食到無得頂！我哋加配了蔥蒜雞腿肉、牛五花&豬肋肉，十分豐盛。樣樣都高質又好食我最喜歡用菜加塊肉加拉絲粟米和泡菜包埋一齊食，超正~叫埋皇牌士多啤梨乳酸梳打&柑橘鮮橙果茶，兩杯都各有風格，甜甜酸酸很醒胃。這裡抽風好好，食完唔會成身燒肉味，上菜速度亦好快，滿意的一餐！

以往食燒肉都好貴，今次介紹一間幾抵食嘅韓式燒肉，位於青衣城一期，假日相當多家庭客捧場。午市Menu都幾抵食，一個set一百蚊內，就可以食到燒肉，亦都有唔同嘅韓式主食可以揀。今次燒肉就揀咗醬油牛肋骨餐，再追加幾款肉。先嚟一大堆前菜，有齊沙律、泡菜、芽菜海帶、薯仔沙律、四季豆，淨係食前菜都飽！牛肋肉分量相當多，可以自己剪成中意嘅分量，牛肋肉醃得好入味，好有牛味，完全唔嚡唔韌。仲附送埋生菜，包埋肉一齊食減低油膩感。其他追加項目有蔥蒜雞腿肉、蔥蒜牛五花、豬肋肉，一樣好食！仲有爐邊蛋同芝士粟米，記得留肚食。另一份主食叫咗韓式豬肉泡菜炒飯，鐵板上熱辣辣，飯炒得好入味，撈埋芝士食好邪惡！飲品加錢升級叫咗柑橘鮮茶果茶同士多啤梨乳酸梳打，好消暑！

來到青衣城食韓國菜，我沒有食韓燒，而係午市套餐，叫咗一個部隊鍋拉麵，亦配一杯飲品以及一款前菜可以無限添食。前菜叫了泡菜以及大豆芽，味道亦是正常，最好是有得無限食但最伏的就是叫了部隊鍋拉麵，味道超級奇怪，我以為是不夠泡菜，於是我將前菜的泡菜放入鍋底希望增加泡菜的味道而減少奇怪的味道，但亦是非常之難食，整個面我完全食不落😐😐整體嚟講其他食物亦是正常，但千祈不要叫這個部隊鍋拉麵，因為真是完全不是部隊鍋的味道，而是我覺得有浸好像花生醬加了入去的味道，非常古怪

食個豐富嘅燒肉午餐，抵食在燒蛋同芝士粟米都可以refill！同埋試吓最近人氣嘅月見芝士和牛漢堡！上菜速度亦好快！有幾款前菜，薯蓉、泡菜、芽菜海帶、沙律等等，另外仲有生菜俾你包肉食～月見芝士和牛漢堡套餐（ $58 ）牛漢堡大件厚實，可以放喺個網上面再燒一燒，切開入邊好多肉汁！配埋芝士同醬汁送飯一流！蔥蒜雞腿肉（ $48 ）叫咗幾款都係蔥蒜系列，好鍾意呢個調味！蔥蒜牛五花餐（ $94 ）套餐可以加配唔同嘅飯，我哋要咗麻藥蛋紫菜飯，超正！豬肋肉（ $48 ）推薦，燒完之後口感好爽！手打鮮橙茶及士多啤梨果茶（各 $48 ）個人比較喜歡Fresh一點嘅鮮橙茶多啲～⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 8/10服務： 8/10環境： 8/10打卡： 7/10推介值：8/10⋯⋯⋯⋯⋯⋯⋯⋯⋯⋯⋯⋯⋯⋯⋯⋯⊃✎⁾⁾喜歡呢個分享可以俾個”心心”( ´͈ ᗨ `͈ )◞‎♡⃛

Weekend下午約咗朋友喺青衣城食lunch傾吓偈😙見炑八環境幾闊落幾好坐，燒肉又可以一邊燒一邊傾偈，而且lunch set性價比仲好高添🤑 🍳月見芝士和牛漢堡套餐 ($58)和牛漢堡超大份🤩好厚身肉汁豐富，漢煲扒本身已經熟，只要將佢放喺爐上輕輕再燒一陣，已經好香🤤趁熱辣辣時先再放芝士喺面，配埋蛋黃同醬汁，輕鬆食晒成碗飯🤫🤫🥩午昼燒肉時光自選配搭套餐 (三品$88)套餐可以自選三款肉，我哋揀咗嚴選牛肉、梨汁雞腿肉、梨汁牛肋條，一次過滿足哂三個願望😚追加：🐮蔥蒜牛五花($48)🐷豬肋肉($48)🐥蔥蒜雞腿肉($48)無論燒肉Set定係追加嘅肉款選擇都好多，而且性價比好高😌用蔥蒜醃過嘅肉帶濃濃嘅蒜香，梨汁嘅就清甜開胃，全部都好高質😄嚴選牛嘅脂肪同肉紋路分布平均，肉味濃之餘唔會太油膩😋除咗燒肉，仲有前菜都係好多花款，仲無限refill😋爐邊粟米芝士同泡菜蛋真係好正🤤香濃嘅粟米芝士，烘得熱辣辣，店員仲會主動幫我哋Refill好邪惡🤭🤭🍊手打鮮橙茶($48)🍓士多啤梨果茶($48)

相信大家對呢間餐廳都唔陌生 事關屹立在香港咁多年淨係覺得佢嘅分店越開越多🙌🏻咁多人支持一定有佢原因🤤==============================𝐅𝐨𝐨𝐝 𝐋𝐢𝐬𝐭📌食韓國嘢最開心就係有超級多前菜😍變相好似多咗幾個餸咁😂🍔月見芝士和牛漢堡 呢個漢堡認真巴閉🤤足足有三隻手指咁厚 輕輕兩邊燒兩燒仲可以自己加醬汁或者芝士🤩邪惡指數100💯只不過咁 你係甘心會大啖大啖咁食🤤套餐仲有配沙律🥗成件事即刻冇咁邪惡🙌🏻沙律清新加咗少少胡麻醬特別開胃好食👏🏻🐣蔥蒜雞腿肉 想特別大贊佢嘅蒜蓉同埋蔥 一啲都唔吝嗇 老實講我冇乜點佢嘅調味醬 因為就咁靠佢本身嘅肉味加上蒜香味已經好夠🤤係非常好食🙌🏻🐷蔥蒜五花肉 五花肉又係冇得輸 肥瘦均勻 油脂爆出嚟嗰個感覺真係不得🤤🐷豬肋肉 而家諗返起都想encore😋🍓士多啤梨果茶&🍊西柚果茶 食完濃味嘅肉 梗係飲番杯清新嘅果茶 好fresh好好飲🤩

午飯時段也那麼爆場，炑八真的令我好訝異！座位間隔雖然緊密，但是私隱度良好，服務也10分好，每間炑八的軟件配套從未令我失望主因是午市時段的價格，是茶餐廳的價錢，燒鵝的味道！🍳🍔月見芝士和牛漢堡套餐$58.00超厚的漢堡和牛扒，搭配一塊快溶芝士🧀️跟生食雞蛋🥚漢堡本身已熟，烤熱再加入月見跟芝士拌飯，簡單但超好吃！🐷🐮自選配搭套餐(選四) $118.00醬油豬五花蔥蒜牛五花韓國豬梅肉韓牛前胸肉早已醃好的豬牛五花油香滿滿，烤至火舌彈起即表示油香已被釋放，加入豆瓣醬夾着生菜同吃，一剛一柔，天丫超正！豬梅肉跟牛前胸醃得入味但厚，放在側邊位置烤更適合，無需沾醬！🐓🐄🐖(加配)葱蒜雞腿肉$48.00(加配)葱蒜牛五花$48.00(加配)豬肋肉$48.00同樣比較厚，細火爐側慢慢煮就好！油花適中🥤手打鮮橙茶$48.00士多啤梨果茶$48.00士多啤梨果茶酸中帶點甜，解膩一流！橙茶略帶甜味，比較像甜品🥬還未計他們的前菜任點任吃，包括圍爐泡菜蛋，芝士粟米，泡菜，菠菜，醃蘿蔔，豆芽，清清腸胃也不錯性價比也太高了吧！炑八韓烤 (青衣城1) (青衣)青衣青敬路31-33號青衣城1 1樓119B號舖